పదహారేళ్ల తర్వాత రజనీ కాంత్ – కమల్‌ హాసన్ బాక్సాఫీస్‌ దగ్గర నువ్వా నేనా అనుకోబోతున్నారు. 2005లో సూపర్ స్టార్ ‘చంద్రముఖి’, యూనివర్సల్ స్టార్ ‘ముంబై ఎక్స్ ప్రెస్‌’ తమిళ ఉగాది పుత్తాండుకి పోటీపడ్డాయి. కాగా ఈ దీపావళికి ‘అన్నాత్తే’, ‘విక్రమ్‌’ ఒకేసారి రాబోతున్నాయని సమాచారం.

ఊరిపెద్దగా రజనీ నలుగురు హీరోయిన్లతో కలిసి నటిస్తోన్న చిత్రం అన్నాత్తే. నయనతార, కీర్తిసురేశ్, మీనా, కుష్బూ ప్రధానపాత్రలు పోషిస్తున్నారిందులో. గతంలో హైదరాబాద్ రామోజీ ఫిల్మ్ సిటీలో కరోనా కారణంగా ఆగిన ఈ మూవీ షూటింగ్ మళ్లీ హైదరాబాద్ లోనే మొదలైంది. శివ డైరెక్ట్ చేస్తున్నాడు ఈ సినిమాని.

పోలీసాఫీసర్ గా కమల్ నటిస్తోన్న సినిమా విక్రమ్. మాస్టర్ ఫేం లోకేశ్ కనగరాజ్ డైరెక్ట్ చేస్తున్నాడు ఈ చిత్రాన్ని. తమిళనాట ఎన్నికల నేపథ్యంలో కొన్ని నెలలు గ్యాప్ ఇచ్చిన కమల్ హాసన్…ఈమధ్యే తిరిగి విక్రమ్ షూటింగ్ లో పాల్గొంటున్నారు. కాగా అన్నాత్తేను సన్ పిక్చర్స్ నిర్మిస్తుండగా, విక్రమ్ ను కమల్ సొంత సంస్థ రాజ్ కమల్ ఇంటర్నేషనల్ ప్రొడ్యూస్ చేస్తోంది. మరి దీపావళికే ఈ రెండు సినిమాలు రంగంలోకి దిగుతాయని అంటున్నారు.

విఘ్నేష్ శివన్ తో ఓ వైపు ఎంగేజ్ మెంట్ వార్తలు వస్తుంటే…రజినీతో నయనతార ప్రేమంటని కంగారు పడకండి. అయితే నిజంగానే సూపర్ స్టార్ రజినీ, సౌత్ క్వీన్ నయన్ లవ్ సాంగ్ పాడుకుంటున్నారు. అదీ ‘అన్నాత్తే’ సినిమా కోసం. జె. శివ కుమార్ దర్శకత్వంలో రజనీకాంత్‌ అన్నాత్తే సినిమా చేస్తున్న విషయం తెలిసిందే. ఇందులో ‘నయనతార’తో పాటూ లేడీ లీడ్స్ గా ‘కీర్తి సురేష్’, ‘మీనా’, ‘ఖుష్బూ’ కూడా ప్రధాన పాత్రల్లో నటిస్తున్నారు. కరోనా కారణంగా హైదరాబాద్ లో ఆగిన ఈ ప్రాజెక్ట్ షూటింగ్ ప్రస్తుతం చెన్నైలో శరవేగంగా జరుగుతోంది. తాజాగా వేసిన ఓ భారీ సెట్‌లో రజనీ, నయనతారపై డ్యూయట్‌ సాంగ్ షూట్ చేస్తున్నారని టాక్. ఈ పాట అయినవెంటనే విలన్స్ తో రజినీకి ఓ యాక్షన్‌ సీక్వెన్స్ ప్లాన్ చేసారట. కాగా ‘అన్నాత్తే’ చిత్రం దీపావళి కానుకగా ఈ సంవత్సరం నవంబరు 4న రిలీజ్ కానుంది.

1999 లో నరసింహ సినిమా ఓ సంచలనం, రజినీ, రమ్యకృష్ణ పోటాపోటీ అభినయానికి స్వర మాంత్రికుడు ఏఆర్ రెహమాన్ సంగీతం తోడై దుమ్ము లేపుతోంది అదే అంచనాలతో బాబా సినిమా విడుదలైంది …..పెద్ద డిజాస్టర్…. రెండేళ్లపాటు రజిని సినిమా కి దూరం… 2004 అక్టోబర్ 1న చెన్నై టీ నగర్ లో శివాజీ గణేషన్ ఇల్లు. ఆరోజు పెద్దాయన జయంతి. శివాజీ గణేషన్ కొడుకులు ప్రభు రామ్ కుమార్ లు ఆ ఏర్పాట్లు చేస్తున్నారు .అనుకోని అతిధిలా రజినీకాంత్ వాళ్ళ ఇంటికి వచ్చారు. అక్కడ ఉన్న వాళ్లంతా కంగారు పడిపోయారు. ఈ లోపు హాల్లో ఉన్న శివాజీ గణేషన్ ఫోటోకి అంజలి ఘటిస్తునారు రజనీకాంత్. మనసు నిండా తెలియని ఏదో ఆవేదన. తన ఇంటికి భోజనానికి రమ్మని శివాజీ గణేషన్ ఎన్నిసార్లు అడిగినా రజినికి కుదరలేదు… ఇప్పుడు ఇలా ఆయన లేనప్పుడు వచ్చాడు, రజనీ లో అదే చింత.. దానికి తోడు బయటకు రాగానే మీడియా వాళ్ళు రజిని చుట్టుముట్టారు. మామూలుగా అయితే మాట్లాడకుండా దండం పెట్టి వెళ్ళిపోతాడు కానీ ఆరోజు మాట్లాడాడు. పెద్దాయన స్థాపించిన శివాజీ ప్రొడక్షన్స్ లో సినిమా చేస్తున్నా అని అనౌన్స్ చేశాడు. అందరూ షాక్, రెండేళ్ల నుంచి సినిమా చేయడం లేదు. 2002లో వచ్చిన బాబా పెద్ద డిజాస్టర్, అందుకే ఈసారి పెద్ద హిట్ సాధించాలని తపనతో ఉన్నాడు రజిని.

కేఎస్ రవికుమార్ దర్శకత్వంలో జగ్గు భాయ్ సినిమా అనౌన్స్ చేశాడు రజిని…. ఈ రెండిట్లో ఏది ఉంటుంది?.. బెంగళూరు వెళ్ళాడు. రజిని ముసలోడి గెటప్లో ఆప్త మిత్రుడు సినిమా కి వెళ్లాడు. రజిని సినిమా చూస్తూ జనాలు చప్పట్లు వింటూ ఏదో ఆలోచిస్తున్నాడు రజిని……తనకి రైట్ టైం లో రైట్ సినిమా, సింహం ఆకలి తీర్చే సినిమా, పి.వాసు కి కాల్ చేసాడు, ప్రభు కి కూడా కాల్ చేశాడు. ఆప్త మిత్రును మనం రీమిక్స్ చేస్తున్నామని చెప్పాడు రజిని .పి.వాసు కంగారు పడ్డాడు ఇదే సినిమాను తమిళంలో ప్రభు తో రీమేక్ చేయడానికి సిద్ధం చేస్తున్నాడు. ఇప్పుడు ఏకంగా రజనీని చేస్తానంటున్నాడు. అర్థం కావట్లేదు మరి జగ్గు భాయ్ అన్నాడు పి వాసు… అది కాన్సిల్ మనం ఆప్తమిత్ర చేస్తున్నాం. మణిచిత్రాథాజు , ఆప్తమిత్ర, ఈ రెండిటినీ మించేలా ఉండాలని రజిని చెప్పాడు కథను మార్చకూడదు కానీ రజిని ఇమేజ్కి తగ్గట్టుగా మార్పులు చేయాలి. పి వాసు అదే చేస్తున్నాడు రజిని కూడా ఫుల్ గా ఇన్వాల్వ్ అవుతున్నాడు.


దెయ్యం పేరు నాగవల్లి… ఆ పేరు నచ్చలేదు రాజుల కాలం నాటి నర్తకి కాబట్టి ఇంకా హెవీ గా ఉండాలి .. అప్పుడు చంద్రముఖి అనే పేరు వచ్చింది ఫిక్స్ చేశారు. ఆప్తమిత్రులో విష్ణువర్ధన్ హౌలా హౌలా అంటాడు, రజినీకాంత్ కి అది నచ్చలేదు. అప్పుడు చిన్నప్పుడు రజిని ఒక మరాఠీ నాటకంలో విన్న విలన్ మేనరిజం గుర్తొచ్చింది, అదే “లక లక లక లక లక”… దుర్గ పాత్రకు నయనతార…. జ్యోతిక కు గంగ పాత్ర అంతా ఫిక్స్ హైదరాబాద్ లో షూటింగ్ దాదాపుగా అంతా ఇక్కడే కొంతవరకు మాత్రం చెన్నైలో కొన్ని పాటలకు టర్కీ వెళ్లారు ఎంత స్పీడ్ గా అంటే అంత స్పీడ్ గా ఫినిష్ ఐపోయింది సినిమా.

Source: Sri Balaji videos

19 కోట్ల బడ్జెట్ తేలింది 2005 ఏప్రిల్ 14 తెలుగు తమిళ భాషల్లో చంద్రముఖి సినిమా చూసి ప్రేక్షకులకు దిమ్మతిరిగిపోయింది.
10, 20, 30, 40, 50, 60, 70 ఇలా కోట్లు కోట్లు వస్తూనే ఉన్నాయి.
50 రోజులు, 100 రోజులు, 200 రోజులు ఇలా గడుస్తూనే ఉంది, సినిమా అస్సలు ప్రభావం తగ్గట్లేదు.
ఇండియాలో 45 కోట్లు వసూలు చేయడమే కాక ప్రపంచ స్థాయిలో 75 కోట్లు పైనే వసూలు చేసి ఎన్నో రికార్డులు సృష్టించింది.
చెన్నైలోని శాంతి థియేటర్ లో 890 రోజులు పాటు నిరంతరాయంగా ఆడి అందరి చేత ఔరా అనిపించుకుంది.

బాబా పరాజయం తర్వాత రజిని తనని తాను సూపర్ స్టార్ అని నిరూపించుకుంటూ తన పవర్ ఏంటో ఇండస్ట్రీకు పరిచయం చేశాడు ద గ్రేట్ “చంద్రముఖి” సినిమా తో……….

రజనీకాంత్‌ హీరోగా నటిస్తోన్న చిత్రం ‘అన్నాత్తే’. శివ దర్శకత్వం వహిస్తున్న ఈ సినిమాలో టాలీవుడ్ ఫ్యామిలీ హీరో జగపతిబాబు కనిపించనున్నారు. రీసెంట్ గా ఈ సంగతిని మూవీ ప్రొడక్షన్ హౌజ్ తన ట్విటర్‌లో ప్రకటించింది. జగపతిబాబు కోలీవుడ్ సినిమాల్లో నటించడం…అందులో రజినితో కలిసి నటించడం కూడా కొత్తేమీ కాదు. గతంలో ఆయన రజనీకాంత్‌ కాంబినేషన్ లో ‘కథానాయకుడు’, ‘లింగ’ సినిమాల్లో నటించారు.

ఇక ఇప్పుడు అన్నాత్తే కోసం మరోసారి కలిసి కనిపించబోతున్నారు. లాస్ట్ ఇయర్ డిసెంబర్‌ నెలలో షూటింగ్‌ను తిరిగి రామోజీ ఫిల్మ్ సిటీలో ప్రారంభించగా, కరోనా కారణంగా మళ్ళీ షూటింగ్ వాయిదా పడింది. తిరిగి ఈమధ్యే చెన్నైలో చిత్రీకరణ మొదలు కాగా, ప్రధాన సన్నివేశాలను తెరకెక్కిస్తున్నారు. కళానిధి మారన్‌ సమర్పిస్తుండగా… సన్‌ పిక్చర్స్ బ్యానర్ పై రూపొందుతున్న ఈ సినిమాలో కీర్తి సురేష్, నయనతార, ఖుష్బూ, మీనా, ప్రకాష్ రాజ్, రోబో శంకర్‌ ప్రధానపాత్రల్లో నటిస్తున్నారు. డి.ఇమ్మాన్‌ సంగీతం అందిస్తున్నారు. కాగా ఈ చిత్రం 2021లోనే నవంబర్‌ 4వ తేదీన దీపావళి ప్రత్యేకంగా ప్రేక్షకులు ముందుకు రానుంది.

పెద్దన్నయ్య అంటే నందమూరి బాలకృష్ణ సినిమా కాదు. రజినీకాంత్ ‘అన్నాత్తే’. అన్నాత్తే అంటే తెలుగులో పెద్దన్నయ్య. అవును రజినీకాంత్ తిరిగి అన్నాత్తే చిత్రీకరణలో పాల్గొనబోతున్నారు. శివ డైరెక్ట్ చేస్తోన్న ఈ మూవీలో నయనతార, కీర్తి సురేష్, మీనా, ఖుష్బూ తదితరులు నటిస్తున్నారు. గతేడాది డిసెంబరులో హైదరాబాద్‌ రామోజీ ఫిల్మ్ సిటీలో ‘అన్నాత్తే’ చిత్ర షూటింగ్‌ను లాక్ డౌన్ తర్వాత స్టార్ట్‌ చేశారు. కానీ మూవీ యూనిట్ లో కొందరు కరోనా బారిన పడటంతో చిత్రీకరణ నిలిచిపోయింది. అదే సమయంలో అనారోగ్యంతో ఆసుపత్రిలో చేరి కుదుటపడ్డాక చెన్నై చేరుకున్న రజినీకాంత్…మళ్లీ షూటింగ్‌లో అడుగుపెట్టేందుకు రెడీ అయ్యారట. దీంతో అన్నాత్తేను రీస్టార్ట్ చేసేందుకు డైరెక్టర్ శివ ప్లాన్ చేస్తున్నారు. మార్చి 15వ తేదీన షూటింగ్ ఆరంభించడానికి రెడీ చేస్తున్నారని సమాచారం. ఈ షెడ్యూల్‌లోనే సూపర్ స్టార్ కూడా పాల్గొనబోతున్నారట. ఇప్పటికే సినిమా చిత్రీకరణకు బాగా ఆలస్యమైందని…నటీనటుల కాల్షీట్స్‌ సమస్య తలెత్తకుండా అన్నాత్తే షూటింగ్‌ను వీలైనంత త్వరగా పూర్తి చేయాలని భావిస్తున్నారు మేకర్స్. ఈ నవంబరు 4న ‘అన్నాత్తే’ ప్రేక్షకుల ముందుకు రానుంది.

రజనీకాంత్ .. నడిచొచ్చే ఎనర్జీ. 70 కి దగ్గరవుతున్నా..ఇంకా అదే ఎనర్జీ తో ప్రేక్షకుల్ని ఫిదా చేస్తున్నారు. అయితే ఈ ఎనర్జీ ఈ మధ్య కాస్త డల్ అయ్యింది. లాస్ట్ ఇయర్ ఎండింగ్ లో రజనీకాంత్ కి హెల్త్ బాలేకపోవడంతో అటు పొలిటికల్ స్పీడ్ కి , ఇటు సినిమాల స్పీడ్ కి బ్రేక్ పడింది. దాంతో ఫ్యాన్స్ కూడా డిసప్పాయింట్ అయ్యారు .

దాదాపు రెండు నెలలనుంచి ఎటువంటి అప్ డేట్స్ ఇవ్వని రజనీకాంత్ .. ఫ్యాన్స్ కి గుడ్ న్యూస్ చెప్పారు. అంతకుముందు అన్నాత్తే మూవీ కోసం రోజుకి 14 గంటలు కష్టపడిన రజనీకాంత్.. హెల్త్ బాలేకపోవడంతో షూటింగ్ ని కూడా పక్కన పెట్టేశారు. ఇక ఈ సినిమా ఇప్పట్లో ఉండదనుకున్నారు అంతా. అయితే రజనీ ఈ మన్త్ ఎండ్ కి గానీ , నెక్ట్స్ మన్త్ ఫస్ట్ వీక్ లో గానీ షూటింగ్ కి అటెండ్ అవ్వడానికి ప్లాన్ చేస్తున్నారు.

శివ డైరెక్షన్లో బారీ స్టార్ కాస్ట్ తో తెరకెక్కుతున్న అన్నాత్తే మూవీ ని దీపావళి కానుకగా నవంబర్ 4 న రిలీజ్ చేస్తున్నారు. ఇంకా 40 పర్సెంట్ షూటింగ్ మాత్రమే మిగిలున్న ఈ సినిమాని త్వరగా కంప్లీట్ చెయ్యడానికి మళ్లీ రెడీ అవుతున్నారు రజనీ. అంతేకాదు .. ఈ సినిమా కంప్లీషన్ తర్వాత యంగ్ డైరెక్టర్ కార్తీక్ సుబ్బరాజ్ తో మరో సినిమా చెయ్యడానికి సిద్దమవుతున్నారు తలైవా. ఇలా లేట్ వయసులో కూడా యంగ్ జనరేషన్ తో పోటీ పడుతూ మళ్లీ కమ్ బ్యాక్ అవుతున్నారు రజనీకాంత్.

‘పేట్ట’ తర్వాత మరోసారి సూపర్ స్టార్ రజనీకాంత్‌ హీరోగా డైరెక్టర్‌ కార్తీక్‌ సుబ్బరాజ్‌ ఓ సినిమా చేయనున్నాడని తెలుస్తోంది. దీంతో మరోసారి ఈ కాంబినేషన్‌ రిపీట్‌ అవుతుందనే టాక్ కోలీవుడ్‌ పరిశ్రమలో బాగా వినిపిస్తోంది. కార్తీక్‌ సుబ్బరాజ్‌ డైరెక్షన్లో రజనీకాంత్‌ నటించిన సినిమా ‘పేట్ట’… సూపర్ యాక్షన్‌ ఎంటర్‌టైనర్‌గా తెరకెక్కి తమిళంలో ఘన విజయాన్ని సొంతం చేసుకుంది.

ప్రస్తుతం ‘అన్నాత్తే’ అనే మాస్ ప్లస్ ఫ్యామిలీ ఎమోషన్స్ తో కూడిన కుటుంబ కథా చిత్రాన్ని చేస్తున్నారు రజనీకాంత్‌. నయనతార, కీర్తి సురేశ్, కుష్బూ, మీనా వంటివారు నటిస్తున్నారిందులో. ఇక ఈ సినిమా తర్వాతే కార్తీక్ సుబ్బరాజ్ సినిమా సెట్స్‌ మీదకు వెళ్లే ఛాన్స్ ఉందంటున్నారు. ప్రస్తుతం విక్రమ్, ఆయన కుమారుడు ధ్రువ్‌ విక్రమ్‌…ఇద్దరితో ఓ మల్టీస్టారర్‌ మూవీని తెరకెక్కిస్తున్నాడు డైరెక్టర్ కార్తీక్‌ సుబ్బరాజ్‌. ఈ సినిమా పూర్తయ్యాకే రజనీ ప్రాజెక్ట్ పట్టాలెక్కనుందట.

సూపర్ స్టార్ ర‌జ‌నీకాంత్ తాజాగా న‌మో నారాయణస్వామి ఆశీస్సులు అందుకున్నారు. పోయేస్ గార్డెన్‌లోని ర‌జ‌నీ ఇంటికి వ‌చ్చిన స్వామీజీ ఆయ‌న‌తో అర‌గంట సేపు ముచ్చ‌టించారు. అనారోగ్యానికి గురై హైదరాబాద్ అపోలోలో చేరి తిరిగి చెన్నై స్వగృహానికి చేరుకున్నాక రజినీ ఎవర్ని కలిసేది లేదని ప్రకటించారు. ఈ నేపథ్యంలో స్వామీజి సంప్రదింపులు ఆసక్తిని కలిగిస్తున్నాయి. అరగంటకు పైగా ముచ్చటించిన అనంతరం స్వామీజీ తిరిగివెళ్లారు. రజినీ భార్య లత కూడా స్వామి దర్శనం చేసుకున్నారు.

తమిళ రాజకీయ తెరపై సరికొత్త సినిమా ప్రదర్శితమవుతుంది.  ఊహించని మలుపులు, కొత్త ఆలోచనలు వెరసి ప్రేక్షకుల్లా మారిన తమిళ్ ఓటర్లలో ఉత్కంఠ రేపుతుంది. ఏ పావు ఎటు కదులుతుందా? అన్న సందిగ్ధత నెలకొంది. ఎన్నో చర్చలు, మంతనాల తర్వాత రాజకీయాల్లోకి ఎంట్రీ ఇస్తానని ప్రకటించారు రజనీకాంత్. ఇదివరకు చాలాసార్లు ఇలాంటి వార్తలు వినిపించినా…ఈసారి స్వయంగా తలైవానే చెప్పేసరికి అరవ పాలిటిక్స్ సమీకరణలు మార్చుకునే పనిలోపడ్డాయి. అయితే అన్నాత్తే షూటింగ్ లో ఆరోగ్యం దెబ్బతినడం, ఆసుపత్రి పాలవడం, రిటర్న్ టు చెన్నై, కూతుర్లు రాజకీయలు వద్దనడం….అన్నీ చకచక జరిగిపోయి ‘నేను రాజకీయాల్లోకి రాలేకపోతున్నాను.. క్షమించండి’ అంటూ అభిమానులకు బహిరంగ లేఖ విడుదల చేసారు. 

‘మక్కల్ సేవై కర్చీ’ పేరుతో పార్టీని స్థాపించి తమిళ్ పాలిటిక్స్ లో తనదైన ముద్రవేయాలని భావించారు రజినీకాంత్. ఎంజీఆర్ జయంతి వేళ జనవరి 17న పార్టీని అనౌన్స్ చేసేందుకు సిద్ధమయ్యారు. అయితే ఎవరో అనుకున్నట్టు అపోలోలో నడిచిన మంతనాల ప్రభావమో…నిజంగానే ఆరోగ్య సమస్యలో కానీ రాజకీయాల్లోకి వచ్చేదే లేదని రజినీకాంత్ ప్రకటించారు. ఏదైనా కానీ నిజానికి ఆయన వయసురీత్యా తీసుకున్నది మంచి నిర్ణయమే. అయితే ఈ ప్రకటనతో వ్యూహాలు రచిస్తున్న పార్టీలు ఒక్కసారి ఉలిక్కిపడ్డాయి . రజనీ ప్రభంజనాన్ని తట్టుకునేలా  ప్రధాన పార్టీలైన డీఎంకే, అన్నాడీఎంకే,  కమల్ హాసన్… తదితరులు వివిధ రకాల ఆలోచనల్లో మునిగిపోయారు. కానీ.. తాజా పరిణామంతో తమ ప్లాన్స్ మొత్త తుడిచేసుకుంటున్న సమయంలో మరో పిడుగులాంటి వార్త చెవునపడింది.

రజినీ ప్రకటనతో మారిన రాజకీయ పరిస్థితిని తన వైపుకు తిప్పుకునేలా ఇళయతలపతి విజయ్ ప్లాన్ గీస్తున్నారన్నది తమిళనాట ప్రస్తుతం హాట్ టాపిక్. పాలిటిక్స్ అంటే ఎప్పచినుంచో విజయ్ ఆసక్తి చూపిస్తున్నారు. తాజాగా రజినీ వెనుకడుగు…విజయ్ ని ముందుకు నడిపించింది. త్వరలో జరగబోయే అరవ అసెంబ్లీ ఎన్నికల్లో పోటీచేసేందుకు విజయ్ సన్నద్ధమవుతున్నట్టు తెలుస్తోంది. దీనికి సంబంధించి ఇప్పటికే తన అభిమాన సంఘం ‘మక్కల్ ఇయక్కం’ కార్యకర్తలతో భేటీఅయ్యారట.

ఇక డిసెంబర్ 31వ తేదీనే తలపతి విజయ్ తన పార్టీని కూడా ప్రకటించబోతున్నాడని చెప్పుకుంటున్నారు. ‘పీపుల్స్ మూమెంట్ పార్టీ’ పేరుతో ఇప్పటికే ఎలక్షన్ కమీషన్ వద్ద రిజిస్టర్ చేసారని సమాచారం. రీసెంట్ గా తమిళనాడు సీఎం పళనిస్వామిని కలిసిన విజయ్.. ఈ నెల 31న జయలలిత సమాధి చెంత తన పార్టీ పేరును ప్రకటించేందుకు సన్నాహాలు చేస్తున్నారని తమిళనాట గుసగుసలు వినిపిస్తున్నాయి. ఇంతటి ఉత్కంఠ రేపుతున్న తమిళనాడు రాజకీయాల్లో జరిగే మార్పులేమిటి? విజయ్ రాజకీయ నిర్ణయం నిజంగా తీసుకున్నాడా? అన్నది తెలియాలంటే డిసెంబరు 31 వరకు ఆగాల్సిందే.

రాజకీయ ఆరంగేట్రంపై రజినీకాంత్ కీలక ప్రకటన చేశారు రాజకీయ పార్టీ ఇప్పట్లో ప్రారంభించలేదని ఆయన ట్వీట్ చేశారు రాజకీయ పార్టీ వెనక్కి తగ్గి అభిమానులకు క్షమాపణలు చెప్పారు ఇటీవల అనారోగ్య సమస్యలతో అపోలో ఆసుపత్రిలో చికిత్స తీసుకొని ఇంటికి వచ్చాక ఈ నిర్ణయం ప్రకటించారు తన ఆరోగ్యం సహకరించక పోవడం వల్లే ఈ నిర్ణయం తీసుకున్నట్లు మూడు పేజీల ప్రకటన విడుదల చేశారు