యంగ్ హీరో నాగశౌర్య , డెబ్యూ డైరెక్టర్ సంతోష్‌ జాగర్లపూడి కాంబోలో రూపొందుతోన్న చిత్రం ‘ల‌క్ష్య’. నాగశౌర్య జోడీగా కేతిక శ‌ర్మ న‌టిస్తోన్న ఈ సినిమాలో ప్రధాన పాత్రల్లో విలక్షణ న‌టుడు జ‌గ‌ప‌తి బాబుతో పాటూ సచిన్ ఖేడేకర్ కనిపించనున్నారు. నాగ‌శౌర్య 20వ ప్రాజెక్ట్ గా ప్రాచీన విలువిద్య నేప‌థ్యంలో… స్పోర్ట్స్ డ్రామా చిత్రంగా క‌మ‌ర్షియ‌ల్ హంగుల‌న్నింటినీ జోడించి ఈ మూవీ తెర‌కెక్కిస్తున్నారు. ఇంత‌కు ముందెన్న‌డూ చూడ‌ని ఎయిట్‌ప్యాక్ లుక్‌తో ఈ సినిమాలో స‌ర్పైజ్ చేయనున్నాడు నాగ‌శౌర్య‌. ఇప్ప‌టికే విడుద‌లైన పోస్ట‌ర్స్ కి, నాగ‌శౌర్య పుట్టినరోజు సంద‌ర్భంగా రిలీజైన టీజ‌ర్‌కి సూపర్ రెస్పాన్స్ వ‌చ్చింది. దాదాపు 80శాతం షూటింగ్ కంప్లీట్ చేసుకున్న ఈ మూవీ… ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాలు జరుపుకుంటోంది. కీరవాణి కుమారుడు కాలభైరవ మ్యూజిక్ అందిస్తున్నాడు. సోనాలి నారంగ్ స‌మ‌ర్పణ‌లో శ్రీ వేంకటేశ్వర సినిమాస్‌ ఎల్‌ఎల్‌పి, నార్త్ స్టార్‌ ఎంటర్‌టైన్‌మెంట్‌ బ్యానర్లపై నారాయణ దాస్ కె. నారంగ్‌, పుస్కూర్‌ రామ్‌మోహన్‌రావు, శరత్‌ మరార్ సంయుక్తంగా నిర్మిస్తున్నారు.

రజనీకాంత్‌ హీరోగా నటిస్తోన్న చిత్రం ‘అన్నాత్తే’. శివ దర్శకత్వం వహిస్తున్న ఈ సినిమాలో టాలీవుడ్ ఫ్యామిలీ హీరో జగపతిబాబు కనిపించనున్నారు. రీసెంట్ గా ఈ సంగతిని మూవీ ప్రొడక్షన్ హౌజ్ తన ట్విటర్‌లో ప్రకటించింది. జగపతిబాబు కోలీవుడ్ సినిమాల్లో నటించడం…అందులో రజినితో కలిసి నటించడం కూడా కొత్తేమీ కాదు. గతంలో ఆయన రజనీకాంత్‌ కాంబినేషన్ లో ‘కథానాయకుడు’, ‘లింగ’ సినిమాల్లో నటించారు.

ఇక ఇప్పుడు అన్నాత్తే కోసం మరోసారి కలిసి కనిపించబోతున్నారు. లాస్ట్ ఇయర్ డిసెంబర్‌ నెలలో షూటింగ్‌ను తిరిగి రామోజీ ఫిల్మ్ సిటీలో ప్రారంభించగా, కరోనా కారణంగా మళ్ళీ షూటింగ్ వాయిదా పడింది. తిరిగి ఈమధ్యే చెన్నైలో చిత్రీకరణ మొదలు కాగా, ప్రధాన సన్నివేశాలను తెరకెక్కిస్తున్నారు. కళానిధి మారన్‌ సమర్పిస్తుండగా… సన్‌ పిక్చర్స్ బ్యానర్ పై రూపొందుతున్న ఈ సినిమాలో కీర్తి సురేష్, నయనతార, ఖుష్బూ, మీనా, ప్రకాష్ రాజ్, రోబో శంకర్‌ ప్రధానపాత్రల్లో నటిస్తున్నారు. డి.ఇమ్మాన్‌ సంగీతం అందిస్తున్నారు. కాగా ఈ చిత్రం 2021లోనే నవంబర్‌ 4వ తేదీన దీపావళి ప్రత్యేకంగా ప్రేక్షకులు ముందుకు రానుంది.

ఈమధ్య వరుసగా క్రీడా కథాంశంతో సాగే చిత్రాలు వెండితెరకు క్యూ కడుతున్నాయి. అలాంటిదే కీర్తి సురేష్ లీడ్ రోల్ చేసిన ‘గుడ్‌లక్‌ సఖి’. అయితే గ్రామీణ నేపథ్యంలో ఈ సినిమాను తెరకెక్కించారు డైరక్టర్ నగేష్‌ కుకునూర్‌. ఇక ఈ సంవత్సరం జూన్‌ 3వ తేదీన ‘గుడ్‌లక్‌ సఖి’ని రిలీజ్ చేయనున్నట్లు మూవీ యూనిట్ ఇటీవలే ప్రకటించింది. జగపతి బాబు ఆది పినిశెట్టి కీలక పాత్రలు చేసారిందులో. దక్షిణాది భాషలు తెలుగు, తమిళం, మలయాళ ఇండస్ట్రీల్లో ఈ సినిమా రిలీజ్ కానుంది. ఈ చిత్రానికి ప్రొడ్యూసర్ సుధీర్‌చంద్ర పాదిరి. దేవిశ్రీ ప్రసాద్‌ మ్యూజిక్ అందించడం విశేషం.

రొమాంటిక్ కామెడీ మూవీ ‘ఎఫ్‌సీయూకే’లో తండ్రిగా నటిచిన జగపతిబాబు సోషల్ మీడియాలో ఏసుక్రీస్తుగా కనిపిస్తున్నారు. ట్విట్టర్ లో యాక్టివ్‌గా ఉండే జగ్గూభాయ్ త‌న సినిమా విశేషాల‌ను అప్పుడప్పుడు షేర్ చేస్తుంటారు. రీసెంట్ గా చేతుల‌కు శిలువ‌, నెత్తిన ముళ్లకిరీటం, బక్కచిక్కిన శరీరంతో ట్విట్టర్ లో దర్శనమిచ్చారు. అయితే ఈ ఫోటోతో పాటూ ఎలాంటి కామెంట్ చేయలేదు. ఏదైనా సినిమాలో ఏసుగా నటిస్తున్నారా…వేరే కారణం ఏదైనా ఉందా అన్నది అభిమానులకి అర్ధం కావట్లేదు. దీంతో క్లారిటీ ఫ్లీజ్ స‌ర్ అంటూ రిక్వెస్ట్ చేస్తున్నారు.

ఒక‌ప్పుడు ఫ్యామిలీ ప్రేక్ష‌కుల‌ని టార్గెట్ చేసిన జ‌గ‌ప‌తి బాబు వివిధ రకాల క్యారెక్టర్స్ చేస్తూ సెకండ్ ఇన్నింగ్స్ లో దూసుకుపోతున్నారు. విలన్ గా, అన్నయ్యగా, తండ్రిగా… ఇలా ప్రత్యేకమైన పాత్ర‌లు చేస్తూ కాల్ షీట్స్ ఖాళీలేకుండా గడుపుతున్నారు. ప్ర‌జెంట్ ‘ఎఫ్‌సీయూకే’ (ఫాదర్‌-చిట్టి-ఉమా-కార్తీక్‌) సినిమా ప్రమోషన్స్ చేస్తున్నారు. విద్యాసాగ‌ర్ డైరెక్ట్ చేసిన ఈ మూవీలో రామ్‌ కార్తీక్‌, అమ్ము అభిరామి ప్రధాన పాత్ర‌ల్లో నటించారు. కాగా ఈ సినిమాని ఫిబ్ర‌వ‌రి 12న రిలీజ్ చేయ‌నున్నారు.

వరుణ్ తేజ్ పుట్టినరోజు సందర్భంగా…ఈ హీరో నటిస్తున్న కొత్త సినిమా ఫస్ట్ లుక్ రిలీజ్ చేసారు. ‘గని’ అన్న టైటిల్ ను ఖరారు చేస్తూ వరుణ్ ఇస్తున్న పంచ్ హైలైట్ గా మారింది. లైగర్ లో బాక్సర్ గా విజయ్ దేవరకొండ నటిస్తుంటే బాక్సర్ గనిగా వరుణ్ తేజ్ కనిపించబోతున్నారు. ఈ మూవీలో హీరో పాత్ర పేరు గని కాబట్టే..టైటిల్ కి కూడా ఆ పేరే కన్ఫర్మ్ చేసినట్టు తెలుస్తోంది.
ఫాదర్ సెంటిమెంట్ తో తెరకెక్కుతున్న ఈ సినిమాలో వరుణ్ తండ్రిగా స్టార్ యాక్టర్ ‘ఉపేంద్ర’ నటిస్తున్నారు. ఇక వరుణ్ తేజ్ కోచ్ గా బాలీవుడ్ నటుడు ‘సునీల్ శెట్టి’, విలన్ గా ‘జగపతిబాబు’ కనిపించబోతున్నారు. ‘నవీన్ చంద్ర’ కూడా కీ రోల్ పోషిస్తున్న గనికి ‘తమన్’ సంగీతం అందిస్తున్నారు.

Source: Geetha Arts

జగపతిబాబు ప్రధాన పాత్రధారిగా, రామ్ కార్తీక్, అమ్ము అభిరామి యువ జంటగా… శ్రీ రంజిత్ మూవీస్ నిర్మిస్తోన్న 14వ‌ చిత్రం ‘ఫాదర్-చిట్టి-ఉమ- కార్తీక్’. టైటిల్‌లోని మ‌రో ప్ర‌ధాన పాత్ర చిట్టిగా బేబి స‌హ‌శ్రిత న‌టిస్తోంది. ఈ చిత్రానికి విద్యాసాగ‌ర్ రాజు ద‌ర్శ‌క‌త్వం వ‌హిస్తున్నారు. షార్ట్‌క‌ట్‌లో ఈ సినిమా ‘ఎఫ్‌సీయూకే’గా పాపుల‌ర్ అయ్యింది. ఇప్ప‌టివ‌ర‌కూ నాలుగు ప్ర‌ధాన పాత్ర‌ల‌కు సంబంధించి విడుద‌ల చేసిన ఫ‌స్ట్ లుక్ పోస్ట‌ర్స్ విల‌క్ష‌ణంగా ఉన్నాయంటూ అన్ని వ‌ర్గాల నుంచీ ప్ర‌శంస‌లు ల‌భించాయి. నూత‌న సంవ‌త్స‌రారంభం సంద‌ర్భంగా రాజమౌళి, దిల్ రాజు వంటి వారు ఈ సినిమా టీజ‌ర్‌ను విడుద‌ల చేశారు. పోస్ట‌ర్స్ ఎంత యూనిక్‌గా ఉన్నాయో, టీజ‌ర్ సైతం అంత యూనిక్‌గా ఉంద‌ని అంటున్నారు.

ఒక నిమిషం నిడివి క‌లిగిన ఈ ఉత్తేజ‌భ‌రిత‌మైన టీజ‌ర్‌లో నాలుగు ప్ర‌ధాన పాత్ర‌ల‌ను ప‌రిచ‌యం చేయ‌డం క‌నిపిస్తుంది. అయితే ఇక్క‌డ చెప్పుకోవాల్సింది జ‌గ‌ప‌తిబాబు (ఫాద‌ర్‌), బేబి స‌హ‌శ్రిత (చిట్టి) మ‌ధ్య అనుబంధం గురించి. ఒక ట్రెండ్‌సెట్టింగ్ యూత్‌ఫుల్‌ రొమ్‌కామ్‌గా ఈ సినిమా నిల‌వ‌నున్న‌ద‌నే న‌మ్మ‌కం టీజ‌ర్ క‌లిగిస్తోంది. నాలుగు పాత్ర‌లు.. ఫాద‌ర్‌, చిట్టి, ఉమా, కార్తీక్‌.. ఆ పాత్ర‌ల మ‌ధ్య వినోద‌భ‌రిత అనుబంధం ఉత్తేజాన్ని క‌లిగిస్తూ, సినిమాపై మ‌రింత ఆస‌క్తిని రేకెత్తిస్తోంది.

ఈ సినిమా ఇతివృత్తం ఏమిట‌నేది వెల్ల‌డించ‌కుండా ఉత్కంఠ‌త‌ను పెంచుతోంది చిత్ర బృందం. టీజ‌ర్ విడుద‌ల‌వ‌డం, దానిని ప్ర‌శంసిస్తూ టాలీవుడ్ సెల‌బ్రిటీలు కామెంట్లు చేయ‌డంతో ‘ఎఫ్‌సీయూకే’ గురించి మ‌రింత తెలుసుకోవాల‌నే కూతుహ‌లాన్ని నెటిజ‌న్లు వ్య‌క్తం చేస్తున్నారు. త్వ‌ర‌లో సినిమా ట్రైలర్ ను రిలీజ్ చేయ‌నున్న‌ట్లు నిర్మాత కె.ఎల్‌. దామోద‌ర్ ప్ర‌సాద్‌, డైరెక్ట‌ర్ విద్యాసాగ‌ర్ రాజు తెలిపారు. ‘ఎఫ్‌సీయూకే’ మూవీ గురించి యువ జంట రామ్ కార్తీక్‌, అమ్ము అభిరామి త‌మ‌ సోష‌ల్ మీడియా హ్యాండిల్స్‌లో షేర్ చేసుకుంటున్న విష‌యాలు బ‌జ్‌ను రెట్టింపు చేస్తున్నాయి.