మెగాస్టార్ చిరంజీవి – డైరెక్టర్ కొరటాల శివ కాంబినేషన్ మూవీ ఆచార్య వాయిదాపడినటట్ తెలుస్తోంది. నిజానికి మే 14న చిరూ ఆచార్యతో వస్తానని ప్రకటించారు. టీజర్ లో కూడా మే 14ను మెక్షన్ చేసారు. కానీ అనూహ్యంగా కరోనా విజృంభిస్తుండటంతో పోస్ట్ పన్ తప్పేలా లేదు మేకర్స్ కి. అందుకే ఏక్ సే ఏక్ డైరెక్ట్ ఆగస్టుకు ఆచార్య వాయిదా పడినట్టు సమాచారం. ఈ మేరకు దర్శకుడు కొరటాల శివ నుంచి తమకు స్పష్టమైన ఆదేశాలు అందాయని పంపిణీ వర్గాల్లో గుసగుసలు వినిపిస్తున్నాయి.

మరోవైపు మెగాస్టార్ ఆచార్య సినిమా సెట్ గురించి ఇండస్ట్రీలో భారీ డిస్కషన్ నడుస్తోంది. ఈ సినిమా కోసం హైదరాబాద్ కోకా పేటలో.. దాదాపు 20 ఎకరాల్లో.. 20 కోట్లతో భారీ సెట్ ను నిర్మించారు. అంతే కాదు ఈ సెట్ ఒక పాట కోసమో.. ఒక సీన్ కోసమో కాదు.. దాదాపు 60 శాతం షూటింగ్ అక్కడే కంప్లీట్ చేశారట టీమ్. దాదాపు అరగంటకు పైగానే రామ్ చరణ్ కనిపించే ఈ సినిమాలో పూజా హెగ్దే ఆయనకు జోడీగా గిరిజన యువతిగా కనిపించబోతుంది. అటు చిరంజీవి జంటగా కాజల్ కిచ్లూ రచ్చచేయనుంది.

మెగాస్టార్ చిరంజీవి నిన్న ఫ్యామిలీతో కలిసి వకీల్ సాబ్ చిత్రాన్ని వీక్షించారు. చిరంజీవి, సురేఖ జంటతో పాటు నాగబాబు ఫ్యామిలీ.. వరుణ్ తేజ్.. మెగాస్టార్ అమ్మగారు.. మెగా బంధువులు అంతా AMB మాల్ లో వకీల్ సాబ్ సినిమాని ఎంజాయ్ చేసారు.

మూడు ఏళ్లు అవుతున్నా పవర్ స్టార్ అదే ఉత్సాహంతో.. అదే వేడి..వాడితో వకీల్ సాబ్ లోనటించారు అని ప్రశంశించారు చిరంజీవి. ప్రకాశ్ రాజ్ తో కోర్డ్ సీన్ అద్భుతమని, హీరోయిన్లు ముగ్గురూ బాగా నటించారని వకీల్ సాబ్ కేసులనే కాదు..మనసులు కూడా గెలుచుకున్నారన్నారు చిరూ.

వకీల్ సాబ్ గురించి ట్వీట్ చేశారు మెగా పవర్ స్టార్ రామ్ చరణ్ .. ఒక్క మాటలో చెప్పాలంటే పవర్ ప్యాక్డ్ సూపర్ హిట్ అంటూ రామ్ చరణ్ ఆకాశానికి ఎత్తారు. మూవీ టీమ్ తో పాటు పవర్ స్టార్ పవన్ కల్యాణ్ ను విష్ చేశారు చరణ్.

మరోవైపు పవన్ కల్యాణ్ వకీల్ సాబ్ ఓవర్ సిస్ లో ఫస్ట్ డే కలెక్షన్ల వర్షం కురిసింది. మొత్తం 226 లొకేషన్లలో రిలీజ్ చేయగా, ఒక్కరోజులోనే 296,885 డాలర్లు వసూలు చేసినట్టు చెబుతున్నారు. అయితే ఈ మూవీ ఓవర్ సీస్ హక్కులు సుమారు 5 కోట్లకు అమ్ముడు పోయాయి..

లాహే లాహే అంటూ స్టెప్పులేసారు మెగాస్టార్. చాలారోజుల తర్వాత చిరూ మాస్ డాన్స్ చూసిన ఫ్యాన్స్ హల్చల్ చేస్తున్నారు. అయితే ఈ పాటలో సంగీత, కాజల్ ఎక్కువగా కనిపించారు. చిరూ కంటే ఎక్కువగా వారి డాన్స్ హైలెట్ గా మారింది. మెగాస్టార్ పూర్తి డాన్స్ ను థియేటర్లోనే ఎంజాయ్ చేసేందుకు…పూర్తిగా రివీల్ చేయలేదు మేకర్స్. చూస్తుంటే…చిరంజీవి, మణిశర్మ..ఈ సూపర్ హిట్ కాంబినేషన్…మళ్లీ హిట్ కొట్టడం ఖాయంగా కనిపిస్తోంది. మరోవైపు ఆచార్య షూటింగ్ శరవేగంగా జరుగుతోంది. మే 14న ప్రపంచవ్యాప్తంగా థియేటర్లలోకి కొడుకు రామ్ చరణ్ తో కలిసి చిరంజీవి రాబోతున్నారు.

Source: Aditya Music

టైం తీసుకొండి…పర్లేదు..కానీ ట్రెండీ టైటిల్ తోనే రావాలంటున్నారు స్టార్ హీరోలు. ఇప్పుడు మేకర్స్ కి టైటిల్ వెతకడమంటే కత్తి మీద సాములా మారింది. అందుకే ముందే సినిమా పేరు ప్రకటించకుండా వర్కింగ్ టైటిల్ తోనే షూటింగ్ కానిచ్చి…ఇదీ అదిరే టైటిల్ అనుకున్నప్పుడు అనౌన్స్ చేస్తున్నారు. ఇప్పుడలానే ఉగాది కోసం ఎదురుచూస్తుంది బిబి3 మూవీ టీమ్. ఎందుకంటే మూవీ రిలీజ్ కి ఇంకా ఎక్కువ టైం లేదు. ప్రస్తుతం శరవేగంగా షూటింగ్ జరుపుకుంటోన్న బిబి3 ప్రాజెక్ట్…మే 28వ తేదీనే ప్రేక్షకుల ముందుకు రానుంది.

బాలకృష్ణ-బోయపాటి సినిమాకు సంబంధించి ఎన్నో పేర్లు వినిపించినా…చివరికి గాడ్ ఫాదర్ అన్న టైటిల్ ఫిక్సయినట్టు చెప్తున్నారు. బోయపాటి మోనార్క్ అనుకున్నా…గాడ్ ఫాదర్ పేరే ఖరారైనట్టు టాక్. కాదు బాలకృష్ణ అఘోరాగా కనిపించనున్న ఈ సినిమాకి ఏదో సంస్కృతపదాన్ని టైటిల్ గా పెడుతున్నారనే ప్రచారమూ జరుగుతుంది. అయితే బాలయ్య సినిమా అసలైన పేరేంటో తెలియాలంటే మాత్రం ఉగాది వరకు ఆగల్సిందే.

పల్లెటూరి వీరయ్యగా చిరంజీవి సందడి చేయనున్నారని సమాచారం. బాబీ దర్శకత్వంలో చిరంజీవి హీరోగా మైత్రీ మూవీ మేకర్స్ ఓ సినిమా అనౌన్స్ చేసిన విషయం తెలిసిందే. ఈ సినిమాకు సంబంధించిన స్క్రిప్ట్, ప్రీ ప్రొడక్షన్‌ప్రారంభించారు బాబీ. పల్లెటూరి బ్యాక్‌డ్రాప్‌లో సాగే ఈ ప్రాజెక్ట్ కి ‘వీరయ్య’ అనే టైటిల్‌అనుకుంటున్నారు. అలాగే ఆచార్య తర్వాత మోహన్ రాజా దర్శకత్వంలో చిరూ నటించబోయే సినిమాకు రారాజు అన్న టైటిల్ పరిశీలనలో ఉంది.

ఎన్నో పేర్లు ట్రెండ్ అయ్యాక…పవన్, క్రిష్ కాంబోమూవీకి హరిహర వీరమల్లు అనే టైటిల్ ను ఫిక్స్ చేసారు. ఇక రవితేజ, నక్కిన త్రినాథరావు కాంబో మూవీకి ఘరానా మొగుడు అనే టైటిల్ ఖరారైందని అంటున్నారు. మేర్లపాక గాంధీ డైరెక్షన్లో నితిన్ అంధుడిగా నటిస్తోన్న సినిమాకు మ్యాస్ట్రో అన్న పేరు ఫిక్స్ చేసారు. వరుణ్ తేజ్ గని, విజయ్ దేవరకొండ లైగర్…ఇలా ప్రతి సినిమా పేరులోనూ కొత్తదనం ఉండేలా చూస్తున్నారు టాలీవుడ్ స్టార్స్.

లాస్ట్ స్టేజ్ కి వచ్చేసింది ట్రిపుల్ ఆర్ . యాక్షన్ షూట్ తోపాటు ప్యాచప్స్ కంప్లీట్ చేస్తున్న RRR సినిమా షూటింగ్ అల్యూమినియం ఫ్యాక్టరీ లో కంటిన్యూ అవుతోంది. ప్యాన్ ఇండియా స్టార్ ప్రభాస్ ,బాలీవుడ్ డైరెక్టర్ ఓమ్ రౌత్ కాంబినేషన్లో తెరకెక్కుతున్న ఆదిపురుష్ సినిమా షూటింగ్ ముంబయ్ సెట్స్ లో జరుగుతోంది. విజయ దేవరకొండ సైతం ఇప్పట్లో ముంబై వదిలి వచ్చేలా లేడు. లైగర్ షూటింగ్ ఇంకా ముంబైలోనే చేస్తున్నారు పూరీ జగన్నాథ్.

చెర్రీ బర్త్ డే సందర్భంగా ఫస్ట్ లుక్ ట్రీట్ ఇచ్చిన చిరంజీవి ఆచార్య టీమ్ ప్రస్తుతానికి రెస్ట్ మోడ్ లో ఉంది. ఏప్రిల్ 2 నుంచి ఆచార్య సినిమా కోకాపెట్ లో మళ్లీ మొదలుకానుంది. పవన్ కళ్యాణ్, క్రిష్ కాంబో మూవీ హరిహర వీరమల్లు సినిమా షూటింగ్ అల్యూమినియం ఫ్యాక్టరీలో జరుగుతుంది.

నందమూరి బాలకృష్ణ బోయపాటి శ్రీను దర్శకత్వంలో నటిస్తున్న సినిమా షూటింగ్ బెల్గాం ఆశ్రమంలో జరుగుతుంటే, ప్రవీణ్ సత్తారు డైరెక్షన్ లో నాగార్జున నటిస్తోన్న సినిమా గోవాలో జరుగుతుంది. ఇక రామానాయుడు స్టూడియోలో శరవేగంగా దృశ్యం -2 షూటింగ్ కంప్లీట్ చేస్తున్నారు వెంకటేశ్.

మహేశ్ బాబు సర్కారు వారి పాట షూటింగ్ గోవాలో జరుగుతుండగా… ఇటలీలో ఖిలాడీ షూటింగ్స్ తో బిజీగా ఉన్నారు రవితేజ. అల్లు అర్జున్, సుకుమార్ కాంబో పుష్ప సీన్స్ ను టోలీచౌకిలో చిత్రీకరిస్తున్నారు. వరుణ్ తేజ్ గని సినిమా షూటింగ్ అన్నపూర్ణ 7ఎకర్స్ లో కొనసాగుతుంది. సాయిధరమ్ తేజ్, దేవా కట్టా సినిమా రిపబ్లిక్ షూటింగ్ కూడా హైదరాబాద్ లోకల్ లొకేషన్స్ లోనే జరుగుతుంది.

మెగాపవర్ స్టార్ బర్త్ డే స్పెషల్ గా అటు త్రిపుల్ ఆర్…ఇటు ఆచార్య నుంచి ఫస్ట్ లుక్స్ వచ్చేసాయి. మెగాభిమానుల్ని రెండూ ఆకట్టుకుంటున్నాయి. అయితే ఈ రెండింటితో పాటూ చిరూ షేర్ చేసిన ఓ ఎమోషనల్ వీడియో ప్రెజెంట్ ట్రెండ్ క్రియేట్ చేస్తోంది.

ట్విటర్‌ వేదికగా విషెస్ వీడియో పోస్ట్ చేస్తూ భావోద్వేగానికి గురయ్యారు చిరంజీవి. ‘హ్యాపీ బర్త్‌డే మై బాయ్’‌ అంటూ చిరూ షేర్ చేసిన వీడియో… మెగా అభిమానులను ఎమోషనల్ గా థ్రిల్ చేసింది. ఇక ఆచార్య నుంచి సిద్ధ ఫస్ట్ లుక్ పోస్ట్ చేస్తూ… “నీతో నటించాలన్న కోరిక నెరవేరింది నాన్న… ఇంతకు మించిన బర్త్ డే గిఫ్ట్ ఏముంటుంది” అంటూ ట్వీట్ చేసారు రామ్ చరణ్.

చిన్నప్పుడు చరణ్‌ చిరూకు గొడుగు పట్టిన పిక్ తో పాటు.. పెద్దాయ్యాక తండ్రికి గొడుగు పడుతున్న మరో రెండు ఆచార్య సెట్ లోని ఫొటోలను ఇందులో చూపించారు. ‘అప్పుడు.. ఇప్పుడు.. ఎల్లప్పుడు కేరింగ్‌ సన్‌’ అంటూ ఈ వీడియోని ఎండ్ చేసారు చిరంజీవి..

స్టార్ వారసుడైనా ఇండస్ట్రీలో తాను స్టార్ గా మారేందుకు కష్టపడ్డాడు. నటుడిగా ఎంట్రీ ఇవ్వడానికి వారసత్వం పనికొస్తుందేమో కానీ.. నటవారసుడిగా నిలబడడానికి కాదని నిరూపిస్తూ.. సొంతగా ఎదుగుతూ సత్తా చూపిస్తున్నాడు మెగా పవర్ స్టార్. యాక్టింగ్ లోనే కాదు ..ప్రొఫెషనల్ చాలా షేడ్స్ చూపిస్తున్నారు రామ్ చరణ్. అందుకే ఇప్పుడు ఆయనకి తెలుగునేల మీదే కాదు…ప్రపంచవ్యాప్తంగా ఫ్యాన్ గ్రూప్స్ వెలిసాయి. బర్త్ డే ప్రత్యేకంగా న్యూయార్ టైమ్ స్వేర్స్ లోని నాస్దక్ బిల్డింగ్ పై చెర్రీ ఫోటోలను ప్రదర్శించారు.

మెగా ఫ్యామిలీ వారసుడంటే ఆషామాషీ కాదు.. అలా ,ఇలా ఉండకూడదు.. ఓ రేంజ్ లో ఉండాలి. అందుకే.. మెగాస్టార్ యాక్టింగ్ తో పాటు పవర్ స్టార్ పవర్ ను కలుపుకున్న ఈ మెగా పవర్ స్టార్ యంగ్ ఏజ్ లోనే ఇండస్ట్రీలోకి ఎంట్రీ ఇచ్చారు. హీరోగానే కాదు .. తండ్రితో కలిసి యాక్టింగ్ లో, డాన్స్ లో పోటీ పడుతున్నారు, ప్రొడ్యూసర్ గా కూడా మంచి సక్సెస్ అందుకుంటున్నారు చరణ్. అంతేకాదు .. సింప్లిసిటీ మెయింటెన్ చేస్తూ.. తన ఫ్యాన్స్ తో ఎప్పటికప్పుడు అన్ని విషయాలు షేర్ చేసుకుంటారు చరణ్. ఈ శనివారం రామ్ చరణ్ బర్త్ డే కావడంతో ఫ్యాన్స్ చేస్తున్న హడావిడి అంతా ఇంతా కాదు. నిన్న ఫ్యాన్స్ మీట్ లో భాగంగా చరణ్ కు విషెస్ తెలియజేసేందుకు ప్రవాహంలా అభిమానులు తరలివచ్చారు.

రామ్ చరణ్ కెరీర్ రంగస్తలం ముందు వరకూ ఒక లెక్క..రంగస్తలం తర్వాత ఒక లెక్క అన్నట్టు సినిమాల సెలక్షన్ లో వేరియేషన్ చూపిస్తున్నారు చరణ్. రాజమౌళి డైరెక్షన్లో తెరకెక్కుతున్న ట్రిపుల్ ఆర్ లో రామ్ చరణ్ తన విశ్వరూపం చూపిస్తున్నారు. అల్లూరి సీతారామరాజుగా చరణ్ .. ఇంతకుముందెన్నడూ లేనంత ఫియర్ లెస్ యాక్షన్ ఎమోషన్స్ ని చూపించబోతున్నారు.

మెగా స్టార్ వారసుడిగా డ్యాన్సులు, ఫైట్లతో చిరంజీవిని మరిపిస్తున్నాడు. తండ్రి స్టార్ డమ్ ను అందుకోవడానికి ట్రై చేస్తూ..తండ్రిని మరిపించేలా స్టెప్స్ వేస్తూ మెగా పవర్ స్టార్ అని ప్రూవ్ చేసుకుంటున్నారు. కొరటాల శివ డైరెక్షన్లో వస్తున్న ఆచార్య సినిమాలో తండ్రీ కొడుకులిద్దరూ కలిసి హంగామా చెయ్యబోతున్నారు. వీళ్లిద్దరినీ ఈ సినిమాలో ఎప్పుడెప్పుడు చూస్తామా అని వెయ్యి కళ్లతో వెయిట్ చేస్తున్నారు అభిమానులు .

హీరోగానే కాదు, తండ్రితో పోటీపడుతూ నటిస్తున్న కో యాక్టర్ గానే కాకుండా ..ప్రొడ్యూసర్ గా కూడా సక్సెస్ అవుతున్నారు చరణ్. కొణిదెల ప్రొడక్షన్స్ స్టార్ట్ చేసి చిరంజీవితోనే ఖైదీ నెం. 150 తో పాటు భారీ బడ్జెట్ సినిమా సైరా నర్సింహారెడ్డి చేసి సూపర్ హిట్ కొట్టారు చరణ్. ఇప్పుడు ఆచార్య సినిమాకి కూడా కో ప్రొడ్యూసర్ గా ఉన్నారు రామ్ చరణ్. ఇక మరోవైపు నేషనల్ డైరెక్టర్ శంకర్ తో సినిమా అనౌన్స్ చేసి…ప్రేక్షకులకి కిక్ ఇచ్చారు. పుట్టినరోజు సందర్భంగా ఈ మూవీ ప్రొడ్యూసర్ దిల్ రాజు…మీతో పనిచేసేందుకు వెయిట్ చేస్తున్నామంటూ ట్వీట్ చేసారు.

మెగాపవర్ స్టార్ రామ్ చరణ్ పుట్టినరోజు వేడుకల్లో మరింత జోష్ నింపేలా మేకర్స్ వరుసగా సర్పైజెస్ ఇస్తున్నారు. అడ్వాన్స్ విషెస్ తెలియజేస్తూ ఆర్ఆర్ఆర్ నుంచి సీతారామరాజుగా చెర్రీని పరిచయం చేసారు రాజమౌళి. ఇక తాజాగా తండ్రి చిరంజీవితో కలిసి నటిస్తోన్న ఆచార్య నుంచి సిద్ధగా ఎంట్రీ ఇచ్చాడు చరణ్. “నీతో నటించాలన్న కోరిక నెరవేరింది నాన్న… ఇంతకు మించిన బర్త్ డే గిఫ్ట్ ఏముంటుంది” అంటూ ట్వీట్ చేసారు రామ్ చరణ్. చిరూతో కలిసి తుపాకులతో నడుస్తోన్న ఈ ఫస్ట్ లుక్ మెగాఫ్యాన్స్ ను బాగా అట్రాక్ట్ చేస్తోంది. కాగా చిరూ తాజాగా లీక్ చేసినట్టు మావోయిస్తు పాత్రల్లోనే దర్శనమిచ్చారు తండ్రికొడుకులు.
కొరటాల శివ డైరెక్ట్ చేస్తోన్న ఈ మూవీ టీజర్ కూడా ట్రెండింగ్ అయిన సంగతి తెలిసిందే. ఈమధ్యే అటు మారేడుమిల్లి అడవుల్లో…ఇటు ఇల్లందు బొగ్గుగనుల్లో షూటింగ్ కంప్లీట్ చేసారు. ఇక మెగాస్టార్ సరసన కాజల్ కిచ్లూ నటిస్తుంటే…మెగాపవర్ స్టార్ జోడీగా పూజా హెగ్దే మెరవనుంది. మే 13న థియేటర్స్ కు వచ్చేందుకు రంగం సిద్ధం చేస్తున్నారు.

బిగ్ బాస్ ఫినాలేలో మాటిచ్చినట్టుగానే ఒక్కొక్కరికి ఒక్కో అవకాశం ఇచ్చుకుంటూ వెళ్తున్నారు మెగాస్టార్ చిరంజీవి. తాజాగా మెహ‌బూబ్‌కు ఆచార్య‌లో కీ రోల్ పోషించే ఛాన్స్ ఇచ్చారట చిరూ. ఇందులో జానపద నృత్యకారుడిగా..మెహబూబ్ పాత్ర ఎమోషనల్ గా ఉంటుందని టాక్. ఇంట్రవెల్ కి ముందు చనిపోయే పాత్రతో ఓ రేంజ్ ట్విస్ట్ ఇస్తాడట మెహబూబ్.

మామ ఇచ్చిన మాట నిలబెట్టుకుంటుంటే…అల్లుడు స్నేహ ధర్మాన్ని పాటిస్తున్నాడు. మంచు మనోజ్ అహం బ్ర‌హ్మాస్మి సినిమాలో గెస్ట్ రోల్‌ చేసేందుకు సాయి ధరమ్ తేజ్ ఓకే చెప్పాడ‌ట‌. పాత్ర వ్య‌వ‌థి త‌క్కువే అయినా సినిమాను మ‌లుపు తిప్పే పాత్ర అని స‌మాచారం. మనోజ్, సాయి ధరమ్ తేజ్ చిన్నప్పటి నుంచి మంచి స్నేహితులు. అందుకే ఫ్రెండ్ కోసం కాదనకుండా అహం బ్రహ్మాస్మీ అంటున్నాడు తేజ్. కాగా మంచు మనోజ్ కిది కమ్ బ్యాక్ మూవీ. అహం బ్రహ్మాస్మీ రిజల్ట్ పై మనోజ్ సినీ కెరీర్ ఆధారపడిఉంది.

మెగాస్టార్ చిరంజీవి, నందమూరి బాలకృష్ణ ఓ విషయంలో పోటీపడుతున్నారట. ఇద్దరికీ ఒకే హీరోయిన్ కావాలంటూ సందడి చేస్తున్నారట. ఇదంతా సరదాగా తీసుకున్నా నిజానికి మాత్రం బాలీవుడ్ దబాంగ్ బ్యూటీ సోనాక్షి సిన్హా ఈ ఇద్దరు సీనియర్ హీరోల సినిమాల్లో హీరోయిన్ ఛాన్స్ కొట్టేసిందనే టాక్ వినిపిస్తోంది. ఆల్రెడీ రజినీకాంత్ వంటి సీనియర్ హీరోతో లింగా సినిమా చేసిన సోనాక్షి అయితేనే వీళ్లకి కూడా బాగుంటుందని అనుకుంటున్నట్టు టాక్.

చిరంజీవి, డైరెక్టర్ బాబీ కాంబినేషన్లో ఓ సినిమా రానున్న సంగతి తెలిసిందే. మైత్రీ మూవీ మేకర్స్ తెరకెక్కిస్తున్న ఈ సినిమాలో హీరోయిన్ గా సోనాక్షి సిన్హా హీరోయిన్ గా కనిపించనుందట. ఇటు మలినేని గోపిచంద్ దర్శకత్వంలో బాలకృష్ణ నటించబోతున్న సినిమాలోనూ సోనాక్షినే హీరోయిన్ అన్న ప్రచారం జరుగుతుంది. అయితే రెండు చిత్రాల మేకర్స్ ఇప్పటికే సోనాక్షిని కలిసారని…ఆమె కూడా పాజిటివ్ గానే ఉన్నట్టు తెలుస్తోంది. ఇంకా ఈ విషయాలకు సంబంధించి అధికారిక ప్రకటన రావాల్సి ఉంది.