అబ్బే నాగార్జున గారికి ఏమైందండీ నిన్నే పెళ్ళాడతా లాంటి బ్లాక్బస్టర్ లు సాధించాక ఈ భక్తి చిత్రాలు అవసరమా…
ఇదేమైనా ఎన్టీఆర్ కాలమా…
కొడుక్కి నాన్న భక్త తుకారాం ఏమైనా గుర్తుకు వచ్చిందేమో 😀…
ఇంత అందగాడైన నాగార్జునతో కమర్షియల్ ఫిలిం చేయకుండా రాఘవేంద్ర రావు గారు ఈ రిస్క్ ఎందుకు చేస్తున్నట్టు…… పెళ్లి సందడి తో వచ్చిన పేరుని రిస్క్ లో పెడుతున్నట్టు ఉన్నారు… దొరసాని రాజుగారుకి ఎంత వెంకన్న మీద భక్తి ఉంటే మాత్రం ఇలాంటి సాహసానికి పూనుకుంటారు

అన్నమయ్య సినిమా షూటింగ్ మొదలైనప్పటి నుంచే ఫస్ట్ కాపీ వచ్చే వరకు ఇండస్ట్రీలో ఇలాంటి కామెంట్స్ చాలానే వినిపించాయి…. అందులో నిజం లేకపోలేదు

ప్రేమ దేశం లాంటి ట్రెండ్ లవ్ స్టోరీస్ ఒకవైపు ప్రేమాలయం లాంటి కుటుంబ కథా చిత్రాలు ఒకవైపు ఉదృతంగా సాగుతున్న టైం లో ఇలాంటి ప్రయత్నం అంటే ఎవరికైనా సవాలక్ష అనుమానాలు వస్తాయి దీనికి కూడా అదే జరిగింది పైగా అన్నమయ్య రూపం ఎలా ఉంటుందో ఎవరికీ తెలీదు ఇందులో ఆయనకు మీసాల పెడుతున్నారు జనం ఒప్పుకుంటారా అప్పటిదాకా ఇలాంటి వేషభాషలకు ఒక్క ఎన్టీఆర్ మాత్రమే కేరాఫ్ అడ్రస్గా నిలిచారు బ్లాక్ అండ్ వైట్ జమానా ముగిశాక నాగేశ్వరరావు గారు సైతం ఒకటి రెండు తప్ప ఇలాంటి భక్తిరస చిత్రాలు చేయడం మానేశారు అలాంటి సమయంలో అన్నమయ్య అనే మహా యజ్ఞానికి పూనుకున్నారు దర్శకేంద్రులు రాఘవేంద్ర రావు.
రచయిత జై కె భారవి ఎన్నో ఏళ్ళు తపస్సు లాగా స్వీకరించి తాళ్ళపాక అన్నమయ్య గురించి సేకరించిన గాధలు పుస్తకాలు వివరాలు తదితరాలు ఎన్నింటి ను ఆధారంగా చేసుకుని ఈ స్క్రిప్ట్ను రాసుకున్నారు తొలుత కొన్ని ప్రయత్నాలు చేసినా కానీ అంత సేపు తల ఊపిన కొందరు నిర్మాతలు తీరా హీరో బడ్జెట్ లాంటి లెక్కల దగ్గరికి వచ్చేసరికి భయపడి వెనకడుగు వేశారు…

News18 Telugu - నాగార్జున అక్కినేని కే రాఘవేంద్ర రావు కాంబినేషన్‌‌లో వచ్చిన  సినిమాలు ఇవే.. | Tollywood hero Nagarjuna Akkineni director k raghavendra  rao super hit combination in telugu film ...


నాగార్జున కథ విన్నారు అప్పటికే ప్రయోగ అర్జునుడిగా పేరున్న ఆయనకు అన్నమయ్య బ్రహ్మాండంగా నచ్చేసింది ఎటొచ్చి రాఘవేంద్ర రావు గారు మాత్రమే కొంచెం టెన్షన్ గా ఉన్నారు గొప్ప పేరు తీసుకొస్తుంది కానీ అంత డబ్బు తీసుకువస్తుందా అన్న భయం …. దానికి నాగార్జున అభయమిచ్చారు ఇది డబ్బులు కూడా తీసుకొస్తుంది మీరు నమ్మండి అన్నారు ఏం భయం లేకుండా ముందుకు వెళ్దాం అని ప్రోత్సహించారు… నాన్న ఏఎన్నార్ తో కూడా చర్చించి ఆయన సానుకూలంగా స్పందించక నిర్ణయం తీసుకున్నారు గ్లామర్ హీరోయిన్ గా అంత ఎత్తుకు ఎదిగిన రమ్యకృష్ణని పెద్దగా స్టార్డం లేని కస్తూరిని నాగార్జున సరసన తీసుకున్నారు తన ఆస్థాన విద్వాంసులు ఎం ఎం కీరవాణి మీద తప్ప రాఘవేంద్ర రావు గారికి ఇంకా ఎవరి మీద నమ్మకం లేదు మ్యూజిక్ సిట్టింగ్స్ మొదలుపెట్టారు కొన్ని వందల కీర్తనలలో ఏది తీసుకోవాలో తెలియని సందిగ్ధం. జనంలో అప్పటికే బాగా నాటుకుపోయిన అన్నమాచార్య కీర్తనలునే ట్యూన్ల గా తీసుకోవాలని నిర్ణయించుకున్నారు కీలకమైన శాలువా నరసింహారావు పాత్రకు మోహన్ బాబు సరే అన్నారు. కాస్టింగ్ విషయంలో ఎక్కడా రాజీ పడకుండా అందరు సీనియర్లనే తీసుకున్నారు. చిన్న పెద్ద అన్ని కీర్తనలు పాటలు కలిసి 20 ట్రాక్ అయ్యాయి ఏది తీసేయ్ కూడదని ముందే అనుకున్నారు ఆడియో హక్కులు కొన్నా టి సిరీస్ కంపెనీ క్యాసెట్లను రెండు భాగాలుగా విడుదల చేసేందుకు నిర్ణయించుకున్నారు .
షూటింగ్ మొదలైంది నాగార్జున ఇమేజ్ కి తగ్గట్టు కొన్ని కమర్షియల్ సన్నివేశాలను జోడించక తప్పలేదు అందులో భాగంగానే ఇద్దరు మరదళ్లతో డ్యూయెట్ పాట ఫస్టాఫ్లో పెట్టేశారు… మోహన్ బాబు అభిమానుల కోసం జోడిగా నటించిన రోజాతో ఒక యుగళగీతం రెండో సగంలో పెట్టుకుంటారు నిర్విరామంగా షూటింగ్ సాగిపోయింది…. అలా అని కామెంట్లు ఆగిపోలేదు కమర్షియల్ సినిమాకు స
సెట్ చేసుకున్నట్టు ఏంటి ఇ కాంబినేషన్ అన్న వాళ్లు లేకపోలేదు..
వర్కింగ్ స్టిల్స్ నాగార్జున గెటప్ మీద చాలా విమర్శలు వచ్చాయి చరిత్రను వక్రీకరిస్తున్నారని కొందరు గగ్గోలు పెట్టారు ఇవన్నీ పట్టించుకోకుండా సినిమా మీదే దృష్టిపెట్టారు యూనిట్ సభ్యులంతా..
నిర్మాత దొరస్వామిరాజు గారు లెక్కకు మించి ఖర్చు పెడుతున్నారు అయినా భయపడటం లేదు నమ్మిన వెంకన్న… నమ్మించిన రాఘవేంద్రరావు… మీద నమ్మకంతో ముందుకు పోతున్నారు
టి సిరీస్ ద్వారా ఆడియో మార్కెట్ లోకి వెళ్ళింది….. బాగానే అమ్ముడుపోతున్నాయి

Source: Volga

కమర్షియల్ సినిమా కానందున బయ్యర్లు ఈ సినిమాని భారీ మొత్తంలో కొనుక్కోవడానికి సిద్ధపడలేదు…. నిర్మాత అతిగా ఆశపడే లేదు స్వతహాగా పెద్ద డిస్ట్రిబ్యూటర్ కావడంతో పంపిణీ నీ పరంగా ఎటువంటి ఇబ్బంది లేకుండా అన్నమయ్య థియేటర్లలో విడుదలైంది
మొదటి రెండు రోజులు మిక్స్ డ్ టాక్ వచ్చినా ఆ తర్వాత సాధారణ ప్రేక్షకులు అన్నమయ్య సినిమా చూడడానికి రావడం మొదలు పెట్టారు చాలా కాలం తర్వాత సినిమా హాల్లో భక్తి పారవశ్యాన్ని అనుభవించడం చవిచూశారు

తెలుగువారికి అమిత ప్రీతిపాత్రుడైన వెంకటేశ్వర స్వామి మీద ఓ భక్తుడు చేసిన సంతకాన్ని చూసి తనివితీరా పునీతులయ్యారు ప్రేక్షకులు…..

థియేటర్ దగ్గరికి కుటుంబాలు తరలి వస్తున్నాయి టిక్కెట్ల కోసం బారులు తీరుతున్నారు జనాలు హౌస్ఫుల్ బోర్డ్ లకు నిరంతరం పని పడింది….

ఆడియో రేట్లు కోరుకున్న టి సిరీస్ కంపెనీ 10 లక్షల ఆడియో క్యాసెట్ లను అందింది ఆశ్చర్యపోయారు టి సిరీస్ అధినేతలు ఇళ్లల్లో గుళ్ళల్లో ఆఖరికి టీ కుట్లు లో కూడా ఇవే పాటలు…

నాగార్జునకి ఈ సినిమా ద్వారా ప్రభుత్వం ఇచ్చిన నంది అవార్డు తన నటనకి చిన్నదే అవుతుందన్న మాట అతిశయోక్తి కాదు

మాస్ మసాలా సినిమాలు రాజ్యమేలుతున్న సమయంలో అన్నమయ్య లాంటి చిత్రం 42 కేంద్రాల్లో వంద రోజులు రెండు సెంటర్లో సిల్వర్ జూబ్లీ ఆగడం చరిత్రను తిరగరాసింది….

విజయ్ సేతుపతి ట్రాన్స్ జెండర్ గా సమంత, ఫాహద్‌ ఫాజిల్‌, రమ్యకృష్ణ ప్రధాన పాత్రల్లో తెరకెక్కిన మూవీ సూపర్ డీలక్స్. ఈ సినిమా తెలుగు డబ్బింగ్ రైట్స్ ను సొంతం చేసుకొన్న సిద్ధేశ్వర వైష్ణవి ఫిల్మ్స్ సంస్థ… త్వరలోనే ప్రేక్షకుల ముందుకు తీసుకురానుంది. ఉప్పెనతో సేతుపతి పాపులారిటీ అమాంతం పెరగడం…మనకు తెలిసిన సమంతా, రమ్యకృష్ణ వాంటి వారు ఇందులో నటించడం సూపర్ డీలక్స్ కి కలిసొచ్చే అంశాలు.

ఇక ఎన్టీఆర్, త్రివిక్రమ్ కాంబో మూవీలో విలన్ గా విజయ్ సేతుపతి ఫిక్స్ అయ్యారనే వార్త హల్చల్ చేస్తోంది. ముందు సునీల్ శెట్టి అనుకున్నా…చివరికి సేతుపతే కరెక్ట్ అని భావిస్తున్నారట మేకర్స్. అటు స్టార్ డైరెక్టర్ శంకర్ కాంబినేషన్లో రామ్ చరణ్ నటించబోతున్న సినిమాపై రోజుకో వార్త హల్చల్ చేస్తోంది. తాజాగా ఇందులో విలన్ గా విజయ్ సేతుపత కనపించనున్నాడనే టాక్ నడుస్తోంది.

తలంబ్రాలు, ఆహుతి, అంకుశం వంటి వరుస బాక్సాఫీస్ హిట్స్ తర్వాత ఆగ్రహం సినిమా భారీ నష్టాలు తీసుకొచ్చింది నిర్మాత శ్యాం ప్రసాద్ రెడ్డి గారికి. ఈ అపజయాన్ని మరిచిపోయేలా ఒక హిట్ కొట్టాలని బలమైన సంకల్పంతో శ్యాంప్రసాద్ రెడ్డి గారు నిశ్చయించుకున్నారు. ఆ తరువాత అమెరికాకు పయనమయ్యారు .అమెరికాలో న్యూ టెక్నాలజీ మీద ఒక సమావేశం జరుగుతోందని తెలిసి అక్కడికి వెళ్లారు శ్యాంప్రసాద్ రెడ్డి. అక్కడ ఒక వ్యక్తి పరిచయమయ్యారు , అతనే డాక్టర్ లివ్డన్ . తనతో కలిసి శ్యాంప్రసాద్ రెడ్డి గారు తను విజువల్ ఎఫెక్ట్స్ కి పనిచేసిన టెర్మినేటర్ టూ చిత్రం ప్రీమియర్ ని చూశారట. ఆ చిత్రం తనని చాలా ఇన్స్పైర్ చేసిందట భారీ విజువల్ ఎఫెక్ట్స్ తో టాలీవుడ్ లో మనం ఎందుకు సినిమా తీయకూడదని భావించి ,అదే ఉత్సాహంతో ఇండియాకు పయనమయ్యారు శ్యాం ప్రసాద్ రెడ్డి. తిరిగి వచ్చిన వెంటనే క్షుద్ర పూజలు ,దేవతల మహిమలు, నేపథ్యంలో ఒక గ్రామీణ కథనం సిద్ధం చేసి వర్క్ మొదలుపెట్టారు.

Source: Mallemala tv


ప్రముఖ దర్శకుడు కోదండరామి రెడ్డి గారి దగ్గర పనిచేసిన వై రామారావు కి దర్శకుడిగా అవకాశం ఇచ్చి ప్రాజెక్టు తన చేతిలో పెట్టారు శ్యాంప్రసాద్ రెడ్డి. హీరోయిన్ గా సౌందర్య ,హీరోగా సురేష్, దేవత పాత్రకు రమ్యకృష్ణ, మరో కీలక పాత్ర కు బేబీ సునయన, ఇంకొన్ని పాత్రలకు బాబు మోహన్, కళ్ళు చిదంబరం, ఇలా క్యాస్టింగ్ అంతా సెట్ చేసుకున్నారు సంగీత దర్శకుడిగా చక్రవర్తి, ఛాయాగ్రాహకుడు గా విజయ్ సి కుమార్, వీళ్లతో పాటు హాలీవుడ్ టెక్నీషియన్స్ ని తీసుకొచ్చి పని చేయించారు.షూటింగ్ ప్రారంభమైంది తూర్పు గోదావరి జిల్లా అయినవిల్లి ప్రాంతాల్లో కొంత భాగాన్ని షూట్ చేశారు .70 రోజుల వర్కింగ్ షెడ్యూల్ అనంతరం జరిగిన మరియు తీసిన సినిమా రష్ చూసిన శ్యాం ప్రసాద్ రెడ్డి గారికి కంటెంట్ నచ్చలేదు అనుకున్న అవుట్పుట్ రావట్లేదని గ్రహించారు వెంటనే తన సంస్థ కి ఆస్థాన దర్శకుడైన కోడి రామకృష్ణని పిలిచి ఆయన చేతికి సినిమాని అప్పగించారు .ఆ తర్వాత కంప్లీట్ టేకింగ్ మారిపోయింది. విలన్గా రామిరెడ్డి ని తీసుకున్నారు. తీసిన రష్ తో పాటు సాంగ్స్ ని కూడా రీ షూట్ చేశారు కోడి రామకృష్ణ. కొన్ని రోజుల తర్వాత శ్యాం ప్రసాద్ రెడ్డి కి సినిమా కళ్ళముందు కనిపించింది. వాళ్ల బ్యానర్లో క్లాసిక్ సినిమా వస్తుందని అర్థమైంది. తండ్రి ఎం ఎస్ రెడ్డి గారి ఇ మోరల్ సపోర్ట్ తో శ్యాం ప్రసాద్ రెడ్డి గారు ఎక్కడా వెనకాడకుండా భారీ వ్యయంతో ఈ చిత్రాన్ని నిర్మించారు. 400 రోజులకు పైగా ఈ షూటింగ్ చేశారు. శ్యాం ప్రసాద్ రెడ్డి లండన్ కి వెళ్లి అక్కడ సినిమాలకి విఎఫ్ఎక్స్ కి పనిచేసిన పనిచేసిన హాలీవుడ్ టెక్నీషియన్స్తోసిజి వర్క్ చేయించారు. హాలీవుడ్ టెక్నీషియన్స్ టాలీవుడ్ కి పనిచేయడం ఇదే ప్రప్రథమం. బ్లూ మ్యాట్, గ్రీన్ మ్యాట్, వైట్ మ్యాట్ వాడారు ఈ సినిమాలో ఒక్కొక్క షాటు కోసం చాలా టేకులు తీసుకున్నారు. స్పెషల్ ఎఫెక్ట్స్ తో పాటు సౌండ్ ఎఫెక్ట్స్ అని కూడా లండన్ లో రూపొందించారు.

Source: Mallemala tv

పోస్ట్ ప్రొడక్షన్ స్టేజ్లో ఉండగానే టాక్ బీభత్సంగా ఉంది ఇండస్ట్రీ వాళ్ళలో చక్రవర్తి గారు సినిమా లాస్ట్ మూమెంట్ లో ఉండగా అనారోగ్యం బారిన పడడంతో వాళ్ళ అబ్బాయి శ్రీ ఈ ఆర్ ఆర్ పనులు చేశారు. ఈ సినిమాకి మొత్తం ఒక కోటి 80 లక్షలు ఖర్చు అయితే తే ఒక్క గ్రాఫిక్స్ కె ఒక కోటి 20 లక్షలు ఇచ్చారు. 23 నవంబర్ 1995లో అమ్మోరు థియేటర్స్ లో రిలీజ్ అయింది. మొదటి రెండు వారాలు ఓ మాదిరిగా నడిచింది. ఆ తర్వాత మెల్లగా పుంజుకుని ప్రేక్షకులతో పాటు బాక్సాఫీసుకి కూడా పోలికలు తెప్పించింది. మహిళలకు ఈ సినిమా బీభత్సంగా నచ్చేసింది. టాలీవుడ్ ఫస్ట్ గ్రాఫిక్స్ ఫిలిం ఇదే గ్రాఫిక్స్ లో సినిమా చేయాలంటే కోడి రామకృష్ణ తర్వాత ఎవరైనా అనే విధంగా ఈ సినిమా తనకు అంత పేరు తీసుకొచ్చింది. గ్రాఫిక్స్ ఇంతలా వాడినా తొలి సినిమాగా టాలీవుడ్ లో గొప్ప పేరు తెచ్చుకుంది రాష్ట్ర ప్రభుత్వం నుంచి స్పెషల్ జ్యూరీ అవార్డు అందుకుంది.ఈ సినిమా కోసం సౌందర్య 180 కాల్షీట్లు ఇచ్చారు. సౌందర్య గారికి ఈ సినిమాకి 40 వేలు పారితోషికం ఇచ్చారు సినిమా విడుదలయ్యాక అది అందించిన విజయానికి గాను లక్ష రూపాయలు శ్యాం ప్రసాద్ రెడ్డి గారు కానుకగా ఇచ్చారు అంటే ఈ సినిమా చేసిన విజయాన్ని మనం అంచనా వేయొచ్చు.

ఎప్పుడో ప్రారంభించాల్సిన సోగ్గాడే చిన్ని నాయన ప్రీక్వెల్ బంగార్రాజు ఎట్టకేలకు పట్టాలెక్కేందుకు సిద్ధంగా ఉంది. కింగ్ కి తోడు అటు గ్లామరస్ గా నటించేందుకు రమ్యకృష్ణ సైతం గ్రీన్ సిగ్నల్ ఇచ్చారట. అయితే హీరో నాగార్జున, డైరెక్టర్ కల్యాణ్ కృష్ణ రెడీగానే ఉన్నా…ముఖ్యపాత్రలో నటించాల్సిన నాగచైతన్య కాల్షీట్స్ ఖాళీ లేవట. దీంతో నాగశౌర్య లేదంటే రామ్ లతో ఆ ప్లేస్ రీప్లేస్ చేసి షూటింగ్ త్వరలోనే షురూ చేస్తారట మేకర్స్.

నాగశౌర్య, బాలకృష్ణ కాంబోలో మూవీ వస్తుందన్నారు కానీ ఇంకా ఎలాంటి ప్రకటన రాలేదు. అటు త్రివిక్రమ్ డైరెక్షన్లో పవన్ కళ్యాణ్ తో పాటూ రామ్ నటిస్తారనే వార్త జోరందుకుంది. ఇదిలాఉంటే వీళ్లిద్దరిలో ఎవరో ఒకరు నాగార్జున సినిమాలో కనిపిస్తారనే చర్చ ఇప్పుడు హాట్ టాపిక్ గా మారింది. మరి బంగార్రాజులో నాగశౌర్య, రామ్ లలో ఎవరైనా కనిపిస్తారా అన్నది తెలియాలంటే ఈ నెల చివర్లో ప్రారంభమయ్యే ఈ మూవీ ముహూర్తం తేదీ వరకు వేచిచూడాల్సిందే.