బాలీవుడ్‌ బిగ్ బాంబ్ కంగనా రనౌత్‌ మరోసారి ఫైరయింది. ఎప్పటిలాగానే బీటౌన్ మాఫియా అంటూ గురిపెట్టిన కంగనా.. ఈసారి ఆ రచ్చలోకి అక్షయ్‌ కుమార్‌ని లాగింది. మంచి చేసినా అక్షయ్ చివరికి వార్తల్లో నిలవాల్సివచ్చింది. అక్షయ్‌ వంటి టాప్‌ స్టార్స్‌ చాలామంది తనకు సీక్రెట్ గా ఫోన్‌ చేసి మొచ్చుకున్నారని ట్వీట్ చేసింది. జయలలితగా కంగనా నటించిన తాజా చిత్రం ‘తలైవి’. రీసెంట్ గా రిలీజైన ఈ మూవీ ట్రైలర్‌ కు పాజిటివ్ స్పందన లభించింది. జయలలితగా కంగనా ఒదిగిపోయిందంటూ ప్రశంసలు దక్కాయి.

ఆడియన్స్, క్రిటిక్స్…ఇలా అందరూ ప్రశంసిస్తున్నా…బాలీవుడ్ స్టార్స్ మాత్రం తలైవి ఊసెత్తలేదు.
ఈ పరిస్థితుల్లో తాజాగా తనకొచ్చిన రహస్య కాల్స్‌ గురించి కంగనా అభిమానులతో షేర్ చేసుకుంది. తలైవి ట్రైలర్ చూసి బాలీవుడ్ ఇండస్ట్రీలోని ఎందరో తనకు రహస్యంగా విషెస్ తెలియజేసారని వెల్లడించింది. అదే దీపిక పదుకొణే, ఆలియా భట్ వంటి హీరోయిన్లకైతే పబ్లిక్ పొగడ్తలు వస్తాయని…నన్నెవరూ పబ్లిక్ గా మెచ్చుకోరని చెప్పుకొచ్చింది. మరి ఈ వార్తల్లో నిజమెంతో తెలియాలంటే అక్షయ్ కుమార్ రీట్వీట్ చేయాలి.

Leave a Reply

Your email address will not be published. Required fields are marked *