67వ జాతీయ అవార్డులను ప్రకటించారు. తెలుగులో ఉత్తమ చిత్రంగా ‘జెర్సీ’ చిత్రం చోటు సంపాదించుకుంది. ఉత్తమ హిందీ చిత్రంగా సుశాంత్ సింగ్ రాజ్ పుత్ హీరోగా వచ్చిన ‘చిచ్చోరే’ ఎంపికైంది. కాగా మిగిలిన విభాగాల్లో బెస్ట్ కొరియోగ్రఫీ ‘మహర్షి’ సినిమాకి గానూ రాజు సుందరం, బెస్ట్ ఎడిటింగ్ విభాగంలో ‘జెర్సీ’ సినిమాకి ఎడిటర్ నవీన్ నూలి, పాపులర్ ఎంటర్ టైన్ మెంట్ చిత్రంగా ‘మహర్షి’ సినిమాలు నేషనల్ అవార్డును దక్కించుకున్నాయి. మొత్తంగా చూస్తే తెలుగులో మహర్షికి రెండు, జెర్సీకి రెండు నేషనల్ అవార్డులు దక్కాయి.

ఇక ‘అసురన్’ చిత్రానికి గానూ ధనుష్ జాతీయ ఉత్తమ నటుడిగా… ‘మణికర్ణిక’, ‘పంగా’ సినిమాలకు గానూ కంగనా రనౌత్ జాతీయ ఉత్తమనటిగా అవార్డును సంపాదించారు. అలాగే ‘సూపర్ డీలక్స్’ సినిమాలో అద్భుత నటన ప్రదర్శించిన విజయ్ సేతుపతి ఉత్తమ సహాయ నటుడిగా అవార్డ్ వరించింది. బెస్ట్ మ్యూజిక్ ఫర్ సాంగ్స్ విభాగంలో అజిత్ నటించిన ‘విశ్వాసం’, బెస్ట్ సినిమాటోగ్రఫీ విభాగంలో ‘జల్లికట్టు’ చిత్రానికి అవార్డు దక్కింది.

Leave a Reply

Your email address will not be published. Required fields are marked *