వరుస బాలీవుడ్ ఛాన్స్ లు కొట్టేస్తూ అందర్నీ ఆశ్చర్యపరుస్తుంది తాప్సీ. ఇప్పటికే పలు కీలక చిత్రాలు చేస్తున్న ఈ సొట్టబుగ్గల సుందరి తాజాగా మరో క్రేజీ ఆఫర్ ను బుట్టలో వేసుకుంది. బాలీవుడ్ స్టార్ హీరోతో నటించే అరుదైన అవకాశం తాప్సీని వరించిందిని బాలీవుడ్ మీడియా కోడైకూస్తుంది
ఫేమస్ డైరెక్టర్ రాజ్ కుమార్ హిరాణి కాంబినేషన్ లో షారుక్ ఖాన్ ఓ మూవీకి కమిటయ్యాడు. ఈ ప్రాజెక్ట్ లోనే హీరోయిన్ గా తాప్సీ నటించబోతున్నట్టు తెలుస్తోంది. ప్రస్తుతం షారూక్‌ నటిస్తోన్న ‘పఠాన్‌’ మూవీ చిత్రీకరణ ముగియగానే ఈ సినిమా షురూకానుంది. వచ్చే సంవత్సరం మధ్యలో ఈ చిత్రం రిలీజ్ చేయాలని భావిస్తున్నారట దర్శకనిర్మాతలు.