లాస్ట్ స్టేజ్ కి వచ్చేసింది ట్రిపుల్ ఆర్ . యాక్షన్ షూట్ తోపాటు ప్యాచప్స్ కంప్లీట్ చేస్తున్న RRR సినిమా షూటింగ్ అల్యూమినియం ఫ్యాక్టరీ లో కంటిన్యూ అవుతోంది. ప్యాన్ ఇండియా స్టార్ ప్రభాస్ ,బాలీవుడ్ డైరెక్టర్ ఓమ్ రౌత్ కాంబినేషన్లో తెరకెక్కుతున్న ఆదిపురుష్ సినిమా షూటింగ్ ముంబయ్ సెట్స్ లో జరుగుతోంది. విజయ దేవరకొండ సైతం ఇప్పట్లో ముంబై వదిలి వచ్చేలా లేడు. లైగర్ షూటింగ్ ఇంకా ముంబైలోనే చేస్తున్నారు పూరీ జగన్నాథ్.

చెర్రీ బర్త్ డే సందర్భంగా ఫస్ట్ లుక్ ట్రీట్ ఇచ్చిన చిరంజీవి ఆచార్య టీమ్ ప్రస్తుతానికి రెస్ట్ మోడ్ లో ఉంది. ఏప్రిల్ 2 నుంచి ఆచార్య సినిమా కోకాపెట్ లో మళ్లీ మొదలుకానుంది. పవన్ కళ్యాణ్, క్రిష్ కాంబో మూవీ హరిహర వీరమల్లు సినిమా షూటింగ్ అల్యూమినియం ఫ్యాక్టరీలో జరుగుతుంది.

నందమూరి బాలకృష్ణ బోయపాటి శ్రీను దర్శకత్వంలో నటిస్తున్న సినిమా షూటింగ్ బెల్గాం ఆశ్రమంలో జరుగుతుంటే, ప్రవీణ్ సత్తారు డైరెక్షన్ లో నాగార్జున నటిస్తోన్న సినిమా గోవాలో జరుగుతుంది. ఇక రామానాయుడు స్టూడియోలో శరవేగంగా దృశ్యం -2 షూటింగ్ కంప్లీట్ చేస్తున్నారు వెంకటేశ్.

మహేశ్ బాబు సర్కారు వారి పాట షూటింగ్ గోవాలో జరుగుతుండగా… ఇటలీలో ఖిలాడీ షూటింగ్స్ తో బిజీగా ఉన్నారు రవితేజ. అల్లు అర్జున్, సుకుమార్ కాంబో పుష్ప సీన్స్ ను టోలీచౌకిలో చిత్రీకరిస్తున్నారు. వరుణ్ తేజ్ గని సినిమా షూటింగ్ అన్నపూర్ణ 7ఎకర్స్ లో కొనసాగుతుంది. సాయిధరమ్ తేజ్, దేవా కట్టా సినిమా రిపబ్లిక్ షూటింగ్ కూడా హైదరాబాద్ లోకల్ లొకేషన్స్ లోనే జరుగుతుంది.

ఫ్రెంచ్ భాషలో సూపర్ సక్సెసైన వెబ్ మూవీ ‘వైట్ టైగర్’ను బేస్ చేసుకొని లైగర్ ను రూపొందిస్తున్నారట పూరీ జగన్నాథ్. రౌడీబాయ్ దేవరకొండ విజయ్ బాక్సర్ గా కనిపించనున్న ఈ మూవీలో అందాలభామ అనన్య పాండే సైతం ఓ బాక్సర్ గానే నటిస్తోందనే ప్రచారం సాగుతోంది. అయితే ఇందులో అనన్య పాండేకి… విజయ్ బాక్సింగ్ నేర్పిస్తుంటాడని సమాచారం.

పూరీ గత చిత్రాల్లానే ఈ ప్రాజెక్ట్ లో కూడా హీరో యాటిట్యూడ్ వెరైటీగా ఉండటంతో పాటు పూరీ జగన్నాథ్ తరహా డైలాగ్స్ తో అద్దిరిపోతుందని టాక్. అంతేకాదు ఇందులో పూరీ మార్క్ లవ్ – రొమాన్స్ – ఎమోషన్స్ కాంబినేషన్ కూడా ఎక్కువేనని అంటున్నారు. అదేవిధంగా రౌడీ బాయ్ గత చిత్రాల మాదిరిగానే ముద్దు సీన్స్ హీటెక్కిస్తాయట. ఇక రొమాంటిక్ సన్నివేశాలకే కొదవే లేదని సమాచారం. మరి డైరెక్టర్ పూరీ జగన్నాథ్ తో పాటూ విజయ్ దేవరకొండ, అనన్య పాండే లకు కూడా ఇదే ఫస్ట్ పాన్ ఇండియా ప్రాజెక్ట్ కావడంతో అన్ని విధాలుగా అలరించేందుకు టీమ్ కష్టపడుతోంది.

అర్జున్ రెడ్డి…హీరో విజయ్‌ దేవరకొండకు ఒక్కసారిగా స్టార్ ఇమేజ్‌ను తెచ్చిపెట్టిన బ్లాక్‌బస్టర్‌ హిట్‌ మూవీ. ఈ సినిమాను తెరకెక్కించిన డైరెక్టర్ సందీప్‌ రెడ్డి వంగా సైతం టాలీవుడ్ టు బాలీవుడ్ మోస్ట్ వాంటెడ్ గా మారారు. ఇదే స్టోరితో షాహిద్ కపూర్ హీరోగా ‘కబీర్‌సింగ్‌’ తీసి బాలీవుడ్ లోనూ సక్సెస్ ట్రాక్ ఎక్కారు. ప్రస్తుతం సందీప్‌… హిందీలో రణ్‌బీర్ కపూర్‌ హీరోగా ‘యానిమల్‌’ అనే చిత్రాన్ని తెరకెక్కించే పనిలో ఉన్నాడు. దీని తర్వాత విజయ్ దేవరకొండతో సందీప్ సినిమా ఉంటుందనే ప్రచారం ఊపందుకుంది.

మరోవైపు రౌడీబాయ్.. పూరీ డైరెక్షన్ లో ప్యాన్‌ ఇండియన్ మూవీ ‘లైగర్‌’ కోస కష్టపడుతున్నాడు. దీని తర్వాత విజయ్ ఎవరితో సినిమా చేస్తాడన్నది సస్పెన్స్ గా మారింది. అయితే సందీప్ రెడ్డి, విజయ్ దేవరకొండ…ఈ క్రేజీ కాంబోను మళ్లీ కలిపేందుకు ప్రముఖ ప్రొడక్షన్ హౌస్ మైత్రీ మూవీ మేకర్స్‌ ప్రయత్నాలను మొదలుపెట్టిందట. ప్రజెంట్ చర్చలు నడుస్తున్నాయని, అంతా అనుకున్నట్టు జరిగితే 2022 సెకండ్ హాఫ్ లో ఈ మూవీ ప్రారంభం కావొచ్చనే వార్తలొస్తున్నాయి.

సాలా క్రాస్ బ్రీడ్ అంటూ విజయ్ దేవరకొండని లైగర్ గా ప్రెజెంట్ చేసారు పూరీ జగన్నాథ్. ఇన్నాళ్లు విజయ్, పూరీ కాంబోమూవీ టైటిల్ ఫైటర్ అన్న ప్రచారం జరిగింది. కానీ టైగర్, లయన్ మిక్సింగ్ లైగర్ అన్న పేరును ఫిక్స్ చేసారు. ఫస్ట్ లుక్ రిలీజ్ చేసారు. ఇస్మార్ట్ శంక‌ర్ మూవీ త‌ర్వాత పూరీ, యంగ్ హీరో విజ‌య్ దేవర‌కొండతో ఈ చిత్రాన్ని తెరకెక్కిస్తున్నారు. పూరీ క‌నెక్ట్స్, ధ‌ర్మ ప్రొడ‌క్ష‌న్స్ కలిసి ప్రొడ్యూస్ చేస్తున్న ఈ మూవీ బాక్సింగ్ కథాంశంగా రూపొందుతుంది. రియాలిటీ ప్రదర్శించేలా రౌడీ బాయ్ ఈ మూవీ కోసం థాయ్‌లాండ్‌లో ప్రత్యేక శిక్షణ కూడా తీసుకున్నారు. తెలుగు, హిందీ, తమిళ్, కన్నడ, మలయాళ భాషల్లో పాన్ ఇండియా మూవీగా త్వరలోనే తీసుకొచ్చేందుకు ప్లాన్ చేస్తున్నారు మేకర్స్.
పూరి జగన్నాథ్- విజయ్ కాంబో మూవీ లైగర్ లో ఇంకా ఎన్నో థ్రిల్లింగ్ ఎలిమెంట్స్ ఉన్నాయట. బాలీవుడ్ బ్యూటీ అనన్య పాండే హీరోయిన్ కాగా…రమ్యకృష్ణ మరో ప్రధానపాత్రలో నటిస్తున్నారు. ఇప్పుడిక సాలా క్రాస్ బ్రీడ్ అంటూ లైగర్ పోస్ట‌ర్ తో భారీ అంచనాలు పెంచేసారు. బాలీవుడ్ బడా ప్రొడ్యూసర్ కరణ్ జోహర్ అక్కడ రిలీజ్ చేస్తుండటంతో నార్త్ లోనూ ఈ సినిమాపై క్రేజ్ పెరిగింది. ఇక క‌రోనా కారణంగా ఆగిన ఈ మూవీ షూటింగ్ మ‌ళ్ళీ మొద‌లై శరవేగంగా దూసుకెళ్తుంది.