ఎనర్జిటిక్ స్టార్ రామ్ హీరోగా తెరకెక్కుతోన్న చిత్రానికి మరోసారి ఎనర్జిటిక్ మ్యూజిక్ కంపోజర్ దేవిశ్రీ ప్రసాద్‌ సంగీతం సమకూర్చనున్నారు. వీరిద్దరి కాంబినేషన్ లో ఎన్నో సూపర్ హిట్ గీతాలున్నాయి. వీరి కలయికలో గతంలో ఆరు సినిమాలొచ్చాయి. జగడం నుంచి మొదలెడితే రెడీ, శివం, ఉన్నది ఒకటే జిందగీ, నేను శైలజ, హలో గురు ప్రేమకోసమే.. చిత్రాలు రామ్ హీరోగా, దేవీశ్రీ సంగీతంలో వచ్చాయి. వీటిలో జగడం, రెడీ, ఉన్నది ఒకటే జిందగీ, నేను శైలజ వంటివి సూపర్ హిట్ మ్యూజిక్ ఆల్బమ్స్ గా పేరుతెచ్చుకున్నాయి. కాగా వీరిద్దరి కాంబోలో ఏడో సినిమా రానుంది. హీరో రామ్‌ నటించబోయే 19వ సినిమాని లింగుస్వామి డైరెక్ట్ చేయనున్న విషయం తెలిసిందే. ఇందులో రామ్ సరసన బేబమ్మ కృతిశెట్టి కనిపించనుంది. ఈ సినిమాకే డీఎస్పీ స్వరాలు అందించనున్నారు. శ్రీనివాస చిత్తూరి నిర్మిస్తోన్న ఈ చిత్రం తెలుగు, తమిళ్ భాషల్లో రిలీజ్ కానుంది.

Leave a Reply

Your email address will not be published. Required fields are marked *