త్రిపుల్ ఆర్ సినిమాలో రామ్‌చరణ్, ఆలియాపై ఓ భారీ సాంగ్‌ ప్లాన్ చేసారట జక్కన్న. మంచి రొమాంటిక్ నంబర్ లా తెరెకెక్కబోతున్న ఈ పాట కోసం హీరోయిన్ అలియా గొంతు సవరించుకోబోతున్నట్టు టాక్. అయితే దక్షిణాది భాషల్లో కాకుండా కీరవాణి సంగీతంలో ఈ పాట హిందీ వెర్షన్‌ అలియా ఆలపించనున్నట్టు వార్తలొస్తున్నాయి. ఇప్పటికే హైవే, హంప్టీ శర్మాకి దుల్హనియా, ఉడ్తా పంజాబ్, డియర్ జందగీ, సడక్ 2 సినిమాల్లో పాటలు పాడి మెప్పించింది అలియా. ఇక ఇదే ధైర్యంతో ఆర్ఆర్ఆర్ లో సైతం తన గొంతను వినిపిస్తానని రిక్వెస్ట్ చేసిందట. దీంతో ఆమె రిక్వెస్ట్ ను స్వీకరించిన రాజమౌళి, కీరవాణి ఈ అవకాశం ఇచ్చారని చెప్తున్నారు. అయితే సౌత్ ప్రేక్షకులకు మాత్రం వార వారి భాషల్లో ఆమె గొంతుతో పాటను వినే అదృష్టం లేకుండాపోయింది.

Leave a Reply

Your email address will not be published. Required fields are marked *