పవర్ స్టార్ పవన్‌ కల్యాణ్‌కు జంటగా పూజా హెగ్డే కనిపించడం దాదాపు ఖాయమైనట్టేనని తెలుస్తోంది. హరీశ్‌ శంకర్‌ డైరెక్షన్ లో పవన్‌ కల్యాణ్ హీరోగా మైత్రీ మూవీ మేకర్స్‌ ప్రొడక్షన్ హౌజ్ ఓ సినిమాను నిర్మించనుంది. ఇందులో పూజాను ఫైనల్ చేసారని టాక్. తాజాగా ఆమెకు లుక్‌ టెస్ట్‌ కూడా చేసారు. హరీష్ శంకర్, పవన్ కాంబో మూవీలో అనుకున్న లుక్‌ను ఓకే చేసారట. అయితే మెగాఫ్యామిలీలో ఇంతవరకూ పవన్‌తో నటించలేదు పూజా హెగ్డే. పవన్, పూజా కాంబినేషన్‌లో మొదటి సినిమా ఇది. వీళ్లిద్దరి కాంబినేషన్ లో తెరకెక్కించే సీన్స్ కూడా చాలా కొత్తగా ఉంటాయని, ఈ సినిమాకు ఇవే కీలకమని చెప్తున్నారు.

మరోవైపు… హరీశ్‌ శంకర్‌, పూజా హెగ్డే కాంబోలో వస్తోన్న మూడో చిత్రమిది. మునుపు ఆయన డైరెక్ట్ చేసిన దువ్వాడ జగన్నాథమ్‌, గద్దలకొండ గణేష్‌ సినిమాల్లో ఆమె నటించారు. ఆ రెండు కూడా మెగా హీరోల సినిమాలే. ప్రస్తుతం పవన్‌ నటిస్తోన్న ‘అయ్యప్పనుమ్‌ కోషియుమ్‌’ రీమేక్‌, ‘హరి హర వీరమల్లు’ సినిమా షూటింగ్స్ తర్వాత హరీష్ శంకర్ సినిమా ప్రారంభం కానుంది. గబ్బర్ సింగ్ తర్వాత హరీష్, పవన్ కలయిక రిపీట్ కానుండటంతో సినిమాపై బాగానే అంచనాలున్నాయి.

తాజాగా ఏప్రిల్ 9న విడుదలకానున్న వకీల్ సాబ్ ప్రీరిలీజ్ ఈవెంట్ ఘనంగా జరిగింది. స్త్రీ లేనిదే సృష్టి లేదు…అలాంటి స్త్రీని కాపాడుకోవాలని చెప్పే చిత్రమే మాదంటూ స్పీచ్ ఇచ్చారు పవన్ కల్యాణ్. ఇక ప్రస్తుతం పవన్ అటు హరిహర వీరమల్లు…ఇటు అయ్యప్పయున్ కోషియుం రీమేక్ షూటింగ్స్ తో బిజీగా ఉన్నారు. మరోవైపు తన తర్వాత సినిమాలపై ఫోకస్ చేసారు.

అయితే హరీష్ శంకర్, పవన్ కల్యాణ్ కాంబో మూవీపై ఓ న్యూస్ వైరల్ గా మారింది. హరీష్ శంకర్ దర్శకత్వంలో పవన్ కళ్యాణ్ తండ్రీ కొడుకులుగా డ్యూయల్ రోల్ చేయనున్నట్టు తెలుస్తోంది. గతంలో పవన్ కోసం ఓ ఫుల్ లెంత్ మాస్ స్టోరీని రెడీ చేసానన్నాడు హరీష్. అయితే ఆ మాస్ స్టోరీలో పవన్ రెండు పాత్రల్లో విశ్వరూపం చూపిస్తారని తెలుస్తోంది. తన కెరీర్ లో ఎప్పుడూ డబుల్ రోల్ చేయలేదు పవన్. ఇదే కనుక నిజమైతే ఫ్యాన్స్ ఫెస్టివల్ చేసుకుంటారు. కాగా ఇందులో ఒక రోల్ ఐబీ ఆఫీసర్ అన్న ప్రచారం జరుగుతుంది.

ప్రతిభావంతులైన యంగ్ టాలెంట్స్ కు శుభవార్త. పవర్ స్టార్ పవన్ కల్యాణ్ ప్రొడక్షన్ హౌజ్ ‘పవన్ కల్యాణ్ క్రియేటివ్ వర్క్స్’… ప్రముఖ చిత్ర నిర్మాణ సంస్థ ‘పీపుల్ మీడియా ఫ్యాక్టరీ ఎల్.ఎల్.పి.’ కలిసి కొత్త సినిమాలు నిర్మించాలని నిర్ణయించుకున్నాయి. త్వరలోనే సినిమా పలు విభాగాలకు సంబంధించిన వారిని సెలెక్ట్ చేసుకునే అవకాశం ఉంది.

ఈ రెండు నిర్మాణ సంస్థలు సరికొత్త కథా రచయితలు, దర్శకులకు చేయూతను ఇవ్వబోతున్నాయి. పలు వేరియేషన్స్ లో ప్రాజెక్టులను డిజైన్ చేసేందుకు ప్లాన్ చేస్తున్నాయి. మొత్తంగా 15సినిమాలు చేయబోతున్న ఈ నిర్మాణ సంస్థలు 6 లో బడ్జెట్ సినిమాలు… 6 మినిమం బడ్జెట్… 3 భారీ బడ్జెట్ సినిమాలు చేసేందుకు ప్రణాళికలు రచిస్తున్నాయి. ఎగ్జిక్యూటివ్ నిర్మాతగా హరీష్ పాయ్ కీలక బాధ్యతల్లో నిర్వహించబోతున్నారు.

వకీల్ సాబ్ ప్రీరిలీజ్ ఈవెంట్ కు బ్రేక్ పడింది. ఏప్రిల్ 3న యూసుఫ్‌గూడ పోలీస్‌లైన్స్ లోని స్పోర్ట్స్‌గ్రౌండ్స్‌ లో ప్రీరిలీజ్ ఫంక్షన్ ప్లాన్ చేసారు మేకర్స్. కానీ కోవిడ్ విజృంభణ కారణంగా జూబ్లీహిల్స్‌ పోలీసులు అనుమతి నిరాకరించారు. దీంతో ఏం చేయాలన్న డైలమాలో పడ్డారు నిర్మాత దిల్ రాజు. ఎలాగూ ట్రైలర్ తోనే పవన్ మేనియా సృష్టించారు కాబట్టి…డిజిటల్ ప్రచారాన్నే నమ్ముకోబోతున్నారు. ఇక ఎక్కువ టైం కూడా లేదు కాబట్టి డైరెక్టర్ వేణూ శ్రీరామ్ రంగంలోకి దిగారు. వకీల్ సాబ్ తో తన అనుభవాన్ని మీడియాతో పంచుకున్నారు.

తెలుగు రాష్ట్రాలలోనే కాదు ‘ఓవర్సీస్‌’ మార్కెట్‌పై కూడా కన్నేసాడు వకీల్ సాబ్. తాజాగా ఏప్రిల్ 8న రిలీజ్ కాబోతున్న యూఎస్ఎ థియేటర్స్ లిస్ట్ ను పోస్ట్ చేసారు. మనకంటే ఒకరోజు ముందుగా అక్కడ రిలీజ్ ఉండబోతుంది కాబట్టి ఫ్యాన్స్ రెచ్చిపోండి అంటూ పోస్టర్ ను రిలీజ్ చేసారు. పనిలో పనిగా ముందురోజు ఒకలా, తర్వాతి నుంచి ఒకలా రేట్ ను ఫిక్స్ చేసారు. తెలుగు రాష్ట్రాల్లో కూడా అదే వర్తింపజేస్తారనే ప్రచారం జరుగుతుంది. చూడాలి మరి.

టైం తీసుకొండి…పర్లేదు..కానీ ట్రెండీ టైటిల్ తోనే రావాలంటున్నారు స్టార్ హీరోలు. ఇప్పుడు మేకర్స్ కి టైటిల్ వెతకడమంటే కత్తి మీద సాములా మారింది. అందుకే ముందే సినిమా పేరు ప్రకటించకుండా వర్కింగ్ టైటిల్ తోనే షూటింగ్ కానిచ్చి…ఇదీ అదిరే టైటిల్ అనుకున్నప్పుడు అనౌన్స్ చేస్తున్నారు. ఇప్పుడలానే ఉగాది కోసం ఎదురుచూస్తుంది బిబి3 మూవీ టీమ్. ఎందుకంటే మూవీ రిలీజ్ కి ఇంకా ఎక్కువ టైం లేదు. ప్రస్తుతం శరవేగంగా షూటింగ్ జరుపుకుంటోన్న బిబి3 ప్రాజెక్ట్…మే 28వ తేదీనే ప్రేక్షకుల ముందుకు రానుంది.

బాలకృష్ణ-బోయపాటి సినిమాకు సంబంధించి ఎన్నో పేర్లు వినిపించినా…చివరికి గాడ్ ఫాదర్ అన్న టైటిల్ ఫిక్సయినట్టు చెప్తున్నారు. బోయపాటి మోనార్క్ అనుకున్నా…గాడ్ ఫాదర్ పేరే ఖరారైనట్టు టాక్. కాదు బాలకృష్ణ అఘోరాగా కనిపించనున్న ఈ సినిమాకి ఏదో సంస్కృతపదాన్ని టైటిల్ గా పెడుతున్నారనే ప్రచారమూ జరుగుతుంది. అయితే బాలయ్య సినిమా అసలైన పేరేంటో తెలియాలంటే మాత్రం ఉగాది వరకు ఆగల్సిందే.

పల్లెటూరి వీరయ్యగా చిరంజీవి సందడి చేయనున్నారని సమాచారం. బాబీ దర్శకత్వంలో చిరంజీవి హీరోగా మైత్రీ మూవీ మేకర్స్ ఓ సినిమా అనౌన్స్ చేసిన విషయం తెలిసిందే. ఈ సినిమాకు సంబంధించిన స్క్రిప్ట్, ప్రీ ప్రొడక్షన్‌ప్రారంభించారు బాబీ. పల్లెటూరి బ్యాక్‌డ్రాప్‌లో సాగే ఈ ప్రాజెక్ట్ కి ‘వీరయ్య’ అనే టైటిల్‌అనుకుంటున్నారు. అలాగే ఆచార్య తర్వాత మోహన్ రాజా దర్శకత్వంలో చిరూ నటించబోయే సినిమాకు రారాజు అన్న టైటిల్ పరిశీలనలో ఉంది.

ఎన్నో పేర్లు ట్రెండ్ అయ్యాక…పవన్, క్రిష్ కాంబోమూవీకి హరిహర వీరమల్లు అనే టైటిల్ ను ఫిక్స్ చేసారు. ఇక రవితేజ, నక్కిన త్రినాథరావు కాంబో మూవీకి ఘరానా మొగుడు అనే టైటిల్ ఖరారైందని అంటున్నారు. మేర్లపాక గాంధీ డైరెక్షన్లో నితిన్ అంధుడిగా నటిస్తోన్న సినిమాకు మ్యాస్ట్రో అన్న పేరు ఫిక్స్ చేసారు. వరుణ్ తేజ్ గని, విజయ్ దేవరకొండ లైగర్…ఇలా ప్రతి సినిమా పేరులోనూ కొత్తదనం ఉండేలా చూస్తున్నారు టాలీవుడ్ స్టార్స్.

మూడేళ్ల నిరీక్షణ…అజ్ఞాతవాసి తర్వాత ఆకలి మీదున్నారు పవర్ స్టార్ ఫ్యాన్స్. వకీల్ సాబ్ ట్రైలర్ రిలీజ్ కే సినిమా విడుదలైనంత హైప్ తీసుకొచ్చారు. మరి మూవీ రిలీజైతే? చూస్తుంటే ఈ మేనియా ఇక్కడితో ఆగేలా లేదు. ఏప్రిల్ 9…వకీల్ సాబ్ థియేటర్లకి వచ్చే వరకు ఏం జరుగబోతుంది? పవన్ ఫ్యాన్స్ సందడి పీక్స్ కు చేరుతుందా?

పవర్ స్టార్ మేనియా షురూ అయింది. పవన్ ఫ్యాన్స్ ఎప్పుడెప్పుడా అని వెయిట్ చేస్తోన్న వకీల్ సాబ్ ట్రైలర్ రానేవచ్చింది. హ్యాష్ వకీల్ సాబ్ ట్రైలర్ డే పేరుతో ఫ్యాన్స్ ట్రెండ్ క్రియేట్ చేస్తున్నారు. ట్రైలర్ విడుదలైన కొన్ని గంటల్లోనే 1.65కోట్లకు పైగా వ్యూస్‌, 9లక్షలకు పైగా లైక్స్‌ అందుకోని రికార్డులను తిరగరాస్తోంది. దాదాపు మూడేళ్ల తర్వాత పవన్‌ కల్యాణ్‌ ‘వకీల్ సాబ్’గా ప్రేక్షకుల ముందుకు వస్తుండటంతో… ఎలాంటి అప్ డేట్ వచ్చినా ఫ్యాన్స్ రచ్చ రచ్చ చేస్తున్నారు. మరోవైపు బాబాయ్..మైండ్ బ్లోయింగ్ అంటూ రామ్ చరణ్ ట్రైలర్ చూసి ట్వీట్ చేసారు. ట్రైలర్ కే ఇలా ఉంటే రిలీజ్ రోజు థియేటర్స్ బ్లాస్టే అంటూ బండ్ల గణేశ్ వంటి వారు కామెంట్ చేస్తున్నారు.

బాలీవుడ్ హిట్ మూవీ పింక్ రీమేక్ అయినా… పవన్ ఇమేజ్ కి తగినట్టు, మన నేటివిటీకి అనుగుణంగా కథలో మార్పులు చేసారు డైరెక్టర్ వేణు శ్రీరామ్‌. కాగా నైజాం, ఈస్ట్, వైజాగ్, నెల్లూర్ ప్రాంతాల్లోని కొన్ని థియేటర్లలో వకీల్ సాబ్ ట్రైలర్ ని సరికొత్తగా రిలీజ్ చేసిన విషయం తెలిసిందే. సినిమా రిలీజైతే ఎలాంటి సందడి ఉంటుందో…వకీల్ సాబ్ ట్రైలర్ రిలీజ్ కు అంతే సరదా కనిపించింది. థియేటర్లలో పవర్ స్టార్ ఫ్యాన్స్ ఓ రేంజ్ హంగామాను సృష్టించి…వకీల్ సాబ్ కోసం ఎంతలా వెయిట్ చేస్తున్నారో చెప్పకనే చెప్పారు.

పవన్ కళ్యాణ్ సినిమా వచ్చిందంటే మొదటి రోజు చూడాల్సిందే. ఫస్ట్ డే…ఫస్ట్ షోలో కూర్చోవల్సిందే. ఈ విషయం వకీల్ సాబ్ నిర్మాతలకు తెలుసు. అందుకే తొలిరోజే వీలైనంత కలెక్షన్స్ రాబట్టాలని ప్లాన్ చేస్తున్నారు. ఏప్రిల్ 8 అర్థరాత్రి నుంచి మూడు మిడ్‌నైట్ షోలను ఏర్పాటు చేస్తున్నారు. దీనికోసం 1500రూపాయల టికెట్ ఫిక్స్ చేసారని టాక్. అంతేకాదు ఏప్రిల్ 9 నుంచి నార్మల్ టికెట్ 200వరకు ఉంటుందనీ చెప్తున్నారు. మరోవైపు 2వందలు కాదు, 2వేలు కాదు…తమ ఫేవరేట్ హీరో కోసం ఎంతైనా పెట్టేందుకు సిద్ధమంటున్నారు పవర్ స్టార్ ఫ్యాన్స్.

లాస్ట్ స్టేజ్ కి వచ్చేసింది ట్రిపుల్ ఆర్ . యాక్షన్ షూట్ తోపాటు ప్యాచప్స్ కంప్లీట్ చేస్తున్న RRR సినిమా షూటింగ్ అల్యూమినియం ఫ్యాక్టరీ లో కంటిన్యూ అవుతోంది. ప్యాన్ ఇండియా స్టార్ ప్రభాస్ ,బాలీవుడ్ డైరెక్టర్ ఓమ్ రౌత్ కాంబినేషన్లో తెరకెక్కుతున్న ఆదిపురుష్ సినిమా షూటింగ్ ముంబయ్ సెట్స్ లో జరుగుతోంది. విజయ దేవరకొండ సైతం ఇప్పట్లో ముంబై వదిలి వచ్చేలా లేడు. లైగర్ షూటింగ్ ఇంకా ముంబైలోనే చేస్తున్నారు పూరీ జగన్నాథ్.

చెర్రీ బర్త్ డే సందర్భంగా ఫస్ట్ లుక్ ట్రీట్ ఇచ్చిన చిరంజీవి ఆచార్య టీమ్ ప్రస్తుతానికి రెస్ట్ మోడ్ లో ఉంది. ఏప్రిల్ 2 నుంచి ఆచార్య సినిమా కోకాపెట్ లో మళ్లీ మొదలుకానుంది. పవన్ కళ్యాణ్, క్రిష్ కాంబో మూవీ హరిహర వీరమల్లు సినిమా షూటింగ్ అల్యూమినియం ఫ్యాక్టరీలో జరుగుతుంది.

నందమూరి బాలకృష్ణ బోయపాటి శ్రీను దర్శకత్వంలో నటిస్తున్న సినిమా షూటింగ్ బెల్గాం ఆశ్రమంలో జరుగుతుంటే, ప్రవీణ్ సత్తారు డైరెక్షన్ లో నాగార్జున నటిస్తోన్న సినిమా గోవాలో జరుగుతుంది. ఇక రామానాయుడు స్టూడియోలో శరవేగంగా దృశ్యం -2 షూటింగ్ కంప్లీట్ చేస్తున్నారు వెంకటేశ్.

మహేశ్ బాబు సర్కారు వారి పాట షూటింగ్ గోవాలో జరుగుతుండగా… ఇటలీలో ఖిలాడీ షూటింగ్స్ తో బిజీగా ఉన్నారు రవితేజ. అల్లు అర్జున్, సుకుమార్ కాంబో పుష్ప సీన్స్ ను టోలీచౌకిలో చిత్రీకరిస్తున్నారు. వరుణ్ తేజ్ గని సినిమా షూటింగ్ అన్నపూర్ణ 7ఎకర్స్ లో కొనసాగుతుంది. సాయిధరమ్ తేజ్, దేవా కట్టా సినిమా రిపబ్లిక్ షూటింగ్ కూడా హైదరాబాద్ లోకల్ లొకేషన్స్ లోనే జరుగుతుంది.

పవర్ స్టార్ మేనియా షురూఅయింది. పవన్ ఫ్యాన్స్ ఎప్పుడెప్పుడా అని వెయిట్ చేస్తోన్న వకీల్ సాబ్ ట్రైలర్ రానేవచ్చింది. హ్యాష్ వకీల్ సాబ్ ట్రైలర్ డే పేరుతో ఫ్యాన్స్ ట్రెండ్ క్రియేట్ చేస్తున్నారు. ట్రైలర్ తోనే సంచలనం సృష్టిస్తోన్న వకీల్ సాబ్… రిలీజ్ రోజు కూడా ఓ కొత్త ట్రెండ్ కు శ్రీకారం చుట్టబోతున్నాడు. ఏంటా ట్రెండ్? అభిమానులకు పండగేనా? ఇంతకీ ప్రీరిలీజ్ ఈవెంట్ ఎప్పుడు?

Source: Dil Raju

వకీల్ సాబ్ వచ్చేసాడు. వకీల్ సాబ్ గా పవన్ కల్యాణ్ అదరగొట్టారు. ఏప్రిల్ 9న థియేటర్లకు రాబోతున్న వకీల్ సాబ్…ఇప్పుడు ట్రైలర్ తోనే సందడి షురూచేసారు. బాలీవుడ్ హిట్ మూవీ పింక్ రీమేక్ అయినా…మన నేటివిటీకి తగినట్టు కథలో మార్పులు చేసారు డైరెక్టర్ వేణు శ్రీరామ్‌. కాగా నైజాం, ఈస్ట్, వైజాగ్, నెల్లూర్ ప్రాంతాల్లోని కొన్ని థియేటర్లలో వకీల్ సాబ్ ట్రైలర్ ని సరికొత్తగా రిలీజ్ చేసారు.

వకీల్‌సాబ్‌రిలీజ్‌విషయంలో నిర్మాత దిల్‌రాజు మాస్టర్ ప్లాన్ వేసినట్టు తెలుస్తోంది. వైజాగ్‌లోని కొన్ని థియేటర్లలో విడుదల తేదికి ముందు రోజు అర్థరాత్రి 12 గంటల నుంచి మూడు మిడ్‌నైట్ షోలను ఏర్పాటు చేయనున్నారు. అభిమానుల షో గా చెప్పే ఆ షో టికెట్‌ రేట్ భారీ మొత్తంలో ఫిక్స్‌చేశారని టాక్. టికెట్ల రేట్లను సైతం పెంచుతారనే వార్త రావడంతో… మొదటి రోజు వకీల్ సాబ్‌రికార్డు సృష్టించడం ఖాయంగా కనిపిస్తోంది. మరోవైపు పెద్ద మొత్తంలో టికెట్ల రేట్లు పెంచడంతో వకీల్‌సాబ్ సామాన్య ప్రేక్షకులకు దూరమవుతాడనే ఆరోపణలూ వినిపిస్తున్నాయి.

ఇటీవలే తన పాత్రకు డబ్బింగ్ పూర్తిచేసారు పవన్ కల్యాణ్. నిర్మాత దిల్‌రాజు కాంబినేషన్ లో పవన్ చేస్తోన్న తొలి సినిమా వకీల్ సాబ్ కావడం విశేషం. శ్రుతిహాసన్‌పవర్ స్టార్ జోడిగా నటిస్తుండగా… నివేదా థామస్‌, అంజలి, అనన్య నాగళ్ల కీరోల్స్ ప్లే చేసారు. ఇప్పటికే తమన్‌సంగీతం అందించిన వకీల్ సాబ్ పాటలకి సూపర్ రెస్పాన్స్ వచ్చింది. ఇక ఈ మూవీ ప్రీరిలీజ్ ఈవెంట్ ఏప్రిల్ 4న జరుగబోతున్నట్టు తెలుస్తోంది.

స్టార్స్ చకచకా డబ్బింగ్ చెప్పేస్తున్నారు. మేకర్స్ పోస్ట్ ప్రొడక్షన్స్ పనుల్లో బిజీగా ఉన్నారు. 2021 ఎంట్రీ ఇవ్వగానే క్రేజీ సినిమాల రిలీజ్ డేట్స్ యమా స్పీడ్ గా ప్రకటించారు. ఇప్పుడంతే వేగంగా ఆ ప్రాజెక్ట్ లని విడుదలకి రెడీ చేస్తున్నారు. డేట్ దగ్గరపడుతుండటంతో పెట్టాబేడా సర్దేసినట్టు దూసుకుపోతున్న ఆ బిగ్ సినిమాస్ సంగతేంటి?

వకీల్ సాబ్ జోష్ పెంచాడు. రిలీజ్ డేట్ ఏప్రిల్ 9 దగ్గరపడటంతో డబ్బింగ్ కార్యక్రమాలను ముగించారు పవన్ కల్యాణ్. ఐదే ఐదు రోజుల్లో ఫటాఫట్ డబ్బింగ్ పూర్తిచేసిన పవర్ స్టార్…ప్రచారానికి కూడా రెడీ అవుతున్నారు. మార్చి 29న జరగబోతున్న వకీల్ సాబ్ ప్రీరిలీజ్ వేడుకను భారీగానే ప్లాన్ చేసారని సమాచారం. రిలీజ్ కి ఎక్కువ టైమ్ లేకపోవడంతో జనాల్లోకి వకీల్ సాబ్ ను తీసుకెళ్లేందుకు అన్నివిధాలా కసరత్తులు షురూ చేసారు మేకర్స్.

ఏప్రిల్ 2న రాబోతున్న వైల్డ్ డాగ్ కోసం నాగార్జున బరిలోకి దిగారు. వరుస ఇంటర్వ్యూలు, స్పెషల్ ప్రోమో కట్స్ తో ఆడియెన్స్ ను అట్రాక్ట్ చేసే పనిలో ఉంది వైల్డ్ డాగ్ టీమ్. అదేరోజున వస్తోన్న సీటీమార్ టీమ్ సైతం ఉత్సాహంగా ప్రమోషన్స్ చేస్తోంది. పెప్సీ ఆంటీ అంటూ అప్సర రాణి ఇంట్రడ్యూసయిన వెంటనే తెలంగాణ భాషలో డబ్బింగ్ చెప్పి వైరలయింది తమన్నా.

సారంగ దరియా పెంచిన జోష్ తో ఏప్రిల్ 16న థియేటర్స్ కి వచ్చేందుకు చకచకా రెడీఅవుతుంది లవ్ స్టోరీ. నాని టక్ జగదీష్ రిలీజ్ కి నెల రోజుల సమయం కూడా లేకపోవడంతో ప్రమోషన్స్ స్టార్ట్ చేసారు. రాజమండ్రిలో ప్రారంభించిన టక్ జగదీష్ ‘పరిచయ వేడుక’ లాగానే రాయలసీమ – తెలంగాణ ప్రాంతాల్లో ఈవెంట్స్ ప్లాన్ చేస్తున్నారు.

ఆడియన్స్ హాట్ కేక్ లా వెయిట్ చేస్తున్న కేజీఎఫ్ 2… జూలై 16న రిలీజ్ కానుంది. దీంతో హీరో యశ్ డబ్బింగ్ చెప్పడం మొదలు పెట్టారు. రికార్డింగ్ థియేటర్లో రాఖీబాయ్ డైలాగుల డైనమైట్స్ పేల్చేస్తున్నారని టాక్. కన్నడతోపాటు హిందీ డబ్బింగ్ కూడా చెప్తున్నారు యశ్. మరోవైపు పోస్ట్ ప్రొడక్షన్ పనులు కూడా శరవేగంగా సాగుతున్నాయి.

అయ్యప్పనుమ్ కోషియం’ రీమేక్ షూటింగ్ శరవేగంగా జరుగుతోంది. ఇద్దరి ఇగోల నేపథ్యంలో తెరకెక్కుతున్న ఈ సినిమాలో పవన్ కల్యాణ్, రానా పోటీపడి మరీ నటిస్తున్నారు. ఇద్దరి మధ్య వచ్చే సన్నివేశాలు గూస్ బంప్స్ తెప్పించడం ఖాయంగా కనిపిస్తోంది. కాగా రానా సరసన నటించేందుకు ఐశ్వర్య రాజేష్ ను కన్ఫర్మ్ చేసారు. ఈ విషయాన్ని స్వయంగా ప్రొడ్యూసర్ సూర్యదేవర నాగవంశీ ప్రకటించారు. పవర్ స్టార్ పక్కన హీరోయిన్ గా డేట్స్ కుదరక సాయి పల్లవి రిజక్ట్ చేసిందన్నట్టు కూడా చెప్పుకొచ్చారు. దీంతో ఈ మలయాళ రీమేక్ సినిమాలో పవన్ కల్యాణ్ పక్కన హీరోయిన్ గా మరో మలయాళ కుట్టి ‘నిత్య మీనన్‘ ను తీసుకోబోతున్నట్టు తెలుస్తోంది. నిత్య గ్రీన్ సిగ్నల్ ఇచ్చేసారని…ఇక మిగిలింది సంతకం చేయడమేనని అంటున్నారు. అదొక్కటీ జరిగితే అధికారికంగా నిత్య మీనన్ పేరును ప్రకటించే అవకాశం ఉంది.