నందమూరి బాలకృష్ణ, బోయపాటి శ్రీను కాంబో మూవీకి టైటిల్ అఖండగా ఫిక్స్ చేసారు. ఉగాది ప్రత్యేకంగా మా సినిమా టైటిల్ అఖండ అంటూ అధికారికంగా ప్రకటించారు మేకర్స్. సింహ, లెజెండ్ వంటి బ్లాక్ బస్టర్స్ తర్వాత బాలకృష్ణ బోయపాటి కాంబినేషన్ హ్యాట్రిక్ మూవీగా తెరకెక్కుతున్న ఈ ప్రాజెక్ట్ నిర్మాత మిరియాల రవీందర్.
ప్రగ్యా జైస్వాల్ హీరోయిన్ కాగా శ్రీకాంత్, పూర్ణ ప్రధాన పాత్రల్లో నటిస్తున్నారు. మే 28 న వరల్డ్ వైడ్ రిలీజ్ కానుంది అఖండ..

టైం తీసుకొండి…పర్లేదు..కానీ ట్రెండీ టైటిల్ తోనే రావాలంటున్నారు స్టార్ హీరోలు. ఇప్పుడు మేకర్స్ కి టైటిల్ వెతకడమంటే కత్తి మీద సాములా మారింది. అందుకే ముందే సినిమా పేరు ప్రకటించకుండా వర్కింగ్ టైటిల్ తోనే షూటింగ్ కానిచ్చి…ఇదీ అదిరే టైటిల్ అనుకున్నప్పుడు అనౌన్స్ చేస్తున్నారు. ఇప్పుడలానే ఉగాది కోసం ఎదురుచూస్తుంది బిబి3 మూవీ టీమ్. ఎందుకంటే మూవీ రిలీజ్ కి ఇంకా ఎక్కువ టైం లేదు. ప్రస్తుతం శరవేగంగా షూటింగ్ జరుపుకుంటోన్న బిబి3 ప్రాజెక్ట్…మే 28వ తేదీనే ప్రేక్షకుల ముందుకు రానుంది.

బాలకృష్ణ-బోయపాటి సినిమాకు సంబంధించి ఎన్నో పేర్లు వినిపించినా…చివరికి గాడ్ ఫాదర్ అన్న టైటిల్ ఫిక్సయినట్టు చెప్తున్నారు. బోయపాటి మోనార్క్ అనుకున్నా…గాడ్ ఫాదర్ పేరే ఖరారైనట్టు టాక్. కాదు బాలకృష్ణ అఘోరాగా కనిపించనున్న ఈ సినిమాకి ఏదో సంస్కృతపదాన్ని టైటిల్ గా పెడుతున్నారనే ప్రచారమూ జరుగుతుంది. అయితే బాలయ్య సినిమా అసలైన పేరేంటో తెలియాలంటే మాత్రం ఉగాది వరకు ఆగల్సిందే.

పల్లెటూరి వీరయ్యగా చిరంజీవి సందడి చేయనున్నారని సమాచారం. బాబీ దర్శకత్వంలో చిరంజీవి హీరోగా మైత్రీ మూవీ మేకర్స్ ఓ సినిమా అనౌన్స్ చేసిన విషయం తెలిసిందే. ఈ సినిమాకు సంబంధించిన స్క్రిప్ట్, ప్రీ ప్రొడక్షన్‌ప్రారంభించారు బాబీ. పల్లెటూరి బ్యాక్‌డ్రాప్‌లో సాగే ఈ ప్రాజెక్ట్ కి ‘వీరయ్య’ అనే టైటిల్‌అనుకుంటున్నారు. అలాగే ఆచార్య తర్వాత మోహన్ రాజా దర్శకత్వంలో చిరూ నటించబోయే సినిమాకు రారాజు అన్న టైటిల్ పరిశీలనలో ఉంది.

ఎన్నో పేర్లు ట్రెండ్ అయ్యాక…పవన్, క్రిష్ కాంబోమూవీకి హరిహర వీరమల్లు అనే టైటిల్ ను ఫిక్స్ చేసారు. ఇక రవితేజ, నక్కిన త్రినాథరావు కాంబో మూవీకి ఘరానా మొగుడు అనే టైటిల్ ఖరారైందని అంటున్నారు. మేర్లపాక గాంధీ డైరెక్షన్లో నితిన్ అంధుడిగా నటిస్తోన్న సినిమాకు మ్యాస్ట్రో అన్న పేరు ఫిక్స్ చేసారు. వరుణ్ తేజ్ గని, విజయ్ దేవరకొండ లైగర్…ఇలా ప్రతి సినిమా పేరులోనూ కొత్తదనం ఉండేలా చూస్తున్నారు టాలీవుడ్ స్టార్స్.

లాస్ట్ స్టేజ్ కి వచ్చేసింది ట్రిపుల్ ఆర్ . యాక్షన్ షూట్ తోపాటు ప్యాచప్స్ కంప్లీట్ చేస్తున్న RRR సినిమా షూటింగ్ అల్యూమినియం ఫ్యాక్టరీ లో కంటిన్యూ అవుతోంది. ప్యాన్ ఇండియా స్టార్ ప్రభాస్ ,బాలీవుడ్ డైరెక్టర్ ఓమ్ రౌత్ కాంబినేషన్లో తెరకెక్కుతున్న ఆదిపురుష్ సినిమా షూటింగ్ ముంబయ్ సెట్స్ లో జరుగుతోంది. విజయ దేవరకొండ సైతం ఇప్పట్లో ముంబై వదిలి వచ్చేలా లేడు. లైగర్ షూటింగ్ ఇంకా ముంబైలోనే చేస్తున్నారు పూరీ జగన్నాథ్.

చెర్రీ బర్త్ డే సందర్భంగా ఫస్ట్ లుక్ ట్రీట్ ఇచ్చిన చిరంజీవి ఆచార్య టీమ్ ప్రస్తుతానికి రెస్ట్ మోడ్ లో ఉంది. ఏప్రిల్ 2 నుంచి ఆచార్య సినిమా కోకాపెట్ లో మళ్లీ మొదలుకానుంది. పవన్ కళ్యాణ్, క్రిష్ కాంబో మూవీ హరిహర వీరమల్లు సినిమా షూటింగ్ అల్యూమినియం ఫ్యాక్టరీలో జరుగుతుంది.

నందమూరి బాలకృష్ణ బోయపాటి శ్రీను దర్శకత్వంలో నటిస్తున్న సినిమా షూటింగ్ బెల్గాం ఆశ్రమంలో జరుగుతుంటే, ప్రవీణ్ సత్తారు డైరెక్షన్ లో నాగార్జున నటిస్తోన్న సినిమా గోవాలో జరుగుతుంది. ఇక రామానాయుడు స్టూడియోలో శరవేగంగా దృశ్యం -2 షూటింగ్ కంప్లీట్ చేస్తున్నారు వెంకటేశ్.

మహేశ్ బాబు సర్కారు వారి పాట షూటింగ్ గోవాలో జరుగుతుండగా… ఇటలీలో ఖిలాడీ షూటింగ్స్ తో బిజీగా ఉన్నారు రవితేజ. అల్లు అర్జున్, సుకుమార్ కాంబో పుష్ప సీన్స్ ను టోలీచౌకిలో చిత్రీకరిస్తున్నారు. వరుణ్ తేజ్ గని సినిమా షూటింగ్ అన్నపూర్ణ 7ఎకర్స్ లో కొనసాగుతుంది. సాయిధరమ్ తేజ్, దేవా కట్టా సినిమా రిపబ్లిక్ షూటింగ్ కూడా హైదరాబాద్ లోకల్ లొకేషన్స్ లోనే జరుగుతుంది.

నందమూరి బాలయ్య హీరోగా బోయపాటి దర్శకత్వంలో వర్కింగ్ టైటిల్ బిబి3 పేరుతో ఓ సినిమా రూపొందుతున్న సంగతి తెలిసిందే. ‘సింహా’, ‘లెజెండ్‌’వంటి సూపర్ హిట్ చిత్రాల తర్వాత వీరిద్దరి కాంబోలో రాబోతున్న హ్యాట్రిక్‌ సినిమా ఇది. పవర్‌ ప్యాక్డ్ యాక్షన్‌ డ్రామాగా తెరకెక్కుతున్న ఈ ప్రాజెక్ట్ లో యాక్టర్ శ్రీకాంత్‌ నటించబోతున్నారు. ఈ సినిమాలో ఆయన ఓ ప్రధానపాత్ర చేస్తున్నారు. శ్రీకాంత్‌ పుట్టినరోజు ప్రత్యేకంగా విషెస్‌ తెలియజేస్తూ తాజాగా మూవీయూనిట్ ఓ పోస్టర్‌ షేర్ చేసింది. అయితే ఇందులో శ్రీకాంత్ చేస్తున్నది ప్రతినాయకుడి పాత్రా…మరేదైనా అన్నది తెలియాల్సిఉంది. ఇంతకుముందు బోయపాటి దర్శకత్వంలో ‘సరైనోడు’ సినిమాలో నటించారు శ్రీకాంత్. ఇప్పుడు మరోసారి ఆయన డైరెక్షన్లో బాలయ్యతో చేయబోతున్నారు. ద్వారకా క్రియేషన్స్‌ పతాకంపై మిరియాల రవీందర్ రెడ్డి నిర్మిస్తోన్న ఈ సినిమాలో ప్రగ్యాజైశ్వాల్‌ హీరోయిన్ గా నటిస్తుండగా పూర్ణ మరో పాత్రలో కనిపించనుంది. సమ్మర్ కానుకగా మే 28వ తేదీన థియేటర్స్ కి రానుందీ సినిమా.

మెగాస్టార్ చిరంజీవి, నందమూరి బాలకృష్ణ ఓ విషయంలో పోటీపడుతున్నారట. ఇద్దరికీ ఒకే హీరోయిన్ కావాలంటూ సందడి చేస్తున్నారట. ఇదంతా సరదాగా తీసుకున్నా నిజానికి మాత్రం బాలీవుడ్ దబాంగ్ బ్యూటీ సోనాక్షి సిన్హా ఈ ఇద్దరు సీనియర్ హీరోల సినిమాల్లో హీరోయిన్ ఛాన్స్ కొట్టేసిందనే టాక్ వినిపిస్తోంది. ఆల్రెడీ రజినీకాంత్ వంటి సీనియర్ హీరోతో లింగా సినిమా చేసిన సోనాక్షి అయితేనే వీళ్లకి కూడా బాగుంటుందని అనుకుంటున్నట్టు టాక్.

చిరంజీవి, డైరెక్టర్ బాబీ కాంబినేషన్లో ఓ సినిమా రానున్న సంగతి తెలిసిందే. మైత్రీ మూవీ మేకర్స్ తెరకెక్కిస్తున్న ఈ సినిమాలో హీరోయిన్ గా సోనాక్షి సిన్హా హీరోయిన్ గా కనిపించనుందట. ఇటు మలినేని గోపిచంద్ దర్శకత్వంలో బాలకృష్ణ నటించబోతున్న సినిమాలోనూ సోనాక్షినే హీరోయిన్ అన్న ప్రచారం జరుగుతుంది. అయితే రెండు చిత్రాల మేకర్స్ ఇప్పటికే సోనాక్షిని కలిసారని…ఆమె కూడా పాజిటివ్ గానే ఉన్నట్టు తెలుస్తోంది. ఇంకా ఈ విషయాలకు సంబంధించి అధికారిక ప్రకటన రావాల్సి ఉంది.

సినిమాలకు పెద్ద సీజన్ సంక్రాంతికి సినిమాల్ని లాక్ చేసుకుంటున్నారు స్టార్లు . నెక్ట్స్ ఇయర్ సంక్రాంతికి రిలీజ్ డేట్స్ ఇప్పుడే బుక్ చేసుకుంటున్నారు. వచ్చే సంక్రాంతి టాలీవుడ్ హిస్టరీలోనే ఎప్పుడూ రానంతమంది స్టార్ హీరోలతో ముస్తాబవుతోంది. లేటెస్ట్ గా పవన్ కళ్యాణ్ కూడా పండక్కి వస్తున్నా అంటూ అనౌన్స్ చేశారు . 2018 లో రిలీజ్ అయిన అజ్ఞాతవాసి సినిమా తర్వాత బాగా గ్యాప్ ఇచ్చిన పవర్ స్టార్ ఈ సమ్మర్ లో వకీల్ సాబ్ రిలీజ్ చేస్తున్నారు. కానీ 200కోట్ల రూపాయలతో క్రిష్ తో చేస్తున్న భారీ సినిమాని మాత్రం సంక్రాంతికే సిద్దం చేస్తున్నారు పవన్ కళ్యాణ్.

2022 సంక్రాంతి పోటీకి ఫస్ట్ ఖర్చీఫ్ వేసుకున్న హీరో బన్నీ. కొరటాల శివ డైరెక్షన్లో బన్నీ అనౌన్స్ చేసిన ప్రాజెక్ట్ ని ఎర్లీ జనవరిలోనే రిలీజ్ చేస్తున్నట్టు అప్పుడే క్లారిటీ ఇచ్చింది టీమ్. అసలే లాస్ట్ ఇయర్ 2020 సంక్రాంతికి అన్ని సినిమాల్నీ వాషవుట్ చేసి అలవైకుంఠపురంలో సినిమాతో సక్సెస్ కొట్టారు బన్నీ.

బన్నీతో పాటు పోటీ పడడానికి మరో సారి రెడీ అయ్యారు సూపర్ స్టార్ . మహేష్ బాబు హీరోగా పరశురామ్ డైరెక్షన్లో తెరకెక్కుతున్న సర్కార్ వారి పాట సినిమాని కూడా సంక్రాంతి బరిలోనే దింపుతున్నట్టు అనౌన్స్ చేశారు మహేష్ బాబు అండ్ కో . పోయిన సంవత్సరం సరిలేరునీకెవ్వరు సినిమాతో సంక్రాంతికి వచ్చి సూపర్ హిట్ కొట్టారు మహేష్ బాబు.

నిన్న మొన్నటి వరకూ కామ్ గా ఉన్న అక్కినేని హీరో నాగార్జున కూడా నా నెక్ట్స్ మూవీ సంక్రాంతికే అన్నారు. కళ్యాణ్ కృష్ణ- నాగార్జున కాంబినేషన్లో తెరకెక్కబోతున్న బంగార్రాజు సినిమాని జూన్ జులై కి స్టార్ట్ చేసి ఫాస్ట్ గా కంప్లీట్ చేసి పండగబరిలోకే దింపుతున్నారు. బంగార్రాజు సోగ్గాడే చిన్నినాయనా సినిమాకి సీక్వెల్ గా రాబోతోంది.
ఎంత మంది హీరోలు పోటీపడుతున్నా ..పండగ హీరో నేనే అంటున్నారు బాలయ్య. ఈ నటసింహానికి సంక్రాంతి సక్సెస్ హిస్టరీ బాగానే ఉంది. అందుకే ఎంతమందొచ్చినా, ఎన్ని సినిమాలతో వచ్చినా .. సంక్రాంతి సినిమా నాదే అంటున్నారు. మలినేని గోపీచంద్ -బాలకృష్ణ కాంబినేషన్లో తెరకెక్కబోతున్న సినిమాని ఎట్టి పరిస్తితుల్లో సంక్రాంతికే ఎయిమ్ చేస్తున్నారు.

అసలే ఇన్ని తెలుగు సినిమాలతో పండగ ప్యాక్ అయిపోయి ఉంటే .. ఇవి సరిపోనట్టు ..తమిళ్ మూవీ పొన్నియున్ సెల్వన్ కూడా పొంగల్ కి మేం కూడా రెడీ అంటోంది. మణిరత్నం డైరెక్షన్ లో ఐశ్వర్యారాయ్, నయనతార, విక్రమ్ , కార్తి, త్రిష.. ఇలా భారీ స్టార్ కాస్ట్ తో హెవీ గా తెరకెక్కుతున్న పీరియాడిక్ మూవీని కూడా త్వరగా ఫినిష్ చేసి సంక్రాంతి సీజన్ లోనే రిలీజ్ చేస్తున్నట్టు చెబుతున్నారు టీమ్. ఈ స్టార్ హీరోల టాప్ మూవీస్ తో సంక్రాంతి సందడి పీక్స్ కి వెళ్లడం గ్యారంటీ అంటున్నారు ఫ్యాన్స్ .

రోజురోజుకీ పెరుగుతున్న కలెక్షన్లతో సునామీ సృష్టిస్తోంది ఉప్పెన చిత్రం. తాజాగా ఈ సినిమాను నంద‌మూరి బాల‌కృష్ణ త‌న కుటుంబంతో క‌లిసి వీక్షించారు. డైరెక్టర్ బుచ్చిబాబు కోరిక మేరకు ఉప్పెన చూసిన బాలయ్యబాబు… సినిమా చాలా బాగుంద‌ని చిత్ర బృందంపై ప్ర‌శంస‌లు కురిపించారు. డైరెక్టర్ బుచ్చిబాబుతో కలిసి బాలకృష్ణ దిగిన ఫోటో వైరల్ గా మారింది.

మరోవైపు ఉప్పెన టీమ్ కు కానుకలు అందిస్తున్నారు మెగాస్టార్ చిరంజీవి. నిన్ననే మ్యూజిక్ డైరెక్టర్ దేవిశ్రీప్రసాద్ కి ఓ లేఖతో పాటూ గిఫ్ట్ పంపిన మెగాస్టార్…తాజాగా కృతిశెట్టిని సైతం ప్రశంసిస్తూ గిఫ్ట్ సెండ్ చేసారు. ఈ ఇద్దరూ కూడా మెగా కానుక నిజంగా అదృష్టమని భావిస్తూ సోషల్ మీడియా వేదికగా తమ ఆనందాన్ని వ్యక్తంచేసారు. అయితే దాదాపు ఉప్పెన టీమ్ మొత్తానికి మెగాస్టార్ ప్రశంసల కానుకలు పంపిస్తున్నట్టు తెలుస్తోంది.

వర్కింగ్ టైటిల్ బీబీ3తో శరవేగంగా షూటింగ్ కానిచ్చేస్తున్నారు… నంద‌మూరి బాల‌కృష్ణ-బోయ‌పాటి శ్రీను. వీరిద్దరి కాంబినేష‌న్ మూవీకి ఇంతవరకు అధికారికంగా ఎలాంటి టైటిల్ ప్రకటించలేదు. కానీ తాజా సమాచారం ప్రకారం ఈ స్పెషల్ కాంబో మూవీకి మోనార్క్ అనే పేరును దాదాపు ఫిక్స్ చేసినట్టు సమాచారం. ఇక ఇప్ప‌టికే రిలీజైన ఈ ప్రాజెక్ట్ ఫ‌స్ట్ లుక్‌, టీజ‌ర్లకు సూపర్ రెస్పాన్స్ వ‌చ్చింది. మే 28న రిలీజ్ చేస్తున్నట్టు కూడా ప్రకటించారు మేకర్స్. అయితే బాలయ్య ఫ్యాన్స్ మాత్రం టైటిల్ ఏంటో మాకు చెప్పాలని బాగా డిమాండ్ చేస్తున్నారు సోషల్ మీడియాలో…ఇదిలా జరుగుతుండగానే, బోయపాటి శ్రీను మోనార్క్ అనే టైటిల్‌ను ఆల్రెడీ రిజిస్ట‌ర్ చేసిన‌ట్టు వార్తలొస్తున్నాయి.

అయితే మోనార్క్ అని బోయపాటి అనుకుంటున్నప్పటికీ బాలకృష్ణ నుంచి గ్రీన్ సిగ్నల్ రావాల్సిఉంది. ఎన్ని ప‌వ‌ర్ఫుల్ పేర్లు తెర‌పైకొచ్చినా..మోనార్క్ అనేది మాత్రం బాల‌య్య బాడీ లాంగ్వేజ్ కు పర్ఫెక్ట్ అని మూవీ యూనిట్ అనుకుంటోందట. ప్ర‌స్తుతానికైతే డైరెక్టర్ బోయ‌పాటి ముందున్న‌ ఒకే ఒక్క ఆప్షన్ కూడా ఇదేనని చెప్పుకుంటున్నారు. మ‌రి మోనార్క్ గానే బాలకృష్ణను చూపిస్తారా….సరికొత్త టైటిల్ ను తెరపైకి తీసుకొస్తారా…ముందు ముందు తెలుస్తుంది.

ప్రస్తుతం ఆచార్యతో బిజీగా ఉన్న మెగాస్టార్ చిరంజీవి…నెక్ట్స్ లూసిఫర్ రీమేక్ పనులను షురూ చేయనున్నారు. మోహన్ రాజా డైరెక్ట్ చేయబోతున్న ఈ ప్రాజెక్ట్ తర్వాత మెహర్ రమేష్ దర్శకత్వంలో వేదాళం రీమేక్ లో నటించనున్నారు. అయితే ఈ రెండు కాకుండా డైరెక్టర్ బాబీ కాంబినేషన్లో కూడా ఓ సినిమా చేస్తున్నట్టు ఉప్పెన ప్రీరిలీజ్ ఈవెంట్ లో ప్రకటించారు చిరంజీవి. మైత్రీ మూవీ మేకర్స్ ఈ సినిమాని నిర్మించనుంది. అయితే ఈ చిత్రంలో మక్కళ్ సెల్వన్ విజయ్ సేతుపతి చిరూకి ధీటుగా విలన్‌గా కనిపిస్తారని అంటున్నారు. ఉప్పెనలో విజయ్ నటనకు ముగ్ధుడైన చిరూ…అడిగిమరీ విజయ్ సేతుపతిని ప్రతినాయకుడిగా ఫిక్స్ చేసుకున్నట్టు సమాచారం.

చిరూ విలన్ సంగతలా అంటే ఎప్పటినుంచో సరైన ప్రతినాయకుడి కోసం ఎదురుచూస్తున్నారు బోయపాటి – బాలకృష్ణ. అయితే వీరిద్దరి మూడో కాంబోమూవీలో విలన్ గా సునీల్ శెట్టి దాదాపు ఫిక్స్ అయనట్టేనని టాక్. త్వరలోనే ఆయన బాలయ్యతో పాటూ షూటింగ్ లో పాల్గొంటారని సమాచారం. జగపతిబాబు, శ్రీకాంత్, అర్జున్…ఇలా చాలామందిని అనుకొని చివరికి సునీల్ శెట్టి దగ్గర ఆగినట్టు తెలుస్తోంది. ప్రస్తుతం అఘోరా వేషంలో షూటింగ్ చేస్తున్న బాలయ్యబాబు…త్వరలోనే సునీల్ శెట్టిని ఢీకొట్టే సీన్స్ లో నటించనున్నారు.

నందమూరి అభిమానులకు పండగే పండుగ. ఉప్పెన ప్రమోషన్స్ లో భాగంగా మైత్రీ మూవీ మేకర్స్ తమ తదుపరి సినిమాల గురించి అధికారిక ప్రకటన చేసాయి. అయితే అవి నందమూరి అందగాళ్ల సినిమాలవడం ఇప్పుడు హాట్ టాపిక్ గా మారింది. మైత్రీ మూవీ మేకర్స్ బ్యానర్ పై బాలయ్య బాబుతో ఒక సినిమా, ఎన్టీఆర్ తో మరొక సినిమాను తెరకెక్కించబోతున్నట్టు స్పష్టం చేసారు నిర్మాతలు.

మాస్‌ఫ్యాన్స్ ను ఖుషీ చేయడంలో ఎప్పుడూ ముందుంటారు నందమూరి బాలకృష్ణ. మరోవైపు రీసెంట్ బ్లాక్ బస్టర్ ‘క్రాక్‌’తో మాస్ ప్రేక్షకులను ఆకర్షించారు గోపీచంద్‌మలినేని. క్రాక్ తర్వాత గోపీచంద్ మలినేని డైరెక్షన్ లో బాలయ్య సినిమా ఉంటుందనే వార్తలు బాగా చక్కర్లు కొట్టాయి. కాగా ఈ న్యూస్ నిజమేనని ప్రకటించారు మైత్రి మూవీ మేకర్స్ ప్రొడ్యూసర్స్… రవిశంకర్‌, నవీన్. వీళ్లిద్దరి కాంబో మూవీని తమ బ్యానర్‌పై నిర్మిస్తున్న సంగతి నిజమేనని స్పష్టం చేసారు. ప్రజెంట్ గోపీచంద్‌ స్ర్కిప్ట్‌ వర్క్ లో ఉన్నారని.. బాలయ్య-బోయపాటి మూవీ అయిన వెంటనే తమ ప్రాజెక్ట్‌ ప్రారంభమవుతుందని తెలియజేసారు.

ప్రశాంత్ నీల్… ‘కేజీఎఫ్‌’ చాప్టర్స్ తో ప్రపంచవ్యాప్త గుర్తింపును సంపాదించిన దర్శకుడు. తారక్‌తో ఆయన ఓ సినిమా చేయనున్నారంటూ చాలారోజుల నుంచి గుసగుసలు వినిపిస్తున్నాయి. కానీ అధికారికంగా ఎవరూ ధృవీకరించలేదు. అయితే, ‘సలార్‌’ తర్వాత ఎన్టీఆర్‌ – ప్రశాంత్‌నీల్‌ కాంబినేషన్ లో మైత్రీ మూవీ మేకర్స్ నిర్మాణంలో ఓ ప్రాజెక్ట్ పట్టాలెక్కనుందని తెలిపారు ప్రొడ్యూసర్ నవీన్. ఇదిలావుంటే ‘ఆర్‌ఆర్‌ఆర్‌’ తర్వాత త్రివిక్రమ్‌ శ్రీనివాస్ తో కలిసి ఓ సినిమా చేయనున్నాడు ఎన్టీఆర్‌. ఇప్పుడిలా తమ అభిమాన హీరోకి సంబంధించిన మరో క్రేజీ న్యూస్ రావడంతో ఖుషీ అవుతున్నారు ఫ్యాన్స్.