లాహే లాహే అంటూ స్టెప్పులేసారు మెగాస్టార్. చాలారోజుల తర్వాత చిరూ మాస్ డాన్స్ చూసిన ఫ్యాన్స్ హల్చల్ చేస్తున్నారు. అయితే ఈ పాటలో సంగీత, కాజల్ ఎక్కువగా కనిపించారు. చిరూ కంటే ఎక్కువగా వారి డాన్స్ హైలెట్ గా మారింది. మెగాస్టార్ పూర్తి డాన్స్ ను థియేటర్లోనే ఎంజాయ్ చేసేందుకు…పూర్తిగా రివీల్ చేయలేదు మేకర్స్. చూస్తుంటే…చిరంజీవి, మణిశర్మ..ఈ సూపర్ హిట్ కాంబినేషన్…మళ్లీ హిట్ కొట్టడం ఖాయంగా కనిపిస్తోంది. మరోవైపు ఆచార్య షూటింగ్ శరవేగంగా జరుగుతోంది. మే 14న ప్రపంచవ్యాప్తంగా థియేటర్లలోకి కొడుకు రామ్ చరణ్ తో కలిసి చిరంజీవి రాబోతున్నారు.

Source: Aditya Music

పెళ్ళి తరువాత వచ్చిన తొలి హోళీని సంతోషంగా జరుపుకున్నారు స్టార్ హీరోయిన్ కాజల్ దంపతులు. భర్తగా కాజల్ కిచ్లూ తన జీవితంలోకి వచ్చాక ఇదే తొలి హోలీ అంటూఆ ముచ్చట్లను ఫ్యాన్స్ తో పంచుకున్నారు. పెళ్లైన దగ్గర నుంచి ఫుల్ రొమాంటిక్ మోడ్ లో ఉన్న కాజల్…ఇక రంగుల వర్షంలో భర్తో కలిసి తడిసి ముద్దయిన ఫోటోలు ప్రస్తుతం సోషల్ మీడియాలో వైరల్ గా మారాయి.

స్టైలిష్ స్టార్ అల్లు అర్జున్ తన కుటుంబంతో కలిసి హోలీ సెలబ్రేషన్స్‌లో హల్చల్ చేసారు. ప్రియాంక చోప్రా – జోనస్, జెనీలియా- రితేష్, శిల్పాశెట్టి, కంగనారనౌత్ వంటి మరికొంతమంది సెలెబ్రిటీలు హోలీని జరుపుకున్నారు. కరోనా కారణంగా పండుగకు దూరంగా ఉన్న ఇంకొంతమంది స్టార్స్..గతంలో ఎంజాయ్ చేసిన హోలీ ఫోటోలను తిరిగి పోస్ట్ చేసారు.

మెగాపవర్ స్టార్ రామ్ చరణ్ పుట్టినరోజు వేడుకల్లో మరింత జోష్ నింపేలా మేకర్స్ వరుసగా సర్పైజెస్ ఇస్తున్నారు. అడ్వాన్స్ విషెస్ తెలియజేస్తూ ఆర్ఆర్ఆర్ నుంచి సీతారామరాజుగా చెర్రీని పరిచయం చేసారు రాజమౌళి. ఇక తాజాగా తండ్రి చిరంజీవితో కలిసి నటిస్తోన్న ఆచార్య నుంచి సిద్ధగా ఎంట్రీ ఇచ్చాడు చరణ్. “నీతో నటించాలన్న కోరిక నెరవేరింది నాన్న… ఇంతకు మించిన బర్త్ డే గిఫ్ట్ ఏముంటుంది” అంటూ ట్వీట్ చేసారు రామ్ చరణ్. చిరూతో కలిసి తుపాకులతో నడుస్తోన్న ఈ ఫస్ట్ లుక్ మెగాఫ్యాన్స్ ను బాగా అట్రాక్ట్ చేస్తోంది. కాగా చిరూ తాజాగా లీక్ చేసినట్టు మావోయిస్తు పాత్రల్లోనే దర్శనమిచ్చారు తండ్రికొడుకులు.
కొరటాల శివ డైరెక్ట్ చేస్తోన్న ఈ మూవీ టీజర్ కూడా ట్రెండింగ్ అయిన సంగతి తెలిసిందే. ఈమధ్యే అటు మారేడుమిల్లి అడవుల్లో…ఇటు ఇల్లందు బొగ్గుగనుల్లో షూటింగ్ కంప్లీట్ చేసారు. ఇక మెగాస్టార్ సరసన కాజల్ కిచ్లూ నటిస్తుంటే…మెగాపవర్ స్టార్ జోడీగా పూజా హెగ్దే మెరవనుంది. మే 13న థియేటర్స్ కు వచ్చేందుకు రంగం సిద్ధం చేస్తున్నారు.

నాగార్జునతో కలిసి నటించబోతుంది గ్లామర్ డాల్ కాజల్ అగర్వాల్. ఈ విషయాన్ని స్వయంగా కాజల్ తెలియజేసింది. ఈ మధ్యే పట్టాలెక్కిన నాగ్, ప్రవీణ్ సత్తారు కాంబో మూవీలో ఆమె హీరోయిన్ గా కనిపించబోతుంది. ఇటు చిరుతో ఆచార్య కంప్లీట్ చేసిందో లేదో….మరో సీనియర్ హీరో నాగార్జునతో చేసే ఛాన్స్ దక్కించుకుంది కాజల్. చూస్తుంటే పెద్ద హీరోలకు కాజల్ మంచి అవకాశంగా మారింది. ఇక ఆమె మంచు విష్ణు అక్కగా నటించి మోసం చేసిన మోసగాళ్లు రిలీజ్ కి రెడీ అయింది. అటు తమిళంలో రెండు చిత్రాలు చేస్తూ బిజీగా వుంది. ఇలా గౌతమ్ కిచ్లూని పెళ్ళాడాక కూడా కాజల్ సినిమాలతో దూసుకుపోతుంది…

పెద్ద హీరోలతో సినిమాలు చేస్తేనే ఇమేజ్ పెరుగుతుంది, ఇండస్ట్రీలో ఎక్కువ కాలం ఉండొచ్చు అనే కాన్సెప్ట్ కి చెక్ పెడుతున్నారు హీరోయిన్లు. ఒక వైపుసీనియర్లతో సినిమాలు చేస్తూనే యంగ్ హీరోలతో కూడా పెయిర్ అప్ అవుతున్నారు. లేటెస్ట్ గా లేడీ సూపర్ స్టార్, సౌత్ లోని అందరు స్టార్ హీరోలతో సినిమాలు చేసిన అనుష్క, యంగ్ హీరో నవీన్ పోలిశెట్టి తో సినిమా చేస్తోంది. యు.వి క్రియేషన్స్ బ్యానర్ లో తెరకెక్కుతున్న ఈ సినిమా డిఫరెంట్ జానర్ లో రాబోతోంది.
మరో స్టార్ తమన్నా ఒక వైపు స్టార్ హీరోస్ తోకనిపిస్తూనే నితిన్ తో బాలీవుడ్ లో సూపర్ హిట్ అయిన అంధాదూన్ రీమేక్ చేస్తోంది. మరో వైపు ఇప్పుడిప్పుడే టాలీవుడ్ లో మంచి సినిమాలు చేస్తున్న యంగ్ అప్ కమింగ్ హీరో సత్యదేవ్ తో గుర్తుందా శీతాకాలం ..అనే సినిమా చేస్తోంది.
సౌత్ లో సూపర్ హీరోలందరితో సినిమాలు చేసి స్టార్ హీరోయిన్ గా వెలిగిన రకుల్ ప్రీత్ సింగ్ కూడా ఇప్పుడు యంగ్ హీరోలతో సినిమాలు చేస్తోంది. ఉప్పెన తో సూపర్ హిట్ కొట్టిన వెరీ యంగ్ హీరో వైష్ణవ్ తేజ్ తో జతకడుతోంది ఈ ముద్దుగుమ్మ. క్రిష్ డైరెక్షన్లో విలేజ్ బ్యాక్ డ్రాప్ లో తెరకెక్కుతున్న ఈ సినిమా పోస్ట్ ప్రొడక్షన్ లో బిజీగా ఉంది.
సౌత్ లో స్టార్ హీరోలందరితో సినిమాలు చేసిన కాజల్ .. ఒక వైపుమెగాస్టార్ తో ఆచార్య, సూపర్ స్టార్ కమల్ హాసన్ తో భారతీయుడు 2 సినిమాలు చేస్తూనే..మిడిల్ రేంజ్ హీరో మంచు విష్ణుతో మోసగాళ్లు సినిమాలో స్క్రీన్ షేర్ చేసుకుంటోంది.
బాలీవుడ్ లో పాటు టాలీవుడ్ లో కూడా బిజీ అయిపోయిన ముద్దుగుమ్మ పూజాహెగ్డే. స్టార్ హీరోలతోసినిమాలు చేస్తూనే యంగ్ హీరోల్ని కూడా కవర్ చేస్తోంది. ప్రస్తుతం స్టార్ హీరో అయిన ప్రభాస్ తో రాధేశ్యామ్, సల్మాన్ ఖాన్ తో కభీ ఈద్ కభీ దివాలీ సినిమాలు చేస్తూనే యంగ్ హీరో అఖిల్ తో మోస్ట్ ఎలిజిబుల్ బ్యాచిలర్ మూవీ చేస్తోంది పూజాహెగ్డే.
అందాల రాక్షసి సినిమాతో తెలుగు ఆడియన్స్ కి బాగా కనెక్ట్ అయిన లావణ్య త్రిపాఠి కూడా యంగ్ హీరోలతో సినిమాలు చేస్తోంది. ఆర్ ఎక్స్ 100 హీరో కార్తికేయ తో చావు కబురు చల్లగా సినిమా చేస్తోంది. ఇంట్రెస్టింగ్ గా తెరకెక్కిన ఈ మూవీ రిలీజ్ కు రెడీ అవుతోంది.

Exclusive Interview with Mosagallu Movie Actor Naveen Chandra. Mosagallu is an upcoming Indian film Based on a true story, one of the biggest IT scams that shook the USA. Directed by Jeffrey Gee Chin and produced by Vishnu Manchu under the banner of AVA Entertainment and 24 Frames Factory. Staring as Vishnu Manchu, Kajal Aggarwal, Sunil Shetty, Ruhi Singh, Navdeep, Naveen Chandra, and Karma McCain Movie Wii be Release on 19th March Exclusive Interview Photo Stills. Full Interview will be soon Stay Tune Mana Radio.

మంచు విష్ణు, కాజల్ ప్రధానపాత్రల్లో తెరకెక్కిన చిత్రం… మోసగాళ్లు. తాజాగా ఈ మూవీ ట్రైలర్ లాంచ్ చేసారు మెగాస్టార్ చిరంజీవి. అనంతరం మూవీ యూనిట్ కి తన శుభాకాంక్షాలని తెలియజేసారు. ఈ సినిమాను హాలీవుడ్ డైరెక్టర్ జెఫ్రీ గీ చిన్ డైరెక్ట్ చేయడం విశేషం. ఇండియాలో జరిగిన అతిపెద్ద ఐటి స్కాం ను బేస్ చేసుకొని ఈ సినిమాను రూపొందించారు. నవదీప్, నవీన్ చంద్ర, సునీల్ శెట్టి మరో ముఖ్య పాత్రల్లో నటించిన మోసగాళ్లు ట్రైలర్ మాత్రం ప్రామిసింగ్ గా ఉంది. దక్షిణాది భాషలన్నింటితో పాటూ హిందీలో కూడా అతిత్వరలో ఈ ప్రాజెక్ట్ ప్రేక్షకుల ముందుకు రానుంది.

Source: Telugu Filmnagar

విజయ్ దేవరకొండ, తరుణ్ భాస్కర్ కాంబో మూవీ ‘పెళ్ళి చూపులు’ ప్రొడ్యూసర్ రాజ్ కందుకూరి కుమారుడు శివ కందుకూరి కథానాయకుడిగా రూపొందుతున్న చిత్రం మ‌ను చరిత్ర‌. ప్రేమికుల దినోత్సవం సంద‌ర్భంగా రిలీజైన పోస్ట‌ర్ ఇంట్రెస్ట్ క్రియేట్ చేసింది. కాగా ఈ రోజు హీరో శివ పుట్టినరోజు కావ‌డంతో మూవీ నుంచి మరో లుక్ విడుద‌ల చేసారు. ఇందులో గుబురు గ‌డ్డంతో ఉన్న శివ కందుకూరి నోట్లో సిగ‌రెట్‌, చేత్తో ఫ్లవర్ తో సీరియ‌స్ లుక్‌లో క‌నిపిస్తున్నాడు. ఈ పోస్ట‌ర్‌లో శివ‌ను చూస్తుంటే…విజయ్ దేవరకొండ అర్జున్ రెడ్డి గుర్తుకొస్తున్నాడు అంటున్నారు నెటిజన్స్.
యాపిల్ ట్రీ ఎంటర్ టైన్ మెంట్స్ ఈ చిత్రాన్ని నిర్మిస్తుండ‌గా…చందమామ కాజ‌ల్ కో ప్రొడ్యూసర్ కావడం విశేషం. ఈ ప్రాజెక్ట్ త‌ర్వాత నిర్మాత‌గాను కాజల్ కిచ్లూ రాణించ‌నుంద‌నే టాక్ హాట్ టాపిక్ గా మారింది. మ‌ను చరిత్రలో మేఘా ఆకాశ్ హీరోయిన్ గా న‌టిస్తుండ‌గా, గోపీ సుంద‌ర్ సంగీతం సమకూరుస్తున్నారు. మ‌రికొన్ని రోజుల్లోనే మనుచరిత్ర విడుదలకు సిద్ధమైంది,

భారతీయుడు-2 షూటింగ్ మళ్లీ మొదలు కానుందని టాక్. ఇప్పటికే 60 పర్సెంట్ చిత్రీకరణ పూర్తయిందని.. మిగిలిన పార్ట్ కూడా త్వరగా స్టార్ డైరెక్టర్ శంకర్ పూర్తి చేస్తారని టాక్. ఐ, రోబో 2.0 చిత్రాల తర్వాత శంకర్ కి బ్యాడ్ టైమ్ నడుస్తోందని బాగా వార్తాలొచ్చాయి. ఈ క్రమంలోనే పలు కారాణాల వల్ల వాయిదాపడుతూ వస్తోన్న భారతీయుడు 2 ఇక మళ్లీ పట్టాలెక్కే పరిస్థితి లేదనీ చెప్పుకొన్నారు. అందుకు తగ్గట్టే రామ్ చరణ్ తో తన 15వ సినిమాను ప్రకటించి వార్తల్లో నిలిచారు శంకర్.

దిల్ రాజ్ నిర్మాణంలో రామ్ చరణ్ హీరోగా ఓ సినిమా రాబోతున్న విషయం తెలిసిందే. అయితే ఈ ప్రాజెక్ట్ కోసం భారతీయుడు చెక్ పెట్టడంలేదట శంకర్. మిగిలిన షూటింగ్ పార్ట్ కూడా పూర్తి చేసి…దగ్గరుండి పోస్ట్ ప్రొడక్షన్ పనులు చూసుకొని…రిలీజ్ డేట్ ప్రకటించాకే చెర్రీ మూవీ కోసం వర్క్ చేస్తారట శంకర్. కమల్ హాసన్ సరసన కాజల్ అగర్వాల్, రకుల్ ప్రీత్ సింగ్ హీరోయిన్లుగా నటిస్తోన్న ఈ ప్రాజెక్ట్ కోసం ప్రేక్షకులు సైతం ఎదురుచూస్తున్నారు.

నిన్న సాయంత్రం రిలీజైన ఆచార్య టీజర్ యూట్యూబ్ లో ట్రెండ్ కొనసాగిస్తోంది. ఇప్పటికీ నంబర్ 1 ట్రెండింగ్ లో ప్రభంజనం సృష్టిస్తోంది. ప్రస్తుతానికైతే 7మిలియన్ ప్లస్ వ్యూస్ తో మెగా స్టామినా చాటుతున్న ఆచార్య టీజర్…గంటగంటకి ఆశ్చర్యపోయేలా వ్యూస్ ని మార్చుకుంటుంది.

మే 13న సినిమా రిలీజ్ డేట్ కూడా ప్రకటించడంతో అభిమానుల ఉత్సాహానికి అదుపు లేకుండా పోయింది. టీజర్ ఇచ్చిన హెవీ బూస్టప్ తో ఆచార్య… హాళ్లకి ఎప్పుడెప్పుడు వస్తాడా అని ఎదురుచూస్తున్నారు ప్రేక్షకులు. ప్రస్తుతం లాస్ట్ షెడ్యూల్ జరుపుకుంటోంది ఆచార్య. రామ్ చరణ్, చిరంజీవి, పూజా హెగ్డే కాంబినేషన్ సీన్స్ తెరకెక్కించాలి. వీటితో పాటు మరికొన్ని ప్యాచప్ సీన్స్ అయిపోతే పోస్ట్ ప్రొడక్షన్ కి వెళ్తారు కొరటాల శివ. ఇలా అన్ని పనులను హై స్పీడ్ లో చేసుకుంటూ మే 13న రిలీజ్ కి రెడీ అవుతుంది చిరూ ఆచార్య.