దాదాపు షూటింగ్ పూర్తి చేసుకుంది కేజీఎఫ్ చాఫ్టర్ 2. అయితే ప్రెజెంట్ ఈ ప్రాజెక్ట్ గురించి క్రేజీ అప్డేట్ ను ఎనౌన్స్ చేసారు. జనవరి 8 ఉదయం 10 గంటల తర్వాత ఈ మూవీ టీజర్ ను రిలీజ్ చేస్తారట. ఈ విషయాన్ని స్వయంగా మూవీ టీం ఎనౌన్స్ చేసింది. చాప్టర్ 1 తర్వాత భారీ అంచనాలు నెలకొన్న చాప్టర్ 2 పై ఈ టీజర్ తో ఓ క్లారిటీ వస్తుంది. ఆకాశమే హద్దుగా సాగుతున్న ప్రేక్షకుడి ఊహను ప్రశాంత్ నీల్ అందుకున్నాడా అన్నది తెలుస్తుంది.
ఇక హీరో యష్ దైవ ఆశీర్వదం కోసం తమిళనాడులో పేరుగాంచిన తిరునల్లార్ శనీశ్వర్ ఆలయాన్ని దర్శించాడు. ప్రపంచం కళ్లు ఉన్న సినిమా కాబట్టి ఎలాంటి ఆటంకం ఎదురుకాకూడదని యష్ కోరుకుంటున్నాడు. అయితే కేజీఎఫ్ టీంతో కాకుండా కర్ణాటక డిప్యూటి సిఎం తో కలిసి అక్కడికి చేరుకున్నాడు. దీంతో ఈరకంగా కేజీఎఫ్ ప్రచారానికి తెరలేపాడా అన్న ఆసక్తిని కలిగించాడు. ప్రస్తుతం పోస్ట్ ప్రొడక్షన్ పనులకు సిద్ధమవుతున్న చిత్రబృందం పాన్ ఇండియా లెవల్ ప్రమోషన్స్ కు ప్లాన్ చేస్తుంది.

Leave a Reply

Your email address will not be published. Required fields are marked *