త్రిపుల్ ఆర్ సీత వచ్చేసింది. రామరాజు రాక కోసం బలమైన సంకల్పంతో సీత ఎదురుచూస్తోంది. ఆమె ఎదురుచూపులు గొప్పవంటూ సీతగా ఆలియా భట్ ను ఇంట్రడ్యూస్ చేసారు రాజమౌళి. ఈ సినిమాలో ఆలియా.. రామ్ చరణ్ సరసన నటిస్తోన్న సంగతి తెలిసిందే. ఈమధ్యే త్రిపుల్ ఆర్ లోని ఓ షెడ్యూల్ కంప్లీట్ చేసిన ఆలియా…త్వరలోనే మరో షెడ్యూల్ షూటింగ్ లో పాల్గొనబోతుంది.

త్రిపుల్ ఆర్ నుంచి ఒక్కొక్కరినీ తెరమీదికి తీసుకొస్తున్నారు రాజమౌళి. మొదట ఎన్టీఆర్ వాయిస్ ఓవర్ తో చెర్రీ రోల్ రివీల్ చేసారు. ఆపై చరణ్ వాయిస్ ఓవర్ తో కొమురం భీమ్ గా యంగ్ టైగర్ ని పరిచయం చేసారు. రీసెంట్ గా ఎన్టీఆర్ జోడీగా నటిస్తోన్న హాలీవుడ్‌ బ్యూటీ ఒలీవియా మోరీస్‌ ఫస్ట్ లుక్ రిలీజ్ కాగా… ఇప్పుడిక ట్రెడిషనల్ లుక్ లో ఆలియాను ప్రెజెంట్ చేసారు జక్కన్న.

ఆర్ఆర్ఆర్ నుంచి లీడ్ రోల్స్ ఎంట్రీ ఇచ్చేసారు. ఇక మిగిలింది… అజయ్ దేవగణ్, సముద్రఖని, శ్రీయా శరణ్, రే స్టీవెన్ సన్ , అలిసన్ డూడీ ఫస్ట్ లుక్స్. రాజమౌళి సినిమా అంటేనే ప్రచారం ఓ రేంజ్ లో ఉంటుంది. ఇప్పటివరకూ రిలీజైనవి ఫస్ట్ లుక్స్ మాత్రమే. అక్టోబరు 13న త్రిపుల్ ఆర్ థియేటర్స్ కి వచ్చేవరకూ…రాజమౌళి ఎన్నో సర్ప్రైజెస్ ప్లాన్ చేసారని సమాచారం. 400కోట్ల రూపాయల బడ్జెట్ తో తెరకెక్కుతున్న ఆర్ఆర్ఆర్ కోసం మొత్తానికి ఇలా ఆడియెన్స్ ను ఎంగేజ్ చేస్తున్నారు మేకర్స్.

మే 28న…బెల్ బాటమ్
సమ్మర్ సీజన్ లో అక్షయ్ కుమార్ బెల్ బాటమ్ ను షెడ్యూల్ చేశారు నిర్మాతలు. రంజిత్ తివారీ తెరకెక్కిస్తున్న ఈ సినిమాను మే 28న గ్రాండ్ రిలీజ్ చేస్తున్నట్టు ప్రకటించారు.

దీపావళి పోరు…
వచ్చే దీపావళికి బాలీవుడ్ సినిమాల మధ్య గట్టి పోటీ నెలకొంది. షాహిద్ కపూర్ జెర్సీ, అక్షయ్ కుమార్ పృధ్వీరాజ్ సినిమాలతో పాటూ ఫ్యామిలీ ఎంటర్టైనర్ ఆప్నే 2 కూడా అదే రోజు విడుదలకు సిద్ధమైంది.

ఆలియా కూడా…
దివాళి వేళ అక్షయ్ కుమార్, షాహిద్ కపూర్లతో పాటూ అలియాభట్‌ కూడా రంగంలోకి దిగనుంది. సంజయ్‌ లీలా భన్సాలీ దర్శకత్వంలో ఆమె నటిస్తోన్న ‘గంగూబాయి కతియావాడి’ సైతం దీపావళికే రిలీజ్ అంటున్నారు మేకర్స్.

ఎఫ్ఐఆర్ నమోదు…
హెల్మెట్ లేకుండా ముంబై వీధుల్లో చక్కర్లు కొట్టిన వివేక్ ఒబేరాయ్‌పై జుహూ పోలీస్ స్టేష‌న్‌లో కేసు న‌మోదైంది. ఐదు వందల రూపాయ‌లు చ‌లానా కూడా విధించారు పోలీసులు.

అమ్మకాల్లో రికార్డ్…
ప్రియాంక చోప్రా స్వయంగా రాసుకున్న ‘అన్ ఫినిష్డ్’ బుక్ అమ్మకాల విషయంలో దుమ్ము రేపుతోంది. ఏకంగా.. న్యూయార్క్ టైమ్స్ బెస్ట్ సెల్లర్స్ లిస్ట్ లో ఆమె ఆటోబయోగ్రఫీ బుక్ స్థానం దక్కించుకుంది.

యంగ్ టైగర్ ఎన్టీఆర్, మెగా పవర్‌ స్టార్‌ రామ్‌ చరణ్‌ కథానాయకులుగా దర్శకధీరుడు రాజమౌళి తెరకెక్కిస్తున్న చిత్రం ఆర్ఆర్ఆర్( రౌధ్రం రణం రుధిరం). భారీ బడ్జెట్‌తో రూపొందిస్తున్న ఈ సినిమాను డీవీవీ దానయ్య నిర్మిస్తున్నారు. ‘బాహుబలి’ తర్వాత జక్కన్న నుంచి వస్తున్న చిత్రం కావడం, స్వాతంత్ర్య సమరవీరులుగా స్టార్‌ హీరోలు కనిపించనుండటంతో ఆర్‌ఆర్‌ఆర్‌పై అంచనాలు ఆకాశాన్నంటాయి. దసరా సీజన్లో అక్టోబర్‌ 13న థియేటర్లకు రాబోతున్న ఈ మూవీ.. ఇప్పటికే ఫ్రీ రిలీజ్‌ బిజినెస్‌లోనే భారీ మొత్తాన్ని రాబడుతున్నట్టు సమాచారం. ఇలాంటి వార్తలను ధృవీకరిస్తూ ఆర్ఆర్ఆర్ యూనిట్ నుంచి ఓ సంచలన ప్రకటన బయటికొచ్చింది.
ఆర్‌ఆర్‌ఆర్‌ తమిళ్ థియేట్రికల్‌ రైట్స్ ను ప్రముఖ నిర్మాణ సంస్థ లైకా ప్రొడెక్షన్స్‌ సొంతం చేసుకొంది. ఈ సంగతిని లైకా ప్రొడెక్షన్స్‌ ట్విట్టర్‌ అకౌంట్ ద్వారా విడుదలచేసింది. ‘బిగ్గెస్ట్‌ ప్యాన్‌ ఇండియా సినిమా త్రిపుల్ ఆర్ తమిళనాడు థియేట్రికల్ హక్కులను సొంతం చేసుకున్నామని అనౌన్స్ చేయడం ఎంతో గర్వంగా ఉంది’ అంటూ లైకా ప్రొడక్షన్స్‌ ట్వీట్‌ చేసింది. అయితే భారీగా డబ్బులు చెల్లించి లైకా సంస్థ ఈ రైట్స్ ను దక్కించుకున్నట్టు వార్తలొస్తున్నాయి. దాదాపు 45 కోట్ల రూపాయల అతిపెద్ద మొత్తానికి తమిళ్ థియేట్రికల్స్‌ హక్కులను కొన్నదని సమాచారం. అయితే ఇప్పుడింత డబ్బు చెల్లించడం అంత ఆశ్యర్యపోయే విషయమేం కాదు. రాజమౌళి డైరెక్షన్లో వచ్చిన ‘బాహుబలి 2’ తమిళనాట 78 కోట్ల రూపాయల షేర్ రాబట్టింది. అంతుద్ది కాబట్టే లైకా ప్రొడక్షన్స్‌ 45 కోట్ల రూపాయలు చెల్లించేందుకు తేలికగా ఒప్పుకుంది. భారీ అంచనాలున్న ఆర్‌ఆర్‌ఆర్ 45 కోట్ల రూపాయలను మించి వసూలు చేయడం పెద్ద కష్టమేమి కాదని నమ్ముతున్నాయి చిత్రవర్గాలు.

వైల్డ్ డాగ్ షూటింగ్ పనులు అయిన తర్వాత కింగ్ నాగార్జున…హిందీ ఫిల్మ్ బ్రహ్మాస్త్రతో బిజీగా మారారు. అయాన్ ముఖ‌ర్జీ దర్శకత్వంలో బ్ర‌హ్మాస్త్ర మూవీ ప్యాన్ ఇండియా వైడ్ రూపొందుతుంది. హిందీతో పాటూ తెలుగు, తమిళం, మ‌లయాళ, క‌న్న‌డ భాష‌ల్లో రిలీజ్ చేయ‌నున్నారు. అయితే తాజాగా టాలీవుడ్ స్టార్ నాగార్జున‌కి సంబంధించిన షూట్ పార్ట్ కంప్లీట్ అయినట్టుగా బ్ర‌హ్మ‌స్త్ర యూనిట్ అధికారికంగా ప్ర‌క‌టించింది. ఇదే విష‌యాన్ని నాగార్జున సైతం త‌న ట్విట్ట‌ర్ అకౌంట్ ద్వారా పోస్ట్ చేసారు. హీరోహీరోయిన్లు ర‌ణ్‌బీర్, అలియాతో క‌లిసి వర్క్ చేయ‌డం ఆనందంగా అనిపించింద‌ని, నేనూ ఓ కామన్ ప్రేక్ష‌కుడి మాదిరిగా ఈ మూవీ విడుద‌ల కోసం వెయిట్ చేస్తున్నానని ట్వీట్ చేసారు నాగ్. కాగా ఈ సినిమా చిత్రీకరణ ప్ర‌స్తుతం ముంబైలోని భారీ సెట్ లో కొనసాగుతోంది. బిగ్ బి అమితాబ్, మౌనీరాయ్ ఈ ప్రాజెక్ట్ లో ప్రధాన పాత్ర‌ల్లో కనిపించనున్నారు.

టీటౌన్ కింగ్ నాగార్జున‌కు దేశ వ్యాప్త గుర్తింపు ఉన్న సంగ‌తి తెలిసిందే. తెలుగుతో పాటు వివిధ భాష‌ల్లో న‌టించిన ఆయన 1990వ సంవత్సరంలో శివ సినిమాతో బాలీవుడ్ ఇండస్ట్రీలో అడుగుపెట్టారు. ఆపై ‘ద్రోహి’, ‘ఖుదా గవా’ చిత్రాలతో పాటూ ‘క్రిమినల్’, ‘జక్మ్’, ‘అగ్నివర్ష’ వంటి బాలీవుడ్ సూపర్ హిట్స్ లో నటించారు. అయితే 2003లో విడుదలైన ‘ఎల్.ఓ.సీ కార్గిల్’ ఆయన కనిపించిన చివరి హిందీ సినిమా. మ‌ళ్ళీ 15 ఏళ్ల త‌ర్వాత బ్ర‌హ్మాస్త్రతో బీటౌన్ రీఎంట్రీ ఇస్తున్నారు నాగార్జున.

త్రిపుల్ ఆర్ సినిమాలో రామ్‌చరణ్, ఆలియాపై ఓ భారీ సాంగ్‌ ప్లాన్ చేసారట జక్కన్న. మంచి రొమాంటిక్ నంబర్ లా తెరెకెక్కబోతున్న ఈ పాట కోసం హీరోయిన్ అలియా గొంతు సవరించుకోబోతున్నట్టు టాక్. అయితే దక్షిణాది భాషల్లో కాకుండా కీరవాణి సంగీతంలో ఈ పాట హిందీ వెర్షన్‌ అలియా ఆలపించనున్నట్టు వార్తలొస్తున్నాయి. ఇప్పటికే హైవే, హంప్టీ శర్మాకి దుల్హనియా, ఉడ్తా పంజాబ్, డియర్ జందగీ, సడక్ 2 సినిమాల్లో పాటలు పాడి మెప్పించింది అలియా. ఇక ఇదే ధైర్యంతో ఆర్ఆర్ఆర్ లో సైతం తన గొంతను వినిపిస్తానని రిక్వెస్ట్ చేసిందట. దీంతో ఆమె రిక్వెస్ట్ ను స్వీకరించిన రాజమౌళి, కీరవాణి ఈ అవకాశం ఇచ్చారని చెప్తున్నారు. అయితే సౌత్ ప్రేక్షకులకు మాత్రం వార వారి భాషల్లో ఆమె గొంతుతో పాటను వినే అదృష్టం లేకుండాపోయింది.

రణవీర్ సింగ్, అలియా భట్ మరోసారి కలిసి నటించనున్నారు. గల్లీబాయ్ తో కలిసొచ్చిన ఈ జంటకు…ఆ సినిమాతో విమర్శకుల ప్రశంసలు సైతం దక్కాయి. అయితే ఈసారి వీళ్లిద్దరినీ కలిపేది కరణ్ జోహార్. తాజాగా ఓ ప్రేమ కథను సిద్ధం చేసిన ఆయన…తన సొంత నిర్మాణంలోనే తెరకెక్కించబోతున్నారని సమాచారం. అందుకోసం ఇప్పటికే రణ్ వీర్, అలియాల అంగీకరం కూడా లభించినట్టు ముంబై టాక్.

యే దిల్ హై ముష్కిల్ సినిమా తర్వాత లస్ట్ స్టోరీస్ ఇంకా ఘోస్ట్ స్టోరీస్ లోని కొన్న ఎపిసోడ్స్ కి దర్శకత్వం వహించారు కరణ్ జోహార్. అలియా భట్ మొదటి చిత్రం స్టూడెంట్ ఆఫ్ ది ఇయర్ సినిమాకు సైతం ఆయనే డైరెక్టర్. ఇక దీపికా భర్త కమ్ హీరో రణ్ వీర్ సింగ్ తో మాంచి ర్యాపో ఉంది కరణ్ జోహార్ కి. అసలు రణ్ వీర్, అలియా కాంబినేషన్లో గతంలోనే తఖ్త్ అనే ప్రాజెక్ట్ ను ప్రకటించారు. అయితే అనుకోని కారణాల వల్ల అది అటకెక్కింది. దీంతో ఈ కొత్త ప్రాజెక్ట్ కు శ్రీకారం చుట్టబోతున్నారు.

చెర్రీ – ఎన్టీఆర్ మల్టీస్టారర్ ఆర్ఆర్ఆర్ సంబంధించి మరో స్వీట్ సర్పైజ్ చేసారు రాజమౌళి. పాన్ వరల్డ్ వైడ్ మూవీగా తెరకెక్కిస్తున్న ఈ ప్రాజెక్ట్ లో ఎన్టీఆర్ సరసన హాలీవుడ్ బ్యూటీ ఒలీవియా మోరీస్ నటిస్తున్న సంగతి తెలిసిందే. ఇందులో ఆమె భీమ్ ప్రేయసి జెన్నీఫర్ పాత్రలో కనిపించనున్నారు. అయితే ఆమె జన్మదినం సందర్భంగా ఒలీవియా ఫస్ట్ లుక్ ను రిలీజ్ చేసింది మూవీయూనిట్. ఆ తర్వాత ఆమెకు విషెస్ తెలియజేస్తూ “హ్యాపీ బర్త్ డే… డియర్ జెన్నీఫర్…” అని ట్వీట్ చేసారు ఎన్టీఆర్.

దాదాపు 400కోట్ల రూపాయల బడ్జెట్ తో అత్యంత ప్రతిష్టాత్మకంగా ఆర్ఆర్ఆర్ ను తెరకెక్కిస్తున్నారు రాజమౌళి. కొమురం భీంగా తారక్, అల్లూరి సీతారామరాజుగా రామ్ చరణ్ నటిస్తున్నారు. తారక్ జోడిగా ఒలీవియా సందడి చేస్తుండగా, చరణ్ సరసన బాలీవుడ్ సోయగం అలియా భట్ కనిపించనున్నారు. శ్రీయ, అజయ్ దేవగణ్, ఐశ్వర్య రాజేష్, సముద్రఖని మిగిలిన ప్రధానపాత్రలు చేస్తునారు. కాగా డీవివి దానయ్య నిర్మిస్తున్న ఈ చిత్రం అక్టోబరు 13న ప్రేక్షకుల ముందుకు వచ్చేందుకు రెడీఅవుతోంది.