గీతా ఆర్ట్స్…ట్రెండ్ కి తగ్గట్టు సినిమాలు చేస్తూ ఎప్పటికప్పుడు విజయాలను అందుకుంటుంది. ఎందరో కొత్తవారిని సైతం ఇండస్ట్రీకి పరిచయం చేసింది. ప్రస్తుతం విడుదలకు సిద్ధమైన చావు కబురు చల్లగా చిత్రాన్ని సైతం కొత్త దర్శకుడు కౌశిక్ తెరకెక్కించాడు. ఇదిలాఉంటే చి.ల.సౌ సినిమాతో గుర్తింపు తెచ్చుకొని…మన్మథుడు-2తో ఫ్లాప్ ముద్ర వేసుకున్న డైరెకటర్ రాహుల్ రవీంద్రన్ ఇప్పుడు గీతా ఆర్ట్స్ సంస్థలో ఓ సినిమా చేయబోతున్నాడు. గీతా ఆర్ట్స్ అనుబంధ సంస్థ అయిన..గీఏ2 బ్యానర్ పై రాహుల్ రవీంద్రన్ సినిమా ఉంటుందని నిర్మాత బన్నీ వాసునే ప్రకటించారు.

ఓ లేడి ఓరియెంటెండ్ కథతో ఈసారి సినిమా రూపొందించనున్నాడు రాహుల్ రవీంద్రన్. త్వరలోనే పట్టాలెక్కబోతున్న ఈ ప్రాజెక్ట్ 2022లో ప్రేక్షకుల ముందుకు రానుంది. హీరోయిన్ ఎవరన్నది తెలియాల్సిఉంది. మన్మథుడు -2 సినిమాలా స్క్రిప్ట్ లోపాలు లేకుండా…మొదటి మూవీలా సింపుల్ కథను సరికొత్తగా ఆవిష్కరించబోతున్నాడని టాక్. గతంలో కూడా పరశురామ్, మారుతి, బోయపాటి శ్రీను వంటి డైరెక్టర్లు ఫ్లాప్స్ లో ఉన్నప్పుడు…వారికి అవకాశం ఇచ్చి హిట్ కొట్టించిన సంస్థ గీతా ఆర్ట్స్. ఇప్పుడు రాహుల్ రవీంద్రన్ జీవితాన్ని ఎలా మలుపు తిప్పుతుందో…

శివరాత్రికి ముహూర్తం
మాస్ రాజా రవితేజ నటిస్తోన్న ఖిలాడి టీజర్ ను మహాశివరాత్రి సందర్భంగా మార్చి 11న రిలీజ్ చేస్తున్నారు. అర్జున్, అనసూయ కీరోల్స్ ప్లే చేస్తోన్న ఖిలాడి మే 28న ప్రేక్షకుల ముందుకు రాబోతుంది.

హీరోయిన్ పక్కా..?
గోపీచంద్ – మారుతి పక్కా కమర్షియల్ మూవీలో హీరోయిన్ గా రాశిఖన్నా ఎంపికైన విషయం తెలిసిందే. అయితే ఇందులో మరో హీరోయిన్ గా తెలుగమ్మాయి ఈశారెబ్బా కనిపించనుందట.

రామ్..ఊర మాస్
పందెంకోడి, ఆవారా సినిమాల డైరెక్టర్ లింగుస్వామితో…హీరో రామ్ తన నెక్ట్స్ సినిమాను ప్లాన్ చేసినట్టు తెలుస్తోంది. లింగు స్వామి చెప్పిన ఊర మాస్ స్టోరి రామ్ కి నచ్చడంతో వెంటనే ఓకే చెప్పారని టాక్.

పవర్ ప్లే…కమింగ్
కొండా విజయ్ కుమార్, రాజ్ తరుణ్ కాంబినేషన్లో తెరకెక్కిన పవర్ ప్లే మూవీ మార్చి 5న రిలీజ్ కానుంది. రీసెంట్గా ఈ మూవీ స్పెషల్ పోస్టర్ ను రిలీజ్ చేసారు మేకర్స్.

సైజ్ జీరో అనుష్కలా…
అజయ్ దేవగణ్ సరసన ప్రణీత నటిస్తోన్న కొత్త సినిమాలో ఆమె రెండు పాత్రలు చేస్తున్నారట. ఒకటి నాజుకుగా కనబడే రోల్ కాగా మరొకటి సైజ్ జీరో అనుష్కలా భారీకాయంతో కనిపించే పాత్ర కావడం విశేషం.

అవును…డైరెక్టర్ మారుతి 10వ సినిమా, హీరో గోపీచంద్ 29వ సినిమా త్వరలోనే పట్టాలెక్కనుంది. ఈ విషయాన్ని స్వయంగా ఈ ప్రాజెక్ట్ యూనిట్ వెల్లడించింది. స్టార్ ప్రొడ్యూసర్ అల్లు అరవింద్ సమర్పణలో… జీఏ 2 బ్యానర్ పై బన్నీ వాసు, యువి క్రియేషన్స్ కలిసి నిర్మిస్తున్నాయి.
నిజానికి దర్శకుడు మారుతి రవితేజ లేదంటే కళ్యాణ్ రామ్ హీరోగా సినిమాను ప్లాన్ చేస్తున్నారని ప్రచారం జరిగింది. అలాగే గోపీచంద్, తేజ కాంబినేషన్ లో అలివేలు మంగ – వేంకట రమణ వస్తుందనుకున్న…అదీ జరగలేదు.
కారణాలేవైనా….రవితేజ, కళ్యాణ్ రామ్ లతో మారుతి జోడీ కుదరలేదు. ఇటు తేజ, గోపీచంద్ కాంబినేషన్ కి బ్రేక్ పడింది. దీంతో అనూహ్యంగా గోపీచంద్, మారుతి ఒక్కటయ్యారు. త్వరలోనే ఫస్ట్ లుక్ పోస్టర్ ని సైతం రిలీజ్ చేసి….సెట్స్ పైకి వెళ్తారట.