2021 సినిమా క్యాలెండర్లో అప్పుడే 3నెలలు గడిచిపోయాయి. లవ్ స్టోరీస్, స్పోర్ట్స్ బ్యాగ్రౌండ్, ఫుల్ లెంత్ కామెడీ, ఫ్యామిలీ ఎంటర్ టైనర్స్ ఇలా క్రేజీ జోనర్స్ లోనే టాలీవుడ్ సినిమాలొచ్చాయి. కానీ కొన్నే సూపర్ హిట్ గా నిలిస్తే…చాలామంది దర్శకనిర్మాతలకు నిరాశే మిగిలింది. ఈ 3 మంత్స్ మూవీ ప్రోగ్రెస్ రిపోర్ట్ ఎలా ఉంది…ఓసారి చెక్ చేద్దాం.

2021 ఫస్ట్ క్వార్టర్ ముగిసింది. కోవిడ్ పాండెమిక్ తర్వాత సంక్రాంతికి మొదలైన టాలీవుడ్ జోరు…మిగిలిన ఇండస్ట్రీలకు షాక్ ఇచ్చింది. సినిమా నచ్చితే చాలు…కరోనాను కూడా కేర్ చేయలేదు తెలుగు ప్రేక్షకులు. అందుకే ఏ ఫిల్మ్ ఇండస్ట్రీలో లేని సందడి టాలీవుడ్ లో కనిపించింది. జనవరి 9న సంక్రాంతి సీజన్ మాస్ రాజా క్రాక్ తో మొదలైంది. బయటికి రావాలంటేనే బిక్కుబిక్కుమన్న జనం క్రాక్ థియేటర్స్ లో రచ్చ చేసారు. క్రాక్ పాజిటివ్ టాక్ తో 2021 తొలి కమర్షియల్ హిట్ అందుకున్నారు రవితేజ.

krack movie, krack movie 2021

క్రాక్ తర్వాత జనవరిలో రిలీజైన ఏ సినిమా కూడా అనుకున్నంత బాగా ఆడలేదు. విజయ్ ఫ్యాన్స్ కు మాత్రమే నచ్చే మాస్టర్ ను తెలుగులో ఆదరించలేదు ఆడియెన్స్. ఎంతో హైప్ క్రియేట్ చేసి జనవరి 14న విడుదలైన బెల్లంకొండ అల్లుడు అదుర్స్ అంచనాలను అందుకోలేదు. దేవీశ్రీ ప్రసాద్, ఛోటా కే నాయుడు వంటి సెన్సేషన్స్ ఉన్నా…డైరెక్టర్ సంతోష్ శ్రీనివాస్ ఎంచుకున్న కథే మైనస్ కావడంతో సంక్రాంతి అల్లుడు పందెంలో గెలువలేకపోయాడు.

Master Vijay, vijay sethupathi, master

జనవరి 14న అల్లుడితో పోటీపడుతూ రెడ్ తో దిగాడు రామ్. అది కూడా డ్యూయర్ రోల్ లో. కానీ రామ్ రెడ్ సైతం సంక్రాంతి హిట్ అనిపించుకోలేదు. రామ్ నటన బాగున్నా అనేక కారణాలతో తెలుగు ప్రేక్షకులకు కనెక్ట్ కాలేదు రెడ్ మూవీ. జనవరి 23న బంగారు బుల్లోడు, 29న మిస్టర్ అండ్ మిస్, 30రోజుల్లో ప్రేమించడం ఎలా, సునీల్ జై సేన…ఇలా సినిమాలు వచ్చినచ్చే వచ్చి పోయాయి. అయితే యాంకర్ ప్రదీప్ 30రోజుల్లో ప్రేమించడం ఎలా ఓపెనింగ్ పర్వాలేదనిపించినా..,లాంగ్ రన్ లో ఏమాత్రం కలెక్షన్స్ రాబట్టలేకపోయింది.

30 rojullo Preminchatam ela release,30 rojullo Preminchatam ela latest update,ahachitram,Pradeep Machiraju,Amritha Aiyer latestnews

2021 ఫిబ్రవరి సీజన్ లీడ్ జాంబిరెడ్డి తీసుకున్నాడు. తెలుగు తెరకు జాంబీలను తీసుకురావడమే కాదు వాటితో కామెడిని క్రియేట్ చేసి హిట్ కొట్టాడు డైరెక్టర్ ప్రశాంత్ వర్మ. ఫిబ్రవరి 12న రిలీజైన బోల్డ్ డ్రామా ఎఫ్ సియుకే, కన్నడ డబ్బింగ్ పొగరు ఫ్లాప్ టాక్ తెచ్చుకోగా…

Zombie Reddy collections

ఉప్పెన ఎవర్ గ్రీన్ సక్సెస్ క్యాచ్ చేసింది. ఈ సినిమాతోనే డెబ్యూ ఇచ్చిన వైష్ణవ్ తేజ్, కృతిశెట్టి, బుచ్చిబాబుల కెరీర్ గ్రాఫ్ అమాంతం పెరిగింది. ఈ ముగ్గురికి తోడు విజయ్ సేతుపతి కలవడంతో ఊహించని గ్రాండ్ సక్సెస్ ఉప్పెన సొంతమైంది.

uppena movie latest news,ahachitram,Krithi Shetty latest movie updates

ఫిబ్రవరి థర్డ్ వీక్ లో థియేటర్స్ కొచ్చాయి సుమత్ కపటధారి, విశాల్ చక్ర, నరేశ్ నాంది సినిమాలు. వీటిలో నాంది మాత్రమే హిట్ కొట్టింది. ఎమోషనల్ డ్రామాను ఆకట్టుకునేలా రాసుకున్న డైరెక్టర్ విజయ్ కనకమేడలకు… అల్లరి నరేశ్ నటన తోడై మంచి చిత్రంగా పేరుతెచ్చుకుంది. అయితే అప్పటికింకా ఉప్పెన జోరు తగ్గకపోవడంతో నాంది అందరికీ రీచ్ కాలేకపోయింది. ఫిబ్రవరి ఎండింగ్ లో క్షణక్షణం, అక్షర, నితిన్ చెక్ సినిమాలు విడుదలయ్యాయి. స్పోర్ట్ అండ్ క్రైమ్ బ్యాక్ డ్రాప్ తో చెక్ సినిమా డిఫరెంట్ గా కనిపించినా నితిన్ కెరీర్ కు ఏమాత్రం హెల్ప్ కాలేదు.

Allari Naresh Naandhi Movie on Aha

మార్చ్ ఫస్ట్ వీక్… ప్లే బ్యాక్, రాజ్ తరుణ్ పవర్ ప్లే, సందీప్ కిషన్ ఏ1 ఎక్స్ ప్రెస్, షాదీ ముబారక్ సినిమాలొచ్చాయి. అన్నీ డిఫరెంట్ పంథాలో సాగినవే. టాక్ బాగున్నా ఏదీ కమర్షియల్ హిట్ అనిపించుకోలేదు. మంచి అంచనాల మధ్య మార్చి సెకండ్ వీక్ మొదలైంది. గాలి సంపత్, శ్రీకారం, జాతిరత్నాలు రిలీజయ్యాయి. జాతిరత్నాలు హ్యూజ్ సక్సెస్ సాధిస్తే…శ్రీకారం యావరేజ్ టాక్ తెచ్చుకుంది. ఆ తర్వాతి వారాల్లో శశి, మోసగాళ్లు, చావు కబురు చల్లగా, అరణ్య, రంగ్ దే, తెల్లవారితే గురువారం బరిలో నిలిచాయి. వీటిలో రంగ్ దే, అరణ్య మిక్స్ డ్ టాక్ తెచ్చుకోగా..మిగిలినవి దర్శకనిర్మాతలకు నిరాశనే మిగిల్చాయి.

jathi ratnalu movie review, jathi athnalu huze response naveen polishetty, rahul rama krishna, priya darshi, Aha Chitram

మొత్తంగా చూసుకుంటే నెలకి ఒక సినిమా అన్నట్టు జనవరిలో క్రాక్, ఫిబ్రవరిలో ఉప్పెన, మార్చిలో జాతిరత్నాలు థియేటర్స్ ని వాష్ అవుట్ చేసాయి. క్రాక్ గ్రాస్ బిజినెస్ దాదాపు 61 కోట్ల రూపాయలు చేయగా 19కోట్ల లాభాన్ని చూసింది. ఉప్పెన 85కోట్ల రూపాయల గ్రాస్ బిజినెస్ తో 31కోట్ల వరకు ప్రాఫిట్ అందుకుంటే…జాతిరత్నాలు 62కోట్ల రూపాయల గ్రాస్ బిజినెస్ తో ఇప్పటివరకు 21కోట్ల రూపాయల ప్రాఫిట్ తో దూసుకుపోతుంది.

రేపు తెల్లవారితే ‘రంగ్ దే’, ‘అరణ్య’ సినిమాలు రిలీజ్ కాబోతున్నాయి. రేపు గడిస్తే 27న వీటితో పాటూ రంగంలోకి దిగనుంది ‘తెల్లవారితే గురువారం’ సినిమా. నితిన్, కీర్తి సురేష్ నటించిన రంగ్ దే, రానా ఒంటి చెత్తో నడిపించిన అరణ్య…ఈ రెండు చిత్రాలపై మంచి అంచనాలే ఉన్నాయి. రంగ్ దే కామెడీతో, అరణ్య థ్రిల్లర్ గా ఎట్రాక్ట్ చేస్తున్నాయి. ఇప్పటికే రంగ్ దే చూసిన దిల్ రాజు, అరణ్య వీక్షించిన సురేష్ బాబు సంతృప్తిగానే ఉన్నట్టు తెలుస్తోంది. ఇక కీరవాణి కొడుకులు కలిసి చేస్తోన్న ప్రయత్నం తెల్లవారితే గురువారంపై కూడా ఇండస్ట్రీ నుంచి పాజిటివ్ టాక్ వినిపిస్తోంది.
ప్రేక్షకులు ఎలాంటి తీర్పు ఇస్తారో రేపు తెలిసిపోతుంది. పెద్దగా పోటీ లేకపోవడంతో రెండు వారాలుగా జాతిరత్నాలు కలెక్షన్ల పరంగా దూసుకుపోతుంది. ఇప్పుడిప్పుడే రత్నాల ఊపు కూడా తగ్గుతుంది. దీనికి తోడు రంగ్ దే, అరణ్య సినిమాల్లో ఏ ఒక్కటి హిట్ కొట్టినా, లేదంటే రెండు హిట్ టాక్ తెచ్చుకున్నా…జాతిరత్నాలు ఇంక ఓటీటీలో చూడొచ్చులే అనుకునే అవకాశం ఉంది ప్రేక్షకులు. ఏనుగుల నేపథ్యంగా తెరకెక్కిన అరణ్య గెలుస్తాడా…కామెడీనే నమ్ముకున్న నితిన్ హిట్ కొడతాడా…అసలేలాంటి ఎక్స్ పెక్టేషన్స్ లేని శ్రీసింహ తెల్లవారితే దచ్చికొడతాడా అన్నది ఇంట్రెస్టింగ్ గా మారింది.

యూత్ స్టార్ నితిన్ – కీర్తి సురేష్ న‌టించిన రొమాంటిక్ ఎంట‌ర్‌టైన‌ర్ రంగ్ దే. వెంకీ అట్లూరి డైరెక్ట్ చేసిన ఈ మూవీ ట్రైల‌ర్‌, లిరిక‌ల్ సాంగ్స్ వీడియోల‌కు మంచి రెస్పాన్స్ వస్తోంది. వ‌ర‌ల్డ్ వైడ్‌గా ఈ నెల 26న రిలీజ్ కాబోతున్న ఈ సినిమా రిలీజ్ ఈవెంట్‌ని రాజ‌మండ్రిలో గ్రాండ్‌గా నిర్వహించారు. నితిన్, కీర్తి సురేష్, డైరెక్టర్ వెంకీ అట్లూరితో పాటూ మ్యూజిక్ డైరెక్టర్ దేవీశ్రీప్రసాద్ సైతం ఈవెంట్ లో సందడి చేసారు.
ఇదిలా ఉంటే రంగ్ దే చిత్రంలో హీరో నితిన్ న్యూడ్ గా కనిపించబోతున్నాడంటూ సోషల్ మీడియాలో ప్రచారం జరుగుతోంది. దీనికి సంబంధించి డైరెక్టర్ వెంకీ స్పందించారు. నితిన్ పూర్తిగా కాదు..హాఫ్ న్యూడ్ గా కనిపిస్తాడంటూ చమత్కరించాడు. నితిన్, కీర్తి సురేష్ ల మధ్య కాస్త ఘాటు సీన్స్ ఉన్న మాట వాస్తవమే కానీ మరీ న్యూడ్ గా నితిన్ చేయలేదంటూ చెప్పుకొచ్చారు. అయితే ఆ ఇంటిమేట్ సీన్స్ కు సంబంధించి ట్రైలర్ లోనే చిన్న హింట్ ఇచ్చారు మేకర్స్. మరి సినిమాలో ఏ రేంజ్ లో ఉంటుందో చూడాలి.

  • జెర్సీ’కి హీరో నాని, డైరెక్ట‌ర్ గౌత‌మ్ చాలా క‌ష్ట‌ప‌డ్డారు
  • బాబాయ్ ర‌మ్మంటే సాఫ్ట్ వేర్ నుంచి సినిమాల్లోకి వ‌చ్చాను
  • ‘రంగ్ దే’ ఫ‌స్టాఫ్ ఎంట‌ర్‌టైన్‌మెంట్‌, సెకండాఫ్ ఎమోష‌న్స్

సితార ఎంట‌ర్‌టైన్‌మెంట్స్ ప‌తాకంపై నేచుర‌ల్ స్టార్ నాని క‌థానాయ‌కుడిగా గౌత‌మ్ తిన్న‌నూరి ద‌ర్శ‌కత్వంలో యువ నిర్మాత సూర్య‌కదేవ‌ర నాగ‌వంశీ నిర్మించిన ‘జెర్సీ’ మూవీ 2019 జాతీయ చల‌న‌చిత్ర అవార్డుల్లో ఉత్త‌మ తెలుగు చిత్రంగా పుర‌స్కారాన్ని గెలుచుకొని స‌గ‌ర్వంగా నిలిచింది. అలాగే ఈ చిత్రానికి ప‌నిచేసిన న‌వీన్ నూలి ఉత్త‌మ ఎడిట‌ర్‌గా అవార్డును పొందారు. ఈ రెండు పుర‌స్కారాలు తెచ్చిన ఆనందాన్ని ఆస్వాదిస్తూనే.. ‌మార్చి 26న విడుద‌ల‌వుతున్న ‘రంగ్ దే’ చిత్రం ప్ర‌మోష‌న్స్‌తో బిజీగా ఉన్నారు నాగ‌వంశీ. ఈ సంద‌ర్భంగా మంగ‌ళ‌వారం మీడియాతో స‌మావేశ‌మైన ఆయ‌న ‘జెర్సీ’ సినిమా విశేషాల‌ను పంచుకోవ‌డంతో పాటు, ‘రంగ్ దే’ మూవీ సంగ‌తులు, భ‌విష్య‌త్ ప్రాజెక్టుల గురించి విపులంగా మాట్లాడారు. ఆ విష‌యాలు..

‘జెర్సీ’కి రెండు జాతీయ అవార్డులు వ‌చ్చినందుకు ముందుగా అభినంద‌న‌లు. ఈ అవార్డులు రావ‌డం ఎలా అనిపిస్తోంది?
‘జెర్సీ’కి అవార్డులు వ‌స్తాయ‌ని ఊహించాం. క‌రోనా మ‌హ‌మ్మారి కార‌ణంగా గ‌త ఏడాది జాతీయ అవార్డులు లేక‌పోయేస‌రికి వాటి గురించి మ‌ర్చిపోయాం. కానీ ఇప్పుడు హ‌ఠాత్తుగా ప్ర‌క‌టించేస‌రికి ఆశ్చ‌ర్య‌మూ, ఆనంద‌మూ రెండూ క‌లిగాయి. తొలిసారి మా సినిమాకు జాతీయ అవార్డులు రావ‌డం సంతోషంగా అనిపిస్తోంది. ఆ సినిమా కోసం హీరో నాని చాలా ఎఫ‌ర్ట్ పెట్టారు, బాగా క‌ష్ట‌ప‌డ్డారు. డైరెక్ట‌ర్ గౌత‌మ్ తిన్న‌నూరి ప‌డిన క‌ష్టం కూడా చిన్న‌దేమీ కాదు.

‘జెర్సీ’ తీయాల‌ని ఎందుక‌నిపించింది?
గౌత‌మ్ ఈ క‌థ చెప్పిన‌ప్పుడు బాగా న‌చ్చేసింది. బేసిక‌ల్‌గా నాకు క్రికెట్ అంటే ఇష్టం. ఆ నేప‌థ్యం ఉన్న క‌థ కావ‌డం, మంచి భావోద్వేగాలు ఉండ‌టంతో క‌నెక్ట‌య్యాను. నానితో ఈ సినిమా చేయాల‌నుకున్నాడు గౌత‌మ్‌. అయితే ఏడు సంవ‌త్స‌రాల కొడుకు ఉన్న తండ్రి క‌థ‌ని నాని ఒప్పుకుంటారా, లేదా అని సందేహించాం. కానీ విన‌గానే నాని ఈ క‌థ‌ను న‌మ్మారు. ఏమాత్రం సందేహించ‌కుండా ఏడేళ్ల కొడుకున్న తండ్రిగా సూప‌ర్బ్‌గా న‌టించారు.

అవార్డులు రావ‌డం స‌రే.. క‌మ‌ర్షియ‌ల్‌గా ఈ సినిమాకు మీకు సంతృప్తినిచ్చిందా?
ప్రేక్ష‌కుల్ని ఇబ్బంది పెట్ట‌కుంటే చాలు అంటుంటారు బాబాయ్ (నిర్మాత ఎస్‌. రాధాకృష్ణ (చినబాబు‌)‌. క‌థ‌లో మేం ఎంట‌ర్‌టైన్‌మెంట్, హ్యూమ‌న్ ఎమోష‌న్స్‌కు ప్రాధాన్యం ఇస్తుంటాం. జెర్సీ క‌థ‌లో క‌మ‌ర్షియ‌ల్ యాంగిల్ త‌క్కువే అయినా అందులోని ఎమోష‌న్స్‌ను నాని, నేను బాగా న‌మ్మాం కాబ‌ట్టే ఆ సినిమా చేశాం. రాయ‌ల‌సీమ‌, గుంటూరు ఏరియాలు మిన‌హా.. ఓవ‌ర్సీస్ స‌హా అన్ని చోట్లా క‌మ‌ర్షియ‌ల్‌గా బాగా ఆడింది. రెండో వారం హాలీవుడ్ ఫిల్మ్ ‘అవెంజ‌ర్స్ ఎండ్‌గేమ్’ రావ‌డంతో క‌లెక్ష‌న్ల‌పై ప్రభావం ప‌డింది. అయిన‌ప్ప‌టికీ బాగానే ఆడింది.

ఈ రెండు అవార్డులే కాకుండా వేరే అంశాల్లో అవార్డులు వ‌స్తాయ‌ని ఆశించారా?
బెస్ట్ యాక్ట‌ర్‌గా నానికి, బెస్ట్ డైరెక్ట‌ర్‌గా గౌత‌మ్‌కు ఫిల్మ్‌ఫేర్ అవార్డులు వ‌స్తాయ‌ని నేను న‌మ్మాను. అయితే ఇప్పుడు రెండు అంశాల్లో నేష‌న‌ల్ అవార్డ్స్ రావ‌డం ఆశ్చ‌ర్యాన్ని క‌లిగించింది. అందుకు ‘జెర్సీ’ సినిమా పూర్తిగా అర్హ‌మైంది.

Congratulations for 67 National Film Awards from Tollywood
#Jersey 
⭐Best Telugu Film Regional Category
⭐Best Editing - Navin Nooli 
#NationalFilmAwards Sithara Entertainment Nani #ManaRadio

ఇండ‌స్ట్రీ నుంచి ఎలాంటి స్పంద‌న ల‌భించింది?
ఇండ‌స్ట్రీకి సంబంధించిన చాలా మంది అభినంద‌న‌లు తెలిపారు. కొంత‌మంది ఫోన్ల ద్వారా, కొంత‌మంది సోషల్ మీడియా ద్వారా అభినందించారు. అందరికీ పేరు పేరు న కృతజ్ఞతలు.

మీ సినిమాతో పాటు ‘మ‌హ‌ర్షి’ చిత్రానికీ రెండు అవార్డులు ల‌భించడంపై మీ స్పంద‌న‌?
చాలా ఆనందంగా ఉంది. ‘మ‌హ‌ర్షి’ సినిమాని మంచి కాన్సెప్ట్‌తో తీశారు. రైతుల ఆత్మ‌హ‌త్య‌లు ఆగాలంటే ఏం చేయాల‌నే క‌థ‌కి మ‌హేష్‌బాబు గారు త‌న ప‌ర్ఫార్మెన్స్‌తో గొప్ప న్యాయం చేశారు. డైరెక్ట‌ర్ వంశీ పైడిప‌ల్లి చాలా బాగా దాన్ని రూపొందించారు. ‘మ‌హ‌ర్షి’ టీమ్ మొత్తానికీ మా సంస్థ త‌ర‌పున అభినంద‌న‌లు తెలియ‌జేస్తున్నా.

హారిక అండ్ హాసిని క్రియేష‌న్స్‌లో మీ పాత్ర ఎంత‌వ‌ర‌కు ఉంటుంది?
హారిక అండ్ హాసిని క్రియేష‌న్స్‌, సితార ఎంట‌ర్‌టైన్‌మెంట్స్ పేరుకు రెండు బ్యాన‌ర్ల‌యినా, నా వ‌ర‌కు అవి రెండూ ఒక‌టే. చెప్పాలంటే హారిక అండ్ హాసిని క్రియేష‌న్స్ పేరిట నిర్మించే సినిమాల్లోనే నా ఇన్‌వాల్వ్‌మెంట్ ఎక్కువ ఉంటుంది. హారిక‌, హాసిని అనేవి మా చెల్లెళ్ల పేర్లు. ఆ ఇద్ద‌రి పేరిట హారిక అండ్ హాసిని క్రియేష‌న్స్ పేరును త్రివిక్ర‌మ్ గారు పెట్టారు. సాధార‌ణంగా నా ద‌గ్గ‌ర‌కు ఏదైనా క‌థ వ‌చ్చి, అది నాకు న‌చ్చితే బాబాయ్ (ఎస్‌. రాధాకృష్ణ‌) ద‌గ్గ‌ర‌కు పంపిస్తాను. ఆయ‌న‌కూ న‌చ్చితే అప్పుడు ప్రాజెక్ట్ మొద‌లుపెడ‌తాం.

సాఫ్ట్‌వేర్ ఫీల్డ్ నుంచి వ‌చ్చారు క‌దా.. సినీ నిర్మాణం సంతోషాన్నిస్తోందా?
నేను సాఫ్ట్‌వేర్ రంగం నుంచి సినీ రంగంలోకి రావ‌డానికి కార‌ణం మా బాబాయే. స‌హ‌జంగానే నాకు సినిమాలంటే చిన్న‌ప్ప‌ట్నుంచీ ఇష్టం. నిర్మాత‌ల్లో నాకు దిల్ రాజు గారంటే చాలా అభిమానం. ఆయ‌న స్వ‌యంకృషితో ఈ రంగంలోకి వ‌చ్చి ఉన్న‌త స్థాయికి ఎదిగారు. బాబాయ్ నిర్మాత‌గా సినిమాల్లోకి వ‌చ్చాక‌, న‌న్ను కూడా ర‌మ్మ‌నేస‌రికి సంతోషంగా వ‌చ్చేశాను. ఇప్పుడు మంచి సినిమాలు తీస్తున్న నిర్మాణ సంస్థ‌లుగా మా బ్యాన‌ర్ల‌కు పేరు రావ‌డం మ‌రింత ఆనందంగా ఉంది.

‘రంగ్ దే’ గురించి ఏం చెబుతారు?
‘రంగ్ దే’ సినిమా యూత్‌ఫుల్ ఫ్యామిలీ ఎంట‌ర్‌టైన‌ర్‌. ఇంజ‌నీరింగ్ చ‌దివిన 24 సంవ‌త్స‌రాల కుర్రాడి క‌థ‌. ఈ క‌థ‌లోనూ మంచి మాన‌వ భావోద్వేగాలుంటాయి. ప్ర‌ధ‌మార్ధం వినోదాత్మ‌కంగా ఉల్లాసంగా న‌డిస్తే, ద్వితీయార్ధం చివ‌రి న‌ల‌భై నిమిషాల‌లో భావోద్వేగాలు మ‌న‌సుల్ని ఆక‌ట్టుకుంటాయి. నితిన్ న‌ట‌న అంద‌ర్నీ అల‌రిస్తుంది.

షూటింగ్ కోసం ఇట‌లీకి వెళ్లాల‌నుకున్నారు క‌దా.. దుబాయ్‌కి మార్చారెందుక‌ని?
క‌థ ప్ర‌కారం ఇట‌లీకి వెళ్లాలి. కానీ కొవిడ్ వ‌ల్ల షూటింగ్‌ను దుబాయ్‌కి మార్చాం. క‌థ‌లోనూ బ్యాక్‌డ్రాప్‌ను దుబాయ్‌నే పెట్టాం. అక్క‌డ షూటింగ్ మంచి ఆహ్లాద‌క‌ర వాతావ‌ర‌ణంలో స్మూత్‌గా జ‌రిగింది.

‘అయ్య‌ప్ప‌నుమ్ కోషియుమ్’ రీమేక్ షూటింగ్ గురించి ?
ఈ చిత్రం ఇద్ద‌రు వ్య‌క్తుల ఇగోల నేప‌థ్యంలో న‌డిచే క‌థ‌. ఒరిజిన‌ల్ త‌ర‌హాలోనే తెలుగులోనూ ఆ క్యారెక్ట‌రైజేష‌న్స్ అలాగే ఉంటాయి. కొన్ని స‌న్నివేశాల‌ను మార్చ‌డం, లేదా క‌ల‌ప‌డం జ‌రిగింది.

డైరెక్ట‌ర్‌గా సాగ‌ర్‌చంద్ర‌ను తీసుకొని, స్క్రిప్ట్ కోసం త్రివిక్ర‌మ్ గారిని తీసుకొచ్చారెందుక‌ని?
సాగ‌ర్‌చంద్ర డైరెక్ష‌న్ స్కిల్స్ మీద న‌మ్మ‌కంతోనే ఆయ‌న‌ను డైరెక్ట‌ర్‌గా తీసుకున్నాం. అయితే ప‌వ‌న్ క‌ల్యాణ్ గారు, రానా గారు న‌టిస్తుండ‌టంతో, ప్రాజెక్ట్ పెద్ద‌దైపోయింది. దాన్ని బ్యాలెన్స్ చేయ‌డం కోస‌మే త్రివిక్ర‌మ్ గారు స్క్రిప్ట్‌లోకి వ‌చ్చారు. ఆయ‌న స్క్రీన్‌ప్లే, డైలాగ్స్ సినిమాకి బ‌ల‌మ‌వుతాయి.

హీరోయిన్లు ఎవ‌రు?
ప‌వ‌న్ క‌ల్యాణ్ గారి స‌ర‌స‌న హీరోయిన్‌గా ఇంకా ఎవ‌రినీ ఎంపిక చేయ‌లేదు. రానా జోడీగా ఐశ్వ‌ర్యా రాజేష్ న‌టిస్తోంది.

మీ బ్యాన‌ర్ మీద త‌ర్వాత వ‌చ్చే సినిమాలేమిటి?
సితార ఎంట‌ర్‌టైన్‌మెంట్స్ బ్యాన‌ర్ మీద త‌ర్వాత వ‌చ్చే సినిమా ‘వ‌రుడు కావ‌లెను’. మ‌ల‌యాళం హిట్ సినిమా ‘క‌ప్పేలా’ రీమేక్‌ను ‘బుట్ట‌బొమ్మ’ టైటిల్‌తో చేద్దామ‌నుకుంటున్నాం. ‘న‌రుడి బ్ర‌తుకు న‌ట‌న’ అనే సినిమా షూటింగ్ జరుగుతుంది. బెల్లంకొండ సురేష్ గారి చిన్న‌బ్బాయి గ‌ణేష్‌బాబు హీరోగా ఓ సినిమా చేస్తున్నాం.

క‌రోనా కేసులు మ‌ళ్లీ పెరుగుతున్నాయి క‌దా.. సినిమాపై దీని ఎఫెక్ట్ ప‌డుతుంద‌ని ఆందోళ‌న చెందుతున్నారా?
క‌రోనా గురించి ఇదివ‌ర‌క‌టిలా ఇప్పుడంత భ‌య‌ప‌డాల్సిన ప‌నిలేద‌నేది నా వ్య‌క్తిగ‌త అభిప్రాయం. వైర‌స్‌లో తీవ్ర‌త త‌గ్గింది. కేసులు వ‌స్తున్న‌ప్ప‌టికీ ఆందోళ‌న చెందాల్సింది లేదు. మ‌ళ్లీ లాక్‌డౌన్‌లు విధిస్తార‌ని నేన‌నుకోను. పెద్ద‌వాళ్లు ఇప్ప‌టికే వాక్సిన్ వేసుకుంటున్నారు.

థియేట‌ర్లు తెరుచుకున్నాక వ‌రుస‌గా సినిమాలు హిట్ట‌వుతుండ‌టంపై ఏమంటారు?
2020లో అల వైకుంఠ‌పుర‌ములో, స‌రిలేరు నీకెవ్వ‌రు, భీష్మ సినిమాలు మంచి హిట్ట‌య్యాక‌.. లాక్‌డౌన్ వ‌చ్చింది. ఈ సంవ‌త్స‌రం థియేట‌ర్లు ఓపెన్ అయ్యాక చాలా సినిమాలు హిట్ట‌వ‌డం, ఊహించిన దానికి మించి క‌లెక్ష‌న్లు వ‌స్తుండ‌టం ఇండ‌స్ట్రీకి శుభ ప‌రిణామం. ఈ ట్రెండ్ కంటిన్యూ అవుతుంద‌ని అనుకుంటున్నాం.

తన ట్విట్టర్ అకౌంట్ ద్వారా సాంగ్ విడుదల చేసారు సూపర్ స్టార్ మహేష్ బాబు. ఈ సందర్భంగా మార్చి 26న విడుదలవుతున్న రంగ్ దే మూవీ యూనిట్ కు అభినందనలు తెలియజేసారు. రీసెంట్ గా రంగ్ దే మూవీ నుంచి విడుదలైన రెండు పాటలకు ఇటు మ్యూజిక్ లవర్స్ నుంచి, అటు ఆడియెన్స్ నుంచి ప్రశంసలు దక్కుతున్న తరుణంలో ఈ చిత్రం నుంచి మరో గీతం లిరికల్ వీడియో రూపంలో ఈరోజు విడుదల అయింది. చిత్ర కథ ప్రకారం సందర్భోచితంగా వచ్చే ‘రంగ్ దే’ లోని ఈ గీతం వివరాల్లోకి వెళితే

“నా కనులు ఎపుడూ కననే కనని
హృదయ మెపుడూ విననే వినని
పెదవు లెపుడూ అననే అనని
అద్భుతం చూస్తూ ఉన్నా…”
అంటూ పల్లవితో సాగే ఈ గీతానికి శ్రీమణి లిరిక్స్ అందించారు. ప్రముఖ సింగర్ సిద్ శ్రీరామ్ ఆలపించారు. ఉప్పెన తర్వాత మ్యూజిక్ డైరెక్టర్ దేవిశ్రీ ప్రసాద్ స్వరాలు అందించిన చిత్రమిది. వెంకీ అట్లూరి డైరెక్ట్ చేసిన ఈ సినిమాను సూర్యదేవర నాగవంశీ నిర్మించారు.

Source: Aditya music

ఇండస్ట్రీకి వచ్చి ఏళ్లు గడుస్తున్నా.. టాప్ స్టార్స్ లిస్ట్ లో సరైన చోటు సంపాదించేందుకు సఫర్ అవుతున్నారు నితిన్. లవ్ స్టోరీల నుంచి యాక్షన్ , మాస్, థ్రిల్లర్స్..ఇలా ప్రతి జానర్ ట్రై చేస్తూ సక్సెస్ స్ట్రీమ్ లైన్లో కి వచ్చేందుకు ప్రయత్నిస్తున్నారు. గతేడాది భీష్మ తో సక్సెస్ కొట్టిన నితిన్ .. రంగ్ దే సినిమాతో త్వరలోనే ఆడియన్స్ ముందుకు రాబోతున్నారు.

ఫ్లాప్ సినిమాల్ని అస్సలు పట్టించుకోకుండా హిట్ టార్గెట్ ని ఫిక్స్ చేసుకున్నారు నితిన్. అందుకే కెరీర్ లో ప్రయోగాలు చేస్తూ..కంటిన్యూ అవుతున్నారు. లేటెస్ట్ గా నితిన్ చంద్రశేఖర్ యేలేటి డైరెక్షన్లో వచ్చిన చెక్ మూవీ టీజర్ చూస్తే .. ఇది 100 పర్సెంట్ కరెక్ట్ అనిపిస్తుంది. రొటీన్ స్టోరీస్ కాకుండా ఆడియన్స్ పల్స్ పట్టుకుని తన కెరీర్ ని కొత్తగా డిజైన్ చేసుకుంటున్నారు నితిన్.

నితిన్ రంగ్ దే, చెక్ మూవీస్ తో పాటు మేర్ల పాక గాంధీ డైరెక్షన్లో మరో సినిమా చేస్తున్నారు. బాలీవుడ్ లో సూపర్ హిట్టైన థ్రిల్లర్ మూవీ అందాధున్ రీమేక్ గా ఈ సినిమా తెరకెక్కుతోంది. సీనియర్ హీరోయిన్ తమన్నా, నభానటేష్ లీడ్ రోల్స్ లో నితిన్ అంధుడిగా కనిపించబోతున్న ఈ సినిమా తో మరో ఆసక్తికర మూవీ తెరమీదకి తెస్తున్నారు నితిన్ .

ఈ మూడు సినిమాలు రిలీజ్ కాకుండానే కృష్ణ చైతన్య తో పవర్ పేట మూవీని కూడా లైన్లో పెట్టారు నితిన్. కెరీర్ లోనే ఛాలెంజింగ్ ఫిల్మ్ గా ఉండబోతోందని చెప్పిన నితిన్..ఈ సినిమా స్క్రిప్ట్ కి ఫిదా అయ్యి తనే ప్రొడ్యూసర్ గా మారారు . ఇలా వరుసగా 4 డిఫరెంట్ సినిమాల్ని లైన్లో పెట్టి ఏ క్యారెక్టర్ కి తగ్గట్టు అలా మౌల్డ్ అవుతూ సినిమా మీద తన ప్యాషన్ ని ప్రూవ్ చేసుకుంటున్నారు నితిన్.