యూనివర్సల్ స్టార్ హీరో కమల్ హాసన్, మాస్టర్ డైరెక్టర్ లోకేష్ కనగరాజ్ కాంబినేషన్ లో రూపొందుతున్న భారీ ప్రాజెక్ట్ ‘విక్రమ్’. తాజాగా ఈ మూవీలో ప్రతినాయకుడి పాత్రకు గానూ ఫహాద్ ఫాజిల్ ను ఎంపిక చేసారని సమాచారం. త్వరలోనే ఫాహద్ చిత్రీకరణలో పాల్గొనబోతున్నట్టు తెలుస్తోంది. చాలా తక్కువ టైంలోనే మలయాళ విలక్షణ నటుడిగా గుర్తింపుతెచ్చుకున్నారు ఫహాద్. తన యాక్టింగ్ స్కిల్స్ తో నేషనల్ అవార్డుతో సహా ఎన్నో అవార్డులు రివార్డులు దక్కించుకున్నారు. ఇప్పుడు ఒక్క మలయాళంలోనే కాకుండా వివిధ భాషల సినిమా రంగాల నుంచి వరుస అవకాశాలు ఆయన్ని వరిస్తున్నాయి.

నిజానికి బన్నీ పుష్ప చిత్రంలో విజయ్ సేతుపతి నటించాలి. కానీ షూటింగ్ ఆలస్యం కావడంతో పుష్ప నుంచి తప్పుకున్నారు సేతుపతి. అదే పాత్ర కోసం ఈమధ్యే ఫహాద్ ను ప్రకటించారు. ఆ క్యారెక్టర్ కు ఫహాద్ అయితేనే వందశాతం న్యాయం చేస్తారనే నమ్మకంతో డైరెక్టర్ సుకుమార్ ఈ స్టార్ ను సెలెక్ట్ చేసినట్టు టాక్. ఇక కమల్ హాసన్ కి విలన్ గా కూడా ప్రతిష్టాత్మక చిత్రం విక్రమ్ లో కూడా అదే నమ్మకంతో ఫహాద్ ను ఎంపిక చేసాడట డైరెక్టర్ లోకేశ్ కనగరాజ్.

Leave a Reply

Your email address will not be published. Required fields are marked *