మార్చి 11వ తేదీ మహాశివ‌రాత్రి కానుక‌గా మూడు చిత్రాలు థియేటర్స్ కి రానున్నాయి. శర్వానంద్ శ్రీకారం, నవీన్ పొలిశెట్టి జాతి ర‌త్నాలు, శ్రీవిష్ణు గాలి సంప‌త్ సినిమాల విడుదలకు సిద్ద‌మ‌య్యాయి. ప్రేక్షకుల దృష్టిని ఆకర్షించేందుకు వీటి ప్రీ రిలీజ్ వేడుకలను గ్రాండ్‌గా ప్లాన్ చేస్తున్నారు దర్శకనిర్మాతలు.
నవీన్ పోలిశెట్టి హీరోగా రాహుల్ రామకృష్ణ , ప్రియదర్శి ప్రధాన పాత్రల్లో రూపొందిన లేటెస్ట్ కామెడీ మూవీ జాతిరత్నాలు. స్వప్న సినిమాస్ పతాకంపై నాగ్ అశ్విన్ నిర్మించిన ఈ సినిమాను అనుదీప్ కేవీ డైరెక్ట్ చేసాడు. జాతిరత్నాలు ప్రీ రిలీజ్ ఈవెంట్‌ను ఆదివారం సాయంత్రం వరంగల్ లో గ్రాండ్ గా ప్లాన్ చేసారు. ఇక ఈ వేడుకకు రౌడీ హీరో విజయ్ దేవరకొండ ముఖ్య అతిథిగా రానున్నార‌ని కామెడి మీమ్ పోస్ట‌ర్ రిలీజ్ చేసారు.


గాలి సంపత్…శ్రీవిష్ణు, రాజేంద్రప్రసాద్ ప్ర‌ధాన పాత్ర‌ల్లో తెరకెక్కిన చిత్రం. దర్శకుడు అనిష్ తెరకెక్కించిన ఈ చిత్రంలో లవ్‌లీ సింగ్ హీరోయిన్. వీరితో పాటు తనికెళ్లభరణి, రఘుబాబు, సత్య వంటివారు మిగిలిన ముఖ్య పాత్రల్లో నటించారు. డైరెక్టర్ అనీల్ రావిపూడి స‌మ‌ర్ప‌కుడిగా మారారు ఈ సినిమాతో. గాలి సంపత్ ప్రీ రిలీజ్ వేడుక ఆదివారం సాయంత్రం 6గంటల‌కు జేఆర్‌సీ క‌న్వెన్ష‌న్‌ వేదికగా జ‌ర‌గ‌నుంది. అయితే దీనికి ఇస్మార్ట్ హీరో రామ్ చీఫ్ గెస్ట్‌ గా వచ్చేందుకు సిద్ధమవుతున్నారు

Leave a Reply

Your email address will not be published. Required fields are marked *