ఎఫ్2 బ్లాక్ బస్టర్ హిట్ తో అనిల్ రావిపూడి ఎఫ్3 తెరకెక్కిస్తున్న విషయం తెలిసిందే. దిల్ రాజు నిర్మాణంలో ఆల్ మోస్ట్ ఆల్ సేమ్ నటీనటులతో రూపొందిస్తున్నారు. భార్యభర్తల మధ్య వచ్చే సరదా సన్నివేశాలతో ఎఫ్ 2 తెరకెక్కించగా…ఆ ఫ్యామిలిని డబ్బు పెట్టిన తిప్పలను ఎఫ్3లో చూపిస్తున్నారట.
అయితే ఈ మూవీలోఉన్న ఇద్దరు హీరోలు, ఇద్దరు హీరోయిన్లు కామన్. వెంకీ సరసన తమన్నా, వరుణ్ తేజ్ జోడీగా మెహరీన్ నటిస్తున్నారు. అయితే ఇందులో మరో హీరోయిన్ కు ఛాన్స్ ఇచ్చాడట అనిల్ రావిపూడి. ఆ పాత్ర కోసం బాలీవుడ్ బ్యూటీ సోనాలి చౌహాన్ ను పట్టుకొస్తున్నట్టు సమాచారం.
నిజానికి ఈ సోనాలికి తెలుగు తెర కొత్తెమి కాదు. గతంలో నందమూరి బాలయ్యతో రెండు చిత్రాలు, రామ్ తో ఒక సినిమా చేసింది. అలాగే ఇంకొన్ని చిత్రాల్లో నటించినా పెద్దగా అవకాశాలు రాలేదు. అనిల్ తీసుకున్న నిర్ణయం నిజమైతే ఈ భామ కొంత గ్యాప్ తరువాత మళ్లీ తెలుగులో సందడి చేయబోతుంది.
ఇంతకుముందు కూడా ఎఫ్ 3 విషయంలో మరో హీరో ఉంటాడన్న ప్రచారం జోరుగా సాగింది. రవితేజ, సాయిధరమ్ తేజ్ ఇలా చాలామంది పేర్లే వినిపించాయి. కానీ అవేమి నిజం కాదు…అసలు మూడో హీరోనే లేడన్నారు అనిల్ రావిపూడి. మరిప్పుడు మూడో హీరోయిన్ అన్న న్యూస్ వైరల్ అవుతోంది. మరి సోనాలి నిజంగానే కనిపించనుందా అన్నది దర్శకనిర్మాతలే ప్రకటించాలి.

తమిళ్ స్టార్ మ్యూజిక్ డైరెక్టర్ అనిరుధ్‌తో కీర్తి సురేష్ ప్రేమలో ఉన్నారని.. గత కొన్నిరోజులుగా వార్తలొస్తున్నాయి. ఈ విషయాన్ని బలపరుస్తూ చాలా సందర్భాల్లో వీరిద్దరి ఫోటోలు ఈమధ్య వైరల్ గా మారాయి. కాగా కీర్తితో పాటూ అనిరుధ్ కుటుంబాలకి సైతం ఈ సంగతి తెలుసని కోలీవుడ్ టాక్. ఇక ఈ ఏడాదిలోనే పెద్దల సమక్షంలో వీరిద్దరూ పెళ్లి చేసుకోనున్నట్లు కూడా మీడియా కథనాలు వెలువడుతున్నాయి.

హీరోయిన్ మెహరీన్‌ అతిత్వరలో పెళ్లిపీటలెక్కబోతుంది. ఈ విషయాన్ని ఆమె స్వయంగా వెల్లడించింది. హరియాణా ఎక్స్ సిఎం భజన్‌లాల్‌ భిష్ణోయ్‌ మనువడు భవ్య్ బిష్ణోయ్‌తో ఆమె మ్యారేజ్ జరగనుంది. మార్చి 12న జైపూర్‌ సిటీలోని అలీలాకోటలో ఎంగేజ్మెంట్ ఉంటుందని తెలియజేసారు మెహరీన్.

ఎఫ్ 2 తో అంచనాలు మించి రికార్డ్ హిట్ అందుకున్న ఎఫ్ 2 మూవీ 2019 సంక్రాంతికి రాగా…ఇంటికొచ్చిన కొత్త అల్లుళ్లలా సరదా చేసి ప్రతిఇంటి ప్రేక్షకులను అలరించారు వెంకీ, వరుణ్. ఇక ప్రస్తుతం సెట్స్ పైనున్న ఎఫ్ 3 2021 దసరా కానుకగా వచ్చేందుకు ముస్తాబవుతుంది. అయితే ఎఫ్2కి, ఎఫ్3కి చాలా విషయాల్లో తేడా వచ్చింది. డైరెక్టర్ అనిల్ రావిపూడి నుంచి వెంకీ, వరుణ్ తేజ్ వంటి స్టార్ కాస్ట్ భారీ రెమ్యూనిరేషన్ అందుకుంటుంది ఎఫ్ 3కి. అలాగే సునీల్, బొమాన్ ఇరానీ వంటివారు అదనపు ఆకర్షణగా కనిపించనున్నారు. దీంతో ఈ మూవీ బడ్జెట్ 70కోట్ల రూపాయలవుతుందని ఓ అంచనా.
ఎంతైతే ఖర్చుపెడుతున్నారో…అంతకు మించి రాబట్టుకోబోతున్నారు నిర్మాత దిల్ రాజు. లో బడ్జెట్ లో నిర్మించిన ఎఫ్ 2…బాక్సాఫీస్ ని కొల్లగొట్టి కాసులు రాల్చింది. అంతేనా ఎఫ్ 3పై భారీగా అంచనాలను పెంచేసింది. దీంతో ఎలాగూ ప్రీ బిజినెస్ బాగా జరుగుతుందనే నమ్మకం ఉంది. ఇక తాజాగా ఆ నమ్మకాన్ని నిలబెడుతూ ఎఫ్3 డిజిటల్ రైట్స్ రికార్డ్ రేటులో అమ్ముడయింది. అమెజాన్ ప్రైమ్ ఫ్యాన్సీ రేట్ కి ఈ మూవీ స్ట్రీమింగ్ రైట్స్ దక్కించుకున్నట్టు తెలుస్తోంది. డిజిటల్ రైట్సే ఇంత మంచి రేటుకి పోతే సినిమా బాక్సాఫీస్ ను కొల్లగొట్టడం ఖాయమంటున్నారు సినీజనాలు.