సాయిపల్లవి నుంచి స్టార్ట్ చేస్తే నిత్య మీనన్ వరకు…మధ్యలో నయన్, అనుష్క, కీర్తి సురేష్ లాంటి వాళ్లు కూడా. కట్ చేస్తే వీళ్లలో ఎవరూ ఇంతవరకు ఫైనల్ కాలేదు. దేనికి అనుకుంటున్నారా? పవన్ కళ్యాణ్ కోసం సాగిస్తున్న హీరోయిన్ల వేటలో ఏ ఒక్క భామ చిక్కడం లేదు..ఎందుకిలా ? పవర్ స్టార్ కి హీరోయిన్ కరువేంటి?

పవర్ స్టార్ సరసన నటించే హీరోయిన్ కావాలి. కండీషన్ లేకుండా ఎస్ చెప్పాలి. పవన్ కళ్యాణ్, రానా కాంబినేషన్ లో తెరకెక్కతున్న అయ్యప్పన్ కోషియమ్ రీమేక్ గురించి తెలిసిందే. ఇందులో రానా జంటగా ఐశ్వర్యా రాజేష్ ఓకే అయినట్టే. కానీ పవన్ పక్కన నటించడానికి…ఎవరిని చూసుకున్నా ఏదో సమస్య వచ్చిపడుతుంది. ముందు నుంచి సాయి పల్లవి పేరు బాగా వినిపించింది. కానీ డేట్స్ అడ్జస్ట్ చేయలేకపోతున్నానంటూ సున్నితంగా తప్పుకున్నారు సాయి పల్లవి.

బంతి కొన్నిరోజులు నయన్ కోర్టులో ఆగింది. కానీ నయనతార ఎక్సెప్ట్ చేస్తున్న భారీ రెమ్యునిరేషన్ మేకర్స్ భరించలేమన్నారని టాక్. సరే అనుష్కను తీసుకుందాం అంటే ఆమె రెండు నెలల తర్వాత కానీ కాల్ షీట్స్ ఇచ్చే ఆలోచనలో లేరు. తమన్నా, కీర్తి సురేష్, త్రిషా వీళ్లంతా పవన్ పక్కన ఆల్రెడీ నటించేసారు. పైగా వీళ్లు పవన్ జోడిగా చేసిన సినిమా ఫలితాలన్నీ తేడా కొట్టాయి.

డైరెక్టర్ సాగర్ చంద్ర ప్రస్తుతం నిత్య మీనన్ లేదంటే రాశీ ఖన్నాను పవన్ పక్కన ఫిక్స్ చేసేందుకు ట్రై చేస్తున్నారని తెలుస్తోంది. ఇంకేదైనా బెటర్ మెంట్ ఆలోచన ఉందా అని కూడా మరోసారి థింక్ చేస్తున్నారు. అసలిక్కడొచ్చిన అసలు సమస్య వేరే ఉంది. సినిమా స్టోరీ ప్రకారం హీరోయిన్ ఓ బిడ్డ తల్లిగా కనిపించాలి. అందుకే ట్రెండీ హీరోయిన్స్…అంత త్వరగా ఎస్ చెప్పట్లేదని అంటున్నారు. సో..ఇలా పవన్ కోసం హీరోయిన్ వేట ఇంకా కొనసాగుతూనే ఉంది. మరి ఎవరి దగ్గర వేట ఆగుతుందో చూడాలి.

Leave a Reply

Your email address will not be published. Required fields are marked *