ఈ మధ్యే అధికారికంగా ప్రారంభమైన దృశ్యం – 2 తెలుగు రీమేక్ గురించి ఓ వార్త ట్రెండింగ్ గా మారింది. ఈ చిత్రంలో రానా, సమంతా నటిస్తున్నారనే టాక్ నడుస్తోంది. మలయాళ ఒరిజినల్ చూసినవాళ్లకి సరిత, సాబు రోల్స్ గురించి తెలిసే ఉంటుంది. హీరో ఇంటి పక్క వాళ్లలా ఉండి అసలు నిజాన్ని రాబట్టాలనుకునే పోలీసాఫీసర్స్ వాళ్లు. ఇప్పుడా క్యారెక్టర్స్ లోనే రానా, సమంతా నటించబోతున్నారని సమాచారం. అయితే దీనిపై అధికారిక ప్రకటన రావాల్సిఉంది.

వెంకీ నటించిన నారప్ప విడుదలకు సిద్ధమవుతుండగా…ఎఫ్ 3 సెట్స్ పైనుంది. కాగా మార్చి 5 నుంచి దృశ్యం -2 సెట్స్ లో అడుగుపెట్టనున్నారు. ఇక రానా నటించిన అరణ్య ఏప్రిల్ 2న ప్రేక్షకుల ముందుకు రాబోతుంది. పవన్ కళ్యాణ్ కలయికలో నటిస్తోన్న అయ్యప్పనున్ కోషియుమ్ రీమేక్ లో నటిస్తున్నాడు. అటు సమంతా విజయ్ సేతుపతి, నయనతార కాంబినేషన్లో ఓ తమిళ్ సినిమా చేస్తుండగా…త్వరలోనే శాకుంతలం చిత్రీకరణలో పాల్గొనబోతుంది. ఇక ఇప్పుడు వెంకీ, రానా, సామ్ ముగ్గురు కలిసి దృశ్యం చూపిస్తారా అన్నది సస్పెన్స్ గా మారింది.