గత వారమే రిలీజై పోటీలో నుంచి తప్పుకుని నేరుగా ఓటీటీలోకి వచ్చేసిన సినిమా గాలి సంపత్. పర్వాలేదన్న టాక్ వచ్చినా…థియేటర్ దాకా కాదు కానీ ఓటీటీలో హాయిగా చూడొచ్చనే టాక్ సంపాదించింది. అందుకే ఏమాత్రం ఆలస్యం చేయకుండా ప్రేక్షకుల ఇంటికి తీసుకొచ్చేసారు గాలి సంపత్ మేకర్స్. అయితే మొన్నటివరకు ఆహా ప్లాట్ ఫాంలోనే స్ట్రీమింగ్ అవుతుందనే ప్రచారం జరిగింది. కానీ అమేజాన్ లో కూడా అనూహ్యంగా ప్రత్యక్షమైంది గాలి సంపత్. ప్రేక్షకులకు ఎక్కువ రీచ్ అయ్యేలా ఇలా ప్లాన్ చేసారట. ఇంకేం అనిల్ రావిపూడి దర్శకత్వ పర్యవేక్షణలో రాజేంద్రప్రసాద్ నటవిశ్వరూపాన్ని చూపించిన గాలి సంపత్ ఆహా, అమేజాన్ ఓటీటీ వేదికలనే…థియేటర్లుగా మలుచుకుని ఎంజాయ్ చేస్తున్నారు ఆడియెన్స్.