ఈ ఏడాది ఇప్పటికే రెండు సినిమాలతో సందడి చేసిన నితిన్…మరో సినిమా అప్ డేట్ ఇచ్చాడు. నితిన్ బర్త్ డే సందర్భంగా ఆయన నటిస్తోన్న అంధాదూన్ రీమేక్ నుంచి టైటిల్ లుక్ రిలీజ్ చేసారు. మ్యాస్ట్రో అన్న పేరును ఈ సినిమాకు ఫిక్స్ చేసారు. ఈ చిత్రానికి సంబంధించిన ఫస్ట్ గ్లింప్స్ సైతం వదిలింది మూవీయూనిట్. నభా నటేశ్ నితిన్ సరసన నటిస్తుండగా…తమన్నా మరో లీడ్ రోల్ చేస్తోంది. ఇందులో అంధుడైన నితిన్…మ్యూజిక్ కంపోజర్ గా నటిస్తున్నాడు. అందుకే మ్యాస్ట్రో అన్న టైటిల్ ఖరారుచేసారు. కాగా ఈ సినిమాతో నితిన్ జూన్ 11న థియేటర్స్ కి రానున్నాడు.

టైం తీసుకొండి…పర్లేదు..కానీ ట్రెండీ టైటిల్ తోనే రావాలంటున్నారు స్టార్ హీరోలు. ఇప్పుడు మేకర్స్ కి టైటిల్ వెతకడమంటే కత్తి మీద సాములా మారింది. అందుకే ముందే సినిమా పేరు ప్రకటించకుండా వర్కింగ్ టైటిల్ తోనే షూటింగ్ కానిచ్చి…ఇదీ అదిరే టైటిల్ అనుకున్నప్పుడు అనౌన్స్ చేస్తున్నారు. ఇప్పుడలానే ఉగాది కోసం ఎదురుచూస్తుంది బిబి3 మూవీ టీమ్. ఎందుకంటే మూవీ రిలీజ్ కి ఇంకా ఎక్కువ టైం లేదు. ప్రస్తుతం శరవేగంగా షూటింగ్ జరుపుకుంటోన్న బిబి3 ప్రాజెక్ట్…మే 28వ తేదీనే ప్రేక్షకుల ముందుకు రానుంది.

బాలకృష్ణ-బోయపాటి సినిమాకు సంబంధించి ఎన్నో పేర్లు వినిపించినా…చివరికి గాడ్ ఫాదర్ అన్న టైటిల్ ఫిక్సయినట్టు చెప్తున్నారు. బోయపాటి మోనార్క్ అనుకున్నా…గాడ్ ఫాదర్ పేరే ఖరారైనట్టు టాక్. కాదు బాలకృష్ణ అఘోరాగా కనిపించనున్న ఈ సినిమాకి ఏదో సంస్కృతపదాన్ని టైటిల్ గా పెడుతున్నారనే ప్రచారమూ జరుగుతుంది. అయితే బాలయ్య సినిమా అసలైన పేరేంటో తెలియాలంటే మాత్రం ఉగాది వరకు ఆగల్సిందే.

పల్లెటూరి వీరయ్యగా చిరంజీవి సందడి చేయనున్నారని సమాచారం. బాబీ దర్శకత్వంలో చిరంజీవి హీరోగా మైత్రీ మూవీ మేకర్స్ ఓ సినిమా అనౌన్స్ చేసిన విషయం తెలిసిందే. ఈ సినిమాకు సంబంధించిన స్క్రిప్ట్, ప్రీ ప్రొడక్షన్‌ప్రారంభించారు బాబీ. పల్లెటూరి బ్యాక్‌డ్రాప్‌లో సాగే ఈ ప్రాజెక్ట్ కి ‘వీరయ్య’ అనే టైటిల్‌అనుకుంటున్నారు. అలాగే ఆచార్య తర్వాత మోహన్ రాజా దర్శకత్వంలో చిరూ నటించబోయే సినిమాకు రారాజు అన్న టైటిల్ పరిశీలనలో ఉంది.

ఎన్నో పేర్లు ట్రెండ్ అయ్యాక…పవన్, క్రిష్ కాంబోమూవీకి హరిహర వీరమల్లు అనే టైటిల్ ను ఫిక్స్ చేసారు. ఇక రవితేజ, నక్కిన త్రినాథరావు కాంబో మూవీకి ఘరానా మొగుడు అనే టైటిల్ ఖరారైందని అంటున్నారు. మేర్లపాక గాంధీ డైరెక్షన్లో నితిన్ అంధుడిగా నటిస్తోన్న సినిమాకు మ్యాస్ట్రో అన్న పేరు ఫిక్స్ చేసారు. వరుణ్ తేజ్ గని, విజయ్ దేవరకొండ లైగర్…ఇలా ప్రతి సినిమా పేరులోనూ కొత్తదనం ఉండేలా చూస్తున్నారు టాలీవుడ్ స్టార్స్.

రేపు తెల్లవారితే ‘రంగ్ దే’, ‘అరణ్య’ సినిమాలు రిలీజ్ కాబోతున్నాయి. రేపు గడిస్తే 27న వీటితో పాటూ రంగంలోకి దిగనుంది ‘తెల్లవారితే గురువారం’ సినిమా. నితిన్, కీర్తి సురేష్ నటించిన రంగ్ దే, రానా ఒంటి చెత్తో నడిపించిన అరణ్య…ఈ రెండు చిత్రాలపై మంచి అంచనాలే ఉన్నాయి. రంగ్ దే కామెడీతో, అరణ్య థ్రిల్లర్ గా ఎట్రాక్ట్ చేస్తున్నాయి. ఇప్పటికే రంగ్ దే చూసిన దిల్ రాజు, అరణ్య వీక్షించిన సురేష్ బాబు సంతృప్తిగానే ఉన్నట్టు తెలుస్తోంది. ఇక కీరవాణి కొడుకులు కలిసి చేస్తోన్న ప్రయత్నం తెల్లవారితే గురువారంపై కూడా ఇండస్ట్రీ నుంచి పాజిటివ్ టాక్ వినిపిస్తోంది.
ప్రేక్షకులు ఎలాంటి తీర్పు ఇస్తారో రేపు తెలిసిపోతుంది. పెద్దగా పోటీ లేకపోవడంతో రెండు వారాలుగా జాతిరత్నాలు కలెక్షన్ల పరంగా దూసుకుపోతుంది. ఇప్పుడిప్పుడే రత్నాల ఊపు కూడా తగ్గుతుంది. దీనికి తోడు రంగ్ దే, అరణ్య సినిమాల్లో ఏ ఒక్కటి హిట్ కొట్టినా, లేదంటే రెండు హిట్ టాక్ తెచ్చుకున్నా…జాతిరత్నాలు ఇంక ఓటీటీలో చూడొచ్చులే అనుకునే అవకాశం ఉంది ప్రేక్షకులు. ఏనుగుల నేపథ్యంగా తెరకెక్కిన అరణ్య గెలుస్తాడా…కామెడీనే నమ్ముకున్న నితిన్ హిట్ కొడతాడా…అసలేలాంటి ఎక్స్ పెక్టేషన్స్ లేని శ్రీసింహ తెల్లవారితే దచ్చికొడతాడా అన్నది ఇంట్రెస్టింగ్ గా మారింది.

యూత్ స్టార్ నితిన్ – కీర్తి సురేష్ న‌టించిన రొమాంటిక్ ఎంట‌ర్‌టైన‌ర్ రంగ్ దే. వెంకీ అట్లూరి డైరెక్ట్ చేసిన ఈ మూవీ ట్రైల‌ర్‌, లిరిక‌ల్ సాంగ్స్ వీడియోల‌కు మంచి రెస్పాన్స్ వస్తోంది. వ‌ర‌ల్డ్ వైడ్‌గా ఈ నెల 26న రిలీజ్ కాబోతున్న ఈ సినిమా రిలీజ్ ఈవెంట్‌ని రాజ‌మండ్రిలో గ్రాండ్‌గా నిర్వహించారు. నితిన్, కీర్తి సురేష్, డైరెక్టర్ వెంకీ అట్లూరితో పాటూ మ్యూజిక్ డైరెక్టర్ దేవీశ్రీప్రసాద్ సైతం ఈవెంట్ లో సందడి చేసారు.
ఇదిలా ఉంటే రంగ్ దే చిత్రంలో హీరో నితిన్ న్యూడ్ గా కనిపించబోతున్నాడంటూ సోషల్ మీడియాలో ప్రచారం జరుగుతోంది. దీనికి సంబంధించి డైరెక్టర్ వెంకీ స్పందించారు. నితిన్ పూర్తిగా కాదు..హాఫ్ న్యూడ్ గా కనిపిస్తాడంటూ చమత్కరించాడు. నితిన్, కీర్తి సురేష్ ల మధ్య కాస్త ఘాటు సీన్స్ ఉన్న మాట వాస్తవమే కానీ మరీ న్యూడ్ గా నితిన్ చేయలేదంటూ చెప్పుకొచ్చారు. అయితే ఆ ఇంటిమేట్ సీన్స్ కు సంబంధించి ట్రైలర్ లోనే చిన్న హింట్ ఇచ్చారు మేకర్స్. మరి సినిమాలో ఏ రేంజ్ లో ఉంటుందో చూడాలి.

  • జెర్సీ’కి హీరో నాని, డైరెక్ట‌ర్ గౌత‌మ్ చాలా క‌ష్ట‌ప‌డ్డారు
  • బాబాయ్ ర‌మ్మంటే సాఫ్ట్ వేర్ నుంచి సినిమాల్లోకి వ‌చ్చాను
  • ‘రంగ్ దే’ ఫ‌స్టాఫ్ ఎంట‌ర్‌టైన్‌మెంట్‌, సెకండాఫ్ ఎమోష‌న్స్

సితార ఎంట‌ర్‌టైన్‌మెంట్స్ ప‌తాకంపై నేచుర‌ల్ స్టార్ నాని క‌థానాయ‌కుడిగా గౌత‌మ్ తిన్న‌నూరి ద‌ర్శ‌కత్వంలో యువ నిర్మాత సూర్య‌కదేవ‌ర నాగ‌వంశీ నిర్మించిన ‘జెర్సీ’ మూవీ 2019 జాతీయ చల‌న‌చిత్ర అవార్డుల్లో ఉత్త‌మ తెలుగు చిత్రంగా పుర‌స్కారాన్ని గెలుచుకొని స‌గ‌ర్వంగా నిలిచింది. అలాగే ఈ చిత్రానికి ప‌నిచేసిన న‌వీన్ నూలి ఉత్త‌మ ఎడిట‌ర్‌గా అవార్డును పొందారు. ఈ రెండు పుర‌స్కారాలు తెచ్చిన ఆనందాన్ని ఆస్వాదిస్తూనే.. ‌మార్చి 26న విడుద‌ల‌వుతున్న ‘రంగ్ దే’ చిత్రం ప్ర‌మోష‌న్స్‌తో బిజీగా ఉన్నారు నాగ‌వంశీ. ఈ సంద‌ర్భంగా మంగ‌ళ‌వారం మీడియాతో స‌మావేశ‌మైన ఆయ‌న ‘జెర్సీ’ సినిమా విశేషాల‌ను పంచుకోవ‌డంతో పాటు, ‘రంగ్ దే’ మూవీ సంగ‌తులు, భ‌విష్య‌త్ ప్రాజెక్టుల గురించి విపులంగా మాట్లాడారు. ఆ విష‌యాలు..

‘జెర్సీ’కి రెండు జాతీయ అవార్డులు వ‌చ్చినందుకు ముందుగా అభినంద‌న‌లు. ఈ అవార్డులు రావ‌డం ఎలా అనిపిస్తోంది?
‘జెర్సీ’కి అవార్డులు వ‌స్తాయ‌ని ఊహించాం. క‌రోనా మ‌హ‌మ్మారి కార‌ణంగా గ‌త ఏడాది జాతీయ అవార్డులు లేక‌పోయేస‌రికి వాటి గురించి మ‌ర్చిపోయాం. కానీ ఇప్పుడు హ‌ఠాత్తుగా ప్ర‌క‌టించేస‌రికి ఆశ్చ‌ర్య‌మూ, ఆనంద‌మూ రెండూ క‌లిగాయి. తొలిసారి మా సినిమాకు జాతీయ అవార్డులు రావ‌డం సంతోషంగా అనిపిస్తోంది. ఆ సినిమా కోసం హీరో నాని చాలా ఎఫ‌ర్ట్ పెట్టారు, బాగా క‌ష్ట‌ప‌డ్డారు. డైరెక్ట‌ర్ గౌత‌మ్ తిన్న‌నూరి ప‌డిన క‌ష్టం కూడా చిన్న‌దేమీ కాదు.

‘జెర్సీ’ తీయాల‌ని ఎందుక‌నిపించింది?
గౌత‌మ్ ఈ క‌థ చెప్పిన‌ప్పుడు బాగా న‌చ్చేసింది. బేసిక‌ల్‌గా నాకు క్రికెట్ అంటే ఇష్టం. ఆ నేప‌థ్యం ఉన్న క‌థ కావ‌డం, మంచి భావోద్వేగాలు ఉండ‌టంతో క‌నెక్ట‌య్యాను. నానితో ఈ సినిమా చేయాల‌నుకున్నాడు గౌత‌మ్‌. అయితే ఏడు సంవ‌త్స‌రాల కొడుకు ఉన్న తండ్రి క‌థ‌ని నాని ఒప్పుకుంటారా, లేదా అని సందేహించాం. కానీ విన‌గానే నాని ఈ క‌థ‌ను న‌మ్మారు. ఏమాత్రం సందేహించ‌కుండా ఏడేళ్ల కొడుకున్న తండ్రిగా సూప‌ర్బ్‌గా న‌టించారు.

అవార్డులు రావ‌డం స‌రే.. క‌మ‌ర్షియ‌ల్‌గా ఈ సినిమాకు మీకు సంతృప్తినిచ్చిందా?
ప్రేక్ష‌కుల్ని ఇబ్బంది పెట్ట‌కుంటే చాలు అంటుంటారు బాబాయ్ (నిర్మాత ఎస్‌. రాధాకృష్ణ (చినబాబు‌)‌. క‌థ‌లో మేం ఎంట‌ర్‌టైన్‌మెంట్, హ్యూమ‌న్ ఎమోష‌న్స్‌కు ప్రాధాన్యం ఇస్తుంటాం. జెర్సీ క‌థ‌లో క‌మ‌ర్షియ‌ల్ యాంగిల్ త‌క్కువే అయినా అందులోని ఎమోష‌న్స్‌ను నాని, నేను బాగా న‌మ్మాం కాబ‌ట్టే ఆ సినిమా చేశాం. రాయ‌ల‌సీమ‌, గుంటూరు ఏరియాలు మిన‌హా.. ఓవ‌ర్సీస్ స‌హా అన్ని చోట్లా క‌మ‌ర్షియ‌ల్‌గా బాగా ఆడింది. రెండో వారం హాలీవుడ్ ఫిల్మ్ ‘అవెంజ‌ర్స్ ఎండ్‌గేమ్’ రావ‌డంతో క‌లెక్ష‌న్ల‌పై ప్రభావం ప‌డింది. అయిన‌ప్ప‌టికీ బాగానే ఆడింది.

ఈ రెండు అవార్డులే కాకుండా వేరే అంశాల్లో అవార్డులు వ‌స్తాయ‌ని ఆశించారా?
బెస్ట్ యాక్ట‌ర్‌గా నానికి, బెస్ట్ డైరెక్ట‌ర్‌గా గౌత‌మ్‌కు ఫిల్మ్‌ఫేర్ అవార్డులు వ‌స్తాయ‌ని నేను న‌మ్మాను. అయితే ఇప్పుడు రెండు అంశాల్లో నేష‌న‌ల్ అవార్డ్స్ రావ‌డం ఆశ్చ‌ర్యాన్ని క‌లిగించింది. అందుకు ‘జెర్సీ’ సినిమా పూర్తిగా అర్హ‌మైంది.

Congratulations for 67 National Film Awards from Tollywood
#Jersey 
⭐Best Telugu Film Regional Category
⭐Best Editing - Navin Nooli 
#NationalFilmAwards Sithara Entertainment Nani #ManaRadio

ఇండ‌స్ట్రీ నుంచి ఎలాంటి స్పంద‌న ల‌భించింది?
ఇండ‌స్ట్రీకి సంబంధించిన చాలా మంది అభినంద‌న‌లు తెలిపారు. కొంత‌మంది ఫోన్ల ద్వారా, కొంత‌మంది సోషల్ మీడియా ద్వారా అభినందించారు. అందరికీ పేరు పేరు న కృతజ్ఞతలు.

మీ సినిమాతో పాటు ‘మ‌హ‌ర్షి’ చిత్రానికీ రెండు అవార్డులు ల‌భించడంపై మీ స్పంద‌న‌?
చాలా ఆనందంగా ఉంది. ‘మ‌హ‌ర్షి’ సినిమాని మంచి కాన్సెప్ట్‌తో తీశారు. రైతుల ఆత్మ‌హ‌త్య‌లు ఆగాలంటే ఏం చేయాల‌నే క‌థ‌కి మ‌హేష్‌బాబు గారు త‌న ప‌ర్ఫార్మెన్స్‌తో గొప్ప న్యాయం చేశారు. డైరెక్ట‌ర్ వంశీ పైడిప‌ల్లి చాలా బాగా దాన్ని రూపొందించారు. ‘మ‌హ‌ర్షి’ టీమ్ మొత్తానికీ మా సంస్థ త‌ర‌పున అభినంద‌న‌లు తెలియ‌జేస్తున్నా.

హారిక అండ్ హాసిని క్రియేష‌న్స్‌లో మీ పాత్ర ఎంత‌వ‌ర‌కు ఉంటుంది?
హారిక అండ్ హాసిని క్రియేష‌న్స్‌, సితార ఎంట‌ర్‌టైన్‌మెంట్స్ పేరుకు రెండు బ్యాన‌ర్ల‌యినా, నా వ‌ర‌కు అవి రెండూ ఒక‌టే. చెప్పాలంటే హారిక అండ్ హాసిని క్రియేష‌న్స్ పేరిట నిర్మించే సినిమాల్లోనే నా ఇన్‌వాల్వ్‌మెంట్ ఎక్కువ ఉంటుంది. హారిక‌, హాసిని అనేవి మా చెల్లెళ్ల పేర్లు. ఆ ఇద్ద‌రి పేరిట హారిక అండ్ హాసిని క్రియేష‌న్స్ పేరును త్రివిక్ర‌మ్ గారు పెట్టారు. సాధార‌ణంగా నా ద‌గ్గ‌ర‌కు ఏదైనా క‌థ వ‌చ్చి, అది నాకు న‌చ్చితే బాబాయ్ (ఎస్‌. రాధాకృష్ణ‌) ద‌గ్గ‌ర‌కు పంపిస్తాను. ఆయ‌న‌కూ న‌చ్చితే అప్పుడు ప్రాజెక్ట్ మొద‌లుపెడ‌తాం.

సాఫ్ట్‌వేర్ ఫీల్డ్ నుంచి వ‌చ్చారు క‌దా.. సినీ నిర్మాణం సంతోషాన్నిస్తోందా?
నేను సాఫ్ట్‌వేర్ రంగం నుంచి సినీ రంగంలోకి రావ‌డానికి కార‌ణం మా బాబాయే. స‌హ‌జంగానే నాకు సినిమాలంటే చిన్న‌ప్ప‌ట్నుంచీ ఇష్టం. నిర్మాత‌ల్లో నాకు దిల్ రాజు గారంటే చాలా అభిమానం. ఆయ‌న స్వ‌యంకృషితో ఈ రంగంలోకి వ‌చ్చి ఉన్న‌త స్థాయికి ఎదిగారు. బాబాయ్ నిర్మాత‌గా సినిమాల్లోకి వ‌చ్చాక‌, న‌న్ను కూడా ర‌మ్మ‌నేస‌రికి సంతోషంగా వ‌చ్చేశాను. ఇప్పుడు మంచి సినిమాలు తీస్తున్న నిర్మాణ సంస్థ‌లుగా మా బ్యాన‌ర్ల‌కు పేరు రావ‌డం మ‌రింత ఆనందంగా ఉంది.

‘రంగ్ దే’ గురించి ఏం చెబుతారు?
‘రంగ్ దే’ సినిమా యూత్‌ఫుల్ ఫ్యామిలీ ఎంట‌ర్‌టైన‌ర్‌. ఇంజ‌నీరింగ్ చ‌దివిన 24 సంవ‌త్స‌రాల కుర్రాడి క‌థ‌. ఈ క‌థ‌లోనూ మంచి మాన‌వ భావోద్వేగాలుంటాయి. ప్ర‌ధ‌మార్ధం వినోదాత్మ‌కంగా ఉల్లాసంగా న‌డిస్తే, ద్వితీయార్ధం చివ‌రి న‌ల‌భై నిమిషాల‌లో భావోద్వేగాలు మ‌న‌సుల్ని ఆక‌ట్టుకుంటాయి. నితిన్ న‌ట‌న అంద‌ర్నీ అల‌రిస్తుంది.

షూటింగ్ కోసం ఇట‌లీకి వెళ్లాల‌నుకున్నారు క‌దా.. దుబాయ్‌కి మార్చారెందుక‌ని?
క‌థ ప్ర‌కారం ఇట‌లీకి వెళ్లాలి. కానీ కొవిడ్ వ‌ల్ల షూటింగ్‌ను దుబాయ్‌కి మార్చాం. క‌థ‌లోనూ బ్యాక్‌డ్రాప్‌ను దుబాయ్‌నే పెట్టాం. అక్క‌డ షూటింగ్ మంచి ఆహ్లాద‌క‌ర వాతావ‌ర‌ణంలో స్మూత్‌గా జ‌రిగింది.

‘అయ్య‌ప్ప‌నుమ్ కోషియుమ్’ రీమేక్ షూటింగ్ గురించి ?
ఈ చిత్రం ఇద్ద‌రు వ్య‌క్తుల ఇగోల నేప‌థ్యంలో న‌డిచే క‌థ‌. ఒరిజిన‌ల్ త‌ర‌హాలోనే తెలుగులోనూ ఆ క్యారెక్ట‌రైజేష‌న్స్ అలాగే ఉంటాయి. కొన్ని స‌న్నివేశాల‌ను మార్చ‌డం, లేదా క‌ల‌ప‌డం జ‌రిగింది.

డైరెక్ట‌ర్‌గా సాగ‌ర్‌చంద్ర‌ను తీసుకొని, స్క్రిప్ట్ కోసం త్రివిక్ర‌మ్ గారిని తీసుకొచ్చారెందుక‌ని?
సాగ‌ర్‌చంద్ర డైరెక్ష‌న్ స్కిల్స్ మీద న‌మ్మ‌కంతోనే ఆయ‌న‌ను డైరెక్ట‌ర్‌గా తీసుకున్నాం. అయితే ప‌వ‌న్ క‌ల్యాణ్ గారు, రానా గారు న‌టిస్తుండ‌టంతో, ప్రాజెక్ట్ పెద్ద‌దైపోయింది. దాన్ని బ్యాలెన్స్ చేయ‌డం కోస‌మే త్రివిక్ర‌మ్ గారు స్క్రిప్ట్‌లోకి వ‌చ్చారు. ఆయ‌న స్క్రీన్‌ప్లే, డైలాగ్స్ సినిమాకి బ‌ల‌మ‌వుతాయి.

హీరోయిన్లు ఎవ‌రు?
ప‌వ‌న్ క‌ల్యాణ్ గారి స‌ర‌స‌న హీరోయిన్‌గా ఇంకా ఎవ‌రినీ ఎంపిక చేయ‌లేదు. రానా జోడీగా ఐశ్వ‌ర్యా రాజేష్ న‌టిస్తోంది.

మీ బ్యాన‌ర్ మీద త‌ర్వాత వ‌చ్చే సినిమాలేమిటి?
సితార ఎంట‌ర్‌టైన్‌మెంట్స్ బ్యాన‌ర్ మీద త‌ర్వాత వ‌చ్చే సినిమా ‘వ‌రుడు కావ‌లెను’. మ‌ల‌యాళం హిట్ సినిమా ‘క‌ప్పేలా’ రీమేక్‌ను ‘బుట్ట‌బొమ్మ’ టైటిల్‌తో చేద్దామ‌నుకుంటున్నాం. ‘న‌రుడి బ్ర‌తుకు న‌ట‌న’ అనే సినిమా షూటింగ్ జరుగుతుంది. బెల్లంకొండ సురేష్ గారి చిన్న‌బ్బాయి గ‌ణేష్‌బాబు హీరోగా ఓ సినిమా చేస్తున్నాం.

క‌రోనా కేసులు మ‌ళ్లీ పెరుగుతున్నాయి క‌దా.. సినిమాపై దీని ఎఫెక్ట్ ప‌డుతుంద‌ని ఆందోళ‌న చెందుతున్నారా?
క‌రోనా గురించి ఇదివ‌ర‌క‌టిలా ఇప్పుడంత భ‌య‌ప‌డాల్సిన ప‌నిలేద‌నేది నా వ్య‌క్తిగ‌త అభిప్రాయం. వైర‌స్‌లో తీవ్ర‌త త‌గ్గింది. కేసులు వ‌స్తున్న‌ప్ప‌టికీ ఆందోళ‌న చెందాల్సింది లేదు. మ‌ళ్లీ లాక్‌డౌన్‌లు విధిస్తార‌ని నేన‌నుకోను. పెద్ద‌వాళ్లు ఇప్ప‌టికే వాక్సిన్ వేసుకుంటున్నారు.

థియేట‌ర్లు తెరుచుకున్నాక వ‌రుస‌గా సినిమాలు హిట్ట‌వుతుండ‌టంపై ఏమంటారు?
2020లో అల వైకుంఠ‌పుర‌ములో, స‌రిలేరు నీకెవ్వ‌రు, భీష్మ సినిమాలు మంచి హిట్ట‌య్యాక‌.. లాక్‌డౌన్ వ‌చ్చింది. ఈ సంవ‌త్స‌రం థియేట‌ర్లు ఓపెన్ అయ్యాక చాలా సినిమాలు హిట్ట‌వ‌డం, ఊహించిన దానికి మించి క‌లెక్ష‌న్లు వ‌స్తుండ‌టం ఇండ‌స్ట్రీకి శుభ ప‌రిణామం. ఈ ట్రెండ్ కంటిన్యూ అవుతుంద‌ని అనుకుంటున్నాం.

పెద్ద హీరోలతో సినిమాలు చేస్తేనే ఇమేజ్ పెరుగుతుంది, ఇండస్ట్రీలో ఎక్కువ కాలం ఉండొచ్చు అనే కాన్సెప్ట్ కి చెక్ పెడుతున్నారు హీరోయిన్లు. ఒక వైపుసీనియర్లతో సినిమాలు చేస్తూనే యంగ్ హీరోలతో కూడా పెయిర్ అప్ అవుతున్నారు. లేటెస్ట్ గా లేడీ సూపర్ స్టార్, సౌత్ లోని అందరు స్టార్ హీరోలతో సినిమాలు చేసిన అనుష్క, యంగ్ హీరో నవీన్ పోలిశెట్టి తో సినిమా చేస్తోంది. యు.వి క్రియేషన్స్ బ్యానర్ లో తెరకెక్కుతున్న ఈ సినిమా డిఫరెంట్ జానర్ లో రాబోతోంది.
మరో స్టార్ తమన్నా ఒక వైపు స్టార్ హీరోస్ తోకనిపిస్తూనే నితిన్ తో బాలీవుడ్ లో సూపర్ హిట్ అయిన అంధాదూన్ రీమేక్ చేస్తోంది. మరో వైపు ఇప్పుడిప్పుడే టాలీవుడ్ లో మంచి సినిమాలు చేస్తున్న యంగ్ అప్ కమింగ్ హీరో సత్యదేవ్ తో గుర్తుందా శీతాకాలం ..అనే సినిమా చేస్తోంది.
సౌత్ లో సూపర్ హీరోలందరితో సినిమాలు చేసి స్టార్ హీరోయిన్ గా వెలిగిన రకుల్ ప్రీత్ సింగ్ కూడా ఇప్పుడు యంగ్ హీరోలతో సినిమాలు చేస్తోంది. ఉప్పెన తో సూపర్ హిట్ కొట్టిన వెరీ యంగ్ హీరో వైష్ణవ్ తేజ్ తో జతకడుతోంది ఈ ముద్దుగుమ్మ. క్రిష్ డైరెక్షన్లో విలేజ్ బ్యాక్ డ్రాప్ లో తెరకెక్కుతున్న ఈ సినిమా పోస్ట్ ప్రొడక్షన్ లో బిజీగా ఉంది.
సౌత్ లో స్టార్ హీరోలందరితో సినిమాలు చేసిన కాజల్ .. ఒక వైపుమెగాస్టార్ తో ఆచార్య, సూపర్ స్టార్ కమల్ హాసన్ తో భారతీయుడు 2 సినిమాలు చేస్తూనే..మిడిల్ రేంజ్ హీరో మంచు విష్ణుతో మోసగాళ్లు సినిమాలో స్క్రీన్ షేర్ చేసుకుంటోంది.
బాలీవుడ్ లో పాటు టాలీవుడ్ లో కూడా బిజీ అయిపోయిన ముద్దుగుమ్మ పూజాహెగ్డే. స్టార్ హీరోలతోసినిమాలు చేస్తూనే యంగ్ హీరోల్ని కూడా కవర్ చేస్తోంది. ప్రస్తుతం స్టార్ హీరో అయిన ప్రభాస్ తో రాధేశ్యామ్, సల్మాన్ ఖాన్ తో కభీ ఈద్ కభీ దివాలీ సినిమాలు చేస్తూనే యంగ్ హీరో అఖిల్ తో మోస్ట్ ఎలిజిబుల్ బ్యాచిలర్ మూవీ చేస్తోంది పూజాహెగ్డే.
అందాల రాక్షసి సినిమాతో తెలుగు ఆడియన్స్ కి బాగా కనెక్ట్ అయిన లావణ్య త్రిపాఠి కూడా యంగ్ హీరోలతో సినిమాలు చేస్తోంది. ఆర్ ఎక్స్ 100 హీరో కార్తికేయ తో చావు కబురు చల్లగా సినిమా చేస్తోంది. ఇంట్రెస్టింగ్ గా తెరకెక్కిన ఈ మూవీ రిలీజ్ కు రెడీ అవుతోంది.

తన ట్విట్టర్ అకౌంట్ ద్వారా సాంగ్ విడుదల చేసారు సూపర్ స్టార్ మహేష్ బాబు. ఈ సందర్భంగా మార్చి 26న విడుదలవుతున్న రంగ్ దే మూవీ యూనిట్ కు అభినందనలు తెలియజేసారు. రీసెంట్ గా రంగ్ దే మూవీ నుంచి విడుదలైన రెండు పాటలకు ఇటు మ్యూజిక్ లవర్స్ నుంచి, అటు ఆడియెన్స్ నుంచి ప్రశంసలు దక్కుతున్న తరుణంలో ఈ చిత్రం నుంచి మరో గీతం లిరికల్ వీడియో రూపంలో ఈరోజు విడుదల అయింది. చిత్ర కథ ప్రకారం సందర్భోచితంగా వచ్చే ‘రంగ్ దే’ లోని ఈ గీతం వివరాల్లోకి వెళితే

“నా కనులు ఎపుడూ కననే కనని
హృదయ మెపుడూ విననే వినని
పెదవు లెపుడూ అననే అనని
అద్భుతం చూస్తూ ఉన్నా…”
అంటూ పల్లవితో సాగే ఈ గీతానికి శ్రీమణి లిరిక్స్ అందించారు. ప్రముఖ సింగర్ సిద్ శ్రీరామ్ ఆలపించారు. ఉప్పెన తర్వాత మ్యూజిక్ డైరెక్టర్ దేవిశ్రీ ప్రసాద్ స్వరాలు అందించిన చిత్రమిది. వెంకీ అట్లూరి డైరెక్ట్ చేసిన ఈ సినిమాను సూర్యదేవర నాగవంశీ నిర్మించారు.

Source: Aditya music

నితిన్, రష్మికా జంటగా నటించిన భీష్మ చిత్రానికి జాతీయ అవార్డు పేరుతో బురిడీ జరిగిన విషయం తెలిసిందే. అయితే ఈ విషయం పై భీష్మ దర్శకుడు వెంకీ కుడుముల స్పందించాడు.
ఆర్గానిక్ ఫామింగ్ నేపథ్యంగా తెరకెక్కించిన భీష్మ సినిమాకు నేషనల్ అవార్డు రావడం ఖాయమని నమ్మించాడట నవీన్ అనే వ్యక్తి. దాని అప్లికేషన్ నిమ్మిత్తమై 63వేల 6వందల రూపాయలను ట్రాన్స్ఫర్ చేయించుకున్నాడని డైరెక్టర్ తెలియజేసాడు. అయితే తన వ్యక్తిగత ఖాతాకు ఆ డబ్బులు వెళ్లినట్టు గుర్తించిన వెంకీ.. ఈ మోసం అందరికీ తెలియడం కోసమే తాను పోలీస్ కంప్లయింట్ చేసానని..తన ఫ్రెండ్స్ ఈ విషయం పై లైట్ తిసుకొమ్మన్నారని కానీ ఇలాంటి మోసగాళ్లు గురించి ప్రజలకి తెలియాలనే పోలీస్ స్టేషన్ దాకా వెళ్లాలని…ఇలాంటి మోసగాళ్లతో అందరూ అప్రమత్తంగా ఉండాలని చెప్పుకొచ్చారు వెంకీ కుడుముల.

బాలీవుడ్‌లో సూపర్ హిట్ మూవీ ‘అంధాధున్’ చిత్రాన్ని తెలుగులో నితిన్ హీరోగా రీమేక్ చేస్తున్న విషయం తెలిసిందే. డైరెక్టర్ మేర్లపాక గాంధీ ఈ రీమేక్‌ ను తనదైన శైలిలో రూపొందిస్తున్నారు. తాజాగా ఈ మూవీ విడుదల తేదీని ప్రకటించారు. జూన్‌11న ప్రేక్షకుల ముందుకు రాబోతున్నట్టు అనౌన్స్ చేసారు. కళ్లు కనిపించని సంగీతకారుడిగా నితిన్ నటిస్తోన్న ఈ ప్రాజెక్ట్ లో హీరోయిన్‌ నభా నటేశ్‌ హీరోకి జంటగా కనిపించనుంది. కాగా విలనీ లుక్ ఇచ్చే టబు రోల్ ను… తమన్నా చేసేందుకు అంగీకరించింది. శ్రేష్ఠ్ మూవీస్‌ పతాకంపై ఎన్‌ సుధాకర్‌రెడ్డి, నిఖిత రెడ్డి కలిసి ప్రొడ్యూస్ చేస్తున్నారు. సినిమాటోగ్రాఫర్ గా హరి కె. వేదాంత్‌ వర్క్ చేస్తున్నారు.

అంధుడైన హీరో ఓ మర్డర్ కు ఎలా సాక్ష్యం చెప్తాడనేది ఈ చిత్రం ప్రధాన కథాంశం. హిందీలో ఈ మూవీతో హీరో ఆయుష్మాన్‌ ఖురానా జాతీయ అవార్డును సొంతంచేసుకున్నారు. మరి నితిన్‌కు కెరీర్ కు ఎలాంటి హెల్ప్ చేస్తుందో చూడాలి. ఇప్పటికే అతడు దేశద్రోహి అన్న ముద్రతో కనిపిస్తోన్న ‘చెక్’ ఫిబ్రవరి 26న రిలీజ్ కు రెడీఅయింది. కీర్తి సురేశ్ తో చేసిన లవ్ స్టోరీ ‘రంగ్‌దే’ మార్చి 26న విడుదల తేదీని బుక్ చేసుకొంది. ఆపై మరో రెండు నెలలు గ్యాప్‌ తో జూన్ 11న ‘అంధాధున్‌’ రీమేక్‌తో ప్రేక్షకుల ముందుకు రానున్నారు.

సరి కొత్త అవతారాలని ఎత్తబోతున్నాడు నితిన్. ’20, 40, 60′ అంటూ సందడి చేయబోతున్నాడు. మామూలుగా కమల్ హాసన్ వంటి వారు చేసిన ప్రయోగాన్ని ఇప్పుడు నితిన్ ట్రై చేస్తున్నాడు. ఇన్నాళ్లు ఉన్న లవర్ బాయ్, చాక్లెట్ బాయ్ అన్న ఇమేజ్ ను పోగొట్టి నటుడిగా ప్రూవ్ చేసుకునేందుకు కష్టపడుతున్నాడు. అందుకే ‘అంధాదూన్’ రీమేక్ లో అంధుడిగా నటిస్తున్నాడు. ఇక తాజాగా మరో ప్రయోగానికి సై అన్నాడు.
నితిన్ హీరోగా ‘పవర్ పేట్’ అనే ప్రాజెక్ట్ ని ఇప్పటికే ప్రకటించిన సంగతి తెలిసిందే. ‘కృష్ణ చైతన్య’ దర్శకత్వం వహిస్తున్నాడు ఈ సినిమాకి. ఒక వ్యక్తి నాలుగు దశాబ్ధాల ప్రయాణాన్ని ప్రతిబింబించేలా ఈ సినిమాను తెరకెక్కిస్తున్నారు. అందులో భాగంగానే నితిన్…20ఏళ్ల యువకుడిగా, 40ఏళ్ల మధ్య వయస్కుడిగా, 60ఏళ్ల వృద్ధుడిగా కనిపించబోతున్నాడు.
ప్రయోగానికి సై అన్నాడు…సరే…కానీ నితిన్ అలా చూపించాలంటే కరెక్ట్ మేకప్ మ్యాన్ దొరకాలి. ఏదో చేసామన్నట్టు చేస్తే..ఈ కాలం జనానికి ఎక్కదు. అందుకే బాలీవుడ్ ఫేమస్ మేకప్ ఆర్టిస్ట్ ‘రషీద్’ ను నితిన్ కోసం తీసుకొస్తున్నారని తెలుస్తోంది. ప్రస్తుతం రణ్ వీర్ సింగ్ నటిస్తోన్న ’83’మూవీకి ఈయనే మేకప్ మ్యాన్. కపిల్ దేవ్ పాత్రలో రణ్ వీర్ ను అద్భుతంగా ప్రెజెంట్ చేస్తున్నాడట. అందుకే రషీద్ తో నితిన్ కి టెస్ట్ మేకప్ చేసారట. రిజల్ట్ అదిరిపోవడంతో ఈయన్నే నితిన్ సినిమాకి ఫిక్స్ అయినట్టు సమాచారం. అన్నీ కుదిరితే సమ్మర్ ఎండింగ్ లో పవర్ పేట్ షూటింగ్ ప్రారంభమవుతుంది.