లాస్ట్ స్టేజ్ కి వచ్చేసింది ట్రిపుల్ ఆర్ . యాక్షన్ షూట్ తోపాటు ప్యాచప్స్ కంప్లీట్ చేస్తున్న RRR సినిమా షూటింగ్ అల్యూమినియం ఫ్యాక్టరీ లో కంటిన్యూ అవుతోంది. ప్యాన్ ఇండియా స్టార్ ప్రభాస్ ,బాలీవుడ్ డైరెక్టర్ ఓమ్ రౌత్ కాంబినేషన్లో తెరకెక్కుతున్న ఆదిపురుష్ సినిమా షూటింగ్ ముంబయ్ సెట్స్ లో జరుగుతోంది. విజయ దేవరకొండ సైతం ఇప్పట్లో ముంబై వదిలి వచ్చేలా లేడు. లైగర్ షూటింగ్ ఇంకా ముంబైలోనే చేస్తున్నారు పూరీ జగన్నాథ్.

చెర్రీ బర్త్ డే సందర్భంగా ఫస్ట్ లుక్ ట్రీట్ ఇచ్చిన చిరంజీవి ఆచార్య టీమ్ ప్రస్తుతానికి రెస్ట్ మోడ్ లో ఉంది. ఏప్రిల్ 2 నుంచి ఆచార్య సినిమా కోకాపెట్ లో మళ్లీ మొదలుకానుంది. పవన్ కళ్యాణ్, క్రిష్ కాంబో మూవీ హరిహర వీరమల్లు సినిమా షూటింగ్ అల్యూమినియం ఫ్యాక్టరీలో జరుగుతుంది.

నందమూరి బాలకృష్ణ బోయపాటి శ్రీను దర్శకత్వంలో నటిస్తున్న సినిమా షూటింగ్ బెల్గాం ఆశ్రమంలో జరుగుతుంటే, ప్రవీణ్ సత్తారు డైరెక్షన్ లో నాగార్జున నటిస్తోన్న సినిమా గోవాలో జరుగుతుంది. ఇక రామానాయుడు స్టూడియోలో శరవేగంగా దృశ్యం -2 షూటింగ్ కంప్లీట్ చేస్తున్నారు వెంకటేశ్.

మహేశ్ బాబు సర్కారు వారి పాట షూటింగ్ గోవాలో జరుగుతుండగా… ఇటలీలో ఖిలాడీ షూటింగ్స్ తో బిజీగా ఉన్నారు రవితేజ. అల్లు అర్జున్, సుకుమార్ కాంబో పుష్ప సీన్స్ ను టోలీచౌకిలో చిత్రీకరిస్తున్నారు. వరుణ్ తేజ్ గని సినిమా షూటింగ్ అన్నపూర్ణ 7ఎకర్స్ లో కొనసాగుతుంది. సాయిధరమ్ తేజ్, దేవా కట్టా సినిమా రిపబ్లిక్ షూటింగ్ కూడా హైదరాబాద్ లోకల్ లొకేషన్స్ లోనే జరుగుతుంది.

ప్రభాస్‌ హీరోగా ఓం రౌత్‌ దర్శకత్వంలో తెరకెక్కుతోన్న‘ఆదిపురుష్‌’ సినిమా ఫస్ట్‌ లుక్‌ రిలీజ్‌కు ముహూర్తం ఖరారైనట్లు సమాచారం. శ్రీరామ నవమి పండగ సందర్భంగా వచ్చే నెల ఈ సినిమా ఫస్ట్‌ లుక్‌ను విడుదల చేయాలనే ఆలోచనలో మూవీ యూనిట్ సభ్యులు ఉన్నారని తెలుస్తోంది. శ్రీరాముని జన్మదినం, పెళ్లిరోజు శుభముహూర్తన ఆ రాముడిగా ఆదిపురుష్ అవతారంలో కనిపించేందుకు సిద్ధమయ్యాడు ప్రభాస్.

కృతీ సనన్ సీతగా, సన్నీ సింగ్ లక్ష్మణుడిగా ఫైనల్ అయినట్టే. రావణుడిగా సైఫ్ అలీఖాన్ నటిస్తుండగా…ఆయన భార్యగా మండోదరి పాత్రలో సీనియర్ హీరోయిన్ కాజోల్ కనిపించనున్నట్టు వార్తలొస్తున్నాయి. ప్రస్తుతం ముంబైలో రెండో షెడ్యూల్ షూటింగ్ జరుగుతోంది ఆదిపురుష్. ఇక ఇప్పటికే యంగ్ రెబల్ స్టార్ ఫ్యాన్స్ ఏదైనా అప్డేట్ చెప్పండయ్యా బాబు…అంటూ ప్రభాస్ నటిస్తోన్న సినిమా దర్శకనిర్మాతలకు తెగ ట్వీట్స్ చేస్తున్నారు. ఈ నేపథ్యంలో శ్రీరామనవమి కానుకగా ఆదిపురుషుడి గెటప్ లో ప్రభాస్ లుక్ ను రివీల్ చేసేందుకు రెడీఅయ్యారు మేకర్స్.

ప్రభాస్ రామునిగా నటిస్తోన్న ఆదిపురుష్ సినిమాలో ఒక్కొక్కరుగా కాస్ట్ సెట్ అవుతున్నారు. ముందుగానే రావణుడిగా సైఫ్ అలీఖాన్ ను ప్రకటించిన డైరెక్టర్ ఓం రౌత్…ఈమధ్యే సీతగా కృతిసనన్, లక్ష్మణుడిగా సన్నీ సింగ్ నటిస్తున్నారని చెప్పారు. అంతేకాదు రాముని తల్లిగా కౌసల్య పాత్రలో హేమామాలిని కనిపిస్తారనే ప్రచారమూ జరుగుతుంది. ఇదిలాఉంటే ఇదే సినిమాలో బీటౌన్ సీనియర్ కాజోల్ ఓ ఇంపార్టెంట్ రోల్ చేస్తున్నారట. రావణుడి భార్య మండోదరిగా ఆమె కనిపించే ఛాన్స్ ఉన్నట్టు తెలుస్తోంది. సైఫ్ అలీఖాన్ పక్కన ఓ స్టార్ డం ఉన్న నటి మాత్రమే కావాలని సెర్చ్ చేసిన మేకర్స్..కాజోల్ అయితేనే వర్క్ అవుట్ అవుతుందని భావించారని టాక్. అందులో కాజోల్ తో తానాజీ సినిమా చేసిన అనుభవముంది డైరెక్టర్ ఓంరౌత్ కి. సో కాజోల్ మండోదరిగా కనిపించడం దాదాపు ఫిక్సయినట్టేనని తెలుస్తోంది.

ప్రభాస్ రాముడిగా నటిస్తోన్న ఆదిపురుష్ కి సంబంధించిన మరో క్రేజీ అప్డేట్ వచ్చేసింది. మొదటినుంచీ అనుకుంటున్న కృతి సనన్…సీతగా ఫిక్స్ అయింది. దాదాపు డైరెక్టర్ ఓం రౌత్ మూవీ అనౌన్స్ చేసినప్పటి నుంచి కృతి పేరే ప్రథమంగా వినిపించినా…మధ్యలో అనుష్క నుంచి కీర్తి సురేష్ వరకు సీతగా నటిస్తారని ప్రచారం జరిగింది. చివరికి కృతి నే..సీతగా చూపించబోతున్నాడు.

ఇక లక్షణుడుగా సన్నీ సింగ్ నటిస్తున్నాడు. సోను టిట్టు కె స్వీటీ సినిమాతో మంచి పేరు తెచ్చుకున్న సన్నీ…ఈ సినిమాలో ప్రభాస్ తమ్ముడుగా కనిపించబోతున్నాడు.

ప్రభాస్ ఆదిపురుష్ గురించి వార్త రాని రోజంటూ లేకుండా పోయింది. రామునిగా ప్రభాస్ నటిస్తోన్న ఈ సినిమాలో సీతగా కృతిసనన్ అనీ, కీర్తి సురేశ్ అని రోజుకో ప్రచారం జరుగుతుంది. తాజాగా లక్ష్మణుడి గురించి అప్డేట్ వచ్చింది. బాలీవుడ్ ఫేం విక్కీ కౌశల్ ప్రభాస్ తమ్మునిగా కనిపిస్తాడని అంటున్నారు. ఉరి..ది సర్జికల్ స్ట్రైక్ సినిమాతో మంచిపేరు తెచ్చుకున్నాడు విక్కీ. ప్రస్తుతం అశ్వద్ధామ అనే చిత్రాన్ని చేస్తున్నాడు. కాగా ఆదిపురుష్ లో లక్ష్మణుడిగా దాదాపు ఫిక్సయినట్టే అంటున్నారు. అంతకుముందు ఆదిపురుష్ కి సంబంధించి లక్ష్మణుడి పాత్రలో టైగర్ ష్రాఫ్ నటిస్తాడనే రూమర్ చక్కర్లు కొట్టింది.

బి టౌన్ స్టార్ హృతిక్ రోషన్, ప్యాన్ ఇండియన్ స్టార్ ప్రభాస్ కాంబినేషన్లో ఓ సినిమా రానుందనే వార్త జోరందుకుంది. బ్యాంగ్ బ్యాంగ్, వార్ చిత్రాల దర్శకుడు సిద్ధార్ధ్ ఆనంద్ వీరిద్దరి కలయికలో ఓ సినిమా ప్లాన్ చేస్తున్నట్టు టాక్. గతంలో హృతిక్ రోషన్, టైగర్ ష్రాఫ్ కాంబోలో వార్ తెరకెక్కించిన సిద్ధార్ధ్…ఇప్పుడు ప్రభాస్, హృతిక్ లను ఒకే ఫ్రేమ్ లో చూపించే ప్రయత్నం చేస్తున్నారట. అంతేకాదు వీరిద్దరి మధ్య భారీ యాక్షన్ ఎపిసోడ్స్ ను కూడా ప్లాన్ చేస్తున్నారట. అన్నీ అనుకున్నట్టు జరిగితే ఈ సినిమాను యష్ రాజ్ సంస్థ నిర్మించనుంది.

ప్రభాస్ రామునిగా నటించబోతున్న ఆదిపురుష్ సినిమాకు సంబంధించి మరో వార్త వైరల్ గా మారింది. ఈ సినిమాలో సీతగా నటించబోయేది ఎవరన్నది మిలియన్ డాలర్ ప్రశ్నగా మారింది. కృతి సనన్ దాదాపు ఫిక్సయినట్టే అన్నారు. ఆ తర్వాత అనుష్కా శెట్టి పేరూ తెరపైకొచ్చింది. తాజాగా మహానటి కీర్తి సురేష్ సీతగా కనిపించే అంశాలు పుష్కలంగా ఉన్నాయనే వార్త జోరందుకుంది. ఆదిపురుష్ చిత్రంలో సీతగా కీర్తి ఫిక్సయినట్టేనని చెబుతున్నారు. దీనికి సంబంధించి త్వరలోనే అధికారిక ప్రకటన కూడా రానుందట.

వరుసగా తన సినిమాల రిలీజ్ డేట్స్ చెప్పేస్తున్నారు ప్రభాస్. షూటింగ్ మొదలవుతుందో లేదో ఆ వెంటనే రిలీజ్ డేట్ ప్రకటించేస్తున్నారు డార్లింగ్ దర్శకనిర్మాతలు. ఇప్పటికే షూటింగ్ పూర్తైన రాధేశ్యామ్ 2021 జూలై 30న రిలీజ్ కాబోతుంది. ప్రభాస్ సరసన పూజాహెగ్దే హీరోయిన్ లీడ్ చేసిన ఈ సినిమా ఇటలీ నేపథ్యంగా సాగే పీరియాడికల్ ఫిల్మ్ గా రూపొందింది. కాగా కేజీఎఫ్ ఫేం ప్రశాంత్ నీల్ దర్శకత్వంలో యంగ్ రెబర్ స్టార్ నటిస్తోన్న సలార్ 2022 ఏప్రిల్ 14న రిలీజ్ కాబోతున్నట్టు తాజాగా అనౌన్స్ చేసారు. ఇక బాలీవుడ్ డైరెక్టర్ ఓంరౌత్ కాంబినేషన్లో వస్తోన్న ఆదిపురుష్ 2022 ఆగస్టు 11న విడుదలే చేస్తామని షూటింగ్ కి ముందే చెప్పేసారు మేకర్స్.

ఇంక డార్లింగ్ సైన్ చేసిన వాటిలో బాకీ ఉంది నాగ్ అశ్విన్ కాంబో మూవీ రిలీజ్ డేట్ మాత్రమే. మహానటి ఫేం నాగ్ అశ్విన్ దర్శకత్వంలో అమితాబ్, ప్రభాస్,దీపికా పదుకోనె నటించబోతున్న ఈ సినిమా గురించి పెద్దగా అప్డేట్స్ ఇవ్వట్లేదు మేకర్స్. ఈమధ్యే జూన్ లేదంటే జూలైలో ప్రభాస్ సినిమా ప్రారంభిస్తామన్నారు నాగ్ అశ్విన్. అయితే ఇది ఓ సైన్స్ ఫిక్షన్ ప్రాజెక్ట్ అన్నట్టు మాత్రం తెలుస్తోంది. మరి ఈ మూవీ రిలీజ్ డేట్ బహుశా 2023లో ఉండొచ్చని సినీవర్గాల్లో చర్చ నడుస్తోంది. మరి ఎప్పుడు మొదలెడతారో…ఎప్పుడు రిలీజ్ చేస్తారో ముందు ముందు తెలుస్తుంది.

యంగ్ రెబల్ స్టార్ ప్రభాస్‌ కి సంబంధించి ఓ న్యూస్ ఇప్పుడు ట్రెండింగ్ గా మారింది. ప్రెజెంట్ యూత్ స్టార్ ఐకాన్ మాత్రమే కాదు ప్యాన్ ఇండియన్ రేంజ్ ప్రభాస్ సొంతం. ఇప్పుడు దేశవ్యాప్త అభిమానం డార్లింగ్ సొంతం. అందుకే అమాంతం రేటు పెంచేసారట ప్రభాస్. ఒక్క సినిమాకు 100కోట్ల రూపాయలు డిమాండ్ చేస్తున్నారట. ప్రస్తుతం పీరియాడికల్ ఫిల్మ్ రాధేశ్యామ్‌, ప్రశాంత్ నీల్ సలార్‌, ఓం రౌత్ ఆదిపురుష్‌ వంటి ఈ హీరో చేస్తున్న సినిమాలన్నీ ప్యాన్ ఇండియా వైడ్ రిలీజ్ కాబోయే సినిమాలే.

కథ విని నచ్చితే సైన్ చేయాలంటే…నిర్మాత ప్రభాస్ కి 100 కోట్ల రూపాయలు ముట్టజెప్పాల్సిందే అంటున్నారు. అయితే ఈ విషయం తెలుసుకున్న కొంతమంది దర్శకనిర్మాతలు ఖంగుతింటుంటే… మరికొంతమంది మాత్రం ప్రభాస్ కోసం కోట్లు ఇచ్చైనా బుక్ చేసుకునేందుకు రెడీ అవుతున్నారు. ప్రస్తుతం నటిస్తోన్న ఆదిపురుష్‌, సలార్‌ చిత్రాలకు నూరు కోట్లు అందుకున్నారట ప్రభాస్. టాలీవుడ్‌ పరిశ్రమలో ఇంతటి పెద్ద మొత్తం అందుకున్నది కేవలం ప్రభాస్‌ మాత్రమేనని, సౌత్ ఇండస్ట్రీల్లో ఎక్కడా ఇంత భారీ మొత్తాన్ని అందుకున్న హీరోనే లేడని ఫ్యాన్స్ ఖుషీ అవుతున్నారు.

ప్రారంభమైన మొదటిరోజే ప్రభాస్ ఆదిపురుష్ సినిమా సెట్ అగ్నికి ఆహుతైంది. ముంబై నగరంలోని గోరేగాన్ స్టూడియోలో ‘ఆదిపురుష్’ మూవీ కోసం భారీ సెట్ వేయగా…అది మంగళవారం సాయంత్రం భారీ అగ్ని ప్రమాదంలో పూర్తిగా దగ్ధమైంది. కాగా షూటింగ్ స్పాట్ లో ప్రభాస్, సైఫ్ అలీఖాన్ ఆ సమయంలో అక్కడ లేరు. అదృష్టవషత్తూ టీం మెంబర్స్ ఎవ్వరికీ కూడా ఎటువంటి హాని జరుగలేదు. షార్ట్ సర్క్యూట్ కారణంగా ప్రమాదం సంభవించినట్టు తెలుస్తోంది.
ఇక ఈ ప్రాజెక్ట్ లో అజయ్ దేవగణ్ బాగం కానున్నారనే ప్రచారం జరుగుతోంది. ఆదిపురుష్ రామాయణంలో శివుడిగా ఆయన కనిపిస్తారని తెలుస్తోంది. ఇదివరకే ఆదిపురుష్ డైరెక్టర్ ఓం రౌత్ తో కలిసి పనిచేసిన అనుభవం ఉంది అజయ్ కి. వీళ్లిద్దరి కాంబినేషన్లో వచ్చిన తన్హాజీ గతేడాది మంచి విజయాన్ని అందుకుంది. అందుకే ప్రభాస్ రామునిగా…సైఫ్ అలీఖాన్ రావణుడిగా చేయనున్న ఇదే ప్రాజెక్ట్ లో పరమేశ్వరునిగా నటించేందుకు అజయ్ దేవగణ్ ని ఒప్పించారని టాక్. మరి పార్వతిలా అజయ్ భార్య కాజల్ కనిపిస్తారా అన్నది సస్పెన్స్ గా మారింది.

షార్ట్ సర్క్యూట్ తో సెట్ ఆహుతి

ఎనిమిది ఫైర్ ఇంజన్లు సహాయంతో మంటలను అదుపు

ఈ రోజే ప్రారంభమైన అదిపురుష్ సినిమా షూటింగ్

గ్రీన్ మాట్ లో సన్నివేశాల చిత్రీకరణ

గొరెగావ్ వెస్ట్ బంగుర్ నగర్ సమీపంలో ఓ గ్రౌండ్ లొ నిర్మించిన సెట్

మంటలు చెలరేగిన సమయంలో సెట్ లో ఎవరు లేరు

తప్పిన పెద్ద ప్రమాదం