మరో సాంగ్ సెన్సేషన్ కోసం రంగంలోకి దిగుతోంది ‘లవ్ స్టోరి’ మూవీ. శేఖర్ కమ్ముల దర్శకత్వంలో నాగ చైతన్య, సాయి పల్లవి జంటగా నటించిన ”లవ్ స్టోరి” నుంచి విడుదలైన ప్రతి పాట హిట్ మంచి టాక్ సొంతం చేసుకుంటోంది. ఇక సారంగదరియా గురించి ప్రత్యేకంగా చెప్పక్కర్లేదు. ఈ పాటలే సినిమాపై భారీ అంచనాలను పెంచేస్తున్నాయి. కాగా ఈ మూవీలోని మరో లవ్ సాంగ్ రిలీజ్ కి రెడీఅవుతోంది. ‘ఏవో ఏవో కలలే’ అంటూ వర్షం బ్యాక్ డ్రాప్ లో సాగే ఈ పాటను గురువారం మార్నింగ్ 10 గంటల 08 నిమిషాలకు సూపర్ స్టార్ మహేష్ బాబు విడుదల చేయబోతున్నారు.

ఇప్పటికే ప్రేక్షకుల ముందుకు వచ్చిన ఈ పాట పోస్టర్ చూస్తుంటే ..పాట మంచి డాన్స్ ఐటమ్ అని తెలుస్తోంది. అందులో వాన పాట కావడంతో సాయి పల్లవితో పాటే చైతూ స్టెప్పులు ఇరగదీసి ఉంటారని చెప్తున్నారు. చూద్దాం లవ్ స్టోరిలోని ఈ కొత్త సాంగ్ ఏమాత్రం ప్రేక్షకులను అలరిస్తుందో…