జాంబిరెడ్డి – 2 అతిత్వరలో పట్టాలెక్కబోతుందని ప్రకటించాడు డైరెక్టర్ ప్రశాంత్ వర్మ. ఆయన దర్శకత్వంలో తేజ సజ్జ హీరోగా తెరకెక్కిన ‘జాంబిరెడ్డి’ ఫిబ్రవరి 5న థియేటర్లలో రిలీజై సక్సెస్ టాక్ సొంతం చేసుకుంది. ఈ సినిమా సీక్వెల్ గా ‘జాంబిరెడ్డి2’ రాబోతోంది. ఈ హాట్ న్యూస్ ను మూవీ డైరెక్టర్ ప్రశాంత్‌వర్మ స్వయంగా అనౌన్స్ చేసారు. ఆహా ఓటీటీ వేదికగా మార్చి 26 నుంచి స్ట్రీమింగ్ కాబోతున్న ఈ మూవీ ప్రమోషన్ కార్యక్రమంలో భాగంగా జాంబిరెడ్డి యూనిట్ విజయవాడ ప్రేక్షకులను కలిసారు. ఆ సమయంలోనే జాంబిరెడ్డి 2 గురించి మాట్లాడారు.

అయితే జాంబిరెడ్డి హిట్టైతే జాంబిరెడ్డి 2లో తాను నటిస్తానని సమంతా చెప్పినట్టు…ఓ సందర్భంలో వెల్లడించాడు ప్రశాంత్ వర్మ. ఇప్పటికే కథ సిద్ధం చేసుకున్న ప్రశాంత్…ఆల్రెడీ సామ్ కు కథను వినిపించాడట. ఇప్పుడెలాగూ 15కోట్లు వసూలు చేసి లాభాల బాటలో నిలిచింది జాంబిరెడ్డి. సో జాంబిరెడ్డి 2లో నటించేందుకు సామ్ ఒప్పుకునే ఛాన్స్ ఉందా అన్నది ఇంట్రెస్టింగ్ గా మారింది. ప్రస్తుతం శాకుంతలం చేస్తోన్న సామ్..మరి ఎలాంటి డెసిషన్ తీసుకుంటారో చూడాలి.

Leave a Reply

Your email address will not be published. Required fields are marked *