రాజమౌళి, ఎన్టీఆర్ కాంబో మూవీ యమదొంగ ఫేం హీరోయిన్ మమతా మోహన్ దాస్ ప్రధాన పాత్రలో నటించిన చిత్రం ‘లాల్ బాగ్’. ఐటి బ్యాక్ డ్రాప్ లో సాగే థ్రిల్లర్ జానర్ లో తెరకెక్కింది ఈ సినిమా. సంపత్ కుమార్ సమర్పణలో సెలెబ్స్ అండ్ రెడ్ కార్పెట్ బ్యానర్ పై రాజ్ జకారియా ప్రొడ్యూస్ చేస్తోన్న ఈ మూవీ తెలుగు టైటిల్ ఫస్ట్ లుక్ పోస్టర్ రిలీజ్ చేశారు. ప్రస్తుతం డబ్బింగ్ కార్యక్రమాలు జరుపుకుంటున్న ఈ సినిమాను మే నెలలో విడుదల చేసేందుకు సన్నాహాలు చేస్తున్నారు.
చాలా రోజుల తర్వాత మమతామోహన్ దాస్ ఓ బలమైన పాత్రలో కనిపించబోతోంది. అన్ని వర్గాల వారిని ఆకట్టుకునే అంశాలతో వస్తోన్న ఈ మూవీలో మమతా మోహన్ దాస్ తో పాటు నందినిరాయ్, సిజోయ్ వర్ఘిస్, రాహుల్ దేవ్ శెట్టి(బాలీవుడ్ యాక్టర్), రాహుల్ మాధవ్, అజిత్ కోషీ ఇతర కీలక పాత్రల్లో నటించారు. సంగీతం రాహుల్ రాజ్ అందించారు.

సర్కారు వారి పాట తర్వాత మహేశ్ బాబు, త్రివిక్రమ్ కాంబినేషన్ లో ఓ సినిమా రానున్న సంగతి తెలిసిందే. రాజకీయాల నేపథ్యంలో ఈ సినిమాను భారీగానే ప్లాన్ చేస్తున్నట్టు తెలుస్తోంది. అయితే ఇందులో హీరోయిన్ గా ఇస్మార్ట్ భామ నిధి అగర్వాల్ పేరు వినిపిస్తోంది. ప్రస్తుతం పవన్ కల్యాణ్ సరసన హరిహర వీరమల్లు సినిమాలో సందడి చేస్తోన్న నిధి…త్వరలోనే మహేశ్ బాబుతో ఆడిపాడనుందని సమాచారం.
నిజానికి ఈ సినిమాలో పూజాహెగ్దే పేరు వినిపించింది. ఎలాగూ డైరెక్టర్ త్రివిక్రమ్ తన సినిమాల్లో హీరోయిన్స్ ను రిపీట్ చేస్తుంటారు. త్రిష నుంచి మొదలెడితే ఇలియానా, సమంతా, పూజాహెగ్దే లాంటి వాళ్లు త్రివిక్రమ్ రెండేసి చిత్రాల్లో కనిపించిన వారే. అలాగే అరవింద సమేత, అల వైకుంఠపురంలో చిత్రాల తర్వాత మళ్లీ పూజాహెగ్దేనే రిపీట్ చేస్తారనే వార్తలొచ్చాయి. అయితే అనూహ్యంగా మహేశ్ సినిమా కోసం నిధి పేరు తెరపైకొచ్చింది. మరి నిధి అగర్వాల్ సెకండ్ హీరోయిన్ గా కనిపిస్తుందా లేదంటా లీడ్ హీరోయిన్ గా హోరెత్తిస్తుందా తెలియాలంటే మరికొన్ని రోజులు ఆగాల్సిందే.

అందరు హీరోలు వరుసగా సినిమాల్ని లైన్లో పెడుతున్నారు. కానీ బన్నీ మాత్రం ఇంత వరకూ నెక్ట్స్ సినిమా విషయంలో క్లారిటీ ఇవ్వలేదు. హ్యాట్రిక్ కాంబినేషన్లో ప్రజెంట్ సుకుమార్ తో చేస్తున్న పుష్ప సినిమా 70 పర్సెంట్ కంప్లీట్ కూడా అయిపోయింది. ఇక మిగిలిన 30 పర్సెంట్ కంప్లీట్ చేసి ఆగస్ట్ కి రిలీజ్ చేసేస్తే ఇక బన్నీ ఖాళీయే. అందుకే నెక్ట్స్ సినిమా మీద ఫోకస్ చేసాడు బన్నీ.

అల్లు అర్జున్ నిజానికి కొరటాల శివతో సినిమా అనౌన్స్ చేసాడు. ఆ సినిమా నెక్ట్స్ సంక్రాంతికి రిలీజ్ అని కూడా పోస్టర్ ఇచ్చారు. కానీ అంతలోనే కొరటాల ఎన్టీఆర్ వైపు షిఫ్ట్ అవ్వడంతో ఇప్పుడు బన్నీ నెక్ట్స్ సినిమా గురించి టాపిక్ నడుస్తోంది. అయితే బన్నీ అంతకుముందే వేణుశ్రీరామ్ తో ఐకాన్ సినిమా కమిట్ అయ్యాడు. ఆల్ మోస్ట్ షూటింగ్ స్టేజ్ వరకూ వెళ్లిన ఈ సినిమా అర్దాంతరంగా ఆగిపోయింది. వకీల్ సాబ్ తో మళ్లీ బ్యాక్ బౌన్స్ అయిన వేణుతో ఐకాన్ ని స్టార్ట్ చేస్తున్నట్టు దిల్ రాజు అఫీషియల్ గానే చెప్పారు. అయితే బన్నీ మాత్రం ఇంకా క్లారిటీ ఇవ్వలేదు. దిల్ రాజు కూడా హీరో ఎవరన్నది ప్రకటించలేదు.

వేణుశ్రీరామ్ తో ఐకాన్ సంగతి క్లారిటీ కోసం వెయిట్ చేస్తున్న ఫ్యాన్స్ కి సడెన్ గా ప్రశాంత్ నీల్ లైన్లోకి వచ్చేశారు. ప్రజెంట్ ప్రభాస్ తో సలార్ సినిమా చేస్తున్న ప్రశాంత్ నీల్ డిసెంబర్ నాటికి ఈసినిమా కంప్లీట్ చేసేస్తే ఇక జనవరి నుంచి బన్నీతో సినిమాని పట్టాలెక్కించొచ్చని ప్లాన్ చేస్తున్నారట అటు బన్నీ-ప్రశాంత్ నీల్. బన్నీకి కన్నడ లో మంచి మార్కెట్, ఫాలోయింగ్ కూడా ఉండడంతో ప్యాన్ ఇండియా వర్కవుట్ అవుతుందని ప్లాన్ చేస్తున్నారు. మరి ఇన్ని ఆప్షన్స్ లో అల్లు అర్జున్ ఏ డైరెక్టర్ తో తన నెక్ట్స్ సినిమా అనౌన్స్ చేస్తాడో అని ఎదరుచూస్తున్నారు ఫ్యాన్స్ .

కింగ్ నాగార్జున త్వరలోనే ఓటీటీ రంగ ప్రవేశం చేయనున్నారు. తనకు రెండు
నేషనల్ స్థాయి వెబ్ సిరీస్ లలో ఛాన్స్ వచ్చిందనీ…అవి రెండూ సూపర్ ఎగ్జయిట్ చేసేవే
అన్నారు నాగార్జున. తాజాగా నాగ్ నటించిన వైల్డ్ డాగ్ సైతం నెట్ ఫ్లిక్స్ రిలీజై ట్రెండ్ అవుతోంది. మరోవైపు ప్రవీణ్ సత్తారు డైరెక్షన్ లో కాజల్ హీరోయిన్ గా… రా ఎజెంట్స్ నేపథ్యంలో ఓ సినిమాలో నటిస్తున్నారు నాగార్జున. ఆ తర్వాత సోగ్గాడే చిన్ని నాయనా ప్రీక్వెల్ బంగార్రాజులో నటించబోతున్నారు. వీటితో పాటే వెబ్ సిరీస్ లో కనిపించాలనుకుంటున్నారు నాగ్.

అక్కినేని కోడలు సమంతా ముందుగా ఓటీటీ ఎంట్రీ ఇచ్చింది. ఆమె హిట్ సిరీస్ ఫ్యామిలిమెన్ 2లో నటించారు. ఇందులో సామ్ ఉగ్రవాదిగా కనిపించనున్నారు. అమెజాన్ ప్రైమ్ లో ఎప్పుడో రిలీజ్ కావాల్సిన ఈ సిరీస్ చాలాసార్లు వాయిదాపడింది. ఎప్పుడు విడుదల అన్నదానిపై సరైన క్లారిటీ లేదు. అలాగే ఆహా లో సామ్ జామ్ అంటూ సందడి చేసిన అనుభవం అక్కినేని కోడలికుంది. అంతేకాదు నాగచైతన్య సైతం త్వరలోనే వెబ్ సిరీస్ లో నటించనున్నాడనే వార్త హల్చల్ చేస్తోంది. ఇలా అక్కినేని ఫ్యామిలీ ఒక్కొక్కరిగా ఓటీటీ కోసం బిజీ అవుతున్నారు.

మెగాస్టార్ చిరంజీవి – డైరెక్టర్ కొరటాల శివ కాంబినేషన్ మూవీ ఆచార్య వాయిదాపడినటట్ తెలుస్తోంది. నిజానికి మే 14న చిరూ ఆచార్యతో వస్తానని ప్రకటించారు. టీజర్ లో కూడా మే 14ను మెక్షన్ చేసారు. కానీ అనూహ్యంగా కరోనా విజృంభిస్తుండటంతో పోస్ట్ పన్ తప్పేలా లేదు మేకర్స్ కి. అందుకే ఏక్ సే ఏక్ డైరెక్ట్ ఆగస్టుకు ఆచార్య వాయిదా పడినట్టు సమాచారం. ఈ మేరకు దర్శకుడు కొరటాల శివ నుంచి తమకు స్పష్టమైన ఆదేశాలు అందాయని పంపిణీ వర్గాల్లో గుసగుసలు వినిపిస్తున్నాయి.

మరోవైపు మెగాస్టార్ ఆచార్య సినిమా సెట్ గురించి ఇండస్ట్రీలో భారీ డిస్కషన్ నడుస్తోంది. ఈ సినిమా కోసం హైదరాబాద్ కోకా పేటలో.. దాదాపు 20 ఎకరాల్లో.. 20 కోట్లతో భారీ సెట్ ను నిర్మించారు. అంతే కాదు ఈ సెట్ ఒక పాట కోసమో.. ఒక సీన్ కోసమో కాదు.. దాదాపు 60 శాతం షూటింగ్ అక్కడే కంప్లీట్ చేశారట టీమ్. దాదాపు అరగంటకు పైగానే రామ్ చరణ్ కనిపించే ఈ సినిమాలో పూజా హెగ్దే ఆయనకు జోడీగా గిరిజన యువతిగా కనిపించబోతుంది. అటు చిరంజీవి జంటగా కాజల్ కిచ్లూ రచ్చచేయనుంది.

అంతకుముందు చిన్నా చితకా క్యారెక్టర్స్ చేసినా… సుకుమార్‌ డైరెక్ట్ చేసిన ‘రంగస్థలం’ సినిమాలోని రంగమ్మత్త పాత్రతో క్రేజీ స్టార్ గా మారింది అనసూయ. ఇప్పుడు మళ్లీ సుకుమార్‌ కాంబినేషన్ లో పనిచేసేందుకు సిద్ధమైంది. అల్లు అర్జున్ పుష్ప చిత్రంలో అనసూయ ఓ కీ రోల్ చేస్తోంది. ‘‘మంచి రోజులు ముందున్నాయి…సుకుమార్‌తో మళ్లీ సినిమా చేయడం హ్యాపీగా ఉంది’’ అని పోస్ట్ చేసింది. ‘పుష్ప’ షూటింగ్ లో అడుగుపెట్టిన సంగతిని తన సోషల్ మీడియా అకౌంట్ ద్వారా పోస్ట్ చేసింది అనసూయ.

‘పుష్ప’ మాత్రమే కాకుండా రవితేజ హీరోగా వస్తోన్న ‘ఖిలాడి’, కృష్ణవంశీ దర్శకత్వం వహిస్తున్న ‘రంగమార్తాండ’ సినిమాల్లో నటిస్తుంది అనసూయ. అలాగే అనసూయ ప్రధానపాత్రలో తెరకెక్కిన డిఫరెంట్ మూవీ ‘థ్యాంక్యూ…బ్రదర్‌’ మూవీ ప్రముఖ ఓటీటీలో స్ట్రీమింగ్‌ కాబోతుంది.

కెరీర్ స్టార్టింగ్ లో ఎవరూ పెద్దగా పట్టించుకోకపోయినా .. ఏమాత్రం డిసప్పాయింట్ అవ్వకుండా తన టైమ్ కోసం వెయిట్ చేసింది పూజాహెగ్డే . దెబ్బకి బ్యాక్ టూ బ్యాక్ ఆఫర్స్ తో అందరి స్టార్ హీరోల సరసన నటిస్తూ..స్టార్ హీరోయిన్ అయిపోయింది. అందుకే ఫ్యాన్స్ కూడా అంతలా పెరిగిపోయారు సోషల్ మీడియాలో . మరి హీరోయిన్స్ లో టాప్ నంబర్ ఫాలోయింగ్ తో థర్డ్ ప్లేస్ లో ఉన్న ఈ ముద్దుగుమ్మని ఎంత మంది ఫాలో అవుతున్నారో తెలుసా..?

తెలుగులో ఎన్టీఆర్ తో అరవిందసమేత చేసి బంపర్ హిట్ కొట్టిన పూజా..మహేష్ తో మహర్షి సినిమా చేసింది. బన్నీతో అలవైకుంఠపురంలో సినిమా చేసి బ్లాక్ బస్టర్ హిట్ కొట్టి మోస్ట్ వాంటెడ్ హీరోయిన్ అయ్యింది పూజాహెగ్డే. ఈ సక్సెస్ లతోనే ఆడియన్స్ కి ఇంకా క్లోజ్ అయ్యింది ఈ బుట్టబొమ్మ. సినిమాలతోనే కాదు .. సోషల్ మీడియాలో కూడా ఎప్పటికప్పుడు అప్ డేట్స్ ఇచ్చే ఈ ముద్దుగమ్మ ఇప్పుడు కోటి 30 లక్షల మంది ఫాలోవర్స్ తో టాప్ త్రీ ప్లేస్ ని కొట్టేసింది.

మొన్న మొన్నటి వరకూ సౌత్ లో సమంత, రష్మి, తమన్నా ఈ రేంజ్ ఫాలోయింగ్ తో ముందుంటే..ఇప్పుడు తమన్నాని దాటేసి థర్డ్ ప్లేస్ లోకి వచ్చేసింది పూజాహెగ్డే. ఏ షూట్ కి వెళ్లినా , సెట్ కి వెళ్లినా,, అసలు షూటింగ్ లేకుండా ఇంట్లో ఉన్నా లేక డిన్నర్ కో , రెస్టారెంట్ కో వెళ్లినా..ఇలా ఏం చేసినా సోషల్ మీడియాలో పోస్ట్ పెట్టేస్తుంది పూజాహెగ్డే .

తెలుగు, హిందీ, తమిళ్ ఇలా సౌత్ తో పాటు నార్త్ లో కూడా సినిమాలతో దున్నేస్తున్న పూజాహెగ్డే .. వరుస సక్సెస్ లతో దూసుకుపోతోంది. ఏమాత్రం యాటిట్యూడ్ చూపించకుండా సింపుల్ గా ఉండే తన నేచర్ తోనే ఆడియన్స్ ని కోట్లలో సంపాదించుకుంటోంది ఈ పొడుగు కాళ్ల భామ. ప్రభాస్ తో రాధేశ్యామ్ సినిమాతో పాటు అఖిల్ తో మోస్ట్ ఎలిజిబుల్ బ్యాచిలర్ సినిమాల రిలీజ్ కోసం వెయిట్ చేస్తోంది.

మొత్తానికి అన్న మాట నిలబెట్టుకుంటున్నాడు మోస్ట్ వాంటెడ్ భాయ్. సల్మాన్ ఖాన్ వాంటెడ్ మూవీ కి అనఫీషియల్ సీక్వెల్ గా తెరకెక్కిన రాధే మూవీ రిలీజ్ కు రెడీ అవుతోంది. ప్రతి రంజాన్ పండుగకి తన సినిమా రిలీజ్ చేసి జోష్ పెంచే సల్మాన్ ..లాస్ట్ ఇయర్ మిస్ అయినా ఈ సారి మాత్రం డబుల్ యాక్షన్ పవర్ ప్యాక్డ్ రోలర్ కోస్టర్ రైడ్ ని రెడీ చేస్తున్నారు.

దబాంగ్ 3 హిట్ తర్వాత ప్రభుదేవాతోనే రాధే సినిమా కమిట్ అయ్యారు సల్మాన్. దిశా పటానీ జంటగా చేసిన్న ఈ సినిమా హై ఓల్టేజ్ యాక్షన్ తో తెరకెక్కి ఆడియన్స్ లో ఎక్స్ పెక్టేషన్స్ పెంచేసింది. ప్రతి సంవత్సరం ఈద్ కి కంపల్సరీగా సినిమా రిలీజ్ చేసే సల్మాన్ లాస్ట్ ఇయర్ కోవిడ్ తో మిస్ అయ్యారు . అందుకే ఈ సంవత్సరం రాధే తో డబుల్ యాక్షన్ ఎంటర్ టైన్ మెంట్ ఇస్తానంటున్నారు సల్మాన్ ఖాన్ .

సల్మాన్ ఖాన్ హీరోగా సిజిలింగ్ బ్యూటీ దిశా పఠానీ హీరోయిన్ గా , రణదీప్ హుడా విలన్ గా తెరకెక్కిన ఈ యాక్షన్ ఎంటర్ టైనర్ ప్రభుదేవా డైరెక్షన్లో ఈ రంజాన్ మే 13 న రిలీజ్ కు రెడీ అవుతోంది. రాధే నిజానికి లాస్ట్ ఇయర్ రంజాన్ కే రిలీజ్ ప్లాన్ చేసినా లాక్ డౌన్ లో అది కుదరలేదు . అయితే ఈ సంవత్సరం కూడా కోవిడ్ సెకండ్ వేవ్ తో రిలీజ్ కష్టమనుకున్నారు కానీ సల్మాన్ మాత్రం సినిమాని మే 13నే అటు ధియేటర్లో, ఇటు పే పర్ వ్యూ పద్ధతిలో డిష్ టీవీ, టాటా స్కై, డి టు హెట్, జీ ప్లెక్స్, ఎయిర్ టెల్ డిజిటల్ వంటి వాటిలో రిలీజ్ కానుంది.

సల్మాన్ సినిమా ..ఆపై సౌత్ డైరెక్టర్ ప్రభుదేవా కాంబినేషన్ ..మరి ఈ క్రేజీ కాంబినేషన్ కి సౌత్ టచ్ లేకుండా ఎలా ఉ:టుంది. ఇప్పటికే రిలీజ్ అయిన ట్రైలర్ లో ప్రభుదేవా-సల్మాన్ కాంబినేషన్ లో ఫస్ట్ వచ్చిన వాంటెడ్ మూవీ క్రేజీ డైలాగ్ వాడేశారు . అంతే కాదు .. సల్మాన్ కి కూడా సౌత్ మీద ఇంట్రస్ట్ ఉండడంతో తెలుగులో సూపర్ హిట్ అయిన డిజె మూవీ లో బన్నీ సీటీమార్ సాంగ్ మీద మనసు పడ్డారు.

తెలుగులో సూపర్ హిట్ అయిన సీటీ మార్ సాంగ్ ని సల్మాన్ ఖాన్ తన రాదే సినిమాలో వాడేసుకున్నారు. బాలీవుడ్ వెళ్లినా, ఏ స్టార్ హీరోతో సినిమా చేసినా, సౌత్ టచ్ , ఫ్లేవర్ తోనే సినిమాలు కంటిన్యూ చేస్తున్న ప్రభుదేవా .. సీటీ మార్ సాంగ్ తో సల్మాన్ చేత స్టెప్పులేయించి ఇటు సౌత్ ఆడియన్స్ ని కూడా ఫిదా చేశారు. సల్మాన్ ఖాన్ ఫ్యాన్స్ కి ముందే ప్రామిస్ చేసినట్టు ..ఫుల్ పవర్ ప్యాక్డ్ యాక్షన్ ఎంటర్ టైనర్ ని ఈద్ కి థియేటర్లోకి తీసుకొస్తున్నారు.

హ‌ హ‌ హాసిని… అంటూ టాలీవుడ్ ప్రేక్ష‌కులను ఫిదా చేసిన హీరోయిన్ జెనీలియా. బొమ్మరిల్లు చిత్రంతో సూపర్ సక్సెస్ అందుకున్న ఈ స్మైలింగ్ క్వీన్ తర్వాత దాదాపు తెలుగు స్టార్ హీరోలందరితో కలిసి నటించింది. బాలీవుడ్ లోనూ కొన్ని సినిమాల్లో మెరిసింది. కెరీర్ మంచి స్థాయిలో ఉండగానే బాలీవుడ్‌ హీరో రితేష్‌ దేశ్‌ముఖ్‌తో ప్రేమలో పడి వివాహం చేసుకుంది. అయితే పెళ్లి తర్వాత సినిమాలకు బైబై చెప్పేసి ఇద్దరు పిల్లలకు తల్లైన జెనీలియా… సోషల్‌ మీడియాలో ఎప్పటికప్పుడు అప్ డేట్స్ ఇస్తూ ఉంటుంది. భర్త కం హీరో రితేష్‌తో ఫన్నీ వీడియోస్ పోస్ట్ చేస్తూ యాక్టివ్ అండ్ ఎనర్జిటిక్ జంటగా పేరుతెచ్చుకుంది రితేష్, జెనీలియా జంట.
రీసెంట్ గా టాలీవుడ్‌ రీ ఎంట్రీకి రెడీఅయిందట జెనీలియా. ఎనర్జిటిక్ స్టార్ రామ్‌తో కలిసి ఓ సినిమా చేయబోతున్నట్లు వార్తలొస్తున్నాయి. వీరిద్దరు జంటగా నటించిన రెడీ సూపర్ హిట్ కొట్టిన సంగతి తెలిసిందే. అప్పటినుంచి రామ్ తో జెనీలియా దంపతులకు మంచి రిలేషన్ షిప్ ఏర్పడింది. రామ్ ముంబై వెళ్లినా…జెనీలియా జంట హైదరాబాద్ వచ్చినా తప్పక కలుసుకుంటారు. సో ఇన్నాళ్లకు మళ్లీ రామ్ సినిమాతో జెనీలియా కనిపించబోతుందనే వార్త ఫ్యాన్స్ లో ఉత్సాహాన్ని రేపుతుంది.

“హక్కుల కంటే బాధ్యత గొప్పదన్నది- రామతత్త్వం! కష్టంలో కలిసి నడవాలన్నది- సీతతత్త్వం! అందరికీ శ్రీ రామ నవమి శుభాకాంక్షలు ! పుణ్య దంపతులైన సీతా రాముల శుభాశీస్సులతో మనందరి మనసులు ఎప్పుడూ మంచి ఆలోచనలతో నిండాలని ఆశిస్తున్నాను !!” అంటూ మెగాస్టార్ చిరంజీవి ప్రజలకు శ్రీరామనవమి శుభాకాంక్షలు తెలియజేసారు. కోవిడ్ ఉధృతి పెరుగుతున్న నేపథ్యంలో సినీకార్మికులకు, సినీ జర్నలిస్టులకు తమ సంఘం తరపున టీకా వేయిస్తామని తాజాగా ప్రకటించారు చిరంజీవి.

మరోవైపు చాలా నెమ్మదిగా ఒక్కొక్కరు తమ సినిమా కొత్త లుక్స్ తో శ్రీరామనవమి వేళ రంగంలోకి దిగుతున్నారు. నితిన్ తన కొత్త చిత్రం మ్యాస్ట్రో లుక్ తో ముందుకొచ్చాడు. స్కూటీపై నభానటేష్ తో కనిపించాడు. మేర్లపాక గాంధీ తెరకెక్కిస్తోన్న మ్యాస్ట్రో నితిన్ 30వ సినిమాగా రాబోతుంది.

వరుడు కావలెను అంటూ కనిపించాడు నాగశౌర్య. వెనుక సీతారాముల ఆర్ట్ తో తాను కనిపించి శ్రీరామ నవమి శుభాకాంక్షలు తెలియజేసాడు. కాగా నాగశౌర్య హీరోగా నటిస్తోన్న వరుడు కావలెను సినిమాలో హీరోయిన్ గా రీతూవర్మ కనిపించనుంది. సౌజన్య అనే లేడీ డైరెక్టర్ ఈ సినిమాతో తెలుగు ప్రేక్షకులకు పరిచయం కానుంది.