అక్టోబర్ 13న ప్రపంచవ్యాప్తంగా రిలీజ్ కాబోతున్న త్రిపుల్ ఆర్ నుంచి వరుస అప్డేట్స్ వచ్చేస్తున్నాయి. అందరి పుట్టినరోజులకు ఫస్ట్ లుక్స్ ను రిలీజ్ చేసుకుంటూ వచ్చారు రాజమౌళి. ఇప్పుడిక అజయ్ దేవగణ్ వంతు వచ్చింది. ఏప్రిల్ 2 అజయ్ పుట్టిన రోజు సందర్భంగా ఆయన ఫస్ట్ లుక్ మోషన్ పోస్టర్ ను ‘RRR’ టీమ్ విడుదల చేయనుంది. ఈ విషయాన్ని మరో పోస్టర్ ద్వారా ప్రకటించారు రాజమౌళి. ఈ లిస్ట్ లో ఇక మిగిలింది శ్రీయ మాత్రమే. మరి ఆమె లుక్ కూడా డేట్ చూసుకొని రిలీజ్ చేస్తారో…లేదంటే డైరెక్ట్ థియేటర్ లోనే చూసుకోమంటారో చూడాలి.

లాస్ట్ స్టేజ్ కి వచ్చేసింది ట్రిపుల్ ఆర్ . యాక్షన్ షూట్ తోపాటు ప్యాచప్స్ కంప్లీట్ చేస్తున్న RRR సినిమా షూటింగ్ అల్యూమినియం ఫ్యాక్టరీ లో కంటిన్యూ అవుతోంది. ప్యాన్ ఇండియా స్టార్ ప్రభాస్ ,బాలీవుడ్ డైరెక్టర్ ఓమ్ రౌత్ కాంబినేషన్లో తెరకెక్కుతున్న ఆదిపురుష్ సినిమా షూటింగ్ ముంబయ్ సెట్స్ లో జరుగుతోంది. విజయ దేవరకొండ సైతం ఇప్పట్లో ముంబై వదిలి వచ్చేలా లేడు. లైగర్ షూటింగ్ ఇంకా ముంబైలోనే చేస్తున్నారు పూరీ జగన్నాథ్.

చెర్రీ బర్త్ డే సందర్భంగా ఫస్ట్ లుక్ ట్రీట్ ఇచ్చిన చిరంజీవి ఆచార్య టీమ్ ప్రస్తుతానికి రెస్ట్ మోడ్ లో ఉంది. ఏప్రిల్ 2 నుంచి ఆచార్య సినిమా కోకాపెట్ లో మళ్లీ మొదలుకానుంది. పవన్ కళ్యాణ్, క్రిష్ కాంబో మూవీ హరిహర వీరమల్లు సినిమా షూటింగ్ అల్యూమినియం ఫ్యాక్టరీలో జరుగుతుంది.

నందమూరి బాలకృష్ణ బోయపాటి శ్రీను దర్శకత్వంలో నటిస్తున్న సినిమా షూటింగ్ బెల్గాం ఆశ్రమంలో జరుగుతుంటే, ప్రవీణ్ సత్తారు డైరెక్షన్ లో నాగార్జున నటిస్తోన్న సినిమా గోవాలో జరుగుతుంది. ఇక రామానాయుడు స్టూడియోలో శరవేగంగా దృశ్యం -2 షూటింగ్ కంప్లీట్ చేస్తున్నారు వెంకటేశ్.

మహేశ్ బాబు సర్కారు వారి పాట షూటింగ్ గోవాలో జరుగుతుండగా… ఇటలీలో ఖిలాడీ షూటింగ్స్ తో బిజీగా ఉన్నారు రవితేజ. అల్లు అర్జున్, సుకుమార్ కాంబో పుష్ప సీన్స్ ను టోలీచౌకిలో చిత్రీకరిస్తున్నారు. వరుణ్ తేజ్ గని సినిమా షూటింగ్ అన్నపూర్ణ 7ఎకర్స్ లో కొనసాగుతుంది. సాయిధరమ్ తేజ్, దేవా కట్టా సినిమా రిపబ్లిక్ షూటింగ్ కూడా హైదరాబాద్ లోకల్ లొకేషన్స్ లోనే జరుగుతుంది.

స్టార్ వారసుడైనా ఇండస్ట్రీలో తాను స్టార్ గా మారేందుకు కష్టపడ్డాడు. నటుడిగా ఎంట్రీ ఇవ్వడానికి వారసత్వం పనికొస్తుందేమో కానీ.. నటవారసుడిగా నిలబడడానికి కాదని నిరూపిస్తూ.. సొంతగా ఎదుగుతూ సత్తా చూపిస్తున్నాడు మెగా పవర్ స్టార్. యాక్టింగ్ లోనే కాదు ..ప్రొఫెషనల్ చాలా షేడ్స్ చూపిస్తున్నారు రామ్ చరణ్. అందుకే ఇప్పుడు ఆయనకి తెలుగునేల మీదే కాదు…ప్రపంచవ్యాప్తంగా ఫ్యాన్ గ్రూప్స్ వెలిసాయి. బర్త్ డే ప్రత్యేకంగా న్యూయార్ టైమ్ స్వేర్స్ లోని నాస్దక్ బిల్డింగ్ పై చెర్రీ ఫోటోలను ప్రదర్శించారు.

మెగా ఫ్యామిలీ వారసుడంటే ఆషామాషీ కాదు.. అలా ,ఇలా ఉండకూడదు.. ఓ రేంజ్ లో ఉండాలి. అందుకే.. మెగాస్టార్ యాక్టింగ్ తో పాటు పవర్ స్టార్ పవర్ ను కలుపుకున్న ఈ మెగా పవర్ స్టార్ యంగ్ ఏజ్ లోనే ఇండస్ట్రీలోకి ఎంట్రీ ఇచ్చారు. హీరోగానే కాదు .. తండ్రితో కలిసి యాక్టింగ్ లో, డాన్స్ లో పోటీ పడుతున్నారు, ప్రొడ్యూసర్ గా కూడా మంచి సక్సెస్ అందుకుంటున్నారు చరణ్. అంతేకాదు .. సింప్లిసిటీ మెయింటెన్ చేస్తూ.. తన ఫ్యాన్స్ తో ఎప్పటికప్పుడు అన్ని విషయాలు షేర్ చేసుకుంటారు చరణ్. ఈ శనివారం రామ్ చరణ్ బర్త్ డే కావడంతో ఫ్యాన్స్ చేస్తున్న హడావిడి అంతా ఇంతా కాదు. నిన్న ఫ్యాన్స్ మీట్ లో భాగంగా చరణ్ కు విషెస్ తెలియజేసేందుకు ప్రవాహంలా అభిమానులు తరలివచ్చారు.

రామ్ చరణ్ కెరీర్ రంగస్తలం ముందు వరకూ ఒక లెక్క..రంగస్తలం తర్వాత ఒక లెక్క అన్నట్టు సినిమాల సెలక్షన్ లో వేరియేషన్ చూపిస్తున్నారు చరణ్. రాజమౌళి డైరెక్షన్లో తెరకెక్కుతున్న ట్రిపుల్ ఆర్ లో రామ్ చరణ్ తన విశ్వరూపం చూపిస్తున్నారు. అల్లూరి సీతారామరాజుగా చరణ్ .. ఇంతకుముందెన్నడూ లేనంత ఫియర్ లెస్ యాక్షన్ ఎమోషన్స్ ని చూపించబోతున్నారు.

మెగా స్టార్ వారసుడిగా డ్యాన్సులు, ఫైట్లతో చిరంజీవిని మరిపిస్తున్నాడు. తండ్రి స్టార్ డమ్ ను అందుకోవడానికి ట్రై చేస్తూ..తండ్రిని మరిపించేలా స్టెప్స్ వేస్తూ మెగా పవర్ స్టార్ అని ప్రూవ్ చేసుకుంటున్నారు. కొరటాల శివ డైరెక్షన్లో వస్తున్న ఆచార్య సినిమాలో తండ్రీ కొడుకులిద్దరూ కలిసి హంగామా చెయ్యబోతున్నారు. వీళ్లిద్దరినీ ఈ సినిమాలో ఎప్పుడెప్పుడు చూస్తామా అని వెయ్యి కళ్లతో వెయిట్ చేస్తున్నారు అభిమానులు .

హీరోగానే కాదు, తండ్రితో పోటీపడుతూ నటిస్తున్న కో యాక్టర్ గానే కాకుండా ..ప్రొడ్యూసర్ గా కూడా సక్సెస్ అవుతున్నారు చరణ్. కొణిదెల ప్రొడక్షన్స్ స్టార్ట్ చేసి చిరంజీవితోనే ఖైదీ నెం. 150 తో పాటు భారీ బడ్జెట్ సినిమా సైరా నర్సింహారెడ్డి చేసి సూపర్ హిట్ కొట్టారు చరణ్. ఇప్పుడు ఆచార్య సినిమాకి కూడా కో ప్రొడ్యూసర్ గా ఉన్నారు రామ్ చరణ్. ఇక మరోవైపు నేషనల్ డైరెక్టర్ శంకర్ తో సినిమా అనౌన్స్ చేసి…ప్రేక్షకులకి కిక్ ఇచ్చారు. పుట్టినరోజు సందర్భంగా ఈ మూవీ ప్రొడ్యూసర్ దిల్ రాజు…మీతో పనిచేసేందుకు వెయిట్ చేస్తున్నామంటూ ట్వీట్ చేసారు.

మెగాపవర్ స్టార్ రామ్ చరణ్ పుట్టినరోజు కానుకగా ‘ఆర్ఆర్ఆర్’ మూవీ యూనిట్ సర్‌ప్రైజ్ చేసింది. మార్చి 27న చెర్రీ బర్త్ డే కావడంతో ఒకరోజు ముందుగానే త్రిపుల్ ఆర్ టీమ్ అల్లూరి సీతారామరాజు ఫస్ట్ లుక్ విడుదల చేసింది. ఈ మూవీలో అల్లూరిగా చెర్రీ గర్జన ఏరకంగా ఉండబోతోందో జస్ట్ ఓ చిన్న శాంపిల్‌ని ప్రేక్షకుల ముందుకు తీసుకొచ్చింది.
ధైర్యం, నిజాయితీ, సమగ్రత ఈ మూడింటిని కలయికే మా అల్లురి సీతారామరాజు అంటూ ఫస్ట్ లుక్ ను పరిచయం చేసారు డైరెక్టర్ రాజమౌళి. నా అన్న రామరాజు లుక్ అంటూ అటు ఎన్టీఆర్ సైతం రామ్ చరణ్ కు విషెస్ తెలియజేస్తూ సోషల్ మీడియాలో షేర్ చేసారు. ఇక ఈ సినిమాలో యంగ్ టైగర్ ఎన్టీఆర్ కొమురం భీం పాత్రలో నటిస్తోన్న సంగతి తెలిసిందే. రామరాజు జోడీగా సీత పాత్రలో అలియా మెరవనుంది. 400కోట్ల భారీ బడ్జెట్ తో…పాన్ ఇండియా సినిమాగా తెరకెక్కుతున్న ‘ఆర్ఆర్ఆర్’ అక్టోబర్ 13న ప్రపంచ వ్యాప్తంగా విడుదలకు రెడీఅవుతోంది.

త్రిపుల్ ఆర్ సీత వచ్చేసింది. రామరాజు రాక కోసం బలమైన సంకల్పంతో సీత ఎదురుచూస్తోంది. ఆమె ఎదురుచూపులు గొప్పవంటూ సీతగా ఆలియా భట్ ను ఇంట్రడ్యూస్ చేసారు రాజమౌళి. ఈ సినిమాలో ఆలియా.. రామ్ చరణ్ సరసన నటిస్తోన్న సంగతి తెలిసిందే. ఈమధ్యే త్రిపుల్ ఆర్ లోని ఓ షెడ్యూల్ కంప్లీట్ చేసిన ఆలియా…త్వరలోనే మరో షెడ్యూల్ షూటింగ్ లో పాల్గొనబోతుంది.

త్రిపుల్ ఆర్ నుంచి ఒక్కొక్కరినీ తెరమీదికి తీసుకొస్తున్నారు రాజమౌళి. మొదట ఎన్టీఆర్ వాయిస్ ఓవర్ తో చెర్రీ రోల్ రివీల్ చేసారు. ఆపై చరణ్ వాయిస్ ఓవర్ తో కొమురం భీమ్ గా యంగ్ టైగర్ ని పరిచయం చేసారు. రీసెంట్ గా ఎన్టీఆర్ జోడీగా నటిస్తోన్న హాలీవుడ్‌ బ్యూటీ ఒలీవియా మోరీస్‌ ఫస్ట్ లుక్ రిలీజ్ కాగా… ఇప్పుడిక ట్రెడిషనల్ లుక్ లో ఆలియాను ప్రెజెంట్ చేసారు జక్కన్న.

ఆర్ఆర్ఆర్ నుంచి లీడ్ రోల్స్ ఎంట్రీ ఇచ్చేసారు. ఇక మిగిలింది… అజయ్ దేవగణ్, సముద్రఖని, శ్రీయా శరణ్, రే స్టీవెన్ సన్ , అలిసన్ డూడీ ఫస్ట్ లుక్స్. రాజమౌళి సినిమా అంటేనే ప్రచారం ఓ రేంజ్ లో ఉంటుంది. ఇప్పటివరకూ రిలీజైనవి ఫస్ట్ లుక్స్ మాత్రమే. అక్టోబరు 13న త్రిపుల్ ఆర్ థియేటర్స్ కి వచ్చేవరకూ…రాజమౌళి ఎన్నో సర్ప్రైజెస్ ప్లాన్ చేసారని సమాచారం. 400కోట్ల రూపాయల బడ్జెట్ తో తెరకెక్కుతున్న ఆర్ఆర్ఆర్ కోసం మొత్తానికి ఇలా ఆడియెన్స్ ను ఎంగేజ్ చేస్తున్నారు మేకర్స్.

గ్లాడియేటర్, ఎక్స్ మెన్ వంటి హాలీవుడ్ చిత్రాల యాక్షన్ కొరియోగ్రాఫర్ నిక్ పావెల్ రంగంలోకి దిగారు. రామోజీ ఫిల్మ్ సిటీలో జరుగుతున్న ఆర్ఆర్ఆర్ షూటింగ్ లో సందడి చేస్తున్నారు. నిక్ పర్యవేక్షణలో రాజమౌళి దర్శకత్వంలో ఆర్ఆర్ఆర్ క్లైమాక్స్ యాక్షన్ సీక్వెన్స్ షూట్ నిర్విరామంగా జరుగుతోంది. ఎన్టీఆర్, చరణ్ కలిసిచేస్తోన్న ఈ పోరాటం కోసం 40మంది అమెరికన్ ఫైటర్స్ ను తీసుకొచ్చారు. అయితే ఈ హీరోల కాంబినేషన్ సీన్స్ దాదాపు గత వారాల్లోనే పూర్తయ్యాయి. కాగా ఇప్పుడు అమెరికా నుంచి వచ్చిన వారితో కొన్ని సీన్స్ షూట్ చేస్తున్నారు. వారి సన్నివేషాల చిత్రీకరణ అయిపోగానే చెర్రీ, యంగ్ టైగర్ బరిలోకి దిగనున్నారు.

పెద్ద సినిమా హక్కుల కోసం ఓటీటీ సంస్థలు భారీ మొత్తాన్ని ఖర్చు పెట్టేందుకు పోటీపడుతున్నాయి. రీసెంట్ గా ప్రభాస్ సలార్ కోసం అమేజాన్ 100కోట్లను వెచ్చించేందుకు చూస్తుందనే వార్త రాగా…తాజాగా రాజమౌళి మూవీ త్రిపుల్ ఆర్ కోసం స్టార్‌ నెట్‌వర్క్‌ సంస్థ భారీ మొత్తాన్ని ఎరగా వేస్తుందని సమాచారం. ఆర్ఆర్ఆర్ మూవీ ఓటీటీ రైట్స్ అక్షరాలా 200 కోట్ల రూపాయలకు కొనుగోలు చేస్తున్నట్లు ఓ వార్త బాగా వైరల్‌ అవుతోంది. తెలుగు, తమిళం, కన్నడ, మలయాళ భాషలతో పాటూ హిందీ హక్కులను సైతం స్టార్‌ నెట్‌వర్క్‌ సొంతం చేసుకోబోతున్నట్లు టాక్‌ నడుస్తోంది. అంటే సినిమా హాళ్లలో రచ్చ చేసిన అనంతరం ఆర్ఆర్ఆర్ నేరుగా ఓటీటీ వేదిక డిస్నీ + హాట్‌స్టార్‌లో సందడి చేస్తుందంటున్నారు. ఇక ఓన్లీ ఓటీటీ కోసమే 200 కోట్ల డీల్ జరిగితే థియేట్రికల్ రిలీజ్ బిజినెస్ ఇంకెన్ని సంచలనాలు సృష్టిస్తుందోనని నోరెళ్లబెడుతున్నారు సినీజనాలు. అయితే ఈ వార్తపై ఎలాంటి అఫీషియల్ అనౌన్స్ ఇంతవరకు రాలేదు. ఇదే నిజమైతే మాత్రం ఓటీటీలో కూడా ఆర్‌ఆర్‌ఆర్‌ సరికొత్త రికార్డులను తిరగరాయడం ఖాయంగా కనిపిస్తోంది. దాదాపు 350 కోట్ల రూపాయల భారీ బడ్జెట్‌తో నిర్మాత డీవీవీ దానయ్య ఈ సినిమాను సుమారు పది భాషల్లో నిర్మిస్తున్నారు.

యంగ్ టైగర్ ఎన్టీఆర్, మెగా పవర్‌ స్టార్‌ రామ్‌ చరణ్‌ కథానాయకులుగా దర్శకధీరుడు రాజమౌళి తెరకెక్కిస్తున్న చిత్రం ఆర్ఆర్ఆర్( రౌధ్రం రణం రుధిరం). భారీ బడ్జెట్‌తో రూపొందిస్తున్న ఈ సినిమాను డీవీవీ దానయ్య నిర్మిస్తున్నారు. ‘బాహుబలి’ తర్వాత జక్కన్న నుంచి వస్తున్న చిత్రం కావడం, స్వాతంత్ర్య సమరవీరులుగా స్టార్‌ హీరోలు కనిపించనుండటంతో ఆర్‌ఆర్‌ఆర్‌పై అంచనాలు ఆకాశాన్నంటాయి. దసరా సీజన్లో అక్టోబర్‌ 13న థియేటర్లకు రాబోతున్న ఈ మూవీ.. ఇప్పటికే ఫ్రీ రిలీజ్‌ బిజినెస్‌లోనే భారీ మొత్తాన్ని రాబడుతున్నట్టు సమాచారం. ఇలాంటి వార్తలను ధృవీకరిస్తూ ఆర్ఆర్ఆర్ యూనిట్ నుంచి ఓ సంచలన ప్రకటన బయటికొచ్చింది.
ఆర్‌ఆర్‌ఆర్‌ తమిళ్ థియేట్రికల్‌ రైట్స్ ను ప్రముఖ నిర్మాణ సంస్థ లైకా ప్రొడెక్షన్స్‌ సొంతం చేసుకొంది. ఈ సంగతిని లైకా ప్రొడెక్షన్స్‌ ట్విట్టర్‌ అకౌంట్ ద్వారా విడుదలచేసింది. ‘బిగ్గెస్ట్‌ ప్యాన్‌ ఇండియా సినిమా త్రిపుల్ ఆర్ తమిళనాడు థియేట్రికల్ హక్కులను సొంతం చేసుకున్నామని అనౌన్స్ చేయడం ఎంతో గర్వంగా ఉంది’ అంటూ లైకా ప్రొడక్షన్స్‌ ట్వీట్‌ చేసింది. అయితే భారీగా డబ్బులు చెల్లించి లైకా సంస్థ ఈ రైట్స్ ను దక్కించుకున్నట్టు వార్తలొస్తున్నాయి. దాదాపు 45 కోట్ల రూపాయల అతిపెద్ద మొత్తానికి తమిళ్ థియేట్రికల్స్‌ హక్కులను కొన్నదని సమాచారం. అయితే ఇప్పుడింత డబ్బు చెల్లించడం అంత ఆశ్యర్యపోయే విషయమేం కాదు. రాజమౌళి డైరెక్షన్లో వచ్చిన ‘బాహుబలి 2’ తమిళనాట 78 కోట్ల రూపాయల షేర్ రాబట్టింది. అంతుద్ది కాబట్టే లైకా ప్రొడక్షన్స్‌ 45 కోట్ల రూపాయలు చెల్లించేందుకు తేలికగా ఒప్పుకుంది. భారీ అంచనాలున్న ఆర్‌ఆర్‌ఆర్ 45 కోట్ల రూపాయలను మించి వసూలు చేయడం పెద్ద కష్టమేమి కాదని నమ్ముతున్నాయి చిత్రవర్గాలు.

త్రిపుల్ ఆర్ సినిమాలో రామ్‌చరణ్, ఆలియాపై ఓ భారీ సాంగ్‌ ప్లాన్ చేసారట జక్కన్న. మంచి రొమాంటిక్ నంబర్ లా తెరెకెక్కబోతున్న ఈ పాట కోసం హీరోయిన్ అలియా గొంతు సవరించుకోబోతున్నట్టు టాక్. అయితే దక్షిణాది భాషల్లో కాకుండా కీరవాణి సంగీతంలో ఈ పాట హిందీ వెర్షన్‌ అలియా ఆలపించనున్నట్టు వార్తలొస్తున్నాయి. ఇప్పటికే హైవే, హంప్టీ శర్మాకి దుల్హనియా, ఉడ్తా పంజాబ్, డియర్ జందగీ, సడక్ 2 సినిమాల్లో పాటలు పాడి మెప్పించింది అలియా. ఇక ఇదే ధైర్యంతో ఆర్ఆర్ఆర్ లో సైతం తన గొంతను వినిపిస్తానని రిక్వెస్ట్ చేసిందట. దీంతో ఆమె రిక్వెస్ట్ ను స్వీకరించిన రాజమౌళి, కీరవాణి ఈ అవకాశం ఇచ్చారని చెప్తున్నారు. అయితే సౌత్ ప్రేక్షకులకు మాత్రం వార వారి భాషల్లో ఆమె గొంతుతో పాటను వినే అదృష్టం లేకుండాపోయింది.

ఆర్ఆర్ఆర్ మూవీ షూటింగ్ క్లైమాక్స్ దశకు చేరుకున్న విషయం తెలసిందే. ఈమధ్యే రాజమౌళి సైతం వీరులిద్దరూ కలిసి పోరాటాన్ని చేసే సమయం ఆసన్నమైందని ఓ ఫోటోను రిలీజ్ చేసారు. మరి జక్కన్న ఓ రేంజ్ లో తెరకెక్కిస్తున్న అత్యంత బీభత్స యుద్ధ సన్నివేశాల్లో పాల్గొనాలంటే అంతకుమించిన కఠినమైన కసరత్తులు చేయాల్సిందే. ప్రస్తుతం హీరోలు ఎన్టీఆర్, రామ్‌చరణ్‌ అదే పనిలో ఉన్నారు. యుద్ధానికి కాస్త బ్రేక్ ఇచ్చి పోరాట సన్నివేశాల గురించి మాట్లాడుకుంటూ చిల్ అవుతున్నారు. సెట్లో సందడి చేస్తున్నారు. ఆ ఫోటోలే ఇప్పుడు వైరల్ గా మారాయి.

రాజమౌళి డైరెక్షన్లో ఎన్టీఆర్, రామ్‌చరణ్‌ హీరోలుగా నటిస్తోన్న భారీ మల్టీస్టారర్‌ ప్యాన్ ఇండియన్ మూవీ ‘ఆర్‌ఆర్‌ఆర్‌’ (రౌద్రం రణం రుధిరం). కొమురం భీమ్‌ గా తారక్, అల్లూరి సీతారామరాజుగా చరణ్‌ కనిపించనున్నారు. అలియా భట్, అజయ్ దేవగణ్, శ్రీయ వంటి వారు వివిధ పాత్రల్లో నటిస్తున్నారు. డీవీవీ దానయ్య ప్రొడ్యూస్ చేస్తున్న ఈ ప్రాజెక్ట్ అక్టోబర్‌ 13న ప్రేక్షకుల ముందుకు రానుంది.