పవర్ స్టార్ పవన్ కళ్యాణ్, డైరెక్టర్ క్రిష్ కాంబో మూవీకి హరిహర వీరమల్లు పేరునే టైటిల్ గా ఫిక్స్ చేశారు మేకర్స్.
మహా శివరాత్రి సందర్భంగా అధికారికంగా ప్రకటించారు. టైటిల్ తో పాటే రిలీజ్ చేసిన ఈ మూవీ ఫస్ట్ గ్లింప్స్ ప్రస్తుతం వైరల్ గా మారింది. ఏ ఎమ్ రత్నం నిర్మాణంలో తెరకెక్కుతున్న ఈ ప్రాజెక్ట్ 2022 సంక్రాంతి పండుగ కానుకగా ప్రేక్షకుల ముందుకు రాబోతుంది.

Source: Mega Surya Production

తొలి సినిమాతోనే 100కోట్ల క్లబ్ లో చేరి చరిత్ర సృష్టించిన మెగాఫ్యామిలీ స్టార్ పంజా వైష్ణవ్ తేజ్…వరుస సినిమాలకు సైన్ చేస్తున్నాడు. ప్రస్తుతం క్రిష్ కాంబినేషన్లో చేస్తోన్న మూవీ పోస్ట్‌ ప్రొడక్షన్‌ పనులతో బిజీగా ఉంది. ఇందులో రకుల్ ప్రీత్ సింగ్ హీరోయిన్. అంతేకాదు వైష్ణవ్‌ తన మూడో చిత్రానికి కూడా సంతకం చేశాడాని సమాచారం. మనం ఎంటర్‌టైన్‌మెంట్‌ పతాకంపై కొత్త డైరెక్టర్ తో..ఈ హీరో నెక్ట్స్ సినిమా పట్టాలెక్కనుంది. త్వరలోనే ఈ ప్రాజెక్ట్ కి సంబంధించి అధికారిక ప్రకటన వెలువడనుంది. ఇవే కాదు ప్రొడ్యూసర్ బీవీ ఎస్‌ఎన్‌ ప్రసాద్‌ నిర్మించే మరో చిత్రానికి సైతం గ్రీన్‌ సిగ్నల్‌ ఇచ్చాడు. ఇలా వరుస కమిటెమెంట్లతో వైష్ణవ్ ఓ పక్క బిజీగా మారుతుంటే…మరోవైపు ఈ మూవీ డైరెక్టర్, కథానాయిక కృతి శెట్టిని కూడా క్రేజీ దర్శకనిర్మాతలు సంప్రదిస్తున్నట్టు వార్తలొస్తున్నాయి.

పవర్ స్టార్ పవన్ కళ్యాణ్ నటించిన వకీల్ సాబ్ మూవీని భారీ రేటుకి దక్కించుకుంది అమేజాన్ ప్రైమ్ ఓటీటీ. ఏప్రిల్ 9న థియేటర్స్ కి రానున్న వకీల్ సాబ్…50రోజుల తర్వాత మాత్రమే ఓటీటీలో ప్రసారం చేయాలని ఒప్పందం కుదుర్చుకున్నారు నిర్మాత దిల్ రాజు. అంటే ఈ ఒప్పదం ప్రకారం మే నెలాఖరులో ఓటీటీలో స్ట్రీమింగ్ కానుంది వకీల్ సాబ్.

మరోవైపు క్రిష్ డైరెక్షన్లో తాను నటిస్తోన్న సినిమాలో పనిచేసిన మల్లయోధులను పవర్ స్టార్ పవన్ కళ్యాణ్ సన్మానించారు. అవివీతిపై పోరుకు మావసిక దారుఢ్యంతో పాటు శారీరక దారుఢ్యం అవసరమని ఈ సందర్భంగా పవన్ కళ్యాణ్ అన్నారు. ఇతర రాష్ట్రాల నుంచి వచ్చి ఎంతో కష్టపడుతున్న మల్లయోధులను ప్రోత్సహించి వావ్ అనిపించారు పవన్ కళ్యాణ్.

ఆహా చిత్రం తాజాగా చెప్పినట్టు పవర్ స్టార్, సూపర్ స్టార్ నడుమ పోటీ అనివార్యమైంది. పవన్ కళ్యాణ్, డైరెక్టర్ క్రిష్ కాంబో మూవీ 2022 సంక్రాంతి కానుకగా విడుదల కానుంది. ఈ మేరకు అధికారికంగా విడుదల గురించి ప్రకటించారు మేకర్స్. ఏ ఏం రత్నం నిర్మాణంలో ఎం ఎం కీరవాణి సంగీత అందిస్తున్న ఈ సినిమాకి హరిహర వీరమల్లు అనే టైటిల్ ఖరారయ్యే ఛాన్స్ ఉంది. ఇప్పటికే తొలి షెడ్యుల్ పూర్తిచేసుకున్న ఈ ప్రాజెక్ట్… హైదరాబాద్లో ప్రత్యేకంగా వేసిన తాజ్ మహల్ సెట్లో రెండవ షెడ్యుల్ త్వరలో ప్రారంభంకానుంది. 17వ శతాబ్దంలో జరిగే ఈ కథాంశంలో పవన్ కళ్యాణ్ ను వజ్రాల దొంగగా చూపిస్తున్నారు క్రిష్.

ఇక వచ్చే సంక్రాంతికే రిలీజ్ డేట్ బుక్ చేసుకుంది సర్కారు వారి పాట. పరుశురాం దర్శకత్వం వహిస్తున్న ఈ సినిమాలో మహేష్ వడ్డీ వ్యాపారి పాత్రలో కనిపిస్తారని సమాచారం. అయితే ముందుగానే సంక్రాంతి సీజన్ లో కర్చీఫ్ వేసిన మహేష్ తో…తాజాగా పందెంలో దిగాడు పవన్. మరి చివరికి ఏం జరుగుతుందో చూడాలి.

పవర్ స్టార్ పవన్ కళ్యాణ్, సూపర్ స్టార్ మహేశ్ బాబు నువ్వా నేనా అనుకోనున్నారు. కత్తిపట్టిన పందెంకోళ్లలా బరిలోకి దిగనున్నారు. అవును వచ్చే సంక్రాంతికి సర్కారు వారి పాట రిలీజ్ అంటూ ఆల్రెడీ ప్రకటించారు మేకర్స్. పరశురామ్ దర్శకత్వంలో మహేశ్ బాబు, కీర్తి సురేష్ జంటగా నటిస్తోన్న ఈ మూవీని 2022 సంక్రాంతి బరిలో నిలిపారు. ఈమధ్యే దుబాయ్ లో రెండు షెడ్యూళ్లను పూర్తి చేసుకుని గోవాకి పయనమైంది మూవీ యూనిట్. అయితే తాజాగా తెలిసిన విషయం ప్రకారం మహేశ్ కి పోటీగా రంగంలోకి దిగబోతున్నారట పవన్ కళ్యాణ్.

హరిహర వీరమల్లు అన్న టైటిల్ ప్రచారంలో ఉన్న క్రిష్, పవర్ స్టార్ కాంబోమూవీ సైతం సంక్రాంతి పండుగకే ముహూర్తాన్ని ఫిక్స్ చేసుకుందని టాక్. ప్రస్తుతం శరవేగంగా షూటింగ్ జరుపుతున్నారు క్రిష్. పవన్ కళ్యాణ్ సన్నివేశాలతో పాటూ…మిగిలిన సీన్స్ అన్నింటిని ఏకబికిన లాగించేస్తున్నారు. ప్రత్యేకంగా వేసిన చార్మినార్, గండికోట సెట్స్ లో ఈ పీరియాడికల్ డ్రామాను అనుకున్నట్టు చిత్రీకరిస్తున్నారు. మార్చి 11న మహాశివరాత్రికి ఫస్ట్ లుక్ గ్లింప్స్ రిలీజ్ చేసే ఆలోచనలో ఉన్న క్రిష్…పూర్తి సినిమాతో వజ్రాల దొంగగా పవన్ కళ్యాణ్ ను సంక్రాంతి బరిలో దింపుతున్నారని తెలుస్తోంది. ఇదే జరిగితే…వచ్చే సంక్రాంతికి పవన్, మహేశ్ ల మధ్య ఆట మామూలుగా ఉండదని…పోటీ తప్పేలా లేదని అంటున్నారు.

భారీ బడ్జెట్ తో పవన్ కళ్యాణ్, క్రిష్ కాంబినేషన్లో ఓ మూవీ తెరకెక్కుతున్న విషయం తెలిసిందే. ప్యాన్ ఇండియా రేంజ్ లో పవర్ స్టార్ కెరీర్లోనే అత్యంత భారీ చిత్రంగా దీనిని నిర్మిస్తున్నారు ఏ.ఎం.రత్నం. మొఘల్ కాలం నాటి కథాంశంతో రూపొందుతున్న ఈ సినిమాలో పవన్ కళ్యాణ్ గజదొంగగా కనిపిస్తారని తెలుస్తోంది. అయితే ఈ ప్రాజెక్ట్ కోసం ఇప్పటికే హైదరాబాద్ శివారు ప్రాంతంలో చార్మినార్ సెట్ రూపొందిస్తున్నారు. కాగా మరో అద్భుతానికి కూడా మూవీ యూనిట్ తెరదీయనున్నారని సమాచారం.

గండి కోట సంస్థానాన్ని సైతం ఈ మూవీ కోసం పునఃసృష్టిస్తున్నారట. 17వ శతాబ్దపు పరిస్థితులు ప్రతిబింబించేలా ప్రొడక్షన్‌ డిజైనర్‌ రాజీవన్‌ సారథ్యంలో గండికోట సంస్థానం సెట్ కూడా నిర్మించనున్నారు. ఇస్మార్ట్ బ్యూటీ నిధి అగర్వాల్ లీడ్ హీరోయిన్ గా నటిస్తుండగా…బాలీవుడ్ భామ జాక్వెలిన్ ఫెర్నాండేజ్ మరో ప్రధాన పాత్రలో కనిపించనుంది. ఇక క్రిష్ – పవన్ కాంబో చిత్రానికి హరిహర వీరమల్లు అనే టైటిల్ దాదాపు ఫిక్సయినట్టేనని గుసగుసలు వినిపిస్తున్నాయి.

మారుతున్న ట్రెండ్‌ ని ఫాలో అవుతూ.. డిఫరెంట్ సినిమాలను నిర్మించాలనే తపనతో ఉన్న వారికి… స‌హకరించి నిర్మాణంలో భాగ‌స్వామి కావడానికి తాను ఎల్లప్పుడూ రెడీ అని దిల్‌రాజు ప్రకటించిన సంగతి తెలిసిందే. అందులో భాగంగానే ఈ అగ్ర నిర్మాత… డైరెక్టర్ క్రిష్‌తో చేతులు క‌లిపారు. వీరిద్దరూ కలిసి 101 జిల్లాల‌ అంద‌గాడు సినిమాను తెరకెక్కిస్తున్నారు.

దిల్ రాజు శ్రీవెంక‌టేశ్వ‌ర క్రియేష‌న్స్‌, క్రిష్ ఫ‌స్ట్ ఫ్రేమ్ ఎంట‌ర్‌టైన్‌మెంట్స్ పతాకాలపై నిర్మాతలు శిరీష్, రాజీవ్ రెడ్డి, జాగర్లమూడి సాయి బాబు నూటొక్క జిల్లాల‌ అంద‌గాడు చిత్రాన్ని ప్రొడ్యూస్ చేస్తున్నారు. ఈ ప్రాజెక్ట్ తో రాచ‌కొండ విద్యాసాగ‌ర్ డైరెక్టర్‌గా ప‌రిచ‌యమవుతున్నారు. తెలుగు ఇండస్ట్రీలో ఓ వైవిధ్య న‌టుడిగా, మంచి డైరెక్ట‌ర్‌గా, కథా రచయితగా త‌న‌దైన గుర్తింపు తెచ్చుకున్న అవ‌స‌రాల శ్రీనివాస్ 101 జిల్లాల‌ అంద‌గాడు లో హీరోగా న‌టించాడు. ప్రేక్షకులు ఈజీగా కనెక్ట్ అయ్యేలా సినిమాకు హ్యూమరస్ టచ్ ఇచ్చాడు.

రీసెంట్ గా ఈ మూవీ షూటింగ్ పూర్త‌య్యింది. పోస్ట్ ప్రొడ‌క్ష‌న్ పనులు జ‌రుగుతున్నాయి. మే 7న రిలీజ్ చేసెందుకు స‌న్నాహాలు చేస్తున్నారు మేకర్స్. అవ‌స‌రాల శ్రీనివాస్ సరసన చి.ల‌.సౌ ఫేమ్‌ రుహాని. శర్మ న‌టిస్తుంది. రామ్ సినిమాటోగ్ర‌ఫీ అందించిన ఈ మూవీకి శ‌క్తికాంత్ కార్తీక్ సంగీతాన్ని సమకూర్చారు.

పవన్‌ కల్యాణ్ హీరోగా క్రిష్‌ డైరెక్షన్లో ఓ మూవీ తెరకెక్కుతోన్న సంగతి తెలిసిందే. చాలా ఏళ్ల కిందటి పీరియాడికల్‌ డ్రామా కథాంశంతో భారీ అంచనాల మధ్య ఈ సినిమాను రూపొందిస్తున్నారు. వర్కింగ్‌ టైటిల్‌ ‘PSPK27’ తో షూటింగ్ జరుపుకొంటున్న ఈ ప్రాజెక్ట్ నుంచి ఓ ఇంట్రెస్టింగ్ న్యూస్ వెలుగులోకి వచ్చింది. చారిత్రాత్మక నేపథ్యంగా రానున్న ఈ మూవీలో 17వ దశాబ్దం కాలాన్ని రీక్రియేట్ చేస్తున్నారు. ఈ స్టోరీలో భాగంగానే చార్మినార్‌ వైభవాన్ని చూపించనున్నారట. సినిమాలో ఎక్కువ భాగం చార్మినార్‌ బ్యాక్ డ్రాప్ గా షూటింగ్ జరపాల్సి రావడంతో ఏకంగా చార్మినార్ సెట్ నిర్మిస్తున్నట్టు సమాచారం.

అయితే ఈ మూవీ టైటిల్‌ ఇంకా కన్ఫర్మ్ చేయలేదు. ‘హర హర మహాదేవ్’ దాదాపు ఫిక్సయినట్టే అన్న ప్రచారం జరుగుతోంది. ‘విరూపాక్ష’, ‘హరిహర వీరమల్లు’.. వంటి పేర్లు సైతం ప్రచారంలో ఉన్నాయి. మంచి సమయం చూసుకుని మరికొన్ని రోజుల్లోనే క్రిష్, పవన్ కాంబో మూవీ టైటిల్ ప్రకటిస్తామని చెబుతున్నారు నిర్మాతలు. ఇక ఈ సినిమాలో తాను నటిస్తున్నట్లు హీరోయిన్ నిధి అగర్వాల్‌ స్వయంగా ప్రకటించిన విషయం తెలిసిందే. మరో హీరోయిన్ జాక్వెలిన్ ఫెర్నాండేజ్ గురించి తెలియాల్సి ఉంది. మెగా సూర్య ప్రొడక్షన్ బ్యానర్ పై ఎ.ఎం.రత్నం ఈ చిత్రాన్ని ప్రొడ్యూస్ చేస్తున్నారు. ఎమ్.ఎమ్. కీరవాణి సంగీతం అందిస్తున్నారు.

వకీల్ సాబ్ షూటింగ్ పూర్తైన తర్వాత రానాతో కలిసి అటు అయ్యప్పనుమ్..కోషియుమ్ రీమేక్…ఇటు క్రిష్ దర్శకత్వంలో ఓ సినిమాని చేస్తున్నారు పవన్ కల్యాణ్. అయితే బందిపోటు, వీరమల్లు, విరూపాక్ష వంటి టైటిల్స్ క్రిష్ కాంబో మూవీ కోసం సెట్ చేసారనే ప్రచారం జరిగింది. అయితే చివరికి ‘హరహర మహాదేవ్’ అన్న పేరును ఫిక్స్ చేసారట. దీనికోసం ఇప్పటికే ఫిల్మ్ నగర్ ఛాంబర్ లో రిజిస్టర్ కూడా చేయించినట్టు వార్తలొస్తున్నాయి.

పవర్ స్టార్ సరసన ఇస్మార్ట్ బ్యూటీ నిధి అగర్వాల్ ఓ హీరోయిన్ గా ఎంపికవగా…మరో హీరోయిన్ గా బాలీవుడ్ సోయగం జాక్వలిన్ ఫెర్నాడెజ్ ను కన్ఫర్మ్ చేసినట్టు సమాచారం. అయితే మరో స్పెషల్ సాంగ్ కోసం హాట్ యాంకర్ అనసూయను కూడా సంప్రదించినట్టు గుసగుసలు వినిపిస్తున్నాయి. అయ్యప్పనుమ్..కోషియుమ్ రీమేక్ కోసం కేవలం నెలన్నర డేట్స్ ఇచ్చిన పవన్ కల్యాణ్…క్రిష్ కోసం మార్చి లేదా ఏప్రిల్ నుంచి నిర్విరామంగా షూటింగ్ లో పాల్గొంటారట. ఏకబికిన షూటింగ్ పూర్తి చేసి ఏడాది చివరికల్లా పోస్ట్ ప్రొడక్షన్ వర్క్ కూడా పూర్తి చేస్తారట క్రిష్. అంతా అనుకన్నట్టు జరిగితే 2022 సంక్రాంతి బరిలో ఈ మూవీ కూడా దిగుతుందని అంటున్నారు.

కేవలం యాంకర్ గానే కాదు…నచ్చిన అవకాశం వచ్చినప్పుడల్లా సిల్వర్ స్క్రీన్ పై తళుక్కుమంటున్నారు అనసూయ. రంగస్థలం రంగమ్మత్తగా మెప్పించిన దగ్గరి నుంచి ఈవిడకి అవకాశాలు బాగానే వస్తున్నాయి. ఇప్పుడలాగే క్రిష్, పవన్ కల్యాణ్ కాంబినేషన్ లో తెరకెక్కబోతున్న పీరియాడిక్ ఫిల్మ్ లో చాన్స్ కొట్టేసారట అనసూయ. పవన్ సరసన ఓ ప్రత్యేక గీతంలో కనిపించేందుకు గ్రీన్ సిగ్నల్ ఇచ్చారట. అంతకుముందు అత్తారింటికి దారేది మూవీలో స్పెషల్ సాంగ్ కోసం అనసూయను సంప్రదించారు. అయితే ఎందుకో నో చెప్పారు అనసూయ. ఇప్పడిక క్రిష్ సినిమా అదీ పవన్ సరసన అంతా తానై నడిపించే పాట అవడంతో వెంటనే ఓకే చెప్పారని తెలుస్తోంది.
వకీల్‌సాబ్‌ షూటింగ్ పూర్తయింది. కాస్త రెస్ట్ తీసుకొని క్రిష్ సినిమాతో బిజీగా మారుతారు. దాదాపు 100 కోట్ల రూపాయల భారీ బడ్జెట్‌తో ఈ మూవీని రూపొందిస్తున్నట్లు టాక్. ఇక క్రేజీ ఆఫర్స్ తో దూసుకుపోతున్న అనసూయ ప్రస్తుతం కృష్ణవంశీ తెరకెక్కిస్తున్న ‘రంగ మార్తాండ’లో నటిస్తున్నారు. అలాగే రవితేజ హీరోగా షూట్ జరుగుతున్న ‘కిలాడి’లో కూడా కనిపించనున్నారు. అంతేకాదు కమెడియన్‌ సునీల్‌ జోడిగా ‘వేదాంతం రాఘవయ్య’ సినిమాలో హీరోయిన్ గా నటించేందుకు ఓకే చెప్పారట. తెలుగు నుంచి తమిళ్ ట్రావెల్ చేసి రీసెంట్‌గా అక్కడ క్రేజీ ఆఫర్ దక్కించుకున్నారు. స్టన్నింగ్ యాక్టర్ విజయ్ సేతుపతితో కలిసి ఓ సినిమాలో నటిస్తున్నారు.