వరుస సినిమాలతో బిజీగా మారుతోన్న యాంకర్ అనసూయ…ఈమధ్యే కార్తీకేయ హీరోగా నటిస్తోన్న చావు కబురు చల్లగా చిత్రంలో స్పెషల్ సాంగ్ చేసారు. థ్యాంక్యూ బ్రదర్, రంగ మార్తాండా, పుష్ప, ఓ తమిళ్ సినిమా వంటివి ఆమె ఖాతాలో ప్రస్తుతం ఉన్నాయి. అయితే తాజాగా డైరెక్టర్ మారుతీ – హీరో గోపీచంద్ కాంబో మూవీలో అనసూయ ఎంపికయిందనే వార్తలొస్తున్నాయి. అది కూడా ఓ వేశ్య పాత్రలో అనసూయ కనిపించబోతుందంటూ పుకార్లు షికార్లు చేసాయి.

ఆ నోటా..ఈ నోటా చివరికి ఈ విషయం డైరెక్టర్ మారుతీ చెవిన పడింది. దీంతో ఆయన అనసూయ పాత్రపై క్లారిటీ ఇచ్చారు. పక్కా కమర్షియల్ ప్రాజెక్ట్ లో అనసూయ నటించబోతున్నారు. కానీ అందరూ అనుకునే రోల్ మాత్రం కాదని చెప్పేసారు. మంచి కామెడీని పండించే క్యారెక్టర్ అని చెప్పుకొచ్చారు మారుతీ. నేరుగా ఇలా దర్శకుడే రంగంలోకి దిగి ఓ క్లారిటీ ఇవ్వడంతో వేశ్య అన్న రాతలకు తాళంపడింది.

Leave a Reply

Your email address will not be published. Required fields are marked *