కరోనా సెకండ్ వేవ్ విజృంభిస్తున్న కారణంగా విరాటపర్వం వాయిదాపడింది. రానా, సాయిపల్లవి జంటగా నక్సలిజం బ్యాక్ డ్రాప్ లో తెరకెక్కిన ఈ సినిమాపై మంచి అంచనాలే ఉన్నాయి. పీరియాడికల్ ఫిల్మ్ గా వేణు ఊడుగుల డైరెక్ట్ చేసిన విరాటపర్వం నిజానికి ఏప్రిల్ 30న విడుదలకావాల్సిఉంది. కానీ కొవిడ్ కేసులు అత్యంత ఎక్కువగా నమోదవుతున్న కారణంగా ప్రభుత్వం ఎప్పుడు ఏ నిర్ణయం తీసుకుంటుందో తెలియదు. అందులోనూ ప్రజలు కూడా అప్రమత్తమవుతున్నారు. ఇక సినిమా పేరుతో ప్రేక్షకులను ఇబ్బంది పెట్టడం ఇష్టంలేక వాయిదా నిర్ణయం తీసుకుంది విరాటపర్వం యూనిట్.

వకీల్ సాబ్ తర్వాత రిలీజ్ కావాల్సిన లవ్ స్టోరీ ముందు పోస్ట్ పన్ అయింది. ఆ తర్వాత నాని సరదాగా మేము చెప్పిన డేట్ కి రావడంలేదంటూ వీడియో రిలీజ్ చేసారు. ఏప్రిల్ 23న రావాల్సిన టక్ జగదీష్ అర్ధాంతరంగా ఆగిపోయాడు. ఇప్పుడు విరాటపర్వం ఆ లైన్ లో చేరింది. ముందు ముందు ఈ వరుసలోకి ఆచార్య వంటి పెద్ద పెద్ద సినిమాలొచ్చినా ఆశ్చర్యం లేదు. అయితే లవ్ స్టోరీ, టక్ జగదీష్, విరాటపర్వం…మళ్లీ ఎలాంటి రిలీజ్ డేట్ ను ప్రకటించలేదు. కరోనా తగ్గి ఓ క్లారిటీకి వచ్చాక మాత్రమే అనౌన్స్ చేసే ఛాన్స్ ఉంది.

మొత్తం 66 సినిమాల రిలీజ్ లతో 2021 ఫస్ట్ క్వార్టర్ ముగిసింది. ఇప్పుడు ఫోకస్ సమ్మర్ సీజన్ పై పడింది. ఓ వైపు కోవిడ్ 19 సెకండ్ వేవ్ సింప్టమ్స్ కనిపిస్తున్నా…ప్రేక్షకులనే నమ్ముకుని థియేటర్లకొచ్చేస్తున్నాయి భారీ సినిమాలు. 270కోట్ల రూపాయల ప్రీరిలీజ్ బిజినెస్ చేసి ట్రేడ్ వర్గాలకి షాక్ ఇచ్చింది టాలీవుడ్.

ఏప్రిల్ నెల…టాలీవుడ్ కి కీలకంగా మారనుంది. ఈ నెలలో రిలీజయ్యే సినిమాలపై భారీ అంచనాలు పెట్టుకున్నారు మేకర్స్. కోవిడ్ మళ్లీ తిరగబెట్టినా 270కోట్ల థియేట్రికల్ బిజినెస్ చేసి తగ్గేదేలేదంటుంది టాలీవుడ్ ఇండస్ట్రీ. ఏప్రిల్ 2న నాగార్జున వైల్డ్ డాగ్ రిలీజ్ కి రెడీఅయింది. గోకుల్ చాట్ లుంబినీ పార్క్ పేలుళ్ల నేపథ్యం… ఎన్.ఐ.ఏ ఇంటెలిజెన్స్ ఆపరేషన్ కథాంశంతో రూపొందింది ఈ యాక్షన్ థ్రిల్లర్. ఇప్పటికే ప్రమోషనల్ మెటీరియల్ అభిమానుల్లోకి దూసుకెళ్లింది. వైల్డ్ డాగ్ 30కోట్ల థియేట్రికల్ బిజినెస్ చేస్తే…ఏప్రిల్ 2నే వస్తోన్న కార్తీ సుల్తాన్ 10కోట్ల బిజినెస్ చేసింది

ఏప్రిల్ 9న వకీల్ సాబ్ వచ్చేస్తున్నాడు. మూడేళ్ల తర్వాత పవన్ కళ్యాణ్ సినిమా వస్తుండటంతో భారీగానే అంచనాలు పెరిగాయి. ఇప్పటికే రిలీజ్ చేసిన ట్రైలర్ హ్యూజ్ రెస్పాన్స్ తెచ్చుకుంది. 150కోట్ల భారీ థియేట్రికల్ బిజినెస్ తో వస్తోన్న వకీల్ సాబ్ లాభాల బాట పట్టాలంటే..బంపర్ హిట్ కొట్టాల్సిందే. లైన్ లో వేరే మూవీ రిలీజ్ కూడా లేకపోవడంతో వకీల్ గట్టిగానే వాదిస్తాడనే ధీమా మీదున్నారు నిర్మాత దిల్ రాజు.

Pawan Kalyan Craze in theater VakeelSaab Grand Release

వకీల్ సాబ్ తర్వాత ఏప్రిల్ 16న శేఖర్ కమ్ముల లవ్ స్టోరి రిలీజవుతుంది. తెలంగాణ నేపథ్యంలో నాగచైతన్య- సాయిపల్లవి జంటగా నటించారు. సారంగదరియా పాటతో ఒక్కసారిగా లవ్ స్టోరీపై అంచనాలు ఆకాశాన్నంటాయి. ఫిదా తర్వాత శేఖర్ కమ్ముల, సాయిపల్లవి కాంబో కావడంతో యూత్ హిట్ ఇస్తారని నమ్ముతున్నారు మేకర్స్. లవ్ స్టోరీ ఇప్పటికే 35కోట్ల రూపాయల థియేట్రికల్ బిజినెస్ చేసింది.

Naga chaitanya latest movie updates,sai pallavi latest movie updates,Love story movie updates,ahachitram

నాని.. పూర్తి కమర్షియల్ ఫార్మాట్ సినిమా టక్ జగదీష్ తో ఏప్రిల్ 23న రాబోతున్నాడు. నిన్నుకోరి తర్వాత నేచురల్ స్టార్ పెర్ఫామెన్స్ .. శివ నిర్వాణ టేకింగ్ ఈ సినిమాకి ప్లస్ కానున్నాయని అంచనా. ఇక అదేరోజు హీరోయిన్, తమిళనాడు మాజీ ముఖ్యమంత్రి జయలలితగా కంగనా నటించిన తలైవి రిలీజ్ కానుంది. ఎన్నో ఎక్స్ పెక్టేషన్స్, మరెన్నో సర్ప్రైజెస్ తో తలైవి ముస్తాబైంది. టక్ జగదీష్ 35కోట్ల ప్రీరిలీజ్ బిజినెస్ సాధిస్తే…తలైవి 5కోట్ల రూపాయల బిజినెస్ చేయగలిగింది.

ఏప్రిల్ 30న రానా నటించిన విరాట పర్వం రిలీజ్ కానుంది. రానా, సాయి పల్లవి లీడ్ రోల్స్ లో నక్సలిజం బ్యాక్ డ్రాప్ లో సాగే ఎమోషనల్ డ్రామా ఇది. అయితే 20కోట్ల ప్రీరిలీజ్ బిజినెస్ చేసిన విరాటపర్వం వాయిదా పడే అవకాశం ఉందని టాక్. విరాట పర్వం స్థానంలో వెంకీ నారప్ప వచ్చే అవకాశం ఉంది. ఇలా ఏప్రిల్ లో రొటీన్ కి భిన్నంగా కంటెంట్ ఉన్న సినిమాలు రిలీజవుతున్నాయి. వీటిలో ఏది హిట్ గా నిలుస్తుందో చూడాలి.

రేపు తెల్లవారితే ‘రంగ్ దే’, ‘అరణ్య’ సినిమాలు రిలీజ్ కాబోతున్నాయి. రేపు గడిస్తే 27న వీటితో పాటూ రంగంలోకి దిగనుంది ‘తెల్లవారితే గురువారం’ సినిమా. నితిన్, కీర్తి సురేష్ నటించిన రంగ్ దే, రానా ఒంటి చెత్తో నడిపించిన అరణ్య…ఈ రెండు చిత్రాలపై మంచి అంచనాలే ఉన్నాయి. రంగ్ దే కామెడీతో, అరణ్య థ్రిల్లర్ గా ఎట్రాక్ట్ చేస్తున్నాయి. ఇప్పటికే రంగ్ దే చూసిన దిల్ రాజు, అరణ్య వీక్షించిన సురేష్ బాబు సంతృప్తిగానే ఉన్నట్టు తెలుస్తోంది. ఇక కీరవాణి కొడుకులు కలిసి చేస్తోన్న ప్రయత్నం తెల్లవారితే గురువారంపై కూడా ఇండస్ట్రీ నుంచి పాజిటివ్ టాక్ వినిపిస్తోంది.
ప్రేక్షకులు ఎలాంటి తీర్పు ఇస్తారో రేపు తెలిసిపోతుంది. పెద్దగా పోటీ లేకపోవడంతో రెండు వారాలుగా జాతిరత్నాలు కలెక్షన్ల పరంగా దూసుకుపోతుంది. ఇప్పుడిప్పుడే రత్నాల ఊపు కూడా తగ్గుతుంది. దీనికి తోడు రంగ్ దే, అరణ్య సినిమాల్లో ఏ ఒక్కటి హిట్ కొట్టినా, లేదంటే రెండు హిట్ టాక్ తెచ్చుకున్నా…జాతిరత్నాలు ఇంక ఓటీటీలో చూడొచ్చులే అనుకునే అవకాశం ఉంది ప్రేక్షకులు. ఏనుగుల నేపథ్యంగా తెరకెక్కిన అరణ్య గెలుస్తాడా…కామెడీనే నమ్ముకున్న నితిన్ హిట్ కొడతాడా…అసలేలాంటి ఎక్స్ పెక్టేషన్స్ లేని శ్రీసింహ తెల్లవారితే దచ్చికొడతాడా అన్నది ఇంట్రెస్టింగ్ గా మారింది.

అయ్యప్పనుమ్ కోషియం’ రీమేక్ షూటింగ్ శరవేగంగా జరుగుతోంది. ఇద్దరి ఇగోల నేపథ్యంలో తెరకెక్కుతున్న ఈ సినిమాలో పవన్ కల్యాణ్, రానా పోటీపడి మరీ నటిస్తున్నారు. ఇద్దరి మధ్య వచ్చే సన్నివేశాలు గూస్ బంప్స్ తెప్పించడం ఖాయంగా కనిపిస్తోంది. కాగా రానా సరసన నటించేందుకు ఐశ్వర్య రాజేష్ ను కన్ఫర్మ్ చేసారు. ఈ విషయాన్ని స్వయంగా ప్రొడ్యూసర్ సూర్యదేవర నాగవంశీ ప్రకటించారు. పవర్ స్టార్ పక్కన హీరోయిన్ గా డేట్స్ కుదరక సాయి పల్లవి రిజక్ట్ చేసిందన్నట్టు కూడా చెప్పుకొచ్చారు. దీంతో ఈ మలయాళ రీమేక్ సినిమాలో పవన్ కల్యాణ్ పక్కన హీరోయిన్ గా మరో మలయాళ కుట్టి ‘నిత్య మీనన్‘ ను తీసుకోబోతున్నట్టు తెలుస్తోంది. నిత్య గ్రీన్ సిగ్నల్ ఇచ్చేసారని…ఇక మిగిలింది సంతకం చేయడమేనని అంటున్నారు. అదొక్కటీ జరిగితే అధికారికంగా నిత్య మీనన్ పేరును ప్రకటించే అవకాశం ఉంది.

మెగాస్టార్ చిరంజీవి చేతులమీదుగా విరాటపర్వం టీజర్ రిలీజైంది. హీరోయిన్ సాయి పల్లవి కోణంలో ఈ టీజర్ ను రూపొందించినట్టు తెలుస్తోంది. అద్భుతమైన మాటలతో 1990ల నాటి నక్సలిజాన్ని ప్రేక్షకులకు కట్టిపడేసేలా తయారుచేసి ఇంట్రెస్ట్ ను పెంచేసారు మేకర్స్. సాయి పల్లవి నటన, రానా ఎంట్రీ, ప్రియమణి లుక్స్ మనల్ని బ్యాక్ టు డేస్ కి తీసుకెళ్తాయనడంలో ఆశ్చర్యం లేదు. డైరెక్టర్ వేణు ఊడుగుల ఎంచుకున్న పాయింట్ ని…తెరపైకి చాలా సహజంగా తీసుకొచ్చారు. సుధాకర్ చెరుకూరి నిర్మాణంలో ఏప్రిల్ 30న థియేటర్స్ కి రాబోతుంది విరాటపర్వం.

Source: SLV Cinemas

సాయిపల్లవి నుంచి స్టార్ట్ చేస్తే నిత్య మీనన్ వరకు…మధ్యలో నయన్, అనుష్క, కీర్తి సురేష్ లాంటి వాళ్లు కూడా. కట్ చేస్తే వీళ్లలో ఎవరూ ఇంతవరకు ఫైనల్ కాలేదు. దేనికి అనుకుంటున్నారా? పవన్ కళ్యాణ్ కోసం సాగిస్తున్న హీరోయిన్ల వేటలో ఏ ఒక్క భామ చిక్కడం లేదు..ఎందుకిలా ? పవర్ స్టార్ కి హీరోయిన్ కరువేంటి?

పవర్ స్టార్ సరసన నటించే హీరోయిన్ కావాలి. కండీషన్ లేకుండా ఎస్ చెప్పాలి. పవన్ కళ్యాణ్, రానా కాంబినేషన్ లో తెరకెక్కతున్న అయ్యప్పన్ కోషియమ్ రీమేక్ గురించి తెలిసిందే. ఇందులో రానా జంటగా ఐశ్వర్యా రాజేష్ ఓకే అయినట్టే. కానీ పవన్ పక్కన నటించడానికి…ఎవరిని చూసుకున్నా ఏదో సమస్య వచ్చిపడుతుంది. ముందు నుంచి సాయి పల్లవి పేరు బాగా వినిపించింది. కానీ డేట్స్ అడ్జస్ట్ చేయలేకపోతున్నానంటూ సున్నితంగా తప్పుకున్నారు సాయి పల్లవి.

బంతి కొన్నిరోజులు నయన్ కోర్టులో ఆగింది. కానీ నయనతార ఎక్సెప్ట్ చేస్తున్న భారీ రెమ్యునిరేషన్ మేకర్స్ భరించలేమన్నారని టాక్. సరే అనుష్కను తీసుకుందాం అంటే ఆమె రెండు నెలల తర్వాత కానీ కాల్ షీట్స్ ఇచ్చే ఆలోచనలో లేరు. తమన్నా, కీర్తి సురేష్, త్రిషా వీళ్లంతా పవన్ పక్కన ఆల్రెడీ నటించేసారు. పైగా వీళ్లు పవన్ జోడిగా చేసిన సినిమా ఫలితాలన్నీ తేడా కొట్టాయి.

డైరెక్టర్ సాగర్ చంద్ర ప్రస్తుతం నిత్య మీనన్ లేదంటే రాశీ ఖన్నాను పవన్ పక్కన ఫిక్స్ చేసేందుకు ట్రై చేస్తున్నారని తెలుస్తోంది. ఇంకేదైనా బెటర్ మెంట్ ఆలోచన ఉందా అని కూడా మరోసారి థింక్ చేస్తున్నారు. అసలిక్కడొచ్చిన అసలు సమస్య వేరే ఉంది. సినిమా స్టోరీ ప్రకారం హీరోయిన్ ఓ బిడ్డ తల్లిగా కనిపించాలి. అందుకే ట్రెండీ హీరోయిన్స్…అంత త్వరగా ఎస్ చెప్పట్లేదని అంటున్నారు. సో..ఇలా పవన్ కోసం హీరోయిన్ వేట ఇంకా కొనసాగుతూనే ఉంది. మరి ఎవరి దగ్గర వేట ఆగుతుందో చూడాలి.

మనుషుల కంటే ఏనుగులకే తెలివెక్కువంటూ అరణ్య ట్రైలర్ తో దూసుకుపోతున్నాడు రానా దగ్గుబాటి. అంతేకాదు…ఏనులుగు చాలా ఎమోషనల్ అనీ చెప్తున్నాడు. ఆయన హీరోగా నటించిన “అరణ్య” మూవీ ట్రైలర్‌ తాజాగా రిలీజైంది. దీనికి రానా చిన్నాన్న వెంకటేశ్‌ వాయిస్‌ ఓవర్‌ అందించారు. ప్రస్తుతం 10మిలియన్ వ్యూస్ తో యూట్యూబ్ ట్రెండింగ్ నంబర్ 1లో ఉంది అరణ్య.
25 సంవత్సరాలుగా అడవిలో గడిపిన ఓ వ్యక్తి స్టోరీతో వస్తున్న చిత్రమిది. ఇందులో విష్ణు విశాల్‌, శ్రియా పిల్గావోంకర్‌, జోయా హుస్సేన్‌ ప్రధాన పాత్రల్లో నటించారు. ప్రముఖ ప్రొడక్షన్ హౌస్ ఈరోస్‌ ఇంటర్నేషనల్‌ ఫిల్మ్స్ ప్రొడ్యూస్ చేసిన ఈ మూవీ డైరెక్టర్ ప్రభు సాల్మన్‌. ట్రైలర్‌లో చూస్తున్నట్టుగానే అటవీ నిర్మూలన సంక్షోభ నేఫథ్యంగా అరణ్య రాబోతుందనే విషయం అర్ధమవుతుంది. మార్చి 26న ఈ చిత్రం ప్రేక్షకుల ముందుకు రానుంది.

Source: Eros Now Telugu

ఈ మధ్యే అధికారికంగా ప్రారంభమైన దృశ్యం – 2 తెలుగు రీమేక్ గురించి ఓ వార్త ట్రెండింగ్ గా మారింది. ఈ చిత్రంలో రానా, సమంతా నటిస్తున్నారనే టాక్ నడుస్తోంది. మలయాళ ఒరిజినల్ చూసినవాళ్లకి సరిత, సాబు రోల్స్ గురించి తెలిసే ఉంటుంది. హీరో ఇంటి పక్క వాళ్లలా ఉండి అసలు నిజాన్ని రాబట్టాలనుకునే పోలీసాఫీసర్స్ వాళ్లు. ఇప్పుడా క్యారెక్టర్స్ లోనే రానా, సమంతా నటించబోతున్నారని సమాచారం. అయితే దీనిపై అధికారిక ప్రకటన రావాల్సిఉంది.

వెంకీ నటించిన నారప్ప విడుదలకు సిద్ధమవుతుండగా…ఎఫ్ 3 సెట్స్ పైనుంది. కాగా మార్చి 5 నుంచి దృశ్యం -2 సెట్స్ లో అడుగుపెట్టనున్నారు. ఇక రానా నటించిన అరణ్య ఏప్రిల్ 2న ప్రేక్షకుల ముందుకు రాబోతుంది. పవన్ కళ్యాణ్ కలయికలో నటిస్తోన్న అయ్యప్పనున్ కోషియుమ్ రీమేక్ లో నటిస్తున్నాడు. అటు సమంతా విజయ్ సేతుపతి, నయనతార కాంబినేషన్లో ఓ తమిళ్ సినిమా చేస్తుండగా…త్వరలోనే శాకుంతలం చిత్రీకరణలో పాల్గొనబోతుంది. ఇక ఇప్పుడు వెంకీ, రానా, సామ్ ముగ్గురు కలిసి దృశ్యం చూపిస్తారా అన్నది సస్పెన్స్ గా మారింది.

వచ్చిండే పిల్లా అంటూ తెలుగు ప్రేక్షకులను ఫిదా చేసిన న్యాచురల్ బ్యూటీ సాయి పల్లవి మళ్లీ తన నటనతో మాయ చేసేందుకు సిద్ధమయ్యారు. బావబామ్మర్దులు నాగచైతన్య – రానాలు హీరోలుగా తెరకెక్కిన రెండు సినిమాలతో తన దూకుడును చూపిస్తున్నారు సాయి పల్లవి. అయితే ఈ రెండు చిత్రాల్లోనూ ఆమె తెలంగాణ యువతిగానే కనిపించడం విశేషం. మౌనికగా లవ్ స్టోరిలో నటించగా…వెన్నెలగా విరాటపర్వంలో మెరవనున్నారు.

తాజాగా విరాటపర్వం నుంచి కోలు కోలు అంటూ అచ్ఛమైన తెలంగాణ పదాలతో ఓ పాట రిలీజైంది. ఈ పాటతో పాటూ అందులోని సాయి పల్లవి అభినయానికి దాసోహమవుతున్నారు ప్రేక్షకులు. ఓ వైపు ఈ పాట ట్రెండింగ్ లో ఉండగానే అటు లవ్ స్టోరీ నుంచి సారంగ దరియా అంటూ సందడి చేసేందుకు రెడీఅయ్యారు సాయిపల్లవి. మంగ్లీ పాడిన ఈ పాట వచ్చాడే పిల్లాలా ఫిదా చేస్తుందనే కామెంట్స్ చేస్తున్నారు ప్రేక్షకులు. పూర్తి పాట చై వైఫ్ నాగసమంతా చేతులమీదుగా 28న విడుదలకానుంది.

Source: T Series

నక్సలైట్ నాయకుడిగా రానా కదంతొక్కనున్న విరాటపర్వం ఏప్రిల్ 30వ తేదీని బుక్ చేసుకుంది. ఆమధ్య రిలీజైన ఈ మూవీ ఫస్ట్ గ్లింప్స్ తోనే ఆసక్తికరంగా మారింది. చిత్రం ప్రారంభమైన రోజు నుంచి హాట్ టాపిక్ గా మారినా…1990ల నాటి నక్సలిజం నేపథ్యాన్ని కనెక్ట్ చేసి ఇంట్రెస్టింగ్ గా మలచడంతో జనాల్లో ఉత్కంఠను రేపుతోంది. అడవుల్లో ఉంటూ మావోయిస్టులు జరిపిన పోరాటం, ఉద్యమస్ఫూర్తిని రగిలిస్తున్న రానా రూపం, సాయిపల్లవి క్యారెక్టరైజేషన్, నందితాదాస్, ప్రియమణి, నివేదా పేతురాజ్… ఇలా విరాటపర్వంలో ఎవరికి వారే ప్రత్యేకం.

ఇలాంటి అతి ప్రత్యేక చిత్రాలు ఆవిష్కరిస్తూ గుర్తింపుతెచ్చుకున్న డైరెక్టర్ వేణు ఉడుగుల ఈ ప్రాజెక్ట్ కోసం బాగా శ్రమిస్తున్నాడని టాక్. హీరోహీరోయిన్లను మునుపెన్నడూ చూడనట్టు ముస్తాబు చేయడంతో పాటూ ఈ మూవీ రిలీజ్ తర్వాత వేణు దర్శకత్వ ప్రతిభను చూసి జనం చప్పట్లు కొడతారనే గట్టినమ్మకాన్ని కనబరుస్తోంది చిత్రయూనిట్. ఇక డి సురేష్ బాబు ఈ చిత్రాన్ని సమర్పిస్తుండగా.. ఎస్.ఎల్.వి సినిమాస్ సుధాకర్ చెరుకూరి నిర్మిస్తున్నారు. సురేష్ బొబ్బిలి సంగీతం అందిస్తున్నారు. మరి మంచి నటులను ఎంపిక చేసుకొని విరాటపర్వాన్ని సృష్టిస్తున్న వేణు ఉడుగుల ఏప్రిల్ 30న ఎలాంటి సక్సెస్ అందుకుంటారో తెలుస్తుంది.