ఎన్టీఆర్, త్రివిక్రమ్ కాంబో మూవీకి చౌడప్ప నాయుడు అనే టైటిల్ ను పరిశీలిస్తున్నారు. మొదట అయినను పోయిరావలే హస్తినకు అన్న టైటిల్ అనుకున్నా…చౌడప్ప నాయుడుకే ఫిక్స్ అయ్యారని టాక్. త్రిపుల్ ఆర్ తర్వాత ఎన్టీఆర్ త్రివిక్రమ్ దర్శకత్వంలోనే నటించబోతున్నారు. అటు త్రివిక్రమ్ ప్రీప్రొడక్షన్ పనులను శరవేగంగా పూర్తి చేస్తున్నారు. హీరోయిన్ ఎవరన్న దానిపై ఇంకా క్లారిటీ రావాల్సిఉంది. రష్మిక నటిస్తోందా…పూజా హెగ్దే కనిపిస్తోందా…తెలియాలి. అలాగే ఉప్పెన కృతిశెట్టి మరో హీరోయిన్ గా కనిపించనుందనే టాక్ వినిపిస్తోంది.

అయితే త్రివిక్రమ్ డైరెక్షన్లో ఎన్టీఆర్ నటించబోయే సినిమాను ప్యాన్‌ ఇండియా రేంజ్‌లో తెరకెక్కించనున్నారని టాక్. అందుకే విలన్ గా సైఫ్‌అలీఖాన్‌ ను తీసుకోవాలనే ప్లాన్ చేస్తున్నట్టు చెప్తున్నారు. ఇప్పుడు క్రేజ్ ఉన్న హీరోలందరూ పాన్ ఇండియా సినిమాల వైపే మొగ్గుచూపుతున్నారు. దేశమంతా గుర్తింపుతో పాటూ కమర్షియల్ గానూ పాన్ ఇండియా అన్నది సక్సెస్ మంత్ర. అందులో త్రిపుల్ ఆర్ తర్వాత వచ్చే సినిమా కావడంతో దానిని కూడా పాన్ ఇండియా లెవెల్లోనే తీయాలన్నది తారక్ ప్లాన్.

సినిమాలతోనే కాదు స్టేటస్ విషయంలోనూ పోటీపడుతున్నారు మన తెలుగు హీరోలు. మొన్నీమధ్యే లంబోర్గిని కార్ ను ఎన్టీఆర్ ఇటలీని నుంచి తెప్పించుకుంటే…దానికి మించి అన్నట్టు ప్రభాస్ మరో డూపర్ కార్ ను గ్యారేజ్ లోకి దించేసారు. రెమ్యూనిరేషన్ తోనే కాదు…కొత్త కార్ లో చక్కర్లు కొడుతూ ప్యాన్ ఇండియా స్టార్ స్టేటస్ చాటుతున్నాడు ప్రభాస్.

ప్రభాస్…ఇప్పుడు ఫస్ట్ టైమ్ 100 కోట్ల రెమ్యూనిరేషన్ అందుకుంటోన్న స్టార్ మాత్రమే కాదు…అందరికంటే ముందు లంబోర్ఘిని అల్ట్రా రిచ్ కార్ ను సొంతం చేసుకున్న హీరో కూడా. నాలుగు పాన్ ఇండియా సినిమాలతో బిజీగా ఉన్న ప్రభాస్ ఓవైపు ముంబైలో దాదాపు 50 కోట్లు విలువ చేసే విలాసవంతమైన ఇంటిని సొంతం చేసుకుంటూనే…మరోవైపు తన గ్యారేజ్ లోకి లంబోర్ఘిని అవెన్‌టోడోర్‌ ఎస్‌ రోడ్‌స్టర్‌ను తెచ్చేసారు. ఈ కార్ ఖరీదు అక్షరాల 6కోట్ల రూపాయలు.

ప్రభాస్ కి కాస్ట్ లీ కార్లపై ఉన్న ఇంట్రెస్ట్ గురించి తెలిసిందే. ఈ హీరో హోమ్ గ్యారేజీలో అత్యంత ఖరీదైన జాగ్వార్ ఎక్స్ జె ఆర్, రోల్స్ రాయస్ ఫాంటమ్ కార్ వంటివి ఉన్నాయి. ఇప్పుడు వాటన్నిటినీ తలదన్నే లంబోర్ఘిని అవెంటడార్ ఎస్ రోడ్ స్టర్.. అదికూడా స్టైలిష్ లుక్ లో కనిపించే అరాన్సియో అట్లాస్ షేడెడ్ వెర్షన్ ని సొంతం చేసుకున్నారు. ఇండియాలో ఈ కార్ కొన్న రెండో వ్యక్తి ప్రభాస్ కావడం విశేషం. తన తండ్రి సూర్యనారాయణరాజు జయంతి సందర్భంగా ప్రభాస్‌ ఈ కార్ ను కొన్నట్టు తెలుస్తోంది.

ఈమధ్యే ఎన్టీఆర్ లంబోర్గిని ఉరుస్ కార్ ను బుక్ చేసుకున్నారు. 5కోట్ల రూపాయల విలువ చేసే ఆ కార్ ను మించిన కాస్ట్ లీ కార్ ఇప్పుడు ప్రభాస్ సొంతమైంది. 3కోట్లు విలువ చేసే రోల్స్ రాయల్ ఫాంటమ్ కార్ ని చిరూ వాడుతుంటే…మూడున్నర కోట్లు వెచ్చించి రేంజ్ రోవర్ తీసుకున్నారు రామ్ చరణ్. రెండున్నర కోట్ల రేంజ్ రోవర్ కార్లో మహేశ్ దూసుకుపోతుంటే…అంతే విలువ చేసే బెంజ్ G63 కార్ అఖిల్ సొంతం. ఇక 2కోట్లకు మించిన మోస్ట్ స్టైలిష్ కార్స్ జాగ్వార్, రేంజ్ రోవర్ ఓనర్…అల్లు అర్జున్. ఇలా కార్స్ క్రేజ్ ఉన్న టాలీవుడ్ హీరోలు చాలామందే ఉన్నారు.

ఆరోజు వాహినీ స్టూడియోలోని ప్రధాన కార్యాలయంలో నాగిరెడ్డి , చక్రపాణి, ఇద్దరు కూర్చుని వున్నారు. చాలాసేపు వారి మధ్య మౌనం రాజ్యమేలింది. ఏదో ఆలోచిస్తున్నారు దానికి కొద్ది రోజుల క్రితమే వాళ్లు తొలిసారిగా నిర్మించిన షావుకారు విడుదలైంది. ఎన్నో ఆశలతో ఆశయాలతో సినిమా తీశారు. క్లాసిక్ అనే పేరు తప్ప కాసులు రాల్చలేదు షావుకారు, దాంతో నాగిరెడ్డి-చక్రపాణి చాలాకాలం మదన పడ్డారు చివరకు సామాన్య జనం మెచ్చే సినిమా ని తీయాలని నిశ్చయించుకున్నారు. వెంటనే కె.వి.రెడ్డి ని పిలిచి విజయా సంస్థలో రెండో సినిమా చేసే బాధ్యత కూడా అప్పగించారు. కేవీ రెడ్డికి బాగా ఇష్టమైన పింగళి అరేబియన్ నైట్స్ కథల్లో ని అల్లావుద్దీన్ అండ్ వండర్ఫుల్ ల్యాంప్ ప్రేరణతో కాశీ మజిలీ కథల ధోరణిలో “పాతాళ భైరవి” కథ తయారు చేశారు.
ఓ సామాన్యుడు రాజు గారి కూతురుని పెళ్లి చేసుకోవడం అనె పాయింట్ అందరికీ బాగా నచ్చింది. కథ మీద నాలుగు నెలలు బాగా చర్చలు జరిపి పర్ఫెక్ట్గా స్క్రిప్ట్ తయారు చేశారు కేవీరెడ్డి కమలాకర కామేశ్వరరావు కలిసి స్క్రీన్ప్లే తయారు చేశారు. పింగళి మాటలు రాశారు. ఈ సినిమాను తెలుగు తమిళ భాషల్లో తీయాలని నిశ్చయించారు. విజయ సినిమా సంస్థ ఘంటసాల తో ఒప్పందం చేసుకుంది ఆ ఒప్పందం ప్రకారం ఘంటసాల విజయ వారికి 5 సినిమాలకు సంగీతం చేసి పెట్టాలి, ఈ ఒప్పందం ప్రకారం బయట సినిమాలు దేనికి ఆయన పని చేయకూడదు…. ఘంటసాల ఆధ్వర్యంలో సంగీత చర్చలు మొదలయ్యాయి, పింగళి నాగేంద్రరావు పాటలు రాశారు, బిట్ సాంగ్స్ తో కలిపి 12 పాటలు సిద్ధం చేశారు. పీజీ కమలాదేవి రేలంగి తమపై చిత్రీకరించి పోయె పాటలను పాడారు. షావుకారు కు పనిచేసిన మార్కస్ బార్ట్లే పాతాళ భైరవి కి కూడా కెమెరామెన్ గా తీసుకున్నారు. ఇక తారాగణం ఎంపిక మొదలైంది అప్పటికే ఫేం లో ఉన్న అక్కినేని నాగేశ్వరరావును హీరో గాను ముక్కామల ను విలన్ గానూ తీసుకోవాలనుకున్నారు కేవీ రెడ్డి అప్పట్లో మాంత్రికుని పాత్రలకు ముక్కామల పాపులర్. అప్పటికే అక్కినేని కీలుగుఱ్ఱం వంటి జానపద చిత్రాలలో నటించి మంచి జోరు మీద వున్నారు. తెరపై అందాల రాముడు గా పేరున్న అలాంటి జానపద కథానాయకుడిని తోటరాముడు పాత్రకు తీసుకోవాలనేది కె.వి.రెడ్డి అభిప్రాయం నాగిరెడ్డి-చక్రపాణి మాత్రం షావుకారు లో చేసిన ఎన్టీరామారావును తీసుకుందామని సూచించారు …..

Pathala Bhairavi (1951), NT Rama Rao, SV Ranga Rao, K. V. Reddy, Chakrapani, nagi reddy, Vijaya Vauhini Studios


ఓ రోజు సాయంత్రం వాహినీ స్టూడియోలో నాగేశ్వర రావు గారు ఎన్టీ రామారావు గారు టెన్నిస్ ఆడుతున్నారు ఎన్టీ రామారావు కి ఒక బంతి మిస్ అయితే తర్వాత బంతిని చాలా కోపంగా బలంగా కొడుతున్నారు మొఖంలో కవళికలు మారిపోతున్నాయి ఈ ప్రక్రియ అంతా దూరం నుంచే కేవీ రెడ్డి గారు చూస్తున్నారు ఎన్టీ రామారావు గారి బాడీ లాంగ్వేజ్ అభినయం అన్ని కె.వి.రెడ్డి గారికి బాగా నచ్చాయి వెంటనే రామారావు గారిని తీసుకుందామని నిశ్చయించుకున్నారు.

Pathala Bhairavi (1951), NT Rama Rao, SV Ranga Rao, K. V. Reddy, Chakrapani, nagi reddy, Vijaya Vauhini Studios

ఎన్టీఆర్ ను తోటరాముడు గా తీసుకున్నారు కె.వి.రెడ్డి. విలన్ పాత్ర కి కూడా కొత్త నటుడి తీసుకుందామని భావించి ముందుగా అనుకున్న ముక్కామల ని కాదని ఎస్వీ రంగారావుకు అవకాశమిచ్చారు భక్త పోతన లో రంగనాథుని కుమార్తెగా నటించిన మాలతిని ఇందులో నాయికగా తీసుకున్నారు తొలి తెలుగు టాకీ భక్త ప్రహ్లాద లో కథానాయికగా చేసిన సురభి కమలాబాయి నీ తోటరాముడు తల్లి పాత్రకు ఎంపిక చేశారు అంజి గాడిగా బాలకృష్ణ ని తీసుకున్నారు.

Source: ETV Cinemas

విజయా సంస్థలో అందరికీ నెల జీతాలే…… 1950 ఫిబ్రవరి 5న పాతాళభైరవి షూటింగ్ మొదలైంది వాహిని స్టూడియోస్ లో భారీ సెట్ వేశారు….. విజయ వారు అమెరికా నుండి హేమ అండ్ ఆర్గన్ అనే వైద్యాన్ని 16 వేల రూపాయలు పెట్టి కొనుగోలు చేశారు ఒక టీచర్ ని పెట్టి మాస్టర్ వేణు కి ఆ వాయిద్యాన్ని ఎలా ఉపయోగించాలో నేర్పించారు. మాంత్రికుని గుహకు సంబంధించిన సన్నివేశాల నేపథ్యంలో ఈ వాయిద్యాన్ని ను ఉపయోగించారు. 1951 ఫిబ్రవరి నాటికి షూటింగ్ పూర్తయింది….. సినిమా విడుదలైన తర్వాత పెద్దగా ఈ చిత్రానికి టాక్ లేదు మొదట్లో చాలా విమర్శలు వచ్చాయి, మూడు వారాలు యావరేజ్ కలెక్షన్ తో నడిచింది. ఆ తర్వాత కలెక్షన్లు పెరిగి ఎక్కడ చూసినా విజయ విహారమే ఈ సినిమా అద్భుత విజయం సాధించింది తెలుగు సినిమా వసూళ్ల సామర్థ్యాన్ని అనూహ్యంగా పెంచింది. విజయవాడ, బెంగుళూరు, గుడివాడ, నెల్లూరు లలో 25 వారాలు ప్రదర్శితమైన తొలి చిత్రంగా ఘన విజయాన్ని అందుకుంది.

Pathala Bhairavi (1951) NT Rama Rao SV Ranga Rao K. V. Reddy Chakrapani nagi reddy Vijaya Vauhini Studios

స్టార్ వారసుడైనా ఇండస్ట్రీలో తాను స్టార్ గా మారేందుకు కష్టపడ్డాడు. నటుడిగా ఎంట్రీ ఇవ్వడానికి వారసత్వం పనికొస్తుందేమో కానీ.. నటవారసుడిగా నిలబడడానికి కాదని నిరూపిస్తూ.. సొంతగా ఎదుగుతూ సత్తా చూపిస్తున్నాడు మెగా పవర్ స్టార్. యాక్టింగ్ లోనే కాదు ..ప్రొఫెషనల్ చాలా షేడ్స్ చూపిస్తున్నారు రామ్ చరణ్. అందుకే ఇప్పుడు ఆయనకి తెలుగునేల మీదే కాదు…ప్రపంచవ్యాప్తంగా ఫ్యాన్ గ్రూప్స్ వెలిసాయి. బర్త్ డే ప్రత్యేకంగా న్యూయార్ టైమ్ స్వేర్స్ లోని నాస్దక్ బిల్డింగ్ పై చెర్రీ ఫోటోలను ప్రదర్శించారు.

మెగా ఫ్యామిలీ వారసుడంటే ఆషామాషీ కాదు.. అలా ,ఇలా ఉండకూడదు.. ఓ రేంజ్ లో ఉండాలి. అందుకే.. మెగాస్టార్ యాక్టింగ్ తో పాటు పవర్ స్టార్ పవర్ ను కలుపుకున్న ఈ మెగా పవర్ స్టార్ యంగ్ ఏజ్ లోనే ఇండస్ట్రీలోకి ఎంట్రీ ఇచ్చారు. హీరోగానే కాదు .. తండ్రితో కలిసి యాక్టింగ్ లో, డాన్స్ లో పోటీ పడుతున్నారు, ప్రొడ్యూసర్ గా కూడా మంచి సక్సెస్ అందుకుంటున్నారు చరణ్. అంతేకాదు .. సింప్లిసిటీ మెయింటెన్ చేస్తూ.. తన ఫ్యాన్స్ తో ఎప్పటికప్పుడు అన్ని విషయాలు షేర్ చేసుకుంటారు చరణ్. ఈ శనివారం రామ్ చరణ్ బర్త్ డే కావడంతో ఫ్యాన్స్ చేస్తున్న హడావిడి అంతా ఇంతా కాదు. నిన్న ఫ్యాన్స్ మీట్ లో భాగంగా చరణ్ కు విషెస్ తెలియజేసేందుకు ప్రవాహంలా అభిమానులు తరలివచ్చారు.

రామ్ చరణ్ కెరీర్ రంగస్తలం ముందు వరకూ ఒక లెక్క..రంగస్తలం తర్వాత ఒక లెక్క అన్నట్టు సినిమాల సెలక్షన్ లో వేరియేషన్ చూపిస్తున్నారు చరణ్. రాజమౌళి డైరెక్షన్లో తెరకెక్కుతున్న ట్రిపుల్ ఆర్ లో రామ్ చరణ్ తన విశ్వరూపం చూపిస్తున్నారు. అల్లూరి సీతారామరాజుగా చరణ్ .. ఇంతకుముందెన్నడూ లేనంత ఫియర్ లెస్ యాక్షన్ ఎమోషన్స్ ని చూపించబోతున్నారు.

మెగా స్టార్ వారసుడిగా డ్యాన్సులు, ఫైట్లతో చిరంజీవిని మరిపిస్తున్నాడు. తండ్రి స్టార్ డమ్ ను అందుకోవడానికి ట్రై చేస్తూ..తండ్రిని మరిపించేలా స్టెప్స్ వేస్తూ మెగా పవర్ స్టార్ అని ప్రూవ్ చేసుకుంటున్నారు. కొరటాల శివ డైరెక్షన్లో వస్తున్న ఆచార్య సినిమాలో తండ్రీ కొడుకులిద్దరూ కలిసి హంగామా చెయ్యబోతున్నారు. వీళ్లిద్దరినీ ఈ సినిమాలో ఎప్పుడెప్పుడు చూస్తామా అని వెయ్యి కళ్లతో వెయిట్ చేస్తున్నారు అభిమానులు .

హీరోగానే కాదు, తండ్రితో పోటీపడుతూ నటిస్తున్న కో యాక్టర్ గానే కాకుండా ..ప్రొడ్యూసర్ గా కూడా సక్సెస్ అవుతున్నారు చరణ్. కొణిదెల ప్రొడక్షన్స్ స్టార్ట్ చేసి చిరంజీవితోనే ఖైదీ నెం. 150 తో పాటు భారీ బడ్జెట్ సినిమా సైరా నర్సింహారెడ్డి చేసి సూపర్ హిట్ కొట్టారు చరణ్. ఇప్పుడు ఆచార్య సినిమాకి కూడా కో ప్రొడ్యూసర్ గా ఉన్నారు రామ్ చరణ్. ఇక మరోవైపు నేషనల్ డైరెక్టర్ శంకర్ తో సినిమా అనౌన్స్ చేసి…ప్రేక్షకులకి కిక్ ఇచ్చారు. పుట్టినరోజు సందర్భంగా ఈ మూవీ ప్రొడ్యూసర్ దిల్ రాజు…మీతో పనిచేసేందుకు వెయిట్ చేస్తున్నామంటూ ట్వీట్ చేసారు.

మెగాపవర్ స్టార్ రామ్ చరణ్ పుట్టినరోజు కానుకగా ‘ఆర్ఆర్ఆర్’ మూవీ యూనిట్ సర్‌ప్రైజ్ చేసింది. మార్చి 27న చెర్రీ బర్త్ డే కావడంతో ఒకరోజు ముందుగానే త్రిపుల్ ఆర్ టీమ్ అల్లూరి సీతారామరాజు ఫస్ట్ లుక్ విడుదల చేసింది. ఈ మూవీలో అల్లూరిగా చెర్రీ గర్జన ఏరకంగా ఉండబోతోందో జస్ట్ ఓ చిన్న శాంపిల్‌ని ప్రేక్షకుల ముందుకు తీసుకొచ్చింది.
ధైర్యం, నిజాయితీ, సమగ్రత ఈ మూడింటిని కలయికే మా అల్లురి సీతారామరాజు అంటూ ఫస్ట్ లుక్ ను పరిచయం చేసారు డైరెక్టర్ రాజమౌళి. నా అన్న రామరాజు లుక్ అంటూ అటు ఎన్టీఆర్ సైతం రామ్ చరణ్ కు విషెస్ తెలియజేస్తూ సోషల్ మీడియాలో షేర్ చేసారు. ఇక ఈ సినిమాలో యంగ్ టైగర్ ఎన్టీఆర్ కొమురం భీం పాత్రలో నటిస్తోన్న సంగతి తెలిసిందే. రామరాజు జోడీగా సీత పాత్రలో అలియా మెరవనుంది. 400కోట్ల భారీ బడ్జెట్ తో…పాన్ ఇండియా సినిమాగా తెరకెక్కుతున్న ‘ఆర్ఆర్ఆర్’ అక్టోబర్ 13న ప్రపంచ వ్యాప్తంగా విడుదలకు రెడీఅవుతోంది.

జూనియర్ ఎన్టీఆర్ వైఫ్ లక్ష్మీ ప్రణతి తమ్ముడు హీరోగా అరంగేట్రం చేసేందుకు రంగం సిద్ధమైంది. తన పేరు నార్నె నితిన్ చంద్ర. ఈ ఏప్రిల్ 18న నార్నె నితిన్ హీరోగా నటించబోతున్న సినిమా అధికారికంగా ప్రారంభంకానున్నట్టు తెలుస్తోంది. ఇప్పటికే నటనలో ట్రైనింగ్ తీసుకుని..అన్నివిధాలా పక్కాగా రెడీ అయ్యాడని సమాచారం. ఎక్కడా తగ్గేది లేదన్నట్టు డ్యాన్స్, ఫైట్స్…ఇలా ప్రతి దాంట్లోనూ అనుభవం తెచ్చుకున్నట్టు చెప్తున్నారు. నిజానికి డైరక్టర్ తేజ దర్శకత్వంలో నితిన్ చంద్ర టాలీవుడ్ కు పరిచయమవుతున్నాడనే వార్త హల్చల్ చేసింది. ‘చిత్రం’ సీక్వెల్ ‘చిత్రం 1.1’ రానా తమ్ముడు అభితో పాటూ నితిన్ కూడా ఎంట్రీ ఇస్తాడనుకున్నారు. కానీ మరో క్రేజీ చిత్రంతో ఎన్టీఆర్ బామ్మరిది ఎంట్రీ అదిరిపోనుందనే టాక్ వినిపిస్తోంది.

ఎన్టీఆర్ – త్రివిక్రమ్ కాంబో మూవీలో హీరోయిన్ రష్మికా ఫిక్సయిందని సమాచారం. పూజాహెగ్దే, కియారా, జాన్వీ కపూర్ వంటి పేర్లు వినిపించినా…చివరికి రష్మిక దగ్గర సెర్చ్ ఆగిందంటున్నారు. ఉగాది శుభ ముహూర్తాన ఏప్రిల్ 13న ఎన్టీఆర్ – త్రివిక్రమ్ కాంబో పట్టాలెక్కనుందని సమాచారం. జూన్ నుంచి రెగ్యులర్ షూటింగ్ జరుపుకునే ఈ ప్రాజెక్ట్…వచ్చే సంవత్సరం ఏప్రిల్ 19న థియేటర్స్ కి రానున్నట్టు తెలుస్తోంది. అయినను పోయిరావలే హస్తినకు అన్న టైటిల్ ప్రచారంలో ఉన్న ఈ సినిమాలో మరో హీరోయిన్ గా ఉప్పెన ఫేం కృతిశెట్టి కనిపించనుందనే టాక్ వినిపిస్తోంది.

ఎన్టీఆర్ సినిమా సంగతలా ఉంటే…ఇటు మార్చి 18న తన వైఫ్ లక్ష్మి ప్రణతి బర్త్ డే సందర్భంగా విలువైన కానుకను సమర్పించారట ఎన్టీఆర్. సిటీలో ఓ పెద్ద ఫామ్‌ హౌస్‌ను భార్య పేరిట రాయించి…అక్కడే సెలెబ్రేషన్స్ చేసినట్టు వార్తలొస్తున్నాయి.

యంగ్‌ టైగర్‌, మాటల మాంత్రికుడి సినిమాకు ముహూర్తం కుదిరింది. ఎన్టీఆర్‌ 30వ సినిమాగా తెరకెక్కబోతున్న ఈ ప్రాజెక్ట్ ఏప్రిల్ 13న ఉగాదికి అధికారికంగా పట్టాలెక్కనుంది. ప్రస్తుతం రాజమౌళి డైరెక్షన్లో తెరకెక్కుతున్న ప్రిస్టీజియస్‌ పాన్‌ ఇండియా సినిమా ‘ఆర్‌ఆర్‌ఆర్‌’ సినిమాను శరవేగంగా పూర్తి చేసే పనిలో ఉన్నారు. ఈ చిత్రం పూర్తి కాగానే.. ఎన్టీఆర్‌, త్రివిక్రమ్‌ కాంబో మూవీ రెగ్యులర్ షూట్ జరుపుకోనుంది. అరవింద సమేత వీర రాఘవ సినిమా తర్వాత ఎన్టీఆర్‌, త్రివిక్రమ్‌ కలిసి చేయబోతున్న చిత్రం కావడంతో ఫ్యాన్స్ అంచనాలు భారీగానే ఉన్నాయి. కాగా ఏప్రిల్‌ లో వారం రోజుల పాటు చిత్రీకరణలో పాల్గొన్న అనంతరం మళ్లీ మే, జూన్‌ నెలల్లో ఈ ప్రాజెక్ట్ కోసం పూర్తిగా డేట్స్‌ కేటాయిస్తారట తారక్. హారిక అండ్‌ హాసిని క్రియేషన్స్‌, ఎన్టీఆర్‌ ఆర్ట్స్‌ బ్యానర్లపై ఎస్‌.రాధాకృష్ణ, కళ్యాణ్‌రామ్‌ ఈ మూవీని ప్రొడ్యూస్ చేస్తున్నారు.

త్రిపుల్ ఆర్ సీత వచ్చేసింది. రామరాజు రాక కోసం బలమైన సంకల్పంతో సీత ఎదురుచూస్తోంది. ఆమె ఎదురుచూపులు గొప్పవంటూ సీతగా ఆలియా భట్ ను ఇంట్రడ్యూస్ చేసారు రాజమౌళి. ఈ సినిమాలో ఆలియా.. రామ్ చరణ్ సరసన నటిస్తోన్న సంగతి తెలిసిందే. ఈమధ్యే త్రిపుల్ ఆర్ లోని ఓ షెడ్యూల్ కంప్లీట్ చేసిన ఆలియా…త్వరలోనే మరో షెడ్యూల్ షూటింగ్ లో పాల్గొనబోతుంది.

త్రిపుల్ ఆర్ నుంచి ఒక్కొక్కరినీ తెరమీదికి తీసుకొస్తున్నారు రాజమౌళి. మొదట ఎన్టీఆర్ వాయిస్ ఓవర్ తో చెర్రీ రోల్ రివీల్ చేసారు. ఆపై చరణ్ వాయిస్ ఓవర్ తో కొమురం భీమ్ గా యంగ్ టైగర్ ని పరిచయం చేసారు. రీసెంట్ గా ఎన్టీఆర్ జోడీగా నటిస్తోన్న హాలీవుడ్‌ బ్యూటీ ఒలీవియా మోరీస్‌ ఫస్ట్ లుక్ రిలీజ్ కాగా… ఇప్పుడిక ట్రెడిషనల్ లుక్ లో ఆలియాను ప్రెజెంట్ చేసారు జక్కన్న.

ఆర్ఆర్ఆర్ నుంచి లీడ్ రోల్స్ ఎంట్రీ ఇచ్చేసారు. ఇక మిగిలింది… అజయ్ దేవగణ్, సముద్రఖని, శ్రీయా శరణ్, రే స్టీవెన్ సన్ , అలిసన్ డూడీ ఫస్ట్ లుక్స్. రాజమౌళి సినిమా అంటేనే ప్రచారం ఓ రేంజ్ లో ఉంటుంది. ఇప్పటివరకూ రిలీజైనవి ఫస్ట్ లుక్స్ మాత్రమే. అక్టోబరు 13న త్రిపుల్ ఆర్ థియేటర్స్ కి వచ్చేవరకూ…రాజమౌళి ఎన్నో సర్ప్రైజెస్ ప్లాన్ చేసారని సమాచారం. 400కోట్ల రూపాయల బడ్జెట్ తో తెరకెక్కుతున్న ఆర్ఆర్ఆర్ కోసం మొత్తానికి ఇలా ఆడియెన్స్ ను ఎంగేజ్ చేస్తున్నారు మేకర్స్.

‘క్రాక్‌’, ‘నాంది’ సినిమాల్లో వరలక్ష్మి నటన చూసి ఫిదా అయిన త్రివిక్రమ్‌ NTR30లో ఓ రోల్‌ ఆఫర్‌ చేసినట్లు తెలుస్తోంది. ఈ సినిమాలో పవర్‌ఫుల్‌ రాజకీయ నాయకురాలిగా వరలక్ష్మీ కనిపించే అవకాశాలున్నట్లు టాలీవుడ్‌ టాక్‌. ఇప్పటికే దీనికి సంబంధించి ఆమెతో సంప్రదింపులు కూడా జరిపినట్టు సమాచారం. అటు బన్నీ, కొరటాల శివ ప్రాజెక్ట్ లోనూ వరలక్ష్మీ శరత్ కుమార్ లేడీ పొలిటిషియన్ గా నటించబోతుందంటూ వార్తలొస్తున్నాయి.
సెప్టెంబర్లో సెట్స్ మీదికెళ్తున్న ఈ మూవీ కోసం ఆల్రెడీ వరలక్ష్మీతో చర్చలు జరిగాయట. జలకాలుష్యం నేపథ్యంగా కమర్షియల్ యాంగిల్ స్క్రిప్ట్ రెడీ చేసిన కొరటాల శివ ఈ సినిమాలో బన్నీని స్టూడెంట్ గా, రాజకీయ నాయకుడిగా చూపించబోతున్నాడు. బన్నీని ఢీకొట్టే రాజకీయనాయకురాలిగా వరలక్ష్మీ శరత్ కుమార్ నటిస్తుందని చెప్తున్నారు. మరోవైపు ఎన్టీఆర్, త్రివిక్రమ్ కాంబోలో కూడా ఆమె రాజకీయ నాయకురాలి పాత్రే చేస్తుంది అంటున్నారు. ఏది నిజం…లేదా రెండు సినిమాల్లో లేడీ పొలిటిషియన్ లాగానే వరలక్ష్మీ కనిపిస్తోందా అన్న చర్చ జోరందుకుంది. చూస్తుంటే వరలక్ష్మీ క్రేజ్ ఇప్పట్లో తగ్గేలా మాత్రం కనిపించడం లేదు.