2021 సినిమా క్యాలెండర్లో అప్పుడే 3నెలలు గడిచిపోయాయి. లవ్ స్టోరీస్, స్పోర్ట్స్ బ్యాగ్రౌండ్, ఫుల్ లెంత్ కామెడీ, ఫ్యామిలీ ఎంటర్ టైనర్స్ ఇలా క్రేజీ జోనర్స్ లోనే టాలీవుడ్ సినిమాలొచ్చాయి. కానీ కొన్నే సూపర్ హిట్ గా నిలిస్తే…చాలామంది దర్శకనిర్మాతలకు నిరాశే మిగిలింది. ఈ 3 మంత్స్ మూవీ ప్రోగ్రెస్ రిపోర్ట్ ఎలా ఉంది…ఓసారి చెక్ చేద్దాం.

2021 ఫస్ట్ క్వార్టర్ ముగిసింది. కోవిడ్ పాండెమిక్ తర్వాత సంక్రాంతికి మొదలైన టాలీవుడ్ జోరు…మిగిలిన ఇండస్ట్రీలకు షాక్ ఇచ్చింది. సినిమా నచ్చితే చాలు…కరోనాను కూడా కేర్ చేయలేదు తెలుగు ప్రేక్షకులు. అందుకే ఏ ఫిల్మ్ ఇండస్ట్రీలో లేని సందడి టాలీవుడ్ లో కనిపించింది. జనవరి 9న సంక్రాంతి సీజన్ మాస్ రాజా క్రాక్ తో మొదలైంది. బయటికి రావాలంటేనే బిక్కుబిక్కుమన్న జనం క్రాక్ థియేటర్స్ లో రచ్చ చేసారు. క్రాక్ పాజిటివ్ టాక్ తో 2021 తొలి కమర్షియల్ హిట్ అందుకున్నారు రవితేజ.

krack movie, krack movie 2021

క్రాక్ తర్వాత జనవరిలో రిలీజైన ఏ సినిమా కూడా అనుకున్నంత బాగా ఆడలేదు. విజయ్ ఫ్యాన్స్ కు మాత్రమే నచ్చే మాస్టర్ ను తెలుగులో ఆదరించలేదు ఆడియెన్స్. ఎంతో హైప్ క్రియేట్ చేసి జనవరి 14న విడుదలైన బెల్లంకొండ అల్లుడు అదుర్స్ అంచనాలను అందుకోలేదు. దేవీశ్రీ ప్రసాద్, ఛోటా కే నాయుడు వంటి సెన్సేషన్స్ ఉన్నా…డైరెక్టర్ సంతోష్ శ్రీనివాస్ ఎంచుకున్న కథే మైనస్ కావడంతో సంక్రాంతి అల్లుడు పందెంలో గెలువలేకపోయాడు.

Master Vijay, vijay sethupathi, master

జనవరి 14న అల్లుడితో పోటీపడుతూ రెడ్ తో దిగాడు రామ్. అది కూడా డ్యూయర్ రోల్ లో. కానీ రామ్ రెడ్ సైతం సంక్రాంతి హిట్ అనిపించుకోలేదు. రామ్ నటన బాగున్నా అనేక కారణాలతో తెలుగు ప్రేక్షకులకు కనెక్ట్ కాలేదు రెడ్ మూవీ. జనవరి 23న బంగారు బుల్లోడు, 29న మిస్టర్ అండ్ మిస్, 30రోజుల్లో ప్రేమించడం ఎలా, సునీల్ జై సేన…ఇలా సినిమాలు వచ్చినచ్చే వచ్చి పోయాయి. అయితే యాంకర్ ప్రదీప్ 30రోజుల్లో ప్రేమించడం ఎలా ఓపెనింగ్ పర్వాలేదనిపించినా..,లాంగ్ రన్ లో ఏమాత్రం కలెక్షన్స్ రాబట్టలేకపోయింది.

30 rojullo Preminchatam ela release,30 rojullo Preminchatam ela latest update,ahachitram,Pradeep Machiraju,Amritha Aiyer latestnews

2021 ఫిబ్రవరి సీజన్ లీడ్ జాంబిరెడ్డి తీసుకున్నాడు. తెలుగు తెరకు జాంబీలను తీసుకురావడమే కాదు వాటితో కామెడిని క్రియేట్ చేసి హిట్ కొట్టాడు డైరెక్టర్ ప్రశాంత్ వర్మ. ఫిబ్రవరి 12న రిలీజైన బోల్డ్ డ్రామా ఎఫ్ సియుకే, కన్నడ డబ్బింగ్ పొగరు ఫ్లాప్ టాక్ తెచ్చుకోగా…

Zombie Reddy collections

ఉప్పెన ఎవర్ గ్రీన్ సక్సెస్ క్యాచ్ చేసింది. ఈ సినిమాతోనే డెబ్యూ ఇచ్చిన వైష్ణవ్ తేజ్, కృతిశెట్టి, బుచ్చిబాబుల కెరీర్ గ్రాఫ్ అమాంతం పెరిగింది. ఈ ముగ్గురికి తోడు విజయ్ సేతుపతి కలవడంతో ఊహించని గ్రాండ్ సక్సెస్ ఉప్పెన సొంతమైంది.

uppena movie latest news,ahachitram,Krithi Shetty latest movie updates

ఫిబ్రవరి థర్డ్ వీక్ లో థియేటర్స్ కొచ్చాయి సుమత్ కపటధారి, విశాల్ చక్ర, నరేశ్ నాంది సినిమాలు. వీటిలో నాంది మాత్రమే హిట్ కొట్టింది. ఎమోషనల్ డ్రామాను ఆకట్టుకునేలా రాసుకున్న డైరెక్టర్ విజయ్ కనకమేడలకు… అల్లరి నరేశ్ నటన తోడై మంచి చిత్రంగా పేరుతెచ్చుకుంది. అయితే అప్పటికింకా ఉప్పెన జోరు తగ్గకపోవడంతో నాంది అందరికీ రీచ్ కాలేకపోయింది. ఫిబ్రవరి ఎండింగ్ లో క్షణక్షణం, అక్షర, నితిన్ చెక్ సినిమాలు విడుదలయ్యాయి. స్పోర్ట్ అండ్ క్రైమ్ బ్యాక్ డ్రాప్ తో చెక్ సినిమా డిఫరెంట్ గా కనిపించినా నితిన్ కెరీర్ కు ఏమాత్రం హెల్ప్ కాలేదు.

Allari Naresh Naandhi Movie on Aha

మార్చ్ ఫస్ట్ వీక్… ప్లే బ్యాక్, రాజ్ తరుణ్ పవర్ ప్లే, సందీప్ కిషన్ ఏ1 ఎక్స్ ప్రెస్, షాదీ ముబారక్ సినిమాలొచ్చాయి. అన్నీ డిఫరెంట్ పంథాలో సాగినవే. టాక్ బాగున్నా ఏదీ కమర్షియల్ హిట్ అనిపించుకోలేదు. మంచి అంచనాల మధ్య మార్చి సెకండ్ వీక్ మొదలైంది. గాలి సంపత్, శ్రీకారం, జాతిరత్నాలు రిలీజయ్యాయి. జాతిరత్నాలు హ్యూజ్ సక్సెస్ సాధిస్తే…శ్రీకారం యావరేజ్ టాక్ తెచ్చుకుంది. ఆ తర్వాతి వారాల్లో శశి, మోసగాళ్లు, చావు కబురు చల్లగా, అరణ్య, రంగ్ దే, తెల్లవారితే గురువారం బరిలో నిలిచాయి. వీటిలో రంగ్ దే, అరణ్య మిక్స్ డ్ టాక్ తెచ్చుకోగా..మిగిలినవి దర్శకనిర్మాతలకు నిరాశనే మిగిల్చాయి.

jathi ratnalu movie review, jathi athnalu huze response naveen polishetty, rahul rama krishna, priya darshi, Aha Chitram

మొత్తంగా చూసుకుంటే నెలకి ఒక సినిమా అన్నట్టు జనవరిలో క్రాక్, ఫిబ్రవరిలో ఉప్పెన, మార్చిలో జాతిరత్నాలు థియేటర్స్ ని వాష్ అవుట్ చేసాయి. క్రాక్ గ్రాస్ బిజినెస్ దాదాపు 61 కోట్ల రూపాయలు చేయగా 19కోట్ల లాభాన్ని చూసింది. ఉప్పెన 85కోట్ల రూపాయల గ్రాస్ బిజినెస్ తో 31కోట్ల వరకు ప్రాఫిట్ అందుకుంటే…జాతిరత్నాలు 62కోట్ల రూపాయల గ్రాస్ బిజినెస్ తో ఇప్పటివరకు 21కోట్ల రూపాయల ప్రాఫిట్ తో దూసుకుపోతుంది.

కంటెంట్ ఉంటే చిన్నా, పెద్దా తేడా లేదు…సినిమా ఎలాంటిదైనా లాభాల వర్షం కురిపిస్తాయి. ఎంతో రిస్క్ చేసి, డబ్బులు కూడబెట్టుకొని, ఫైనాన్స్ చేసి , కమర్షియల్ హంగులన్నీ కూర్చి కోట్ల బడ్జెట్ తో సినిమా తెరకెక్కించినా…చివరికి నిర్మాతల చేతులు కాలిన సందర్భాలు చాలా ఉన్నాయి. కాని అతి తక్కువ బడ్జెట్ తో తీసిన సినిమాలు… ప్రొడ్యూసర్స్ ను లాభాల బాట పట్టించాయి. ఇప్పుడలాగే జాతిరత్నాలు సినిమా టాలీవుడ్ దర్శకనిర్మాతల నోళ్లతో నానుతుంది.

నిజానికి జాతిరత్నాలు కథ అంత కొంతదేమి కాదు. కానీ సున్నితమైన హాస్యాన్ని నమ్ముకున్న డైరెక్టర్ అనుదీప్..దాంతోనే మాయ చేసాడు. లాజిక్స్ పట్టించుకోకుండా ప్రేక్షకులు హాయిగా నవ్వుకునేలా ప్లాన్ చేసాడు. నవీన్, రాహుల్, ప్రియదర్శి నటన ఈ సినిమాకి హయ్యెస్ట్ సెల్లింగ్ పాయింట్. మొత్తానికి సక్సెస్ అయ్యారు. అయితే ఈ డైరెక్టర్ పిట్టగోడ అనే సినిమా కూడా చేసాడు. కానీ అది ఎప్పుడు వచ్చిందో, పోయిందో కూడా ఎవరికి తెలియదు. కానీ వైజయంతీ బ్యానర్, నాగ్ అశ్విన్ వంటివారు జాతిరత్నాలను చలా ట్రెండీగా జనాల్లోకి తీసుకెళ్లారు.
వైజయంతీ సంస్థ నిజానికి కేవలం 3, 4 కోట్ల పరిమిత బడ్జెట్ లో రూపొందించింది జాతిరత్నాలు సినిమాని. అమ్మకుండానే అడ్వాన్స్ ల మీద మాత్రమే డిస్ట్రిబ్యూషన్ కు ఇచ్చేసింది. ఆశ్చర్యంగా పది కోట్లకు పైగా అడ్వాన్స్ లు వచ్చాయని సమాచారం. కాగా తొలి రోజు రాబట్టిన వసూళ్లు 4 కోట్లకు పైగా ఉంటాయని ఓ అంచనా. అంటే మొదటి వారాంతంలోనే అడ్వాన్సులు చెల్లిపోతాయి. ఉక కమీషన్లు కూడా పోయినా మంచి లాభాలను కట్టబెట్టనున్నారు జాతిరత్నాలు. మొత్తంగా చూస్తే 3, 4కోట్ల పెట్టుబఢికి నాలుగింతల షేర్ లాభం వస్తుందంటున్నాయి ట్రేడ్ వర్గాలు. ఇంకా డిజిటల్ రైట్స్, టీవీ రైట్స్ వేరే ఉన్నాయి. ఇలా ప్రతిదీ లెక్క లేసుకుంటే జాతిరత్నాలు గ్రాండ్ హిట్ అన్నట్టే.

మార్చి 11వ తేదీ మహాశివ‌రాత్రి కానుక‌గా మూడు చిత్రాలు థియేటర్స్ కి రానున్నాయి. శర్వానంద్ శ్రీకారం, నవీన్ పొలిశెట్టి జాతి ర‌త్నాలు, శ్రీవిష్ణు గాలి సంప‌త్ సినిమాల విడుదలకు సిద్ద‌మ‌య్యాయి. ప్రేక్షకుల దృష్టిని ఆకర్షించేందుకు వీటి ప్రీ రిలీజ్ వేడుకలను గ్రాండ్‌గా ప్లాన్ చేస్తున్నారు దర్శకనిర్మాతలు.
నవీన్ పోలిశెట్టి హీరోగా రాహుల్ రామకృష్ణ , ప్రియదర్శి ప్రధాన పాత్రల్లో రూపొందిన లేటెస్ట్ కామెడీ మూవీ జాతిరత్నాలు. స్వప్న సినిమాస్ పతాకంపై నాగ్ అశ్విన్ నిర్మించిన ఈ సినిమాను అనుదీప్ కేవీ డైరెక్ట్ చేసాడు. జాతిరత్నాలు ప్రీ రిలీజ్ ఈవెంట్‌ను ఆదివారం సాయంత్రం వరంగల్ లో గ్రాండ్ గా ప్లాన్ చేసారు. ఇక ఈ వేడుకకు రౌడీ హీరో విజయ్ దేవరకొండ ముఖ్య అతిథిగా రానున్నార‌ని కామెడి మీమ్ పోస్ట‌ర్ రిలీజ్ చేసారు.


గాలి సంపత్…శ్రీవిష్ణు, రాజేంద్రప్రసాద్ ప్ర‌ధాన పాత్ర‌ల్లో తెరకెక్కిన చిత్రం. దర్శకుడు అనిష్ తెరకెక్కించిన ఈ చిత్రంలో లవ్‌లీ సింగ్ హీరోయిన్. వీరితో పాటు తనికెళ్లభరణి, రఘుబాబు, సత్య వంటివారు మిగిలిన ముఖ్య పాత్రల్లో నటించారు. డైరెక్టర్ అనీల్ రావిపూడి స‌మ‌ర్ప‌కుడిగా మారారు ఈ సినిమాతో. గాలి సంపత్ ప్రీ రిలీజ్ వేడుక ఆదివారం సాయంత్రం 6గంటల‌కు జేఆర్‌సీ క‌న్వెన్ష‌న్‌ వేదికగా జ‌ర‌గ‌నుంది. అయితే దీనికి ఇస్మార్ట్ హీరో రామ్ చీఫ్ గెస్ట్‌ గా వచ్చేందుకు సిద్ధమవుతున్నారు

మొత్తానికి ప్రభాస్‌ చేతుల మీదుగా జాతి రత్నాలు ట్రైలర్‌ రిలీజైంది. దీనికి సంబంధించిన వీడియోను రెండు గంటల ముందే అప్లోడ్ చేసి ఫన్ క్రియేట్ చేసింది మూవీ యూనిట్. ఇక ఆ ట్రైలర్‌ చూసిన ప్రభాస్‌ అద్భుతంగా ఉందని కాంప్లిమెంట్ ఇచ్చారు. ఈ చిన్నపాటి వీడియోకే ఇంత నవ్విస్తే సినిమా…

Source: Vyjayanthi Network

ఇంకెంత బాగుంటుందో అని అభిప్రాయాన్ని తెలిపారు ప్రభాస్. ‘ఏజెంట్‌ సాయి శ్రీనివాస ఆత్రేయ’ స్టార్ నవీన్‌ పోలిశెట్టి హీరోగా… ప్రియదర్శి, రాహుల్ రామకృష్ణ ప్రధాన పాత్రల్లో డైరెక్టర్ అనుదీప్‌ తెరకెక్కించారు ఈ చిత్రాన్ని. ఫరియా అబ్దుల్లా లేడీ లీడ్ గా నటించారు. కాగా స్వప్న సినిమాస్‌ బ్యానర్ పై మహానటి డైరెక్టర్ నాగ్‌ అశ్విన్‌ ప్రొడ్యూస్ చేసిన ఈ చిత్రం మార్చి 11న ప్రేక్షకుల ముందుకు రాబోతుంది.

Source: Vyjayanthi Network

కరోనా తర్వాత ఇప్పుడిప్పుడే ఓ ట్రాక్ లో పడుతోంది టాలీవుడ్. డబ్బింగ్ మాస్టర్ కాకుండా ఈ సంక్రాంతికి మూడు చిత్రాలు థియేటర్స్ లో సందడి చేసాయి. క్రాక్ బ్లాక్ బస్టర్ హిట్ కొట్టగా…రెడ్ బ్రేక్ ఈవెన్ లోకి వెళ్లింది. ఇంక అదుర్స్ అనిపించుకోవాల్సింది అల్లుడు మాత్రమే. సరే…లాభనష్టాలు ఎలా ఉన్నా…సినిమా హాళ్లకు వచ్చేందుకు ప్రేక్షకులు ఆసక్తి చూపిస్తున్నారన్న విషయం అర్ధమయింది. దీంతో వరుసగా థియేటర్లకు వచ్చేందుకు సిద్ధమవుతున్నారు మేకర్స్.

ఈ క్రమంలో… మహాశివరాత్రిని టార్గెట్ చేస్తూ ఇప్పటికే కొన్ని సినిమాలు బరిలోకి దిగాయి. మార్చి 12 మహా శివరాత్రి సందర్భంగా బాక్సాఫీస్ ను హీట్ ఎక్కించేందుకు వస్తున్నాయి. వీటిలో ముఖ్యంగా మూడు సినిమాల గురించి చెప్పుకోవాలి. ఈ మూడూ కూడా శివరాత్రికి ఒకరోజు ముందు మార్చి 11న రిలీజ్ డేట్ ప్రకటించాయి. శర్వానంద్ శ్రీకారంతో…గాలి సంపత్ గా శ్రీ విష్ణు… జాతిరత్నాలు అంటూ నవీన్ పొలిశెట్టి క్యూలో నిలిచారు. కథే ప్రాధాన్యంగా సాగే ఈ మూడు సినిమాలపై గట్టి నమ్మకాన్ని పెట్టుకున్నారు ఈ హీరోలు. అందుకే బరిలో ఎంతమందున్నా ఢీ కొట్టేందుకు సై అంటున్నారు.

నిజానికి గాలి సంపత్ మినహా.. శ్రీకారం, జాతిరత్నాలు ఎప్పుడో పూర్తయ్యాయి. 2020 వేసవిలోనే వచ్చేందుకు సిద్ధమయ్యాయి. కానీ.. కరోనా కారణంగా వాయిదా పడుతూ చివరికి శివరాత్రికి ముహూర్తం ఫిక్స్ చేసుకున్నాయి. అనిల్ రావిపూడి దర్శకత్వ పర్యవేక్షణలో గాలి సంపత్ తెరకెక్కగా, డైరెక్టర నాగ్ అశ్విన్ నిర్మాతగా మారి జాతిరత్నాలు చిత్రాన్ని నిర్మించారు. అలాగే గ్రామీణ నేపథ్యంలో తీసిన శర్వానంద్ శ్రీకారం చిత్రం ఇప్పటికే సంక్రాంతి పాటతో బజ్ క్రియేట్ చేసింది. మరి చూద్దాం…ఎవరు ఎలాంటి విజయాన్ని అందుకుంటారో….