నాని ప్రస్తుతం చేస్తోన్న సినిమాలను గమనిస్తే ఓ కామన్ పాయింట్ కనిపిస్తుంది. టక్ జగదీష్, శ్యామ్ సింగ రాయ్, అంటే సుందరానికి చిత్రాలను పరిశీలిస్తే ఓ విషయం అర్ధమవుతుంది. అయితే అది సినిమాల స్టోరీలకో, నాని క్యారెక్టర్లకో సంబంధించిన సంగతి కాదు. ఆ మూడు సినిమాల దర్శకులకు సంబంధించిన ఇంట్రెస్టింగ్ విషయం.

నానిని ప్రజెంట్ డైరెక్ట్ చేస్తోన్న ముగ్గురు దర్శకులకు అది మూడో సినిమా కావడం విశేషం. టక్ జగదీష్ తీసుకుంటే డైరెక్టర్ శివ నిర్వాణకు మూడో సినిమా. నిన్ను కోరి, మజిలీ చిత్రాల తర్వాత శివ చేస్తున్న చిత్రం టక్ జగదీష్. నెక్ట్స్ శ్యామ్ సింగ రాయ్…ది ఎండ్, ట్యాక్సీవాలా సినిమాల తర్వాత రాహుల్ సంకృత్యన్ నాని హీరోగా శ్యామ్ సింగ రాయ్ తెరకెక్కిస్తున్నాడు. అలాగే వివేక్ ఆత్రేయ…ప్రస్తుతం నానితో అంటే సుందరానికి చేస్తోన్న వివేక్ కి మెంటల్ మదిలో, ఏజెంట్ సాయి శ్రీనివాస ఆత్రేయ తర్వాత మూడో సినిమా ఇది. ఇలా నాని ముచ్చటగా ముగ్గురు డైరెక్టర్లతో సినిమాలు చేస్తుండగా వారికవి ముచ్చటగా మూడో సినిమా కావడం ప్రత్యేకం.

మొత్తం 66 సినిమాల రిలీజ్ లతో 2021 ఫస్ట్ క్వార్టర్ ముగిసింది. ఇప్పుడు ఫోకస్ సమ్మర్ సీజన్ పై పడింది. ఓ వైపు కోవిడ్ 19 సెకండ్ వేవ్ సింప్టమ్స్ కనిపిస్తున్నా…ప్రేక్షకులనే నమ్ముకుని థియేటర్లకొచ్చేస్తున్నాయి భారీ సినిమాలు. 270కోట్ల రూపాయల ప్రీరిలీజ్ బిజినెస్ చేసి ట్రేడ్ వర్గాలకి షాక్ ఇచ్చింది టాలీవుడ్.

ఏప్రిల్ నెల…టాలీవుడ్ కి కీలకంగా మారనుంది. ఈ నెలలో రిలీజయ్యే సినిమాలపై భారీ అంచనాలు పెట్టుకున్నారు మేకర్స్. కోవిడ్ మళ్లీ తిరగబెట్టినా 270కోట్ల థియేట్రికల్ బిజినెస్ చేసి తగ్గేదేలేదంటుంది టాలీవుడ్ ఇండస్ట్రీ. ఏప్రిల్ 2న నాగార్జున వైల్డ్ డాగ్ రిలీజ్ కి రెడీఅయింది. గోకుల్ చాట్ లుంబినీ పార్క్ పేలుళ్ల నేపథ్యం… ఎన్.ఐ.ఏ ఇంటెలిజెన్స్ ఆపరేషన్ కథాంశంతో రూపొందింది ఈ యాక్షన్ థ్రిల్లర్. ఇప్పటికే ప్రమోషనల్ మెటీరియల్ అభిమానుల్లోకి దూసుకెళ్లింది. వైల్డ్ డాగ్ 30కోట్ల థియేట్రికల్ బిజినెస్ చేస్తే…ఏప్రిల్ 2నే వస్తోన్న కార్తీ సుల్తాన్ 10కోట్ల బిజినెస్ చేసింది

ఏప్రిల్ 9న వకీల్ సాబ్ వచ్చేస్తున్నాడు. మూడేళ్ల తర్వాత పవన్ కళ్యాణ్ సినిమా వస్తుండటంతో భారీగానే అంచనాలు పెరిగాయి. ఇప్పటికే రిలీజ్ చేసిన ట్రైలర్ హ్యూజ్ రెస్పాన్స్ తెచ్చుకుంది. 150కోట్ల భారీ థియేట్రికల్ బిజినెస్ తో వస్తోన్న వకీల్ సాబ్ లాభాల బాట పట్టాలంటే..బంపర్ హిట్ కొట్టాల్సిందే. లైన్ లో వేరే మూవీ రిలీజ్ కూడా లేకపోవడంతో వకీల్ గట్టిగానే వాదిస్తాడనే ధీమా మీదున్నారు నిర్మాత దిల్ రాజు.

Pawan Kalyan Craze in theater VakeelSaab Grand Release

వకీల్ సాబ్ తర్వాత ఏప్రిల్ 16న శేఖర్ కమ్ముల లవ్ స్టోరి రిలీజవుతుంది. తెలంగాణ నేపథ్యంలో నాగచైతన్య- సాయిపల్లవి జంటగా నటించారు. సారంగదరియా పాటతో ఒక్కసారిగా లవ్ స్టోరీపై అంచనాలు ఆకాశాన్నంటాయి. ఫిదా తర్వాత శేఖర్ కమ్ముల, సాయిపల్లవి కాంబో కావడంతో యూత్ హిట్ ఇస్తారని నమ్ముతున్నారు మేకర్స్. లవ్ స్టోరీ ఇప్పటికే 35కోట్ల రూపాయల థియేట్రికల్ బిజినెస్ చేసింది.

Naga chaitanya latest movie updates,sai pallavi latest movie updates,Love story movie updates,ahachitram

నాని.. పూర్తి కమర్షియల్ ఫార్మాట్ సినిమా టక్ జగదీష్ తో ఏప్రిల్ 23న రాబోతున్నాడు. నిన్నుకోరి తర్వాత నేచురల్ స్టార్ పెర్ఫామెన్స్ .. శివ నిర్వాణ టేకింగ్ ఈ సినిమాకి ప్లస్ కానున్నాయని అంచనా. ఇక అదేరోజు హీరోయిన్, తమిళనాడు మాజీ ముఖ్యమంత్రి జయలలితగా కంగనా నటించిన తలైవి రిలీజ్ కానుంది. ఎన్నో ఎక్స్ పెక్టేషన్స్, మరెన్నో సర్ప్రైజెస్ తో తలైవి ముస్తాబైంది. టక్ జగదీష్ 35కోట్ల ప్రీరిలీజ్ బిజినెస్ సాధిస్తే…తలైవి 5కోట్ల రూపాయల బిజినెస్ చేయగలిగింది.

ఏప్రిల్ 30న రానా నటించిన విరాట పర్వం రిలీజ్ కానుంది. రానా, సాయి పల్లవి లీడ్ రోల్స్ లో నక్సలిజం బ్యాక్ డ్రాప్ లో సాగే ఎమోషనల్ డ్రామా ఇది. అయితే 20కోట్ల ప్రీరిలీజ్ బిజినెస్ చేసిన విరాటపర్వం వాయిదా పడే అవకాశం ఉందని టాక్. విరాట పర్వం స్థానంలో వెంకీ నారప్ప వచ్చే అవకాశం ఉంది. ఇలా ఏప్రిల్ లో రొటీన్ కి భిన్నంగా కంటెంట్ ఉన్న సినిమాలు రిలీజవుతున్నాయి. వీటిలో ఏది హిట్ గా నిలుస్తుందో చూడాలి.

నాని నటిస్తోన్న పీరియాడికల్ ఫిల్మ్ శ్యామ్ సింగ రాయ్ షూటింగ్ శరవేగంగా జరుగుతోంది. ప్రస్తుతం నాని, సాయి పల్లవిలపై సన్నివేశాలను తాళ్లపూడిలోని గోదావరి తీరాన చిత్రీకరిస్తున్నారు. కాగా ఈ సినిమాకు సంబంధించిన మరో ఇంట్రెస్టింగ్ న్యూస్ బయటికొచ్చింది. ఇందులో నానితో పాటూ మరో హీరో రాహుల్ రవీంద్రన్ కనిపించబోతున్నాడు. అయితే కథను మలుపు తిప్పే సహాయక పాత్రలో నటిస్తున్నాడు రాహుల్. ఈ విషయాన్ని స్వయంగా రాహుల్ రవీంద్రన్ తన ట్విట్టర్ వేదికగా పోస్ట్ చేసాడు.

కోల్ కతా బ్యాక్ డ్రాప్ లో ఈ సినిమాని అపురూప ప్రేమకథా చిత్రంగా మలుస్తున్నారు డైరెక్టర్ రాహుల్ సాంకృత్యన్. సాయి పల్లవితో పాటూ కృతిశెట్టి, మడోన్నా సెబాస్టియన్ హీరోయిన్లుగా నటిస్తున్నారు. మిక్కి జే మేయర్ సంగీతం అందిస్తున్నారు. ఈమధ్యే శ్యామ్ సింగ రాయ్ గా కనిపించి ఫ్యాన్స్ కి ట్రీట్ ఇచ్చాడు నాని. మరి రాహుల్ పాత్రను ఎలా చిత్రీకరిస్తున్నారో తెలియాలంటే కొంత సమయం ఆగాల్సిందే.

  • జెర్సీ’కి హీరో నాని, డైరెక్ట‌ర్ గౌత‌మ్ చాలా క‌ష్ట‌ప‌డ్డారు
  • బాబాయ్ ర‌మ్మంటే సాఫ్ట్ వేర్ నుంచి సినిమాల్లోకి వ‌చ్చాను
  • ‘రంగ్ దే’ ఫ‌స్టాఫ్ ఎంట‌ర్‌టైన్‌మెంట్‌, సెకండాఫ్ ఎమోష‌న్స్

సితార ఎంట‌ర్‌టైన్‌మెంట్స్ ప‌తాకంపై నేచుర‌ల్ స్టార్ నాని క‌థానాయ‌కుడిగా గౌత‌మ్ తిన్న‌నూరి ద‌ర్శ‌కత్వంలో యువ నిర్మాత సూర్య‌కదేవ‌ర నాగ‌వంశీ నిర్మించిన ‘జెర్సీ’ మూవీ 2019 జాతీయ చల‌న‌చిత్ర అవార్డుల్లో ఉత్త‌మ తెలుగు చిత్రంగా పుర‌స్కారాన్ని గెలుచుకొని స‌గ‌ర్వంగా నిలిచింది. అలాగే ఈ చిత్రానికి ప‌నిచేసిన న‌వీన్ నూలి ఉత్త‌మ ఎడిట‌ర్‌గా అవార్డును పొందారు. ఈ రెండు పుర‌స్కారాలు తెచ్చిన ఆనందాన్ని ఆస్వాదిస్తూనే.. ‌మార్చి 26న విడుద‌ల‌వుతున్న ‘రంగ్ దే’ చిత్రం ప్ర‌మోష‌న్స్‌తో బిజీగా ఉన్నారు నాగ‌వంశీ. ఈ సంద‌ర్భంగా మంగ‌ళ‌వారం మీడియాతో స‌మావేశ‌మైన ఆయ‌న ‘జెర్సీ’ సినిమా విశేషాల‌ను పంచుకోవ‌డంతో పాటు, ‘రంగ్ దే’ మూవీ సంగ‌తులు, భ‌విష్య‌త్ ప్రాజెక్టుల గురించి విపులంగా మాట్లాడారు. ఆ విష‌యాలు..

‘జెర్సీ’కి రెండు జాతీయ అవార్డులు వ‌చ్చినందుకు ముందుగా అభినంద‌న‌లు. ఈ అవార్డులు రావ‌డం ఎలా అనిపిస్తోంది?
‘జెర్సీ’కి అవార్డులు వ‌స్తాయ‌ని ఊహించాం. క‌రోనా మ‌హ‌మ్మారి కార‌ణంగా గ‌త ఏడాది జాతీయ అవార్డులు లేక‌పోయేస‌రికి వాటి గురించి మ‌ర్చిపోయాం. కానీ ఇప్పుడు హ‌ఠాత్తుగా ప్ర‌క‌టించేస‌రికి ఆశ్చ‌ర్య‌మూ, ఆనంద‌మూ రెండూ క‌లిగాయి. తొలిసారి మా సినిమాకు జాతీయ అవార్డులు రావ‌డం సంతోషంగా అనిపిస్తోంది. ఆ సినిమా కోసం హీరో నాని చాలా ఎఫ‌ర్ట్ పెట్టారు, బాగా క‌ష్ట‌ప‌డ్డారు. డైరెక్ట‌ర్ గౌత‌మ్ తిన్న‌నూరి ప‌డిన క‌ష్టం కూడా చిన్న‌దేమీ కాదు.

‘జెర్సీ’ తీయాల‌ని ఎందుక‌నిపించింది?
గౌత‌మ్ ఈ క‌థ చెప్పిన‌ప్పుడు బాగా న‌చ్చేసింది. బేసిక‌ల్‌గా నాకు క్రికెట్ అంటే ఇష్టం. ఆ నేప‌థ్యం ఉన్న క‌థ కావ‌డం, మంచి భావోద్వేగాలు ఉండ‌టంతో క‌నెక్ట‌య్యాను. నానితో ఈ సినిమా చేయాల‌నుకున్నాడు గౌత‌మ్‌. అయితే ఏడు సంవ‌త్స‌రాల కొడుకు ఉన్న తండ్రి క‌థ‌ని నాని ఒప్పుకుంటారా, లేదా అని సందేహించాం. కానీ విన‌గానే నాని ఈ క‌థ‌ను న‌మ్మారు. ఏమాత్రం సందేహించ‌కుండా ఏడేళ్ల కొడుకున్న తండ్రిగా సూప‌ర్బ్‌గా న‌టించారు.

అవార్డులు రావ‌డం స‌రే.. క‌మ‌ర్షియ‌ల్‌గా ఈ సినిమాకు మీకు సంతృప్తినిచ్చిందా?
ప్రేక్ష‌కుల్ని ఇబ్బంది పెట్ట‌కుంటే చాలు అంటుంటారు బాబాయ్ (నిర్మాత ఎస్‌. రాధాకృష్ణ (చినబాబు‌)‌. క‌థ‌లో మేం ఎంట‌ర్‌టైన్‌మెంట్, హ్యూమ‌న్ ఎమోష‌న్స్‌కు ప్రాధాన్యం ఇస్తుంటాం. జెర్సీ క‌థ‌లో క‌మ‌ర్షియ‌ల్ యాంగిల్ త‌క్కువే అయినా అందులోని ఎమోష‌న్స్‌ను నాని, నేను బాగా న‌మ్మాం కాబ‌ట్టే ఆ సినిమా చేశాం. రాయ‌ల‌సీమ‌, గుంటూరు ఏరియాలు మిన‌హా.. ఓవ‌ర్సీస్ స‌హా అన్ని చోట్లా క‌మ‌ర్షియ‌ల్‌గా బాగా ఆడింది. రెండో వారం హాలీవుడ్ ఫిల్మ్ ‘అవెంజ‌ర్స్ ఎండ్‌గేమ్’ రావ‌డంతో క‌లెక్ష‌న్ల‌పై ప్రభావం ప‌డింది. అయిన‌ప్ప‌టికీ బాగానే ఆడింది.

ఈ రెండు అవార్డులే కాకుండా వేరే అంశాల్లో అవార్డులు వ‌స్తాయ‌ని ఆశించారా?
బెస్ట్ యాక్ట‌ర్‌గా నానికి, బెస్ట్ డైరెక్ట‌ర్‌గా గౌత‌మ్‌కు ఫిల్మ్‌ఫేర్ అవార్డులు వ‌స్తాయ‌ని నేను న‌మ్మాను. అయితే ఇప్పుడు రెండు అంశాల్లో నేష‌న‌ల్ అవార్డ్స్ రావ‌డం ఆశ్చ‌ర్యాన్ని క‌లిగించింది. అందుకు ‘జెర్సీ’ సినిమా పూర్తిగా అర్హ‌మైంది.

Congratulations for 67 National Film Awards from Tollywood
#Jersey 
⭐Best Telugu Film Regional Category
⭐Best Editing - Navin Nooli 
#NationalFilmAwards Sithara Entertainment Nani #ManaRadio

ఇండ‌స్ట్రీ నుంచి ఎలాంటి స్పంద‌న ల‌భించింది?
ఇండ‌స్ట్రీకి సంబంధించిన చాలా మంది అభినంద‌న‌లు తెలిపారు. కొంత‌మంది ఫోన్ల ద్వారా, కొంత‌మంది సోషల్ మీడియా ద్వారా అభినందించారు. అందరికీ పేరు పేరు న కృతజ్ఞతలు.

మీ సినిమాతో పాటు ‘మ‌హ‌ర్షి’ చిత్రానికీ రెండు అవార్డులు ల‌భించడంపై మీ స్పంద‌న‌?
చాలా ఆనందంగా ఉంది. ‘మ‌హ‌ర్షి’ సినిమాని మంచి కాన్సెప్ట్‌తో తీశారు. రైతుల ఆత్మ‌హ‌త్య‌లు ఆగాలంటే ఏం చేయాల‌నే క‌థ‌కి మ‌హేష్‌బాబు గారు త‌న ప‌ర్ఫార్మెన్స్‌తో గొప్ప న్యాయం చేశారు. డైరెక్ట‌ర్ వంశీ పైడిప‌ల్లి చాలా బాగా దాన్ని రూపొందించారు. ‘మ‌హ‌ర్షి’ టీమ్ మొత్తానికీ మా సంస్థ త‌ర‌పున అభినంద‌న‌లు తెలియ‌జేస్తున్నా.

హారిక అండ్ హాసిని క్రియేష‌న్స్‌లో మీ పాత్ర ఎంత‌వ‌ర‌కు ఉంటుంది?
హారిక అండ్ హాసిని క్రియేష‌న్స్‌, సితార ఎంట‌ర్‌టైన్‌మెంట్స్ పేరుకు రెండు బ్యాన‌ర్ల‌యినా, నా వ‌ర‌కు అవి రెండూ ఒక‌టే. చెప్పాలంటే హారిక అండ్ హాసిని క్రియేష‌న్స్ పేరిట నిర్మించే సినిమాల్లోనే నా ఇన్‌వాల్వ్‌మెంట్ ఎక్కువ ఉంటుంది. హారిక‌, హాసిని అనేవి మా చెల్లెళ్ల పేర్లు. ఆ ఇద్ద‌రి పేరిట హారిక అండ్ హాసిని క్రియేష‌న్స్ పేరును త్రివిక్ర‌మ్ గారు పెట్టారు. సాధార‌ణంగా నా ద‌గ్గ‌ర‌కు ఏదైనా క‌థ వ‌చ్చి, అది నాకు న‌చ్చితే బాబాయ్ (ఎస్‌. రాధాకృష్ణ‌) ద‌గ్గ‌ర‌కు పంపిస్తాను. ఆయ‌న‌కూ న‌చ్చితే అప్పుడు ప్రాజెక్ట్ మొద‌లుపెడ‌తాం.

సాఫ్ట్‌వేర్ ఫీల్డ్ నుంచి వ‌చ్చారు క‌దా.. సినీ నిర్మాణం సంతోషాన్నిస్తోందా?
నేను సాఫ్ట్‌వేర్ రంగం నుంచి సినీ రంగంలోకి రావ‌డానికి కార‌ణం మా బాబాయే. స‌హ‌జంగానే నాకు సినిమాలంటే చిన్న‌ప్ప‌ట్నుంచీ ఇష్టం. నిర్మాత‌ల్లో నాకు దిల్ రాజు గారంటే చాలా అభిమానం. ఆయ‌న స్వ‌యంకృషితో ఈ రంగంలోకి వ‌చ్చి ఉన్న‌త స్థాయికి ఎదిగారు. బాబాయ్ నిర్మాత‌గా సినిమాల్లోకి వ‌చ్చాక‌, న‌న్ను కూడా ర‌మ్మ‌నేస‌రికి సంతోషంగా వ‌చ్చేశాను. ఇప్పుడు మంచి సినిమాలు తీస్తున్న నిర్మాణ సంస్థ‌లుగా మా బ్యాన‌ర్ల‌కు పేరు రావ‌డం మ‌రింత ఆనందంగా ఉంది.

‘రంగ్ దే’ గురించి ఏం చెబుతారు?
‘రంగ్ దే’ సినిమా యూత్‌ఫుల్ ఫ్యామిలీ ఎంట‌ర్‌టైన‌ర్‌. ఇంజ‌నీరింగ్ చ‌దివిన 24 సంవ‌త్స‌రాల కుర్రాడి క‌థ‌. ఈ క‌థ‌లోనూ మంచి మాన‌వ భావోద్వేగాలుంటాయి. ప్ర‌ధ‌మార్ధం వినోదాత్మ‌కంగా ఉల్లాసంగా న‌డిస్తే, ద్వితీయార్ధం చివ‌రి న‌ల‌భై నిమిషాల‌లో భావోద్వేగాలు మ‌న‌సుల్ని ఆక‌ట్టుకుంటాయి. నితిన్ న‌ట‌న అంద‌ర్నీ అల‌రిస్తుంది.

షూటింగ్ కోసం ఇట‌లీకి వెళ్లాల‌నుకున్నారు క‌దా.. దుబాయ్‌కి మార్చారెందుక‌ని?
క‌థ ప్ర‌కారం ఇట‌లీకి వెళ్లాలి. కానీ కొవిడ్ వ‌ల్ల షూటింగ్‌ను దుబాయ్‌కి మార్చాం. క‌థ‌లోనూ బ్యాక్‌డ్రాప్‌ను దుబాయ్‌నే పెట్టాం. అక్క‌డ షూటింగ్ మంచి ఆహ్లాద‌క‌ర వాతావ‌ర‌ణంలో స్మూత్‌గా జ‌రిగింది.

‘అయ్య‌ప్ప‌నుమ్ కోషియుమ్’ రీమేక్ షూటింగ్ గురించి ?
ఈ చిత్రం ఇద్ద‌రు వ్య‌క్తుల ఇగోల నేప‌థ్యంలో న‌డిచే క‌థ‌. ఒరిజిన‌ల్ త‌ర‌హాలోనే తెలుగులోనూ ఆ క్యారెక్ట‌రైజేష‌న్స్ అలాగే ఉంటాయి. కొన్ని స‌న్నివేశాల‌ను మార్చ‌డం, లేదా క‌ల‌ప‌డం జ‌రిగింది.

డైరెక్ట‌ర్‌గా సాగ‌ర్‌చంద్ర‌ను తీసుకొని, స్క్రిప్ట్ కోసం త్రివిక్ర‌మ్ గారిని తీసుకొచ్చారెందుక‌ని?
సాగ‌ర్‌చంద్ర డైరెక్ష‌న్ స్కిల్స్ మీద న‌మ్మ‌కంతోనే ఆయ‌న‌ను డైరెక్ట‌ర్‌గా తీసుకున్నాం. అయితే ప‌వ‌న్ క‌ల్యాణ్ గారు, రానా గారు న‌టిస్తుండ‌టంతో, ప్రాజెక్ట్ పెద్ద‌దైపోయింది. దాన్ని బ్యాలెన్స్ చేయ‌డం కోస‌మే త్రివిక్ర‌మ్ గారు స్క్రిప్ట్‌లోకి వ‌చ్చారు. ఆయ‌న స్క్రీన్‌ప్లే, డైలాగ్స్ సినిమాకి బ‌ల‌మ‌వుతాయి.

హీరోయిన్లు ఎవ‌రు?
ప‌వ‌న్ క‌ల్యాణ్ గారి స‌ర‌స‌న హీరోయిన్‌గా ఇంకా ఎవ‌రినీ ఎంపిక చేయ‌లేదు. రానా జోడీగా ఐశ్వ‌ర్యా రాజేష్ న‌టిస్తోంది.

మీ బ్యాన‌ర్ మీద త‌ర్వాత వ‌చ్చే సినిమాలేమిటి?
సితార ఎంట‌ర్‌టైన్‌మెంట్స్ బ్యాన‌ర్ మీద త‌ర్వాత వ‌చ్చే సినిమా ‘వ‌రుడు కావ‌లెను’. మ‌ల‌యాళం హిట్ సినిమా ‘క‌ప్పేలా’ రీమేక్‌ను ‘బుట్ట‌బొమ్మ’ టైటిల్‌తో చేద్దామ‌నుకుంటున్నాం. ‘న‌రుడి బ్ర‌తుకు న‌ట‌న’ అనే సినిమా షూటింగ్ జరుగుతుంది. బెల్లంకొండ సురేష్ గారి చిన్న‌బ్బాయి గ‌ణేష్‌బాబు హీరోగా ఓ సినిమా చేస్తున్నాం.

క‌రోనా కేసులు మ‌ళ్లీ పెరుగుతున్నాయి క‌దా.. సినిమాపై దీని ఎఫెక్ట్ ప‌డుతుంద‌ని ఆందోళ‌న చెందుతున్నారా?
క‌రోనా గురించి ఇదివ‌ర‌క‌టిలా ఇప్పుడంత భ‌య‌ప‌డాల్సిన ప‌నిలేద‌నేది నా వ్య‌క్తిగ‌త అభిప్రాయం. వైర‌స్‌లో తీవ్ర‌త త‌గ్గింది. కేసులు వ‌స్తున్న‌ప్ప‌టికీ ఆందోళ‌న చెందాల్సింది లేదు. మ‌ళ్లీ లాక్‌డౌన్‌లు విధిస్తార‌ని నేన‌నుకోను. పెద్ద‌వాళ్లు ఇప్ప‌టికే వాక్సిన్ వేసుకుంటున్నారు.

థియేట‌ర్లు తెరుచుకున్నాక వ‌రుస‌గా సినిమాలు హిట్ట‌వుతుండ‌టంపై ఏమంటారు?
2020లో అల వైకుంఠ‌పుర‌ములో, స‌రిలేరు నీకెవ్వ‌రు, భీష్మ సినిమాలు మంచి హిట్ట‌య్యాక‌.. లాక్‌డౌన్ వ‌చ్చింది. ఈ సంవ‌త్స‌రం థియేట‌ర్లు ఓపెన్ అయ్యాక చాలా సినిమాలు హిట్ట‌వ‌డం, ఊహించిన దానికి మించి క‌లెక్ష‌న్లు వ‌స్తుండ‌టం ఇండ‌స్ట్రీకి శుభ ప‌రిణామం. ఈ ట్రెండ్ కంటిన్యూ అవుతుంద‌ని అనుకుంటున్నాం.

67వ జాతీయ అవార్డులను ప్రకటించారు. తెలుగులో ఉత్తమ చిత్రంగా ‘జెర్సీ’ చిత్రం చోటు సంపాదించుకుంది. ఉత్తమ హిందీ చిత్రంగా సుశాంత్ సింగ్ రాజ్ పుత్ హీరోగా వచ్చిన ‘చిచ్చోరే’ ఎంపికైంది. కాగా మిగిలిన విభాగాల్లో బెస్ట్ కొరియోగ్రఫీ ‘మహర్షి’ సినిమాకి గానూ రాజు సుందరం, బెస్ట్ ఎడిటింగ్ విభాగంలో ‘జెర్సీ’ సినిమాకి ఎడిటర్ నవీన్ నూలి, పాపులర్ ఎంటర్ టైన్ మెంట్ చిత్రంగా ‘మహర్షి’ సినిమాలు నేషనల్ అవార్డును దక్కించుకున్నాయి. మొత్తంగా చూస్తే తెలుగులో మహర్షికి రెండు, జెర్సీకి రెండు నేషనల్ అవార్డులు దక్కాయి.

ఇక ‘అసురన్’ చిత్రానికి గానూ ధనుష్ జాతీయ ఉత్తమ నటుడిగా… ‘మణికర్ణిక’, ‘పంగా’ సినిమాలకు గానూ కంగనా రనౌత్ జాతీయ ఉత్తమనటిగా అవార్డును సంపాదించారు. అలాగే ‘సూపర్ డీలక్స్’ సినిమాలో అద్భుత నటన ప్రదర్శించిన విజయ్ సేతుపతి ఉత్తమ సహాయ నటుడిగా అవార్డ్ వరించింది. బెస్ట్ మ్యూజిక్ ఫర్ సాంగ్స్ విభాగంలో అజిత్ నటించిన ‘విశ్వాసం’, బెస్ట్ సినిమాటోగ్రఫీ విభాగంలో ‘జల్లికట్టు’ చిత్రానికి అవార్డు దక్కింది.

ఎట్టకేలకు పుష్ప విలన్ ఫిక్సయ్యారు. నేషనల్ అవార్డ్ విన్నర్, మలయాళీ స్టార్‌ హీరో ఫాహద్‌ ఫాజిల్‌ ‘పుష్ప’లో విలన్ గా నటించనున్నారు. ఈ విషయాన్ని మైత్రీ మూవీ మేకర్స్‌ అధికారికంగా ప్రకటించింది. ఇన్నాళ్లు బన్నీకి పోటీనిచ్చే ప్రతినాయకుడు ఎవరా అన్న చర్చ విపరీతంగా జరిగింది. విజయ్ సేతుపతి నుంచి మొదలెడితే ఆర్య, మంచు మనోజ్, సునీల్ శెట్టి ఇలా చాలామంది పేర్లే వినిపించాయి. చివరికి ఫాహద్ ఫాజిల్ బన్నీని ఢీకొట్టే ఛాన్స్ దక్కించుకున్నారు.

ఫాహద్ ఫాజిల్, ఆయన భార్య నజ్రియా అంటే మలయాళంలో చాలా ఫేమస్. కేరళ చిత్ర పరిశ్రమలో ఎంట్రీ ఇచ్చి చాలా ఏళ్లు అవుతున్నా…తెలుగులో ఇద్దరూ ఇదే సంవత్సరం ఎంట్రీ ఇస్తున్నారు. బన్నీ పుష్ప సినిమాలో ఫాహద్ విలన్ గా నటిస్తుంటే… నజ్రియా నాని సినిమాలో హీరోయిన్ గా నటిస్తున్నారు. నాని హీరోగా నటిస్తోన్న అంటే సుందరానికి చిత్రంలో నజ్రియానే హీరోయిన్. మెంటల్ మదిలో, బ్రోచేవారెవరురా చిత్రాల దర్శకుడు వివేక్ ఆత్రేయా ఈ సినిమాను తెరకెక్కిస్తున్నాడు.

నాచురల్ స్టార్ నాని నిర్మాణంలో హిట్ 2 రానున్న సంగతి తెలిసిందే. అయితే ఇందులో హీరో మారాడు. అడవి శేష్ హీరోగా ఈ సినిమా తెరకెక్కబోతుంది. ఈ విషయాన్ని స్వయంగా ట్వీట్ చేసారు నాని. విశ్వక్ సేన్ చూపించిన హిట్ ఫస్ట్ మూవీ సూపర్ హిట్ గా నిలిచింది. అందుకే ప్రొడ్యూసర్ నాని మళ్లీ నిర్మాతగా అదే ఇన్వెస్టిగేషన్ కాన్సెప్ట్ తో ఈ సీక్వెల్ రూపొందిస్తున్నాడు. కానీ ఈసారి హీరో మారాడు. ఫస్ట్ లుక్ పోస్టర్ లో… హీరో అడవి శేష్ సైడ్ లుక్ లో పక్కనే జర్మన్ షెపర్డ్ కుక్కతో సీరియస్ గా కనిపిస్తున్నాడు. ‘కృష్ణదేవ్ అకా కేడి ఆఫీసర్ ఆన్ బోర్డుకు స్వాగతం’ అంటూ ఈ పోస్టర్ ను రిలీజ్ చేశారు. మొదటి భాగాన్ని తీసిన డైరెక్టర్ శైలేష్ కొలనునే ఈ పార్ట్ ను తెరకెక్కించనున్నారు. కాగా మేజర్ షూటింగ్ అయినవెంటనే హిట్ సెకండ్ ఇన్వెస్టిగేషన్ చేపడతానని నానికి రిప్లై ఇచ్చాడు అడవి శేష్.

జాతి రత్నాలు సినిమా క్లైమాక్స్ లో విజయ దేవరకొండ సడెన్ సర్ప్రైజ్ ఇచ్చి ఫ్యాన్స్ ను ఉర్రూతలూగించిన విషయం తెలిసిందే. ఇప్పుడలానే నాని కోసం కూడా విజయ్ కీలక పాత్రలో కనిపించబోతున్నాడు అని టాక్.

దర్శకుడు రాహుల్ సాంకృత్యాన్ దర్శకత్వంలో నాని చేస్తున్న శ్యామ్ సింగ రాయ్ సినిమాలో విజయ్ దేవరకొండ నటిస్తున్నాడని సమాచారం. ప్రీ క్లైమాక్స్ లో వచ్చే ఈ క్యారెక్టర్ కథను మలుపు తిప్పే అద్భుతమైన రోల్ అని చెప్తున్నారు. శ్యామ్ సింగ రాయ్ పీరియాడిక్ మూవీ కావడంతో విజయ్ రోల్ ఎలా ఉండబోతుందో అని ఫ్యాన్స్ ఇంట్రెస్ట్ చూపిస్తున్నారు. రాహుల్, రౌడీ బాయ్ కాంబోలో టాక్సీవాలా వచ్చింది. ఈ స్నేహంతోనే రాహుల్ అడగ్గానే ఒక చెప్పాడట విజయ్. అలాగే నానితో కూడా మంచి ర్యాపో వుంది విజయ్ కి. అయితే అధికారిక ప్రకటన రావాల్సి వుంది.

సినిమా ఇండస్ట్రీలో సెట్స్ మీదకెళ్లే వరకూ గ్యారంటీ ఉండదు. ఒక్కోసారి సెట్స్ మీద కూడా హీరో, హీరోయిన్లని మార్చేస్తూ ఉంటారు. రీసెంట్ గా టాలీవుడ్ అలా కొంతమంది హీరోల దగ్గరకొచ్చిన స్క్రిప్ట్ ని రిజెక్ట్ చేస్తే..వేరే హీరోల దగ్గరకెళ్లి షూటింగ్ జరుపుకుంటోంది. సలార్ అలాంటి సినిమానే. డైరెక్రట్ ప్రశాంత్ నీల్ ఈ భారీ యాక్షన్ మూవీ సినిమాని .. యష్ కోసం రాసుకున్నాడట. అయితే యష్ అప్పట్లో కొన్ని చేంజెస్ చెప్పడం, ఈ కథ అంతగా తనకు సూట్ కాదని చెప్పడంతో ప్రశాంత్ ఆ స్టోరీని ఇప్పుడు ప్రభాస్ కి చెప్పారు. కథ విన్న వెంటనే ప్రభాస్ ఓకే చెప్పడంతో ఇప్పుడు భారీ యాక్షన్ ఎంటర్ టైనర్ గా తెరకెక్కుతోంది సలార్ .

prabhas prashanth neel salaar release date,

పుష్ప సినిమా కూడా ఈ లిస్ట్ లో ఉన్నదే . సుకుమార్ ..మహేష్ బాబుతో సినిమా చెయ్యాలని దాదాపు రెండేళ్ల నుంచి వెయిట్ చేశారు. కానీ పుష్ప స్టోరీ విన్న తర్వాత అంత మాస్ క్యారెక్టర్ లో మహేష్ పర్ ఫామెన్స్ డైజెస్ట్ చేస్కోవడం కష్టమని ,ఆడియన్స్ అంతగా రిసీవ్ చేస్కోరని .. క్రియేటివ్ డిఫరెన్సెస్ తో సినిమా నుంచి తప్పుకుంటున్నట్టు అనౌన్స్ చేశారు మహేష్. అయితే అదే సినిమాని సుకుమార్ బన్నీ తో కలిసి భారీగా తెరకెక్కిస్తున్నారు. స్మగ్లింగ్ బ్యాక్ డ్రాప్ లో తెరకెక్కుతున్న ఈ సినిమా ఆగస్ట్ 13న రిలీజ్ అవుతోంది.

allu arjun latest movie updates,Pushpa movie latest movie updates,ahachitram

శ్రీకారం సినిమా కూడా అంతే .. ఓ హీరో రిజక్ట్ చేస్తే ..మరో హీరో కంప్లీట్ చేసేశాడు . ఈ నెలలోనే రిలీజ కు రెడీ అవుతున్న శ్రీకారం సినిమా కు ఫస్ట్ నాని నే హీరోగా అనుకున్నారు. కానీ రకరకాల కారణాలతో సినిమా నాని నుంచి శర్వానంద్ కి షిఫ్ట్ అయ్యింది. సోషల్ మెసేజ్ ఓరియంటెడ్ మూవీ అయిన సినిమాపై మంచి క్రేజ్ క్రియేట్ అయ్యింది మార్కెట్ లో .

sreekaram first look sharwanand

నాని రిజక్ట్ చేసిన మరో స్క్రిప్ట్ ని ఓకే చేశారు యంగ్ హీరో వైష్ణవ్ తేజ్ . రీసెంట్ గా ఉప్పెన సినిమాతో 100 కోట్ల మార్కెట్ క్రియేట్ చేసి రికార్డ్ క్రియేట్ చేసిన ఈ యంగ్ హీరో .. క్రిష్ తో సినిమా కంప్లీట్ చేసేశారు . మూడో సినిమా మాత్రం కొత్త డైరెక్టర్ తో బడా నిర్మాత భోగవల్లి ప్రసాద్ ప్రొడక్షన్ లో చేస్తున్నారు వైష్ణవ్ . ఈ సినిమా స్టోరీ కూడా ఫస్ట్ నాని దగ్గరకెళ్తే .. అది నాని, డిఫరెంట్ జానర్ అని రిజక్ట్ చేస్తే .. వైష్ణవ్ తేజ్ ఈ క్రేజీ సినిమాని ఓకే చెప్పారు.

సీనియర్ స్టార్ వెంకటేష్ రిజక్ట్ చేసిన సినిమా ఇప్పుడు మరో హీరో చేతిలోకి వెళ్లింది. తనదైన స్టైల్లో డిఫరెంట్ సినిమాలు చేసే నక్కిన త్రినాధ రావు .. ఓ ఇంట్రస్టింగ్ స్టోరీని వెంకటేష్ కి చెప్పారు. కానీ వెంకటేష్ ఆ సినిమా చెయ్యడానికి అంతగా ఇంట్రస్ట్ చూపించలేదు. ఇప్పుడు అదే సినిమాని రవితేజ చేస్తున్నారు. రీసెంట్ గా ఈ సినిమాని అఫీషియల్ గా స్టార్ట్ చేశారు టీమ్ .

RT 68, Ravi teja, Trinadha Rao Nakkina, peoples media factry,

ఈ బర్త్ డే చాలా స్పెషల్ అంటున్నారు నాచురల్ స్టార్ నాని. ఆల్రెడీ టక్ జగదీష్ గా విడుదలకు సిద్ధమవుతున్నారు. ఓవైపు శ్యామ్ సింగ రాయ్ గా..మరోవైపు సుందరానిగా అలరించేందుకు కసరత్తులు చేస్తున్నారు. మొత్తానికి కరోనా తర్వాత కలిసొచ్చిందంటున్నారు బర్త్ డే బాయ్.. నాని.

సాధారణ స్థాయి నుంచి నాచురల్ స్టార్ గా ఎదిగారు నాని. నాని సినిమా చేస్తున్నారంటే ఏదో విషయం ఉందని నమ్మతారు ప్రేక్షకులు. ఇప్పుడు తాను నటిస్తోన్న సినిమాలు కూడా అలాంటివే. ఈ బర్త్ డే సందర్భంగా తన మూవీలకు సంబంధించిన క్రేజీ అప్డేట్స్ ఇస్తున్నారు. పుట్టినరోజుకు ఒకరోజు ముందుగా టక్ జగదీష్ టీజర్ ను తీసుకొచ్చారు. నిన్ను కోరి తర్వాత శివ నిర్వాణ కాంబినేషన్లో రూపొందిన టక్ జగదీష్ ఏప్రిల్ 23న ప్రేక్షకుల ముందుకు రానుంది.

టాక్సీవాలా ఫేం రాహుల్ సాంకృత్యన్ దర్శకత్వంలో నాని నటిస్తోన్న శ్యామ్ సింగ రాయ్ శరవేగంగా షూటింగ్ జరుపుకుంటోంది. కోల్ కతా బ్యాక్ డ్రాప్ లో పాన్ ఇండియా మూవీగా దీనిని తెరకెక్కిస్తున్నారు. నాని పుట్టినరోజున ఈ సినిమా రిలీజ్ డేట్ ప్రకటించే అవకాశం ఉంది. అంతేకాదు వివేక్ ఆత్రేయతో చేస్తోన్న అంటే సుందరానికి టీం నుంచి కూడా ఓ సర్పైజ్ ఉండబోతుందని టాక్. ఇలా మూడు డిఫరెంట్ సినిమాలతో ఆడియెన్స్ ముందుకు ముచ్చటగా రాబోతున్న నానికి నిజంగానే ఈ బర్త్ డే చాలా స్పెషల్.

Source: Shine Screens