సర్కారు వారి పాట తర్వాత మహేశ్ బాబు, త్రివిక్రమ్ కాంబినేషన్ లో ఓ సినిమా రానున్న సంగతి తెలిసిందే. రాజకీయాల నేపథ్యంలో ఈ సినిమాను భారీగానే ప్లాన్ చేస్తున్నట్టు తెలుస్తోంది. అయితే ఇందులో హీరోయిన్ గా ఇస్మార్ట్ భామ నిధి అగర్వాల్ పేరు వినిపిస్తోంది. ప్రస్తుతం పవన్ కల్యాణ్ సరసన హరిహర వీరమల్లు సినిమాలో సందడి చేస్తోన్న నిధి…త్వరలోనే మహేశ్ బాబుతో ఆడిపాడనుందని సమాచారం.
నిజానికి ఈ సినిమాలో పూజాహెగ్దే పేరు వినిపించింది. ఎలాగూ డైరెక్టర్ త్రివిక్రమ్ తన సినిమాల్లో హీరోయిన్స్ ను రిపీట్ చేస్తుంటారు. త్రిష నుంచి మొదలెడితే ఇలియానా, సమంతా, పూజాహెగ్దే లాంటి వాళ్లు త్రివిక్రమ్ రెండేసి చిత్రాల్లో కనిపించిన వారే. అలాగే అరవింద సమేత, అల వైకుంఠపురంలో చిత్రాల తర్వాత మళ్లీ పూజాహెగ్దేనే రిపీట్ చేస్తారనే వార్తలొచ్చాయి. అయితే అనూహ్యంగా మహేశ్ సినిమా కోసం నిధి పేరు తెరపైకొచ్చింది. మరి నిధి అగర్వాల్ సెకండ్ హీరోయిన్ గా కనిపిస్తుందా లేదంటా లీడ్ హీరోయిన్ గా హోరెత్తిస్తుందా తెలియాలంటే మరికొన్ని రోజులు ఆగాల్సిందే.

Leave a Reply

Your email address will not be published. Required fields are marked *