క్రాక్ జోష్ తర్వాత వకీల్ సాబ్, సలార్, పిట్ట కథలు అంటూ దూసుకుపోతుంది శృతీ హాసన్. దాదాపు మూడేళ్ల విరామం తర్వాత శృతీ పేరు ఇప్పుడు బాగా వినిపిస్తోంది. బ్రిటీష్ బాయ్ ఫ్రెండ్ మైఖేల్ కోర్సలేతో విడిపోయాక ప్రస్తుతం కెరీర్ పై ఫోకస్ పెట్టింది. కమల్ హాసన్ కూతురుగానే కాదు తనకంటూ ఓ పేరు తెచ్చుకోవాలని చూస్తోంది. అయితే మళ్లీ అమ్మడు…కొత్త బాయ్ ఫ్రెండ్ అంటూ మీడియాలో తెగ ప్రచారం జరుగుతోంది. గత కొన్నిరోజులుగా డూడుల్ ఆర్టిస్ట్ శాంతను హజారికాతో శృతీ డేటింగ్ చేస్తోందనే వార్తలు గుప్పుమంటున్నాయి.

తాజాగా సలార్ చిత్రీకరణలో పాల్గొన్న శృతీ…ఓ ఆంగ్లమీడియాతో మాట్లాడింది. సలార్ లో చాలా విభిన్నమైన పాత్ర పోషిస్తున్నానని, ప్రభాస్ సరసన నటించడం ఆనందంగా ఉందని తెలియజేసింది. తాను వృత్తిపరమైన జీవితం కోసం చాలా కష్టపడుతున్నానని..అందరూ దాని గురించి మాట్లాడుకుంటే బాగుంటుందని చెప్పింది. అంతేకాదు హజారికాతో ప్రేమాయణం అన్న వార్తలపై తానేమీ మాట్లాడనని…నా వ్యక్తిగత జీవితాన్ని వదిలేయండి…నా పని గురించి మాట్లాడండి అంటూ బదులిచ్చింది శృతీహాసన్.

Leave a Reply

Your email address will not be published. Required fields are marked *