ఖైదీ’, ‘మాస్టర్‌’ సినిమాల డైరెక్టర్ లోకేష్‌ కనగరాజ్‌, ప్రభాస్ కాంబినేషన్ లో సినిమా రానుందని సమాచారం. ప్రస్తుతం కమల్‌హాసన్ తో ‘విక్రమ్‌’ సినిమా రూపొందిస్తున్న లోకేష్ ప్రభాస్‌ కోసం కథ రెడీచేసినట్టు తెలుస్తోంది. ఆల్రెడీ ఫస్ట్ వర్షన్ కథ విన్న ప్రభాస్ ఓకె చెప్పారని…ఇప్పుడా కథ పూర్తి వర్షన్ రెడీఅయిందని సమాచారం. ఇక ఏప్రిల్ సెకండ్ వీక్ నుంచి రాధేశ్యామ్ హంగామా షురూ కానుందట. ఏప్రిల్‌లో రెండు టీజర్స్ తో పాటు ఒక్కో సాంగ్‌ని రిలీజ్ చేస్తూ వస్తారని సమాచారం.

ఈ సంగతిలా ఉంటే రాంబో సినిమాపై హాట్ వెదర్ క్రియేటయింది. నిన్నటివరకు సిద్ధార్ధ్ దర్శకత్వంలో ప్రభాస్ రాంబోగా కనిపిస్తున్నాడనే ప్రచారం జరిగింది. మూడేళ్ల కిందట టైగర్ ష్రాఫ్ హీరోగా మొదలైన ఈ ప్రాజెక్ట్ ఆగిపోయిందనీ…టైగర్ డేట్స్ అడ్జస్ట్ చేయలేకపోతుంటే…ప్రభాస్ తో రాంబోని ఫిక్స్ చేసారని చెప్పారు. అయితే ఈ కామెంట్స్ ని ఖండించాడు టైగర్ ష్రాఫ్. ఇలాంటి వార్తలు ఎక్కడి నుంచో పుడతాయో అంటూ ఫైరయ్యాడు. అంటే టైగర్ ష్రాప్ హీరోగానే రాంబో రానుందన్నమాట.

ప్రభాస్ ఆదిపురుష్ కోసం భారీ గ్రీన్ మ్యాట్ సెట్స్ ని నిర్మించిన విషయం తెలిసిందే. దాదాపు 60శాతానికి పైగా షూటింగ్ ని ఈ గ్రీన్ మ్యాట్ సెట్స్ పైనే చిత్రీకరించనున్నారు. అయితే తాజాగా సహజంగా ఉండే పెద్ద ఫారెస్ట్ సెట్‌లో ప్రస్తుతం షూట్ చేస్తున్నట్టు టాక్. రామాయణంలో అడవిలోనే కీలక ఘట్టాలు సాగుతాయి. కాబట్టి అడవి కోసం అద్భుతమైన సెట్ వేసారని చెప్తున్నారు.

మరోవైపు ప్రభాస్ ను రాంబోలా చూపించేందుకు రెడీ అవుతున్నారట డైరెక్టర్ సిద్ధార్ధ్ ఆనంద్. సిల్వస్టర్ నటించిన హాలీవుడ్ రాంబో రీమేక్ లో మొదట టైగర్ ష్రాఫ్ ను అనుకున్నా ప్రభాస్ ను ఫిక్స్ చేసారని తెలుస్తోంది. నిజానికి మూడేళ్ల క్రితమే టైగర్ హీరోగా సిద్ధార్ధ్ సినిమాను ప్రకటించాడు. కానీ టైగర్ ఎంతకీ డేట్స్ అడ్జస్ట్ చేయకపోవడంతో ప్రభాస్ ని కలిసాడని టాక్. ప్రభాస్ కూడా రాంబో చిత్రానికి దాదాపు ఎస్ చెప్పినట్టే అంటున్నారు. అన్నీ అనుకున్నట్టు జరిగితే 2022లో ఈ సినిమా ప్రారంభమయ్యే ఛాన్స్ ఉంది.

లాస్ట్ స్టేజ్ కి వచ్చేసింది ట్రిపుల్ ఆర్ . యాక్షన్ షూట్ తోపాటు ప్యాచప్స్ కంప్లీట్ చేస్తున్న RRR సినిమా షూటింగ్ అల్యూమినియం ఫ్యాక్టరీ లో కంటిన్యూ అవుతోంది. ప్యాన్ ఇండియా స్టార్ ప్రభాస్ ,బాలీవుడ్ డైరెక్టర్ ఓమ్ రౌత్ కాంబినేషన్లో తెరకెక్కుతున్న ఆదిపురుష్ సినిమా షూటింగ్ ముంబయ్ సెట్స్ లో జరుగుతోంది. విజయ దేవరకొండ సైతం ఇప్పట్లో ముంబై వదిలి వచ్చేలా లేడు. లైగర్ షూటింగ్ ఇంకా ముంబైలోనే చేస్తున్నారు పూరీ జగన్నాథ్.

చెర్రీ బర్త్ డే సందర్భంగా ఫస్ట్ లుక్ ట్రీట్ ఇచ్చిన చిరంజీవి ఆచార్య టీమ్ ప్రస్తుతానికి రెస్ట్ మోడ్ లో ఉంది. ఏప్రిల్ 2 నుంచి ఆచార్య సినిమా కోకాపెట్ లో మళ్లీ మొదలుకానుంది. పవన్ కళ్యాణ్, క్రిష్ కాంబో మూవీ హరిహర వీరమల్లు సినిమా షూటింగ్ అల్యూమినియం ఫ్యాక్టరీలో జరుగుతుంది.

నందమూరి బాలకృష్ణ బోయపాటి శ్రీను దర్శకత్వంలో నటిస్తున్న సినిమా షూటింగ్ బెల్గాం ఆశ్రమంలో జరుగుతుంటే, ప్రవీణ్ సత్తారు డైరెక్షన్ లో నాగార్జున నటిస్తోన్న సినిమా గోవాలో జరుగుతుంది. ఇక రామానాయుడు స్టూడియోలో శరవేగంగా దృశ్యం -2 షూటింగ్ కంప్లీట్ చేస్తున్నారు వెంకటేశ్.

మహేశ్ బాబు సర్కారు వారి పాట షూటింగ్ గోవాలో జరుగుతుండగా… ఇటలీలో ఖిలాడీ షూటింగ్స్ తో బిజీగా ఉన్నారు రవితేజ. అల్లు అర్జున్, సుకుమార్ కాంబో పుష్ప సీన్స్ ను టోలీచౌకిలో చిత్రీకరిస్తున్నారు. వరుణ్ తేజ్ గని సినిమా షూటింగ్ అన్నపూర్ణ 7ఎకర్స్ లో కొనసాగుతుంది. సాయిధరమ్ తేజ్, దేవా కట్టా సినిమా రిపబ్లిక్ షూటింగ్ కూడా హైదరాబాద్ లోకల్ లొకేషన్స్ లోనే జరుగుతుంది.

సినిమాలతోనే కాదు స్టేటస్ విషయంలోనూ పోటీపడుతున్నారు మన తెలుగు హీరోలు. మొన్నీమధ్యే లంబోర్గిని కార్ ను ఎన్టీఆర్ ఇటలీని నుంచి తెప్పించుకుంటే…దానికి మించి అన్నట్టు ప్రభాస్ మరో డూపర్ కార్ ను గ్యారేజ్ లోకి దించేసారు. రెమ్యూనిరేషన్ తోనే కాదు…కొత్త కార్ లో చక్కర్లు కొడుతూ ప్యాన్ ఇండియా స్టార్ స్టేటస్ చాటుతున్నాడు ప్రభాస్.

ప్రభాస్…ఇప్పుడు ఫస్ట్ టైమ్ 100 కోట్ల రెమ్యూనిరేషన్ అందుకుంటోన్న స్టార్ మాత్రమే కాదు…అందరికంటే ముందు లంబోర్ఘిని అల్ట్రా రిచ్ కార్ ను సొంతం చేసుకున్న హీరో కూడా. నాలుగు పాన్ ఇండియా సినిమాలతో బిజీగా ఉన్న ప్రభాస్ ఓవైపు ముంబైలో దాదాపు 50 కోట్లు విలువ చేసే విలాసవంతమైన ఇంటిని సొంతం చేసుకుంటూనే…మరోవైపు తన గ్యారేజ్ లోకి లంబోర్ఘిని అవెన్‌టోడోర్‌ ఎస్‌ రోడ్‌స్టర్‌ను తెచ్చేసారు. ఈ కార్ ఖరీదు అక్షరాల 6కోట్ల రూపాయలు.

ప్రభాస్ కి కాస్ట్ లీ కార్లపై ఉన్న ఇంట్రెస్ట్ గురించి తెలిసిందే. ఈ హీరో హోమ్ గ్యారేజీలో అత్యంత ఖరీదైన జాగ్వార్ ఎక్స్ జె ఆర్, రోల్స్ రాయస్ ఫాంటమ్ కార్ వంటివి ఉన్నాయి. ఇప్పుడు వాటన్నిటినీ తలదన్నే లంబోర్ఘిని అవెంటడార్ ఎస్ రోడ్ స్టర్.. అదికూడా స్టైలిష్ లుక్ లో కనిపించే అరాన్సియో అట్లాస్ షేడెడ్ వెర్షన్ ని సొంతం చేసుకున్నారు. ఇండియాలో ఈ కార్ కొన్న రెండో వ్యక్తి ప్రభాస్ కావడం విశేషం. తన తండ్రి సూర్యనారాయణరాజు జయంతి సందర్భంగా ప్రభాస్‌ ఈ కార్ ను కొన్నట్టు తెలుస్తోంది.

ఈమధ్యే ఎన్టీఆర్ లంబోర్గిని ఉరుస్ కార్ ను బుక్ చేసుకున్నారు. 5కోట్ల రూపాయల విలువ చేసే ఆ కార్ ను మించిన కాస్ట్ లీ కార్ ఇప్పుడు ప్రభాస్ సొంతమైంది. 3కోట్లు విలువ చేసే రోల్స్ రాయల్ ఫాంటమ్ కార్ ని చిరూ వాడుతుంటే…మూడున్నర కోట్లు వెచ్చించి రేంజ్ రోవర్ తీసుకున్నారు రామ్ చరణ్. రెండున్నర కోట్ల రేంజ్ రోవర్ కార్లో మహేశ్ దూసుకుపోతుంటే…అంతే విలువ చేసే బెంజ్ G63 కార్ అఖిల్ సొంతం. ఇక 2కోట్లకు మించిన మోస్ట్ స్టైలిష్ కార్స్ జాగ్వార్, రేంజ్ రోవర్ ఓనర్…అల్లు అర్జున్. ఇలా కార్స్ క్రేజ్ ఉన్న టాలీవుడ్ హీరోలు చాలామందే ఉన్నారు.

ప్రభాస్‌ హీరోగా ఓం రౌత్‌ దర్శకత్వంలో తెరకెక్కుతోన్న‘ఆదిపురుష్‌’ సినిమా ఫస్ట్‌ లుక్‌ రిలీజ్‌కు ముహూర్తం ఖరారైనట్లు సమాచారం. శ్రీరామ నవమి పండగ సందర్భంగా వచ్చే నెల ఈ సినిమా ఫస్ట్‌ లుక్‌ను విడుదల చేయాలనే ఆలోచనలో మూవీ యూనిట్ సభ్యులు ఉన్నారని తెలుస్తోంది. శ్రీరాముని జన్మదినం, పెళ్లిరోజు శుభముహూర్తన ఆ రాముడిగా ఆదిపురుష్ అవతారంలో కనిపించేందుకు సిద్ధమయ్యాడు ప్రభాస్.

కృతీ సనన్ సీతగా, సన్నీ సింగ్ లక్ష్మణుడిగా ఫైనల్ అయినట్టే. రావణుడిగా సైఫ్ అలీఖాన్ నటిస్తుండగా…ఆయన భార్యగా మండోదరి పాత్రలో సీనియర్ హీరోయిన్ కాజోల్ కనిపించనున్నట్టు వార్తలొస్తున్నాయి. ప్రస్తుతం ముంబైలో రెండో షెడ్యూల్ షూటింగ్ జరుగుతోంది ఆదిపురుష్. ఇక ఇప్పటికే యంగ్ రెబల్ స్టార్ ఫ్యాన్స్ ఏదైనా అప్డేట్ చెప్పండయ్యా బాబు…అంటూ ప్రభాస్ నటిస్తోన్న సినిమా దర్శకనిర్మాతలకు తెగ ట్వీట్స్ చేస్తున్నారు. ఈ నేపథ్యంలో శ్రీరామనవమి కానుకగా ఆదిపురుషుడి గెటప్ లో ప్రభాస్ లుక్ ను రివీల్ చేసేందుకు రెడీఅయ్యారు మేకర్స్.

ప్రభాస్ రామునిగా నటిస్తోన్న ఆదిపురుష్ సినిమాలో ఒక్కొక్కరుగా కాస్ట్ సెట్ అవుతున్నారు. ముందుగానే రావణుడిగా సైఫ్ అలీఖాన్ ను ప్రకటించిన డైరెక్టర్ ఓం రౌత్…ఈమధ్యే సీతగా కృతిసనన్, లక్ష్మణుడిగా సన్నీ సింగ్ నటిస్తున్నారని చెప్పారు. అంతేకాదు రాముని తల్లిగా కౌసల్య పాత్రలో హేమామాలిని కనిపిస్తారనే ప్రచారమూ జరుగుతుంది. ఇదిలాఉంటే ఇదే సినిమాలో బీటౌన్ సీనియర్ కాజోల్ ఓ ఇంపార్టెంట్ రోల్ చేస్తున్నారట. రావణుడి భార్య మండోదరిగా ఆమె కనిపించే ఛాన్స్ ఉన్నట్టు తెలుస్తోంది. సైఫ్ అలీఖాన్ పక్కన ఓ స్టార్ డం ఉన్న నటి మాత్రమే కావాలని సెర్చ్ చేసిన మేకర్స్..కాజోల్ అయితేనే వర్క్ అవుట్ అవుతుందని భావించారని టాక్. అందులో కాజోల్ తో తానాజీ సినిమా చేసిన అనుభవముంది డైరెక్టర్ ఓంరౌత్ కి. సో కాజోల్ మండోదరిగా కనిపించడం దాదాపు ఫిక్సయినట్టేనని తెలుస్తోంది.

బాహుబలి, బాహుబలి 2 సంచలనాల గురించి ప్రత్యేకంగా చెప్పక్కర్లేదు. ప్రపంచవ్యాప్తంగా విడుదలై బ్లాక్ బస్టర్ హిట్ అనిపించుకున్న బాహుబలి…ఇప్పుడు చెత్త అనిపించుకుంది. అయితే రాజమౌళి తెరకెక్కించిన అసలు సినిమాలు కాదు…నెట్ ఫ్లిక్స్ కోసం ప్రత్యేకంగా రూపొందించిన బాహుబలి ప్రీక్వెల్. అవును 100కోట్ల రూపాయలు ఖర్చు పెట్టి బాహుబలికి ముందు మహిష్మాతి రాజ్యం ఎలా ఉండేది? శివగామి పాత్ర ప్రత్యేకతలేమిటి? అంటూ కొన్ని ఆసక్తికర అంశాలతో ‘బాహుబలి – బిఫోర్ ది బిగినింగ్’ అన్న టైటిల్ తో భారీస్థాయిలో చిత్రీకరించారు.

నెట్ ఫ్లిక్స్ కోసం దీనిని మొత్తం 9భాగాలుగా మలిచారు. 100కోట్లు ఖర్చు పెట్టారు. రాజమౌళి కూడా దీనికి నిర్మాతగా వ్యవహరిస్తున్నారు. కానీ క్వాలిటీ విషయంలో మైనస్ మార్కులు సంపాదించింది ఈ సిరీస్. దీంతో ఎపిసోడ్లలన్నింటీని క్యాన్సిల్ చేసిపారేసింది. చాలా చీఫ్ గా తెరకెకించడమే భారీ ఫ్లాప్ కి కారణమని గుర్తించిన నెట్ ఫ్లిక్స్ మళ్లీ రీషూట్ చేసేందుకు 200కోట్ల బడ్జెట్ ను ప్రవేశపెట్టిందట. దీంతో ఇప్పటికీ ఈ బాహుబలి సిరీస్ కోసం బడ్జెట్ 300కోట్ల రూపాయలకు చేరుకుంది. చూద్దాం మరి కొత్త సిరీస్ అయిన మహిష్మాతి రాజ్యాన్ని ఎలా ఆవిష్కరిస్తుందో…

పాన్ ఇండియన్ స్టార్ ప్రభాస్ పక్కన కనిపించే చిన్న రోల్ ఆఫర్ చేసినా…ఎగిరి గంతేస్తున్నారు హీరోయిన్స్. ఇప్పుడలాగే ప్రభాస్ రాధేశ్యామ్, సలార్ సినిమాల్లో ఐటమ్ సాంగ్ చేసే అవకాశాన్ని దక్కించుకొని రెచ్చిపోతున్నారు. ప్రభాస్ నటిస్తోన్న సలార్ కోసం కేజీఎఫ్ బ్యూటీ శ్రీనిధి శెట్టి రెడీ అవుతోంది. కెజీఎఫ్ లో హీరోయిన్ గా నటించినా పెద్దగా పేరు రాని శ్రీనిధి…కేజీఎఫ్ 2లో ఎలాంటి మెరుపులు మెరిపిస్తుందో చూడాలి. కానీ ఇంతలోనే డైరెక్టర్ ప్రశాంత్ నీల్ అడిగిన వెంటనే ప్రభాస్ తో స్పెషల్ సాంగ్ చేసేందుకు ఎస్ చెప్పిందట శ్రీనిధి.

ఇక దాదాపు ఎనిమిదేళ్ల బ్రేక్ తర్వాత టాలీవుడ్‌ లోకి రీఎంట్రీ ఇస్తుంది సిమ్రన్‌ కౌర్‌. ప్రభాస్ రాధేశ్యామ్ లో ఓ ప్రత్యేక పాత్రలో నటించిందట ఈ హీరోయిన్. హీరోయిన్ పూజా హెగ్దే కాకుండా రాధేశ్యామ్ లో ప్రభాస్ ఈ సుందరితో కూడా స్టెప్పులేయనున్నాడు. ఆమధ్య మంచు మనోజ్ హీరోగా వచ్చిన పోటుగాడు….సిమ్రన్ నటించిన చివరి చిత్రం. కాగా రాధేశ్యామ్ అమ్మడికి మళ్లీ గుర్తింపును తీసుకోస్తుందా అన్నది ప్రశ్నగా మారింది.

ప్రభాస్ రాముడిగా నటిస్తోన్న ఆదిపురుష్ కి సంబంధించిన మరో క్రేజీ అప్డేట్ వచ్చేసింది. మొదటినుంచీ అనుకుంటున్న కృతి సనన్…సీతగా ఫిక్స్ అయింది. దాదాపు డైరెక్టర్ ఓం రౌత్ మూవీ అనౌన్స్ చేసినప్పటి నుంచి కృతి పేరే ప్రథమంగా వినిపించినా…మధ్యలో అనుష్క నుంచి కీర్తి సురేష్ వరకు సీతగా నటిస్తారని ప్రచారం జరిగింది. చివరికి కృతి నే..సీతగా చూపించబోతున్నాడు.

ఇక లక్షణుడుగా సన్నీ సింగ్ నటిస్తున్నాడు. సోను టిట్టు కె స్వీటీ సినిమాతో మంచి పేరు తెచ్చుకున్న సన్నీ…ఈ సినిమాలో ప్రభాస్ తమ్ముడుగా కనిపించబోతున్నాడు.

పిచ్చి కాదు తమది ప్రేమంటుంది పూజా హెగ్దే. ఈ లవ్ స్టోరీ ఎప్పటికీ ప్రేక్షకుల హృదయాల్లో నిలిచిపోతుందని ఆమె మాటలవర్షం కురిపిస్తుంది. డార్లింగ్ ప్రభాస్ జోడీగా ఆమె నటించిన తాజా చిత్రం ‘రాధేశ్యామ్‌’. జూలై 30వ తేదీన విడుదలకు సిద్ధమైన నేపథ్యంలో మహాశివరాత్రి సందర్భంగా ఓ సరికొత్త పోస్టర్‌ను మూవీయ యూనిట్ రిలీజ్ చేసింది. ‘రాధేశ్యామ్‌’ తో పాటూ వెంకీ ‘నారప్ప’తో, రవితేజ ‘ఖిలాడీ’తో హల్చల్ చేస్తున్నారు. మరోవైపు క్రియేటివ్ డైరెక్టర్ కృష్ణవంశీ తన నెక్ట్స్ ప్రాజెక్ట్ అనౌన్స్ చేసారు. ‘అన్నం’: పరబ్రహ్మ స్వరూపం అనే పేరుతో ఈ చిత్రం రూపొందనుంది. టక్ జగదీష్, మోసగాళ్లు, ఇదే మా కథ, గ్యాంగ్ స్టర్ గంగరాజు వంటి సినిమాల నుంచి కూడా మహాశివరాత్రి స్పెషల్ పోస్టర్స్ వచ్చేసాయి.