రేపు తెల్లవారితే ‘రంగ్ దే’, ‘అరణ్య’ సినిమాలు రిలీజ్ కాబోతున్నాయి. రేపు గడిస్తే 27న వీటితో పాటూ రంగంలోకి దిగనుంది ‘తెల్లవారితే గురువారం’ సినిమా. నితిన్, కీర్తి సురేష్ నటించిన రంగ్ దే, రానా ఒంటి చెత్తో నడిపించిన అరణ్య…ఈ రెండు చిత్రాలపై మంచి అంచనాలే ఉన్నాయి. రంగ్ దే కామెడీతో, అరణ్య థ్రిల్లర్ గా ఎట్రాక్ట్ చేస్తున్నాయి. ఇప్పటికే రంగ్ దే చూసిన దిల్ రాజు, అరణ్య వీక్షించిన సురేష్ బాబు సంతృప్తిగానే ఉన్నట్టు తెలుస్తోంది. ఇక కీరవాణి కొడుకులు కలిసి చేస్తోన్న ప్రయత్నం తెల్లవారితే గురువారంపై కూడా ఇండస్ట్రీ నుంచి పాజిటివ్ టాక్ వినిపిస్తోంది.
ప్రేక్షకులు ఎలాంటి తీర్పు ఇస్తారో రేపు తెలిసిపోతుంది. పెద్దగా పోటీ లేకపోవడంతో రెండు వారాలుగా జాతిరత్నాలు కలెక్షన్ల పరంగా దూసుకుపోతుంది. ఇప్పుడిప్పుడే రత్నాల ఊపు కూడా తగ్గుతుంది. దీనికి తోడు రంగ్ దే, అరణ్య సినిమాల్లో ఏ ఒక్కటి హిట్ కొట్టినా, లేదంటే రెండు హిట్ టాక్ తెచ్చుకున్నా…జాతిరత్నాలు ఇంక ఓటీటీలో చూడొచ్చులే అనుకునే అవకాశం ఉంది ప్రేక్షకులు. ఏనుగుల నేపథ్యంగా తెరకెక్కిన అరణ్య గెలుస్తాడా…కామెడీనే నమ్ముకున్న నితిన్ హిట్ కొడతాడా…అసలేలాంటి ఎక్స్ పెక్టేషన్స్ లేని శ్రీసింహ తెల్లవారితే దచ్చికొడతాడా అన్నది ఇంట్రెస్టింగ్ గా మారింది.

అయ్యప్పనుమ్ కోషియం’ రీమేక్ షూటింగ్ శరవేగంగా జరుగుతోంది. ఇద్దరి ఇగోల నేపథ్యంలో తెరకెక్కుతున్న ఈ సినిమాలో పవన్ కల్యాణ్, రానా పోటీపడి మరీ నటిస్తున్నారు. ఇద్దరి మధ్య వచ్చే సన్నివేశాలు గూస్ బంప్స్ తెప్పించడం ఖాయంగా కనిపిస్తోంది. కాగా రానా సరసన నటించేందుకు ఐశ్వర్య రాజేష్ ను కన్ఫర్మ్ చేసారు. ఈ విషయాన్ని స్వయంగా ప్రొడ్యూసర్ సూర్యదేవర నాగవంశీ ప్రకటించారు. పవర్ స్టార్ పక్కన హీరోయిన్ గా డేట్స్ కుదరక సాయి పల్లవి రిజక్ట్ చేసిందన్నట్టు కూడా చెప్పుకొచ్చారు. దీంతో ఈ మలయాళ రీమేక్ సినిమాలో పవన్ కల్యాణ్ పక్కన హీరోయిన్ గా మరో మలయాళ కుట్టి ‘నిత్య మీనన్‘ ను తీసుకోబోతున్నట్టు తెలుస్తోంది. నిత్య గ్రీన్ సిగ్నల్ ఇచ్చేసారని…ఇక మిగిలింది సంతకం చేయడమేనని అంటున్నారు. అదొక్కటీ జరిగితే అధికారికంగా నిత్య మీనన్ పేరును ప్రకటించే అవకాశం ఉంది.

మెగాస్టార్ చిరంజీవి చేతులమీదుగా విరాటపర్వం టీజర్ రిలీజైంది. హీరోయిన్ సాయి పల్లవి కోణంలో ఈ టీజర్ ను రూపొందించినట్టు తెలుస్తోంది. అద్భుతమైన మాటలతో 1990ల నాటి నక్సలిజాన్ని ప్రేక్షకులకు కట్టిపడేసేలా తయారుచేసి ఇంట్రెస్ట్ ను పెంచేసారు మేకర్స్. సాయి పల్లవి నటన, రానా ఎంట్రీ, ప్రియమణి లుక్స్ మనల్ని బ్యాక్ టు డేస్ కి తీసుకెళ్తాయనడంలో ఆశ్చర్యం లేదు. డైరెక్టర్ వేణు ఊడుగుల ఎంచుకున్న పాయింట్ ని…తెరపైకి చాలా సహజంగా తీసుకొచ్చారు. సుధాకర్ చెరుకూరి నిర్మాణంలో ఏప్రిల్ 30న థియేటర్స్ కి రాబోతుంది విరాటపర్వం.

Source: SLV Cinemas

‘దృశ్యం 2’ సినిమా చిత్రీకరణలో ఎంట్రీ ఇచ్చారు కథానాయకి మీనా. 2014లో రిలీజై సూపర్‌ హిట్‌ అయిన ‘దృశ్యం’ సినిమాకు సీక్వెల్‌గా ‘దృశ్యం 2’ రూపొందుతున్న విషయం తెలిసిందే. ఫస్ట్ పార్ట్ లో ప్రధానపాత్రల్లో భార్యభర్తలుగా నటించిన వెంకటేష్, మీనాయే ఈ సీక్వెల్‌లో కూడా కనిపించనున్నారు. సోమవారం నుంచి మీనా ఈ మూవీ షూటింగ్ లో పాల్గొంటున్నారు. అయితే సినిమా కథాంశంతో సంబంధం లేకుండా ఓవర్ మేకప్ విషయంలో మలయాళీ దృశ్యంకి ఎదురైన అనుభవాలు…తెలుగు వర్షన్ కి ఎదురవకుండా మీనా జాగ్రత్తపడతారో..లేదో చూడాలి.

దృశ్యం – 2 సినిమాలో హీరోయిన్ పూర్ణ కూడా ఓ కీ రోల్ చేస్తున్నట్టు సమాచారం. ముందుగా అనుకున్నట్టు సరితా, సాబు పాత్రల్లో సమంతా, రానా కాకుండా…రానా పోలీసాఫీసర్ రోల్ చేస్తుండగా…సరిత పాత్రను పూర్ణ చేయబోతున్నట్టు టాక్. సమంతా ఈ సినిమాలో కనిపించకపోవచ్చు. మలయాళ ఒరిజనల్ ‘దృశ్యం’, ‘దృశ్యం 2’ చిత్రాలను డైరెక్ట్‌ చేసిన క్రియేటివ్ జీతూ జోసెఫ్‌ తెలుగు ‘దృశ్యం 2’తో దర్శకుడిగా టాలీవుడ్ పరిశ్రమకి పరిచయం కాబోతున్నారు. వెంకీ నటిస్తోన్న ఎఫ్ 3 కంటే ముందే ఈ మూవీ జూలైలో రిలీజ్ కానుంది. అందుకే ఎక్కడా ఆగకుండా చకాచకా చేసేస్తున్నారు మేకర్స్.

సాయిపల్లవి నుంచి స్టార్ట్ చేస్తే నిత్య మీనన్ వరకు…మధ్యలో నయన్, అనుష్క, కీర్తి సురేష్ లాంటి వాళ్లు కూడా. కట్ చేస్తే వీళ్లలో ఎవరూ ఇంతవరకు ఫైనల్ కాలేదు. దేనికి అనుకుంటున్నారా? పవన్ కళ్యాణ్ కోసం సాగిస్తున్న హీరోయిన్ల వేటలో ఏ ఒక్క భామ చిక్కడం లేదు..ఎందుకిలా ? పవర్ స్టార్ కి హీరోయిన్ కరువేంటి?

పవర్ స్టార్ సరసన నటించే హీరోయిన్ కావాలి. కండీషన్ లేకుండా ఎస్ చెప్పాలి. పవన్ కళ్యాణ్, రానా కాంబినేషన్ లో తెరకెక్కతున్న అయ్యప్పన్ కోషియమ్ రీమేక్ గురించి తెలిసిందే. ఇందులో రానా జంటగా ఐశ్వర్యా రాజేష్ ఓకే అయినట్టే. కానీ పవన్ పక్కన నటించడానికి…ఎవరిని చూసుకున్నా ఏదో సమస్య వచ్చిపడుతుంది. ముందు నుంచి సాయి పల్లవి పేరు బాగా వినిపించింది. కానీ డేట్స్ అడ్జస్ట్ చేయలేకపోతున్నానంటూ సున్నితంగా తప్పుకున్నారు సాయి పల్లవి.

బంతి కొన్నిరోజులు నయన్ కోర్టులో ఆగింది. కానీ నయనతార ఎక్సెప్ట్ చేస్తున్న భారీ రెమ్యునిరేషన్ మేకర్స్ భరించలేమన్నారని టాక్. సరే అనుష్కను తీసుకుందాం అంటే ఆమె రెండు నెలల తర్వాత కానీ కాల్ షీట్స్ ఇచ్చే ఆలోచనలో లేరు. తమన్నా, కీర్తి సురేష్, త్రిషా వీళ్లంతా పవన్ పక్కన ఆల్రెడీ నటించేసారు. పైగా వీళ్లు పవన్ జోడిగా చేసిన సినిమా ఫలితాలన్నీ తేడా కొట్టాయి.

డైరెక్టర్ సాగర్ చంద్ర ప్రస్తుతం నిత్య మీనన్ లేదంటే రాశీ ఖన్నాను పవన్ పక్కన ఫిక్స్ చేసేందుకు ట్రై చేస్తున్నారని తెలుస్తోంది. ఇంకేదైనా బెటర్ మెంట్ ఆలోచన ఉందా అని కూడా మరోసారి థింక్ చేస్తున్నారు. అసలిక్కడొచ్చిన అసలు సమస్య వేరే ఉంది. సినిమా స్టోరీ ప్రకారం హీరోయిన్ ఓ బిడ్డ తల్లిగా కనిపించాలి. అందుకే ట్రెండీ హీరోయిన్స్…అంత త్వరగా ఎస్ చెప్పట్లేదని అంటున్నారు. సో..ఇలా పవన్ కోసం హీరోయిన్ వేట ఇంకా కొనసాగుతూనే ఉంది. మరి ఎవరి దగ్గర వేట ఆగుతుందో చూడాలి.

మనుషుల కంటే ఏనుగులకే తెలివెక్కువంటూ అరణ్య ట్రైలర్ తో దూసుకుపోతున్నాడు రానా దగ్గుబాటి. అంతేకాదు…ఏనులుగు చాలా ఎమోషనల్ అనీ చెప్తున్నాడు. ఆయన హీరోగా నటించిన “అరణ్య” మూవీ ట్రైలర్‌ తాజాగా రిలీజైంది. దీనికి రానా చిన్నాన్న వెంకటేశ్‌ వాయిస్‌ ఓవర్‌ అందించారు. ప్రస్తుతం 10మిలియన్ వ్యూస్ తో యూట్యూబ్ ట్రెండింగ్ నంబర్ 1లో ఉంది అరణ్య.
25 సంవత్సరాలుగా అడవిలో గడిపిన ఓ వ్యక్తి స్టోరీతో వస్తున్న చిత్రమిది. ఇందులో విష్ణు విశాల్‌, శ్రియా పిల్గావోంకర్‌, జోయా హుస్సేన్‌ ప్రధాన పాత్రల్లో నటించారు. ప్రముఖ ప్రొడక్షన్ హౌస్ ఈరోస్‌ ఇంటర్నేషనల్‌ ఫిల్మ్స్ ప్రొడ్యూస్ చేసిన ఈ మూవీ డైరెక్టర్ ప్రభు సాల్మన్‌. ట్రైలర్‌లో చూస్తున్నట్టుగానే అటవీ నిర్మూలన సంక్షోభ నేఫథ్యంగా అరణ్య రాబోతుందనే విషయం అర్ధమవుతుంది. మార్చి 26న ఈ చిత్రం ప్రేక్షకుల ముందుకు రానుంది.

Source: Eros Now Telugu

ఈ మధ్యే అధికారికంగా ప్రారంభమైన దృశ్యం – 2 తెలుగు రీమేక్ గురించి ఓ వార్త ట్రెండింగ్ గా మారింది. ఈ చిత్రంలో రానా, సమంతా నటిస్తున్నారనే టాక్ నడుస్తోంది. మలయాళ ఒరిజినల్ చూసినవాళ్లకి సరిత, సాబు రోల్స్ గురించి తెలిసే ఉంటుంది. హీరో ఇంటి పక్క వాళ్లలా ఉండి అసలు నిజాన్ని రాబట్టాలనుకునే పోలీసాఫీసర్స్ వాళ్లు. ఇప్పుడా క్యారెక్టర్స్ లోనే రానా, సమంతా నటించబోతున్నారని సమాచారం. అయితే దీనిపై అధికారిక ప్రకటన రావాల్సిఉంది.

వెంకీ నటించిన నారప్ప విడుదలకు సిద్ధమవుతుండగా…ఎఫ్ 3 సెట్స్ పైనుంది. కాగా మార్చి 5 నుంచి దృశ్యం -2 సెట్స్ లో అడుగుపెట్టనున్నారు. ఇక రానా నటించిన అరణ్య ఏప్రిల్ 2న ప్రేక్షకుల ముందుకు రాబోతుంది. పవన్ కళ్యాణ్ కలయికలో నటిస్తోన్న అయ్యప్పనున్ కోషియుమ్ రీమేక్ లో నటిస్తున్నాడు. అటు సమంతా విజయ్ సేతుపతి, నయనతార కాంబినేషన్లో ఓ తమిళ్ సినిమా చేస్తుండగా…త్వరలోనే శాకుంతలం చిత్రీకరణలో పాల్గొనబోతుంది. ఇక ఇప్పుడు వెంకీ, రానా, సామ్ ముగ్గురు కలిసి దృశ్యం చూపిస్తారా అన్నది సస్పెన్స్ గా మారింది.

వచ్చిండే పిల్లా అంటూ తెలుగు ప్రేక్షకులను ఫిదా చేసిన న్యాచురల్ బ్యూటీ సాయి పల్లవి మళ్లీ తన నటనతో మాయ చేసేందుకు సిద్ధమయ్యారు. బావబామ్మర్దులు నాగచైతన్య – రానాలు హీరోలుగా తెరకెక్కిన రెండు సినిమాలతో తన దూకుడును చూపిస్తున్నారు సాయి పల్లవి. అయితే ఈ రెండు చిత్రాల్లోనూ ఆమె తెలంగాణ యువతిగానే కనిపించడం విశేషం. మౌనికగా లవ్ స్టోరిలో నటించగా…వెన్నెలగా విరాటపర్వంలో మెరవనున్నారు.

తాజాగా విరాటపర్వం నుంచి కోలు కోలు అంటూ అచ్ఛమైన తెలంగాణ పదాలతో ఓ పాట రిలీజైంది. ఈ పాటతో పాటూ అందులోని సాయి పల్లవి అభినయానికి దాసోహమవుతున్నారు ప్రేక్షకులు. ఓ వైపు ఈ పాట ట్రెండింగ్ లో ఉండగానే అటు లవ్ స్టోరీ నుంచి సారంగ దరియా అంటూ సందడి చేసేందుకు రెడీఅయ్యారు సాయిపల్లవి. మంగ్లీ పాడిన ఈ పాట వచ్చాడే పిల్లాలా ఫిదా చేస్తుందనే కామెంట్స్ చేస్తున్నారు ప్రేక్షకులు. పూర్తి పాట చై వైఫ్ నాగసమంతా చేతులమీదుగా 28న విడుదలకానుంది.

Source: T Series

పవర్ స్టార్ పవన్ కళ్యాణ్ జోడీగా ఆఫర్ అంటే ఎగిరి గంతేస్తారు హీరోయిన్స్. కెరీర్ లో ఒక్కసారైన ఆ ఆఫర్ రాకబోతుందా అని వెయిట్ చేస్తుంటారు. మరి ఇలా చేస్తే…చూస్తే ఆమె సాయి పల్లవి ఎందుకవుతారు? అందుకే పవన్ సరసన అవకాశం వచ్చినా మొదట కాస్త బెట్టు చేసారు. సినిమాలో తన క్యారెక్టర్ కి కాస్త పదునిచ్చి, భారీ రెమ్యూనిరేషన్ డిమాండ్ చేసి నిర్మాతలు నువ్వే కావాలి అని పట్టుబడితే చివరికి అంగీకరించారట.

పవన్ కళ్యాణ్, రానా కాంబినేషన్ లో మలయాళీ సూపర్ హిట్ అయ్యప్పనుమ్ కోషియుమ్ రీమేక్ జరుగుతున్న విషయం తెలిసిందే. త్రివిక్రమ్ స్క్రీన్ ప్లేతో పాటూ మాటలు అందిస్తున్న ఈ మూవీని సాగర్ చంద్ర డైరెక్ట్ చేస్తున్నారు. అయితే ఈ ప్రాజెక్ట్ లో హీరోయిన్స్ గా సాయిపల్లవి, ఐశ్వర్య రాజేశ్ పేర్లు ఎప్పటినుంచో వినిపిస్తున్నాయి. కానీ నిర్మాతలు ఎప్పుడో అడిగినా సాయిపల్లవి రీసెంట్ గా ఓకే చేసారనే టాక్ నడుస్తోంది.

అనేక పరిణామాల తర్వాత ఈ మూవీలో తన క్యారెక్టరైజేషన్ ను కాస్త మార్చి… 2 కోట్ల పారితోషికాన్ని సాయిపల్లవికి డిమాండ్ చేసారట మేకర్స్. దీంతో మంచి ఆఫర్ ప్లస్ భారీ మొత్తం ముట్టజెప్తుండటంతో సాయి పల్లవి సంతకం చేయక తప్పలేదట. ఇక ఈ యాక్షన్ డ్రామాలో రానా ఓ కీ రోల్ ప్లే చేస్తుండగా..రానాకు జంటగా ఐశ్వర్య రాజేష్ కనిపించనున్నారు. రానా నాన్నగా సముద్రఖని నటిస్తున్నారు. ఇంకా టైటిల్ ఖరారు చేయని ఈ సినిమా షూటింగ్ శరవేగంగా పూర్తవుతోంది.

ప్రస్తుతం త‌న జోరు కొన‌సాగిస్తున్నారు పవర్ స్టార్ పవన్ కల్యాణ్. పాలిటిక్స్ లో ఎంత బిజీగా ఉంటున్నారో…కమిట్ అయిన సినిమాల విషయంలో అంతే శ్రద్ధ వహిస్తున్నారు. ఇప్ప‌టికే వ‌కీల్ సాబ్ మూవీ షూటింగ్ పూర్తి కాగా, ఈ ప్రాజెక్ట్ తో మార్చిలో ప్రేక్ష‌కుల ముందుకు రానున్నారు. వకీల్ సాబ్ కి గుమ్మడికాయ కొట్టిన వెంటనే క్రిష్ సినిమాను స్టార్చ్ చేసారు. ఇప్పుడిక తాజాగా అయ్యప్పనుమ్ కోషియుమ్ సినిమా రీమేక్ మూవీని కూడా మొదలెట్టేసారు.

ఈరోజు నుంచి ఈ సినిమా షూటింగ్ నాన్ స్టాప్ గా హైదరాబాద్ అల్యూమినియం ఫ్యాక్టరీలో జరగనుంది. పవన్ కల్యాణ్, రానా కాంబినేషన్ సీన్స్ కూడా ఈ షెడ్యూల్ లోనే కంప్లీట్ చేస్తారట డైరెక్టర్ సాగర్ కె చంద్ర. త్రివిక్రమ్ మాటలు అందిస్తున్న ఈ క్రేజీ రీమేక్ కూడా 2021లోనే విడుద‌ల చేసేందుకు ప‌వ‌న్ ఆసక్తి చూపిస్తున్నట్టు తెలుస్తోంది.