నాని నటిస్తోన్న పీరియాడికల్ ఫిల్మ్ శ్యామ్ సింగ రాయ్ షూటింగ్ శరవేగంగా జరుగుతోంది. ప్రస్తుతం నాని, సాయి పల్లవిలపై సన్నివేశాలను తాళ్లపూడిలోని గోదావరి తీరాన చిత్రీకరిస్తున్నారు. కాగా ఈ సినిమాకు సంబంధించిన మరో ఇంట్రెస్టింగ్ న్యూస్ బయటికొచ్చింది. ఇందులో నానితో పాటూ మరో హీరో రాహుల్ రవీంద్రన్ కనిపించబోతున్నాడు. అయితే కథను మలుపు తిప్పే సహాయక పాత్రలో నటిస్తున్నాడు రాహుల్. ఈ విషయాన్ని స్వయంగా రాహుల్ రవీంద్రన్ తన ట్విట్టర్ వేదికగా పోస్ట్ చేసాడు.

కోల్ కతా బ్యాక్ డ్రాప్ లో ఈ సినిమాని అపురూప ప్రేమకథా చిత్రంగా మలుస్తున్నారు డైరెక్టర్ రాహుల్ సాంకృత్యన్. సాయి పల్లవితో పాటూ కృతిశెట్టి, మడోన్నా సెబాస్టియన్ హీరోయిన్లుగా నటిస్తున్నారు. మిక్కి జే మేయర్ సంగీతం అందిస్తున్నారు. ఈమధ్యే శ్యామ్ సింగ రాయ్ గా కనిపించి ఫ్యాన్స్ కి ట్రీట్ ఇచ్చాడు నాని. మరి రాహుల్ పాత్రను ఎలా చిత్రీకరిస్తున్నారో తెలియాలంటే కొంత సమయం ఆగాల్సిందే.

Leave a Reply

Your email address will not be published. Required fields are marked *