రొటీన్ కి భిన్నంగా సినిమాలు చేసి తనని తాను ప్రూవ్ చేసుకునేందుకు ట్రై చేస్తున్నారు నాగచైతన్య. లవ్ స్టోరీతో ఏప్రిల్ 16న లవర్ బాయ్ గా కనిపించేందుకు సిద్ధమైన చై…ఆ తర్వాతి ప్రాజెక్ట్ లో పోలీసాఫీసర్ గా నటించేందుకు గ్రీన్ సిగ్నల్ ఇచ్చారని సమాచారం. అది కూడా పెళ్లిచూపులు డైరెక్టర్ కాంబినేషన్ లో. అవును తరుణ్ భాస్కర్ దర్శకత్వంలో నాగచైతన్య పోలీస్ గెటప్ లో కనిపించనున్నాడని టాక్.

అయితే చైతన్య మామ వెంకటేశ్ తో తరుణ్ భాస్కర్ సినిమా చేస్తారనే ప్రచారం బాగా జరిగింది. నారప్ప, ఎఫ్ 3 తర్వాత వెంకీ, తరుణ్ భాస్కర్ కాంబినేషన్ సినిమా కన్ఫర్మయినట్టు వార్తలొచ్చాయి. అయితే తాజాగా వెంకీతో కాదు నాగచైతన్యతో ఈ క్రేజీ డైరెక్టర్ మూవీ పట్టాలెక్కిస్తారని తెలుస్తోంది. ప్రస్తుతం తరుణ్ భాస్కర్ తెరకెక్కించిన ఓ షార్ట్ స్టోరీ ఓటీటీ వేదికగా పిట్టకథలుగా రిలీజ్ కానుంది. మరోవైపు అవకాశం దొరికినప్పుడల్లా నటుడిగానూ అలరిస్తున్నారు. మరి తరుణ్ భాస్కర్ చైతో ఓకే అంటాడా…వెంకీమామతో కనక్ట్ అవుతాడా చూడాలి.

Leave a Reply

Your email address will not be published. Required fields are marked *