తమిళనాడు మాజీ ముఖ్యమంతి దివంగత జయలలిత బయోపిక్ అంటే… అందులో తప్పనిసరిగా ఉండాల్సిన ఇద్దరు వ్యక్తులు శశికళ, శోభన్ బాబు. ఒకరు సినిమాల ద్వారా పరిచయమై ప్రేమను పంచితే…మరొకరు రాజకీయల్లో తనకు చేదోడువాదోడుగా నిలిచారు. వీళ్లిద్దరూ కూడా జయ జీవితంలో కాంట్రవర్సీ రేకెత్తించారు. ఎప్పటికీ వీడని సస్పెన్స్ ని క్రియేట్ చేసారు. కానీ తాజాగా రిలీజైన తలైవి ట్రైలర్ లో వీరిద్దరి క్యారెక్టర్స్ కనిపించలేదు. నిజానికి అమ్మగా కంగనా రనౌత్ తన నటనతో ఆకట్టుకుంది. మొత్తం ట్రైలర్ లో కూడా ఎక్కడా వంక పెట్టలేం అయితే ఇందులో శశికళ, శోభన్ బాబుల పాత్రలను రివీల్ చేయకపోవడంతో కొత్త చర్చ మొదలైంది. కోలీవుడ్ టాక్ ప్రకారం ‘శశికళ’ పాత్రలో హీరోయిన్ ‘పూర్ణ’ నటించింది. అలాగే ‘శోభన్ బాబు’ రోల్ ను బెంగాళీ నటుడు ‘జిష్షూ సేన్ గుప్తా’ పోషించారు. ప్రేక్షకుల్లో ఆసక్తి పెంచాలనే ఉద్దేశ్యంతోనే వీరిద్దరినీ ట్రైలర్ లో చూపించలేదని తెలుస్తోంది.

‘దృశ్యం 2’ సినిమా చిత్రీకరణలో ఎంట్రీ ఇచ్చారు కథానాయకి మీనా. 2014లో రిలీజై సూపర్‌ హిట్‌ అయిన ‘దృశ్యం’ సినిమాకు సీక్వెల్‌గా ‘దృశ్యం 2’ రూపొందుతున్న విషయం తెలిసిందే. ఫస్ట్ పార్ట్ లో ప్రధానపాత్రల్లో భార్యభర్తలుగా నటించిన వెంకటేష్, మీనాయే ఈ సీక్వెల్‌లో కూడా కనిపించనున్నారు. సోమవారం నుంచి మీనా ఈ మూవీ షూటింగ్ లో పాల్గొంటున్నారు. అయితే సినిమా కథాంశంతో సంబంధం లేకుండా ఓవర్ మేకప్ విషయంలో మలయాళీ దృశ్యంకి ఎదురైన అనుభవాలు…తెలుగు వర్షన్ కి ఎదురవకుండా మీనా జాగ్రత్తపడతారో..లేదో చూడాలి.

దృశ్యం – 2 సినిమాలో హీరోయిన్ పూర్ణ కూడా ఓ కీ రోల్ చేస్తున్నట్టు సమాచారం. ముందుగా అనుకున్నట్టు సరితా, సాబు పాత్రల్లో సమంతా, రానా కాకుండా…రానా పోలీసాఫీసర్ రోల్ చేస్తుండగా…సరిత పాత్రను పూర్ణ చేయబోతున్నట్టు టాక్. సమంతా ఈ సినిమాలో కనిపించకపోవచ్చు. మలయాళ ఒరిజనల్ ‘దృశ్యం’, ‘దృశ్యం 2’ చిత్రాలను డైరెక్ట్‌ చేసిన క్రియేటివ్ జీతూ జోసెఫ్‌ తెలుగు ‘దృశ్యం 2’తో దర్శకుడిగా టాలీవుడ్ పరిశ్రమకి పరిచయం కాబోతున్నారు. వెంకీ నటిస్తోన్న ఎఫ్ 3 కంటే ముందే ఈ మూవీ జూలైలో రిలీజ్ కానుంది. అందుకే ఎక్కడా ఆగకుండా చకాచకా చేసేస్తున్నారు మేకర్స్.

మొదట డ్రగ్స్ ఎలా తీసుకోవాలో తెలియక చాలా ఇబ్బంది పడ్డానని…కానీ ఓ నటుడు వాడకాన్ని చాలా సునాయసంగా నేర్పించాడని చెప్తోంది హీరోయిన్ పూర్ణ. ఇదంతా నిజజీవితంలో కాదు సినిమా నటనలో భాగంగా డ్రగ్స్ తీసుకునే సీన్స్ లో నటించడం గురించి వెల్లడించింది పూర్ణ. ఆమె నెగిటివ్‌ రోల్‌ పోషిస్తున్న తాజా చిత్రం పవర్ ప్లే. రాజ్ తరుణ్ హీరోగా నటించిన ఈ చిత్రాన్ని విజయ్ కుమార్ కొండ తెరకెక్కించాడు.

కాగా ఇందులో డ్రగ్‌ అడిక్ట్ గా పూర్ణ కనిపించింది. ఈరోజే రిలీజైన సినిమాలో ఆమె పాత్రను బాగానే చూపించారు మేకర్స్. అయితే డ్రగ్స్‌ ఎలా వాడాలో తనకు తెలియనుందన…చిత్రీకరణ సమయంలో ఇబ్బంది పడిందని ఆమె చెప్పుకొచ్చింది. ఈ చిత్రంలో ముక్కు ద్వారా డ్రగ్‌ను పీల్చే సీన్స్ ఉన్నాయని, కాని వాటిని ఎలా తీసుకుంటారో తెలియకపోవడంతో ఆ పౌడర్‌ ముక్కులోనికి వెళ్లి దిమ్మతిరిగేదట. ఇక సెట్‌లో ఉన్న ఓ యాక్టర్ చాలా తేలికగా డ్రగ్‌ ఎలా పీల్చాలో నేర్పించడంతో…సన్నివేశాల్లో రెచ్చిపోయిందట పూర్ణ.

‘ బ్యాక్ డోర్ ‘ …నంది అవార్డు విన్నర్ కర్రి బాలాజీ దర్శకత్వంలో తెరకెక్కిన ఓ డిఫరెంట్ మూవీ. హీరోయిన్ పూర్ణ లీడ్ రోల్
చేసిన ఈ సినిమాని.. ‘ఆర్కిడ్ ఫిలిం స్టూడియోస్’ పతాకంపై బి.శ్రీనివాస్ రెడ్డి నిర్మిస్తున్నారు. యంగ్ హీరో తేజ త్రిపురణ మరో ముఖ్య పాత్రలో నటించిన ఈ చిత్రం షూటింగ్ కంప్లీట్ చేసుకుంది. తాజాగా హైదరబాద్ ఫిల్మ్ నగర్ లోని దుబాయ్ హౌస్ లో ‘ బ్యాక్ డోర్ ‘ షూటింగ్ కి గుమ్మడి కాయ కొట్టారు.
పూర్ణ కెరీర్ లో మైల్ స్టోన్ గా మిగిలే ఫిల్మ్ “బ్యాక్ డోర్”. ఓ మహిళ తన కంటే వయసులో చిన్నవాడైన యువకుడితో వివాహేతర సంబంధం పెట్టుకోవడం…దానివల్ల ఎదురయ్యే పరిణామాల కథాంశంతో సాగే సినిమా ఇది. పూర్ణ మెచ్యూర్ నటన ‘బ్యాక్ డోర్” మూవికే హైలైట్” అని డైరెక్టర్ కర్రి బాలాజీ అన్నారు.
నిర్మాత బి.శ్రీనివాస్ రెడ్డి మాట్లాడుతూ… ‘డైరెక్టర్ గా బాలాజీకి ఎంతో మంచి పేరు తెచ్చే చిత్రం ‘”బ్యాక్ డోర్”. నటీనటులు, సాంకేతిక నిపుణుల నుంచి బాలాజీ ఓ రేంజ్ లో అవుట్ పుట్ రాబట్టుకుంటున్నారు” అని వివరించారు.
ఇక నటి పూర్ణ మాట్లాడుతూ.. “నేను వర్క్ చేసిన దర్శకుల్లో బాలాజీగారు ది బెస్ట్ అని…ప్రతి సీన్ ఓ ప్లానింగ్ తో, క్లియర్ గా తీసారని .. హీరోయిన్ గా తనకు, దర్శకుడిగా బాలాజీకి పేరుతోపాటు… ఎంతో సహనంతో “బ్యాక్ డోర్” ఫిల్మ్ నిర్మిస్తున్న నిర్మాత శ్రీనివాస్ రెడ్డి గారికి బోలెడు డబ్బు తెచ్చే సినిమా ఇది” అన్నారు.