సోనూసూద్ … ఇప్పుడు పరిచయం అక్కర్లేని మంచికి మారు పేరు. కరోనా కాలంలో ఎన్నోరకాలుగా ఎందరినో ఆదుకొని…ఇప్పటికీ అవసరం ఉందన్న వారికి తనవంతు సహాయం అందిస్తున్న సోనూని ప్రపంచం గుర్తించింది. ఆయన చిరూ – చరణ్ కాంబో ఆచార్యలో కీలకపాత్ర పోషిస్తున్న సంగతి తెలిసిందే. తాజాగా ఈ మూవీ షూటింగ్ లొకేషన్ కు సోనుసూద్ సైకిల్ మీద వెళ్లి అందరినీ ఆకట్టుకున్నారు. సైక్లింగ్ అంటే సోనూ సూద్ కి చాలా ఇష్టం. పైగా.. ఉద‌యాన్నే సెట్ కి వెళ్లాల్సిన అవ‌స‌రం రావడంతో… సైకిల్ ఎక్కి పదర పదర పద అన్నారు. అటు వ్యాయామం, ఇటు.. ప్ర‌యాణం రెండూ క‌లిసొచ్చేసాయి సోనూకి. ఇప్పుడీ ఫోటోలు వైరల్ గా మారాయి.