స్టార్ వారసుడైనా ఇండస్ట్రీలో తాను స్టార్ గా మారేందుకు కష్టపడ్డాడు. నటుడిగా ఎంట్రీ ఇవ్వడానికి వారసత్వం పనికొస్తుందేమో కానీ.. నటవారసుడిగా నిలబడడానికి కాదని నిరూపిస్తూ.. సొంతగా ఎదుగుతూ సత్తా చూపిస్తున్నాడు మెగా పవర్ స్టార్. యాక్టింగ్ లోనే కాదు ..ప్రొఫెషనల్ చాలా షేడ్స్ చూపిస్తున్నారు రామ్ చరణ్. అందుకే ఇప్పుడు ఆయనకి తెలుగునేల మీదే కాదు…ప్రపంచవ్యాప్తంగా ఫ్యాన్ గ్రూప్స్ వెలిసాయి. బర్త్ డే ప్రత్యేకంగా న్యూయార్ టైమ్ స్వేర్స్ లోని నాస్దక్ బిల్డింగ్ పై చెర్రీ ఫోటోలను ప్రదర్శించారు.

మెగా ఫ్యామిలీ వారసుడంటే ఆషామాషీ కాదు.. అలా ,ఇలా ఉండకూడదు.. ఓ రేంజ్ లో ఉండాలి. అందుకే.. మెగాస్టార్ యాక్టింగ్ తో పాటు పవర్ స్టార్ పవర్ ను కలుపుకున్న ఈ మెగా పవర్ స్టార్ యంగ్ ఏజ్ లోనే ఇండస్ట్రీలోకి ఎంట్రీ ఇచ్చారు. హీరోగానే కాదు .. తండ్రితో కలిసి యాక్టింగ్ లో, డాన్స్ లో పోటీ పడుతున్నారు, ప్రొడ్యూసర్ గా కూడా మంచి సక్సెస్ అందుకుంటున్నారు చరణ్. అంతేకాదు .. సింప్లిసిటీ మెయింటెన్ చేస్తూ.. తన ఫ్యాన్స్ తో ఎప్పటికప్పుడు అన్ని విషయాలు షేర్ చేసుకుంటారు చరణ్. ఈ శనివారం రామ్ చరణ్ బర్త్ డే కావడంతో ఫ్యాన్స్ చేస్తున్న హడావిడి అంతా ఇంతా కాదు. నిన్న ఫ్యాన్స్ మీట్ లో భాగంగా చరణ్ కు విషెస్ తెలియజేసేందుకు ప్రవాహంలా అభిమానులు తరలివచ్చారు.

రామ్ చరణ్ కెరీర్ రంగస్తలం ముందు వరకూ ఒక లెక్క..రంగస్తలం తర్వాత ఒక లెక్క అన్నట్టు సినిమాల సెలక్షన్ లో వేరియేషన్ చూపిస్తున్నారు చరణ్. రాజమౌళి డైరెక్షన్లో తెరకెక్కుతున్న ట్రిపుల్ ఆర్ లో రామ్ చరణ్ తన విశ్వరూపం చూపిస్తున్నారు. అల్లూరి సీతారామరాజుగా చరణ్ .. ఇంతకుముందెన్నడూ లేనంత ఫియర్ లెస్ యాక్షన్ ఎమోషన్స్ ని చూపించబోతున్నారు.

మెగా స్టార్ వారసుడిగా డ్యాన్సులు, ఫైట్లతో చిరంజీవిని మరిపిస్తున్నాడు. తండ్రి స్టార్ డమ్ ను అందుకోవడానికి ట్రై చేస్తూ..తండ్రిని మరిపించేలా స్టెప్స్ వేస్తూ మెగా పవర్ స్టార్ అని ప్రూవ్ చేసుకుంటున్నారు. కొరటాల శివ డైరెక్షన్లో వస్తున్న ఆచార్య సినిమాలో తండ్రీ కొడుకులిద్దరూ కలిసి హంగామా చెయ్యబోతున్నారు. వీళ్లిద్దరినీ ఈ సినిమాలో ఎప్పుడెప్పుడు చూస్తామా అని వెయ్యి కళ్లతో వెయిట్ చేస్తున్నారు అభిమానులు .

హీరోగానే కాదు, తండ్రితో పోటీపడుతూ నటిస్తున్న కో యాక్టర్ గానే కాకుండా ..ప్రొడ్యూసర్ గా కూడా సక్సెస్ అవుతున్నారు చరణ్. కొణిదెల ప్రొడక్షన్స్ స్టార్ట్ చేసి చిరంజీవితోనే ఖైదీ నెం. 150 తో పాటు భారీ బడ్జెట్ సినిమా సైరా నర్సింహారెడ్డి చేసి సూపర్ హిట్ కొట్టారు చరణ్. ఇప్పుడు ఆచార్య సినిమాకి కూడా కో ప్రొడ్యూసర్ గా ఉన్నారు రామ్ చరణ్. ఇక మరోవైపు నేషనల్ డైరెక్టర్ శంకర్ తో సినిమా అనౌన్స్ చేసి…ప్రేక్షకులకి కిక్ ఇచ్చారు. పుట్టినరోజు సందర్భంగా ఈ మూవీ ప్రొడ్యూసర్ దిల్ రాజు…మీతో పనిచేసేందుకు వెయిట్ చేస్తున్నామంటూ ట్వీట్ చేసారు.

మెగాపవర్ స్టార్ రామ్ చరణ్ పుట్టినరోజు వేడుకల్లో మరింత జోష్ నింపేలా మేకర్స్ వరుసగా సర్పైజెస్ ఇస్తున్నారు. అడ్వాన్స్ విషెస్ తెలియజేస్తూ ఆర్ఆర్ఆర్ నుంచి సీతారామరాజుగా చెర్రీని పరిచయం చేసారు రాజమౌళి. ఇక తాజాగా తండ్రి చిరంజీవితో కలిసి నటిస్తోన్న ఆచార్య నుంచి సిద్ధగా ఎంట్రీ ఇచ్చాడు చరణ్. “నీతో నటించాలన్న కోరిక నెరవేరింది నాన్న… ఇంతకు మించిన బర్త్ డే గిఫ్ట్ ఏముంటుంది” అంటూ ట్వీట్ చేసారు రామ్ చరణ్. చిరూతో కలిసి తుపాకులతో నడుస్తోన్న ఈ ఫస్ట్ లుక్ మెగాఫ్యాన్స్ ను బాగా అట్రాక్ట్ చేస్తోంది. కాగా చిరూ తాజాగా లీక్ చేసినట్టు మావోయిస్తు పాత్రల్లోనే దర్శనమిచ్చారు తండ్రికొడుకులు.
కొరటాల శివ డైరెక్ట్ చేస్తోన్న ఈ మూవీ టీజర్ కూడా ట్రెండింగ్ అయిన సంగతి తెలిసిందే. ఈమధ్యే అటు మారేడుమిల్లి అడవుల్లో…ఇటు ఇల్లందు బొగ్గుగనుల్లో షూటింగ్ కంప్లీట్ చేసారు. ఇక మెగాస్టార్ సరసన కాజల్ కిచ్లూ నటిస్తుంటే…మెగాపవర్ స్టార్ జోడీగా పూజా హెగ్దే మెరవనుంది. మే 13న థియేటర్స్ కు వచ్చేందుకు రంగం సిద్ధం చేస్తున్నారు.

బిగ్ బాస్ ఫినాలేలో మాటిచ్చినట్టుగానే ఒక్కొక్కరికి ఒక్కో అవకాశం ఇచ్చుకుంటూ వెళ్తున్నారు మెగాస్టార్ చిరంజీవి. తాజాగా మెహ‌బూబ్‌కు ఆచార్య‌లో కీ రోల్ పోషించే ఛాన్స్ ఇచ్చారట చిరూ. ఇందులో జానపద నృత్యకారుడిగా..మెహబూబ్ పాత్ర ఎమోషనల్ గా ఉంటుందని టాక్. ఇంట్రవెల్ కి ముందు చనిపోయే పాత్రతో ఓ రేంజ్ ట్విస్ట్ ఇస్తాడట మెహబూబ్.

మామ ఇచ్చిన మాట నిలబెట్టుకుంటుంటే…అల్లుడు స్నేహ ధర్మాన్ని పాటిస్తున్నాడు. మంచు మనోజ్ అహం బ్ర‌హ్మాస్మి సినిమాలో గెస్ట్ రోల్‌ చేసేందుకు సాయి ధరమ్ తేజ్ ఓకే చెప్పాడ‌ట‌. పాత్ర వ్య‌వ‌థి త‌క్కువే అయినా సినిమాను మ‌లుపు తిప్పే పాత్ర అని స‌మాచారం. మనోజ్, సాయి ధరమ్ తేజ్ చిన్నప్పటి నుంచి మంచి స్నేహితులు. అందుకే ఫ్రెండ్ కోసం కాదనకుండా అహం బ్రహ్మాస్మీ అంటున్నాడు తేజ్. కాగా మంచు మనోజ్ కిది కమ్ బ్యాక్ మూవీ. అహం బ్రహ్మాస్మీ రిజల్ట్ పై మనోజ్ సినీ కెరీర్ ఆధారపడిఉంది.

భద్రాద్రి కొత్తగూడెం జిల్లాలోని ఇల్లెందు జేకే 5 ఓపెన్‌కాస్ట్ లో ‘ఆచార్య’ సినిమా క్లెమాక్స్‌ షూట్ జరుగుతుంది. మార్చి 11 వరకు జరిగే ఈ చిత్రీకరణలో తండ్రీకొడుకులు చిరంజీవి, చరణ్ పాల్గొంటున్నారు. దీనికి సంబంధించి చిరూ, చరణ్ ఫోటోలు బయటికొచ్చాయి. రామ్ లక్ష్మణ్ ఫైట్ సీన్స్ ను కంపోజ్ చేస్తుండగా..కొరటాల శివ డైరెక్ట్ చేస్తున్నారు. మార్చి 11 వరకు ఇల్లెందులో ఆచార్య కోసం కష్టపడుతున్న చెర్రీ…మార్చి 13నుంచి త్రిపుల్ ఆర్ కోసం రొమాన్స్ చేయబోతున్నాడు.

Megastar chiranjeevi, ram charan, korata siva, acharya shooting in yllandu, Aha Chitram

ఇక త్రిపుల్ ఆర్ క్లైమాక్స్ సన్నివేశాల్లో భారీ ట్విస్టు ఉండబోతుందని సమాచారం. కొమురం భీమ్‌, అల్లూరి సీతారామరాజుల్లో ఒకరికి కళ్లు పోతే, మరొకరికి కాళ్లు పోతాయన్న ప్రచారం జరుగుతోంది. కాళ్లు లేవి వ్యక్తిని…కళ్ల పోయిన వ్యక్తి భుజాన ఎక్కించుకుని భీభత్స యుద్ధాన్ని నడిపిస్తారని తెలుస్తోంది. రామ్ చరణ్, ఎన్టీఆర్ లలో ఎవరూ ఏ అవయవాన్ని పొగొట్టుకుంటారన్నది మాత్రం సస్పెన్స్ గా మారింది. మరోవైపు ఆర్ఆర్ఆర్ తాజా షెడ్యూల్ కోసం మరోసారి హైద‌రాబాద్ రాబోతుంది ఆలియా భట్. మార్చి 13న స్పెష‌ల్ సెట్‌లో రామ్ చ‌ర‌ణ్‌, అలియా జంటపై సాంగ్‌ చిత్రీక‌రించ‌నున్నారట జ‌క్క‌న్న‌.

‘క్రాక్‌’, ‘నాంది’ సినిమాల్లో వరలక్ష్మి నటన చూసి ఫిదా అయిన త్రివిక్రమ్‌ NTR30లో ఓ రోల్‌ ఆఫర్‌ చేసినట్లు తెలుస్తోంది. ఈ సినిమాలో పవర్‌ఫుల్‌ రాజకీయ నాయకురాలిగా వరలక్ష్మీ కనిపించే అవకాశాలున్నట్లు టాలీవుడ్‌ టాక్‌. ఇప్పటికే దీనికి సంబంధించి ఆమెతో సంప్రదింపులు కూడా జరిపినట్టు సమాచారం. అటు బన్నీ, కొరటాల శివ ప్రాజెక్ట్ లోనూ వరలక్ష్మీ శరత్ కుమార్ లేడీ పొలిటిషియన్ గా నటించబోతుందంటూ వార్తలొస్తున్నాయి.
సెప్టెంబర్లో సెట్స్ మీదికెళ్తున్న ఈ మూవీ కోసం ఆల్రెడీ వరలక్ష్మీతో చర్చలు జరిగాయట. జలకాలుష్యం నేపథ్యంగా కమర్షియల్ యాంగిల్ స్క్రిప్ట్ రెడీ చేసిన కొరటాల శివ ఈ సినిమాలో బన్నీని స్టూడెంట్ గా, రాజకీయ నాయకుడిగా చూపించబోతున్నాడు. బన్నీని ఢీకొట్టే రాజకీయనాయకురాలిగా వరలక్ష్మీ శరత్ కుమార్ నటిస్తుందని చెప్తున్నారు. మరోవైపు ఎన్టీఆర్, త్రివిక్రమ్ కాంబోలో కూడా ఆమె రాజకీయ నాయకురాలి పాత్రే చేస్తుంది అంటున్నారు. ఏది నిజం…లేదా రెండు సినిమాల్లో లేడీ పొలిటిషియన్ లాగానే వరలక్ష్మీ కనిపిస్తోందా అన్న చర్చ జోరందుకుంది. చూస్తుంటే వరలక్ష్మీ క్రేజ్ ఇప్పట్లో తగ్గేలా మాత్రం కనిపించడం లేదు.

ఆచార్య సిద్ధమవుతున్నాడు అంటూ రామ్ చరణ్ కొత్త ఫోటోను షేర్ చేసారు కొరటాల శివ. ప్రస్తుతం రాజమండ్రి సమీపంలోని మారేడుమిల్లి ప్రాంతంలో షూటింగ్ జరుపుకుంటోన్న ఆచార్య సెట్స్ నుంచి చెర్రీ ఫోటోను కొరటాల శివ పోస్ట్ చేయగా…అది నెట్టింట్లో హల్చల్ చేస్తోంది. రామ్ చరణ్ వెనుకవైపు నుంచి కనిపిస్తుండగా…ఆయన భుజంపై చిరంజీవి చేయివేసిన దృశ్యం అభిమానులను విపరీతంగా ఆకట్టుకుంటోంది. అయితే కొరటాల కామెంట్ కి స్పందించారు రామ్ చరణ్. ఆచార్య సెట్లో డైరెక్టర్ కొరటాల శివతో పాటూ తండ్రి చిరంజీవితో ప్రతి మూమెంట్ ను ఎంజాయ్ చేస్తున్నానన్నారు రామ్ చరణ్.

ప్రస్తుతం తమిళనాడులోని టెన్‌కాశీలో పుష్ప షూటింగ్ చేస్తోన్న అల్లు అర్జున్ తర్వాతి సినిమా గురించి రోజుకో వార్త హల్చల్ చేస్తోంది. కొరటాల శివ డైరెక్షన్లో అల్లు అర్జున్ కమిటైన మూవీలో వరలక్ష్మీ శరత్ కుమార్ దాదాపు ఫిక్సయినట్టే అంటున్నారు. ఇందులో బన్నీ రెండు వేరియన్స్ ఉన్న పాత్ర చేస్తున్నట్టు సమాచారం. ఒకటి స్టూడెంట్ రోల్, మరొకటి రాజకీయ నాయకుడిగా బన్నీ కనిపిస్తారట. సినిమా ద్వితియార్ధంలో పవర్ఫుల్ రాజకీయ నాయకుడిగా బన్నీ కనిపిస్తే…ఆయన్ని ఢీకొట్టే పాత్రలో పోటాపోటిగా వరలక్ష్మీ శరత్ కుమార్ నటించనున్నట్టు టాక్.

క్రాక్, నాంది సినిమాల తర్వాత వరలక్ష్మికి వరుస అవకాశాలు తలుపు తడుతున్నాయి. టాలీవుడ్ డైరెక్టర్స్ ఆమె డేట్స్ కోసం వెయిట్ చేస్తున్నారు. ఈమధ్యే అఖిల్, సురేందర్ రెడ్డి కాంబినేషన్లో రాబోతున్న చిత్రానికి సైతం వరలక్ష్మిని సంప్రదించారు. ఇప్పుడు బన్నీ మూవీ కోసం సైతం కొరటాల శివ ఆమెతో మాట్లాడినట్టు చెప్తున్నారు. అయితే ఈ రెండు ప్రాజెక్టులకు సంబంధించి ఆమె పాత్రపై అధికారిక ప్రకటన రావాల్సిఉంది.

ఈమధ్యే గోదావరిఖని కోల్ మైన్స్ లో షూటింగ్ జరుపుకున్నాపు ప్రభాస్ – ప్రశాంత్ నీల్. ఆ మధ్య విజయ్ దేవరకొండ కూడా వరల్డ్ ఫేమస్ లవర్ కోసం సింగరేణి ఉద్యోగిగా కనిపించాడు. కాగా తాజాగా మెగాస్టార్‌ చిరూ నటిస్తోన్న తాజా చిత్రం ఆచార్య షూటింగ్‌ మార్చి 7 నుంచి 15 వరకు ఖమ్మం జిల్లా ఇల్లందులోని జేకే మైన్స్ లో జరుగబోతుంది. ఇక్కడి బొగ్గు గనుల్లోని ఓపెన్‌కాస్ట్‌, అండర్‌గ్రౌండ్‌ మైనింగ్‌ ప్రాంతాల్లో చిత్రీకరణ చేయనున్నారు. చిరంజీవి, రాంచరణ్‌ కాంబినేషన్ సన్నివేశాలను సైతం ఇక్కడే చిత్రీకరించనున్నారు. ఇందుకోసం అవసరమైన పర్మిషన్స్ కోసం డైరెక్టర్ కొరటాల శివ… రవాణాశాఖ మంత్రి పువ్వాడ అజయ్‌కుమార్‌ను సంప్రదించారు. ఇందుకు ఆయన కూడా పాజిటివ్ గా స్పందించారు.

చిత్రీకరణ కోసం సింగరేణి అనుమతితో పాటూ మెగాస్టార్ చిరంజీవికి తన గృహంలో ఆతిథ్యం సైతం ఏర్పాటు చేస్తానని మాటిచ్చారు. టూరిజం పరంగా ఖమ్మం జిల్లా బాగా అభివృద్ధి చెందిందని, వివిధ సినిమాల షూటింగ్స్ కోసం ఇక్కడ ఎన్నో అనువైన ప్రదేశాలున్నాయని కొరటాల శివ తెలియజేసారు. ఇక ఇప్పటికే పూజాహెగ్దే ఇందులో గిరిజన యువతిగా రామ్ చరణ్ సరసన నటించేందుకు అంగీకరించింది. సింగరేణి గనుల్లో చిరూ, చరణ్ షూటింగ్ పార్ట్ అయ్యాక…చరణ్ – పూజాహెగ్దే పార్ట్ ను షూట్ చేయనున్నారు కొరటాల శివ.

నిన్న సాయంత్రం రిలీజైన ఆచార్య టీజర్ యూట్యూబ్ లో ట్రెండ్ కొనసాగిస్తోంది. ఇప్పటికీ నంబర్ 1 ట్రెండింగ్ లో ప్రభంజనం సృష్టిస్తోంది. ప్రస్తుతానికైతే 7మిలియన్ ప్లస్ వ్యూస్ తో మెగా స్టామినా చాటుతున్న ఆచార్య టీజర్…గంటగంటకి ఆశ్చర్యపోయేలా వ్యూస్ ని మార్చుకుంటుంది.

మే 13న సినిమా రిలీజ్ డేట్ కూడా ప్రకటించడంతో అభిమానుల ఉత్సాహానికి అదుపు లేకుండా పోయింది. టీజర్ ఇచ్చిన హెవీ బూస్టప్ తో ఆచార్య… హాళ్లకి ఎప్పుడెప్పుడు వస్తాడా అని ఎదురుచూస్తున్నారు ప్రేక్షకులు. ప్రస్తుతం లాస్ట్ షెడ్యూల్ జరుపుకుంటోంది ఆచార్య. రామ్ చరణ్, చిరంజీవి, పూజా హెగ్డే కాంబినేషన్ సీన్స్ తెరకెక్కించాలి. వీటితో పాటు మరికొన్ని ప్యాచప్ సీన్స్ అయిపోతే పోస్ట్ ప్రొడక్షన్ కి వెళ్తారు కొరటాల శివ. ఇలా అన్ని పనులను హై స్పీడ్ లో చేసుకుంటూ మే 13న రిలీజ్ కి రెడీ అవుతుంది చిరూ ఆచార్య.

మెగాస్టార్ ఆచార్యగా వచ్చేసారు. “ఇతరుల కోసం వచ్చేవారు దైవంతో సమానం” అంటూ రామ్ చరణ్ వాయిస్ ఓవర్ తో ఆచార్యను ప్రెజెంట్ చేసారు. తాజాగా రిలీజైన టీజర్ తో కుమ్మేస్తున్నారు చిరంజీవి. “పాఠాలు చెప్పే అలవాటు లేకపోయినా….అందరూ ఎందుకో ఆచార్య అంటుంటారు. బహుశా గుణపాఠాలు చెప్తాననేమో…”అన్న డైలాగ్ తో అద్దగరొట్టారు చిరూ. జనవరి 29న ధర్మస్థలి తలుపులు తెరుచుకుంటాయని డైరెక్టర్ కొరటాల శివ ప్రకటించినట్టు…నిజంగానే ధర్మస్థలి తలుపులు తెరుచుకొని ఠీవీగా బయటికొచ్చారు ఆచార్యగా చిరంజీవి. ఇక ఈ మూవీ షూటింగ్ ప్రస్తుతం హైదరాబాద్ లో వేసిన టెంపుల్ సెట్ లో జరుగుతోంది. సిద్ధగా నటిస్తోన్న రామ్ చరణ్ పై సన్నివేశాలను చిత్రీకరిస్తున్నారు కొరటాల శివ.
త్వరలోనే చరణ్ జోడీగా పూజాహెగ్దే కూడా షూటింగ్ లో పాల్గొంటారని తెలుస్తోంది. వీళ్లిద్దరి కాంబినేషన్ సీన్స్ అయ్యాక…చిరూ, చరణ్…చిరూ, చరణ్, పూజాహెగ్దే ఇలాంటి కాంబినేషన్స్ తో మరకొన్ని సీన్స్ ను ప్లాన్ చేసారు కొరటాల శివ. సోనూ సూద్ ప్రతినాయకుని పాత్రలో కనిపించనున్నారు. చిరంజీవి సరసన కాజల్ నటిస్తుండగా మణిశర్మ మ్యూజిక్ అందిస్తున్నారు. మ్యాట్నీ ఎంటర్ టైన్ మెంట్ నిర్మాణ సంస్థతో కలిసి మెగా పవర్ స్టార్ రామ్ చరణ్ తేజ్ కొణిదెల ప్రొడక్షన్స్ బ్యానర్ పై ఆచార్యను నిర్మిస్తున్నారు.

Source: konidela production