‘క్రాక్‌’, ‘నాంది’ సినిమాల్లో వరలక్ష్మి నటన చూసి ఫిదా అయిన త్రివిక్రమ్‌ NTR30లో ఓ రోల్‌ ఆఫర్‌ చేసినట్లు తెలుస్తోంది. ఈ సినిమాలో పవర్‌ఫుల్‌ రాజకీయ నాయకురాలిగా వరలక్ష్మీ కనిపించే అవకాశాలున్నట్లు టాలీవుడ్‌ టాక్‌. ఇప్పటికే దీనికి సంబంధించి ఆమెతో సంప్రదింపులు కూడా జరిపినట్టు సమాచారం. అటు బన్నీ, కొరటాల శివ ప్రాజెక్ట్ లోనూ వరలక్ష్మీ శరత్ కుమార్ లేడీ పొలిటిషియన్ గా నటించబోతుందంటూ వార్తలొస్తున్నాయి.
సెప్టెంబర్లో సెట్స్ మీదికెళ్తున్న ఈ మూవీ కోసం ఆల్రెడీ వరలక్ష్మీతో చర్చలు జరిగాయట. జలకాలుష్యం నేపథ్యంగా కమర్షియల్ యాంగిల్ స్క్రిప్ట్ రెడీ చేసిన కొరటాల శివ ఈ సినిమాలో బన్నీని స్టూడెంట్ గా, రాజకీయ నాయకుడిగా చూపించబోతున్నాడు. బన్నీని ఢీకొట్టే రాజకీయనాయకురాలిగా వరలక్ష్మీ శరత్ కుమార్ నటిస్తుందని చెప్తున్నారు. మరోవైపు ఎన్టీఆర్, త్రివిక్రమ్ కాంబోలో కూడా ఆమె రాజకీయ నాయకురాలి పాత్రే చేస్తుంది అంటున్నారు. ఏది నిజం…లేదా రెండు సినిమాల్లో లేడీ పొలిటిషియన్ లాగానే వరలక్ష్మీ కనిపిస్తోందా అన్న చర్చ జోరందుకుంది. చూస్తుంటే వరలక్ష్మీ క్రేజ్ ఇప్పట్లో తగ్గేలా మాత్రం కనిపించడం లేదు.

Leave a Reply

Your email address will not be published. Required fields are marked *