మరో క్రేజీ న్యూస్ ఫిల్మ్ సర్కిల్స్ లో చక్కర్లు కొడుతుంది. ప్రభాస్ కి పోటీగా మహేశ్ బరిలోకి దిగుతున్నాడన్న వార్త ప్రెజెంట్ హాట్ టాపిక్ గా మారింది. ఒకటే వేషం ఈ ఇద్దరు వేస్తే ఎలా ఉంటుంది? కథ ఒకటే…రెబల్ స్టార్, సూపర్ స్టార్ లను వేరు వేరు వర్షన్స్ లో చూస్తే ఎలా ఉంటుంది?

రామాయణం…ఎన్ని సినిమాల్లో రాముని గాధను చూసినా బోర్ కొట్టని సబ్జెక్ట్. ఈ కథాంశాన్ని ఆధారంగా చేసుకునే ప్రభాస్ ఆదిపురుష్ తెరకెక్కుతోంది. బాలీవుడ్ డైరెక్టర్ ఓం రౌత్ 3డీ టెక్నాలజీతో పాన్ ఇండియా లెవల్లో రూపొందిస్తున్నాడు. సగానికి పైగా ఆదిపురుష్ షూటింగ్ ను గ్రీన్ మ్యాట్ లోనే షూట్ చేయనున్నారు. కృతీ సనన్ సీతగా, సైఫ్ అలీఖాన్ రావణుడిగా, సన్నీ సింగ్ లక్ష్మణుడిగా నటిస్తున్న సంగతి తెలిసిందే. అయితే ఇప్పుడీ ప్రాజెక్ట్ కి పోటీగా మహేశ్ బాబు..దీపికా పదుకునే, హృతిక్ రోషన్ లతో కలిసి రంగంలోకి దిగనున్నాడనే వార్త హాట్ టాపిక్ గా మారింది.

ఆదిపురుష్ సినిమాకు పోటీ అన్నట్టు సూపర్ స్టార్ తో రామాయణం సినిమాని త్రీడీ ఫార్మెట్ లో ప్లాన్ చేస్తున్నారని సమాచారం. అది కూడా 300కోట్ల భారీ బడ్జెట్ తో. ప్రముఖ నిర్మాత మధు మంతెన చాలాకాలం నుంచే రామాయణాన్ని రూపొందించడానికి గట్టిగా ప్రయత్నిస్తున్నారు. ముందుగా ప్రభాస్ నే హీరోగా అనుకున్నా…ఆయన ఆదిపురుష్ కి కమిట్ అవడంతో నిర్ణయాన్ని మార్చుకున్నారు. తాజాగా మహేశ్ బాబుని…రామునిగా చూపించేందుకు ట్రై చేస్తున్నారు. ప్రస్తుతం మహేశ్, నిర్మాత మధుల మధ్య చర్చలు నడుస్తున్నాయి.

మహేశ్ బాబును రాముడిగా నటింపజేసేందుకు ట్రై చేస్తోన్న ఆ ప్రాజెక్ట్ లోనే… రావణుడి పాత్ర కోసం హృతిక్ రోషన్ ని.. దీపికా పదుకొనేని సీత పాత్ర కోసం సంప్రదిస్తున్నారు. అల్లు అరవింద్, మధు మంతెన, నమిత్ మల్హోత్ర నిర్మాతలుగా గత మూడేళ్లుగా ఈ ప్రాజెక్ట్ గురించి చర్చలు సాగుతూనే ఉన్నాయి. ‘దంగల్’ ఫేమ్ నితీష్ తివారి ‘మామ్’ ఫేమ్ రవి ఉద్యవార్ దర్శకత్వంలో ‘రామాయణం’ మూవీని అధికారికంగా ప్రకటించారు కూడా. కానీ అనుకోని కారణాలతో డిలే అయిన ఈ ప్రాజెక్ట్… రీసెంట్ గా మహేశ్ బాబు, దీపికా పదుకోన్, హృతిక్ రోషన్ పేర్లతో మళ్లీ లైమ్ లైట్ లోకి వచ్చింది.

బాలీవుడ్ లో మోస్ట్ హాట్ అండ్ లవబుల్ కపుల్ గా పేరుతెచ్చుకున్నారు దీపికా పడుకోణె, రణవీర్ సింగ్ . 6 ఏళ్లు ప్రేమించుకుని రెండేళ్ల క్రితం పెళ్లి చేసుకున్న ఈ జంట ఇప్పటికీ లవర్స్ లా ఫుల్ రొమాంటిక్ గా జాలీ గా కనిపిస్తుంటారు. ఒకే చోట ఈ ఇద్దరూ కనిపిస్తే ..కళ్లు తిప్పుకోలేనంత ఎట్రాక్ట్ చేస్తారు ఈ జంట. లేటెస్ట్ గా ఈ కపుల్ పోస్ట్ చేసిన హాట్ వీడియో సోషల్ మీడియాలో హాట్ టాపిక్ అయింది.

బ్యాక్ లైట్ లో దీపికా, రణవీర్ రొమాంటిక్ గా సెన్సువల్ డాన్స్ మూవ్స్ చేస్తున్న వీడియో ఫ్యాన్స్ ని తెగ ఎంటర్ టైన్ చేస్తోంది. డార్క్ పింక్ కలర్ డ్రెస్ లో రణవీర్ ,లైట్ బేబీ పింక్ కలర్ సూట్ లో దీపికా కలిసి చేసిన ఈ వీడియో వేడి పుట్టిస్తోంది. అబ్బ..ఇద్దరూ ఎంత రొమాంటిక్ మూడ్ లో ఉన్నారో అనుకుంటున్నారు ఫ్యాన్స్ . కానీ అసలు విషయం ఏంటంటే..సిల్హాట్ ఛాలెంజ్ లో భాగంగా దీపికా, రణవీర్ ఈ ఛాలెంజ్ వీడియో చేశారు.

సిల్హాట్ చాలెంజ్ ఈ మద్య సోషల్ మీడియాలో విపరీతంగా వైరల్ అవుతోంది. ఎప్పుడూ సోషల్ మీడియాలో ఏదో ఒక పోస్ట్ పెట్టే ఈ జంట ఈ సారి ఈ చాలెంజ్ వీడియో ని పోస్ట్ చేశారు. అంతేకాదు ఈ వీడియోకి ఎక్స్ టెన్షన్ గా చేతులు పట్టుకుని రింగారింగా రోజెస్ ఆడుతున్నట్టు డార్క్ లైట్ లో చేసిన వీడియో కూడా పోస్ట్ చేసి ట్రెండ్ లో ఉన్నారు రణవీర్, దీపికా.

వరుసగా తన సినిమాల రిలీజ్ డేట్స్ చెప్పేస్తున్నారు ప్రభాస్. షూటింగ్ మొదలవుతుందో లేదో ఆ వెంటనే రిలీజ్ డేట్ ప్రకటించేస్తున్నారు డార్లింగ్ దర్శకనిర్మాతలు. ఇప్పటికే షూటింగ్ పూర్తైన రాధేశ్యామ్ 2021 జూలై 30న రిలీజ్ కాబోతుంది. ప్రభాస్ సరసన పూజాహెగ్దే హీరోయిన్ లీడ్ చేసిన ఈ సినిమా ఇటలీ నేపథ్యంగా సాగే పీరియాడికల్ ఫిల్మ్ గా రూపొందింది. కాగా కేజీఎఫ్ ఫేం ప్రశాంత్ నీల్ దర్శకత్వంలో యంగ్ రెబర్ స్టార్ నటిస్తోన్న సలార్ 2022 ఏప్రిల్ 14న రిలీజ్ కాబోతున్నట్టు తాజాగా అనౌన్స్ చేసారు. ఇక బాలీవుడ్ డైరెక్టర్ ఓంరౌత్ కాంబినేషన్లో వస్తోన్న ఆదిపురుష్ 2022 ఆగస్టు 11న విడుదలే చేస్తామని షూటింగ్ కి ముందే చెప్పేసారు మేకర్స్.

ఇంక డార్లింగ్ సైన్ చేసిన వాటిలో బాకీ ఉంది నాగ్ అశ్విన్ కాంబో మూవీ రిలీజ్ డేట్ మాత్రమే. మహానటి ఫేం నాగ్ అశ్విన్ దర్శకత్వంలో అమితాబ్, ప్రభాస్,దీపికా పదుకోనె నటించబోతున్న ఈ సినిమా గురించి పెద్దగా అప్డేట్స్ ఇవ్వట్లేదు మేకర్స్. ఈమధ్యే జూన్ లేదంటే జూలైలో ప్రభాస్ సినిమా ప్రారంభిస్తామన్నారు నాగ్ అశ్విన్. అయితే ఇది ఓ సైన్స్ ఫిక్షన్ ప్రాజెక్ట్ అన్నట్టు మాత్రం తెలుస్తోంది. మరి ఈ మూవీ రిలీజ్ డేట్ బహుశా 2023లో ఉండొచ్చని సినీవర్గాల్లో చర్చ నడుస్తోంది. మరి ఎప్పుడు మొదలెడతారో…ఎప్పుడు రిలీజ్ చేస్తారో ముందు ముందు తెలుస్తుంది.

వరుస సినిమాలతో కుమ్మేస్తున్న ప్రభాస్ ప్రిస్టీజియస్ ప్రాజెక్ట్ గురించి మాత్రం ఇప్పుడే అప్డేట్స్ ఇవ్వడం కరెక్ట్ కాదంటున్నారు నాగ్ అశ్విన్. ప్రభాస్, అమితాబ్, దీపికా కాంబో మూవీపై తాజాగా స్పందించారు డైరెక్టర్ నాగ్ అశ్విన్. జూన్‌- జూలైలో ప్రాజెక్ట్ మొదలుపెట్టేందుకు సన్నాహాలు చేస్తున్నామన్నారు. కరోనా కారణంగా రాధేశ్యామ్ లేట్ కావడంతో ఈ ప్రాజెక్ట్ వెనక్కి వెళ్లిందన్నారు. నిజానికి ఫిబ్రవరి – మార్చిలో ప్రారంభించాల్సిన ప్రాజెక్ట్ అని…అయితే అప్పటికే ప్రభాస్ వరుస కమిట్మెంట్స్ ఉండటంతో కొంచెం లేట్ అవుతోందని చెప్పుకొచ్చారు. అయితే దొరికిన టైంలో స్క్రిప్ట్ కి మరిన్ని మెరుగులు దిద్దుకునే అవకాశం దొరికిందన్న నాగ్ అశ్విన్…ఇంతకుమించి ఈ ప్యాన్ ఇండియా మూవీ గురించి ఇప్పుడు చెప్పడం తగదని చెప్పేసారు.

1983వ సంవత్సరంలో కపిల్‌దేవ్‌ నడిపించిన ఇండియన్ క్రికెట్ టీమ్ విశ్వవిజేతగా ఎదిగి దేశ క్రికెట్‌ చరిత్రలో నవ శకానికి నాంది పలికింది. ఆనాటి భారత టీమ్‌ జర్నీని వెండితెరపై చూపించాలనే సంకల్పంతో 83 మూవీని తెర‌కెక్కించాడు డైరెక్టర్ క‌బీర్ ఖాన్ . విష్ణు ఇందూరి నిర్మాణంలో రూపొందుతున్న ఈ క‌పిల్ బ‌యోపిక్‌లో హీరో ర‌ణ్‌వీర్ సింగ్… కపిల్ దేవ్ గా నటిస్తున్నాడు. ఇక ఆయ‌న భార్య పాత్రను దీపికా పదుకొనె పోషిస్తుండటం విశేషం. సునీల్‌ గవాస్కర్‌ పాత్రలో తాహీర్‌ రాజ్‌ భాసిన్, అప్పటి టీమ్ మేనేజర్‌ మాన్‌ సింగ్‌ రోల్ లో పంకజ్‌ త్రిపాఠి, క్రికెటర్స్ సందీప్‌ పాటిల్‌ గా ఆయన కుమారుడు చిరాగ్‌ పాటిల్, శ్రీకాంత్‌ క్యారెక్టర్లో తమిళ్ యాక్టర్ జీవా కనిపించబోతున్నారు. ఇక ప‌లు మార్లు వాయిదా ప‌డిన ఈ చిత్రాన్ని దేశవ్యాప్తంగా జూన్ 4న విడుద‌ల చేయ‌నున్నారు.

ఇదిలాఉంటే బాలీవుడ్‌ భామ దీపికా పదుకోనె సర్కస్‌కి వెళ్తారని సమాచారం.. అదీ కేవలం అతిథిగా మాత్రమే. రోహిత్‌ శెట్టి డైరెక్షన్లో రణ్‌వీర్‌ సింగ్‌ హీరోగా ప్రస్తుతం నటిస్తున్న ‘సర్కస్‌’ మూవీలో దీపికా ప్రత్యేక పాత్రను పోషిస్తుంది. రణ్ వీర్ సరసన పూజా హెగ్డే, జాక్వెలిన్ నటిస్తున్నారు. ఫుల్ లెంత్ కామెడీ ఎంటర్టైనర్ గా రూపొందుతున్న ఈ సినిమాలో భర్త కోసమే దీపికా ఈ నిర్ణయం తీసుకుందట.

అభిమానుల కోరిక మేరకు జనవరి 29న ఓ న్యూస్ చెప్తానని ప్రకటించిన డైరెక్టర్ నాగ్ అశ్విన్, వైజయంతీ మూవీస్ నేడు ఓ అప్డేట్ రిలీజ్ చేసారు. అమితాబ్ బచ్చన్, ప్రభాస్, దీపికా పదుకోన్ నటించబోతున్న నాగ్ అశ్విన్ పాన్ ఇండియా మూవీ కోసం మ్యూజిక్ డైరెక్టర్ మిక్కి జే మేయర్…డైరెక్టర్ ఆఫ్ ఫోటోగ్రఫీ డానీ సంచేజ్ లోపేజ్ లకు స్వాగతం పలికారు. మహానటికి పనిచేసిన వీళ్లిద్దరిని…మళ్లీ తన సినిమా కోసం ఆహ్వానిస్తున్నందుకు ఆనందంగా ఉందన్నారు నాగ్ అశ్విన్.

ఓటీటీలు వేరైనా తీవ్రవాద నేపథ్యంలో వచ్చిన ది ఫ్యామిలిమెన్, స్పెషల్ ఓపిఎస్ వంటి సిరీస్ సూపర్ హిట్టయ్యాయి. జనాల్లో విపరీతమైన క్రేజ్ సంపాదించాయి. ఈ క్రేజ్ ను క్యాష్ చేసుకునేందుకు తీవ్రవాదులుగా మారుతున్నారు మన అందగత్తెలు. ఆల్రెడీ సమంతా నటించిన ‘ది ఫ్యామిలీ మెన్ -2’లో కరుడుగట్టిన తీవ్రవాదిగా కనిపించబోతున్నారు. ఈ మూవీ అమెజాన్ వేదికగా ఫిబ్రవరి 12న రిలీజ్ కానుంది.
ఇక పాపులర్ ఓటీటీ సిరీస్ ‘స్పెషల్ ఓపీఎస్ 2’లో తీవ్రవాదిగా నటించేందుకు సైన్ చేసారు దీపికా పదుకోన్. నీరజ్ పాండే ఈ ప్రాజెక్ట్ ను డైరెక్ట్ చేస్తున్నారు. కథ అందులోని మలుపులు బాగా నచ్చడంతో వెంటనే దీపికా గ్రీన్ సిగ్నల్ ఇచ్చారని… ఉగ్రవాదిగా నటించేందుకు అంగీకరించారని టాక్. సో ఇలా టీటౌన్, బిటౌన్ వయ్యారిభామలు….యాక్షన్ ఎపిసోడ్స్ తో అలరించనున్నారన్నమాట.

ప్రకటించిన దగ్గరినుంచి స్పెషల్ డేస్, పండుగలు వచ్చిపోతున్నాయి…కానీ ఎలాంటి అప్ డేట్స్ లేకపోవడంతో అభిమానులు అసహనానికి గురయ్యారు. వరుస ట్వీట్స్ తో మూవీ యూనిట్ సభ్యులని హైజాక్ చేయడం మొదలెట్టారు. అవును నాగ్ అశ్విన్ దర్శకత్వంలో ప్రభాస్, దీపికా పదుకోన్, అమితాబ్ బచ్చన్ నటిస్తోన్న ప్రిస్టీజియస్ ప్రాజెక్ట్ గురించి ఎలాంటి న్యూస్ లేకపోవడంతో ట్వీట్స్ రచ్చ చేసారు డార్లింగ్ ఫ్యాన్స్.


దీంతో దిగొచ్చిన డైరెక్టర్ నాగ్ అశ్విన్…జనవరి 29న లేదంటే ఫిబ్రవరి 26న ఓ ఇంట్రెస్టింగ్ న్యూస్ చెబుతామన్నారు. వైజయంతి మూవీస్ బ్యానర్ లో ప్రభాస్ సినిమానైతే ప్రకటించారు కానీ నెట్ ఫ్లిక్స్ కోసం పిట్టకథల్లోని ఓ కథను తెరకెక్కించడం, నవీన్ పొలిశెట్టితో జాతిరత్నాలు అనే చిత్రాన్ని నిర్మించడం వంటి పనులతో బిజీగా మారారు నాగ్ అశ్విన్. ఇక ఈ రెండు పనులు దాదాపు పూర్తయ్యాయి. సో కాన్సట్రేషన్ మొత్తం ప్రభాస్ మూవీపైనే కేంద్రికరించనున్నారు. అటు ప్రభాస్ కూడా రాధేశ్యామ్, సలార్, ఆది పురుష్ అంటూ హల్చల్ చేస్తున్నారు. ఇద్దరు కలిసి ముందుకు రావాలంటే కాస్త సమయం పట్టేట్టుంది. అందుకే ఈలోపు ఓ క్రేజీ అప్డేట్ ను రిలీజ్ చేయబోతున్నారు.

నాగ్ అశ్విన్, ప్రభాస్ కాంబో మూవీలో సెకండ్ హీరోయిన్ గా మాళవిక నాయర్ సెలెక్ట్ అయిందని అంటున్నారు. జనవరి 5న పుట్టినరోజు జరుపుకున్న ఈ భామకు వైజయంతి మూవీస్ శుభాకాంక్షలు తెలియజేసింది. దీంతో నాగ్ అశ్విన్ డైరెక్ట్ చేసే పాన్ ఇండియా మూవీలో మాళవిక కూడా నటించబోతుంది అన్న వార్త ఊపందుకుంది.
ప్రభాస్, దీపికా పదుకొనె లీడ్ పెయిర్ కాగా…బిగ్ బీ అమితాబ్ మరో పాత్రలో కనిపించనున్నారు. ఇంకా చాలామంది స్టార్స్ నటించబోయే ఈ క్రేజీ ప్రాజెక్ట్ లో మాళవిక ఛాన్స్ దక్కించుకోడానికి ఓ కారణం ఉంది.


వైజయంతి మూవీస్ నిర్మించిన… నాగ్ అశ్విన్ ఎవడే సుబ్రమణ్యంతోనే తెలుగు ఇండస్ట్రీలో అడుగు పెట్టింది మాళవిక నాయర్. వైజయంతి వారితో మంచి అనుబంధం ఉంది ఈమెకి. సూపర్ హిట్ మహనటిలోను కనిపించింది. కానీ పెద్దగా గుర్తింపు రాలేదు. సోలో హీరోయిన్ గా నటించిన కళ్యాణ వైభోగమే, విజేత వంటివి పెద్దగా క్లిక్ కాలేదు. తాజాగా పెళ్లిసందడి 2 లో నటించే అవకాశం వచ్చింది. అయితే మెయిన్ హీరోయినా, సెకండ్ హీరోయినా అన్నది తెలియాల్సివుంది. మరీ టైంలో ప్రభాస్ సరసన ఎంపికైంది అన్న వార్త హాట్ టాపిక్ గా మారింది. మరి త్వరలోనే కాస్ట్ ను అనౌన్స్ చేస్తున్న వైజయంతి మూవీస్….మాళవిక పేరును ప్రస్తావిస్తుందో…లేదో….

మైమరిపించే సొట్టబుగ్గల అందం…మెరుపు తీగ లాంటి మేని సోయగం వెరసి బాలీవుడ్ కలల వయ్యారం..దీపికా పదుకొణే. అయితే అందానికే దీపికాను పరిమితం చేయలేం. గ్లామర్ షోతో పాటే మంచి నటిగా తానేంటో ఇప్పటికే నిరూపించుకుంది. ప్రఖ్యాత బ్యాడ్మింటన్ ప్లేయర్ ప్రకాశ్ పదుకొణే, ఉజ్వల దంపతులకు 1986 జనవరి 5న ఫస్ట్ బేబిగా జన్మించింది.
డెన్మార్క్ లోని కోపెన్ హాగన్ లో పుట్టినా ఆమెది కర్ణాటక రాష్ట్రం. ఓ సంప్రదాయ బ్రాహ్మణ కుటుంబం. మాతృభాష కొంకణి. బహుశా తండ్రి నుంచి అబ్బిన లక్షణం కావచ్చు చిన్నతనం నుంచే ఆటపాటల్లో నెంబర్ 1 అనిపించుకునేది దీపికా. తండ్రిలా రాకెట్ పట్టి మైదానంలో విజయఢంగా మోగించేది. పాఠశాలలో ఫ్యాన్సీ డ్రెస్ పోటీల్లో మెరిపించిన దీపికా…ఆపై కళాశాలల్లోనూ ఇంట్రెస్ట్ కనబరిచేది . ఆపై నెమ్మదిగా ఆమెకు యాక్టింగ్ మీద దృష్టి మళ్లింది.

రాకెట్ పట్టడంలో కంటే నటనతో దూసుకుపోవాలన్న కోరిక బలంగా పడింది. దీంతో ముంబై వెళ్ళి మోడల్ గా తన అదృష్టాన్ని పరీక్షించుకుంది. అప్పుడప్పుడే చిన్న చిన్న యాడ్స్ చేసుకుంటున్న సమయంలో కన్నడ స్టార్ ఉపేంద్ర హీరోగా తెరకెక్కిన మన్మథుడు రీమేక్ ఐశ్వర్యలో లీడ్ హీరోయిన్ గా ఎంపికైంది. ఆ తరువాతే 2007లో బాలీవుడ్ ఎంట్రీ ఇచ్చి ‘ఓం శాంతి ఓం’ తో ప్రేక్షకులను అలరించింది.
ఓం శాంతి ఓం తర్వాత దర్శకురాలు ఫరాఖాన్, హీరో షారుఖ్ ఖాన్ దీపికను ఎంతగానో ప్రోత్సహించారు. హిందీలో దీపిక సెకండ్ మూవీ ‘బచ్ నా యే హసినో’. ఈ ప్రాజెక్ట్ లో రణబీర్ కపూర్ హీరో. ఈ సినిమా సమయంలోనే రణబీర్ తో లవ్ స్టోరి నడిపింది దీపిక. చాందినీ చౌక్ టు చైనా, లవ్ ఆజ్ కల్, హౌస్ ఫుల్, కాక్ టెయిల్, రేస్-2 చిత్రాలతో దీపిక బాలీవుడ్ క్వీన్ గా పేరుతెచ్చుకుంది. ఇక బాలీవుడ్ బాద్షా షారుఖ్ తో నటించిన ‘చెన్నై ఎక్స్ ప్రెస్’ దీపికాను 200కోట్ల కథానాయికగా నిలబెట్టింది.
అప్పటి బాయ్ ఫ్రెండ్ రణబీర్ తో కలసి మళ్లీ ‘యే జవానీ హై దివానీ’ అంటూ వచ్చింది. అయితే అప్పటికే ఇద్దరి మధ్య ప్రేమ తగ్గుతూ వచ్చి తారాస్థాయికి చేరింది. డిప్రెషన్ కి చేరువయింది. ఆత్మహత్య ఆలోచనలు చేసింది. కానీ కుటుంబ సభ్యులు, డాక్టర్స్ సలహాతో దాన్నుంచి బయటపడింది. అయితే తాను డిప్రెషన్ ని ఎలా ఎదుర్కొన్నానో తెలియజేసి అందరిచేత వావ్ దీపికా అనిపించుకుంది.
మహేంద్ర సింగ్ ధోని, సిద్ధార్ధ్ మాల్యా వంటి వారితోనూ సన్నిహితంగా మెలిగిన దీపికా చివరికి రణ్ వీర్ సింగ్ దగ్గర ఆగింది. ఈ జంట 2013లో నటించిన గలియోంకీ రాస్ లీల రామ్ లీల..ప్రేక్షకుల్మి మంత్రముగ్ధుల్ని చేసింది. ఈ సమయంలో రణ్ వీర్, దీపికల మధ్య ప్రేమ చిగురించడం అది పరిణయంగా మారడం వరకు వెళ్లింది.
కేవలం గ్లామర్ షో తో ఎంటర్ టైన్ చేయకుండా వీలైనప్పుడల్లా మంచి పాత్రలను అంగీకరిస్తుంది దీపికా పదుకొణే. అలాంటివే తమాషా, పీకూ, హ్యాపీ న్యూ ఇయర్, బాజీరావు మస్తానీ, రాబ్తా, పద్మావత్, ఛపాక్ వంటి సినిమాలు. ఇక హాలీవుడ్ లో అడుగుపెట్టిన ఈ భామ ఫైండింగ్ ఫన్నీ, ట్రిపుల్ ఎక్స్ లతో సత్తా చాటింది.
పెళ్ళయిన తర్వాత కూడా భర్త రణ్ వీర్ తో పాటూ దీపికా బిజీగానే ఉంది. 1983 వరల్డ్ కప్ కథాంశంగా రూపొందుతోన్న ’83’ మూవీలో భర్తతో పాటు కనిపించనుంది దీపికా. నాగ్ అశ్విన్ డైరెక్షన్ లో ప్రభాస్ హీరోగా తెరకెక్కబోయే సైంటిఫిక్ ఫిక్షన్ లో హీరోయిన్ గా నటించనుంది దీపిక. ధూమ్ 4లోనూ నటించే అవకాశం ఉన్నట్టు తెలుస్తోంది. ఇక సోషల్ మీడియాలో యాక్టివ్ గా ఉండే దీపికా…2021 మొదటిరోజు తన అకౌంట్స్ అన్నింటిని ఖాళీ చేసింది. గత సంవత్సరపు బాధలను మర్చిపోయి…ఫ్రెష్ గా ఈ ఇయర్ ను గడపాలనే ఉద్దేశ్యంతోనే ఆ పని చేసినట్టు చెప్పుకొచ్చింది. సరే ఏదేమైనా తాను కోరుకున్నట్టు హ్యాపీ లైఫ్ లీడ్ చేస్తూ ఈ పుట్టినరోజు తర్వాత మరిన్ని విజయాలు అందుకోవాలని కోరుకుంటూ హ్యాపీ బర్త్ డే దీపికా….వెల్క్ం టు టాలీవుడ్.