ఎన్టీఆర్, త్రివిక్రమ్ కాంబో మూవీకి చౌడప్ప నాయుడు అనే టైటిల్ ను పరిశీలిస్తున్నారు. మొదట అయినను పోయిరావలే హస్తినకు అన్న టైటిల్ అనుకున్నా…చౌడప్ప నాయుడుకే ఫిక్స్ అయ్యారని టాక్. త్రిపుల్ ఆర్ తర్వాత ఎన్టీఆర్ త్రివిక్రమ్ దర్శకత్వంలోనే నటించబోతున్నారు. అటు త్రివిక్రమ్ ప్రీప్రొడక్షన్ పనులను శరవేగంగా పూర్తి చేస్తున్నారు. హీరోయిన్ ఎవరన్న దానిపై ఇంకా క్లారిటీ రావాల్సిఉంది. రష్మిక నటిస్తోందా…పూజా హెగ్దే కనిపిస్తోందా…తెలియాలి. అలాగే ఉప్పెన కృతిశెట్టి మరో హీరోయిన్ గా కనిపించనుందనే టాక్ వినిపిస్తోంది.

అయితే త్రివిక్రమ్ డైరెక్షన్లో ఎన్టీఆర్ నటించబోయే సినిమాను ప్యాన్‌ ఇండియా రేంజ్‌లో తెరకెక్కించనున్నారని టాక్. అందుకే విలన్ గా సైఫ్‌అలీఖాన్‌ ను తీసుకోవాలనే ప్లాన్ చేస్తున్నట్టు చెప్తున్నారు. ఇప్పుడు క్రేజ్ ఉన్న హీరోలందరూ పాన్ ఇండియా సినిమాల వైపే మొగ్గుచూపుతున్నారు. దేశమంతా గుర్తింపుతో పాటూ కమర్షియల్ గానూ పాన్ ఇండియా అన్నది సక్సెస్ మంత్ర. అందులో త్రిపుల్ ఆర్ తర్వాత వచ్చే సినిమా కావడంతో దానిని కూడా పాన్ ఇండియా లెవెల్లోనే తీయాలన్నది తారక్ ప్లాన్.

ప్రభాస్‌ హీరోగా ఓం రౌత్‌ దర్శకత్వంలో తెరకెక్కుతోన్న‘ఆదిపురుష్‌’ సినిమా ఫస్ట్‌ లుక్‌ రిలీజ్‌కు ముహూర్తం ఖరారైనట్లు సమాచారం. శ్రీరామ నవమి పండగ సందర్భంగా వచ్చే నెల ఈ సినిమా ఫస్ట్‌ లుక్‌ను విడుదల చేయాలనే ఆలోచనలో మూవీ యూనిట్ సభ్యులు ఉన్నారని తెలుస్తోంది. శ్రీరాముని జన్మదినం, పెళ్లిరోజు శుభముహూర్తన ఆ రాముడిగా ఆదిపురుష్ అవతారంలో కనిపించేందుకు సిద్ధమయ్యాడు ప్రభాస్.

కృతీ సనన్ సీతగా, సన్నీ సింగ్ లక్ష్మణుడిగా ఫైనల్ అయినట్టే. రావణుడిగా సైఫ్ అలీఖాన్ నటిస్తుండగా…ఆయన భార్యగా మండోదరి పాత్రలో సీనియర్ హీరోయిన్ కాజోల్ కనిపించనున్నట్టు వార్తలొస్తున్నాయి. ప్రస్తుతం ముంబైలో రెండో షెడ్యూల్ షూటింగ్ జరుగుతోంది ఆదిపురుష్. ఇక ఇప్పటికే యంగ్ రెబల్ స్టార్ ఫ్యాన్స్ ఏదైనా అప్డేట్ చెప్పండయ్యా బాబు…అంటూ ప్రభాస్ నటిస్తోన్న సినిమా దర్శకనిర్మాతలకు తెగ ట్వీట్స్ చేస్తున్నారు. ఈ నేపథ్యంలో శ్రీరామనవమి కానుకగా ఆదిపురుషుడి గెటప్ లో ప్రభాస్ లుక్ ను రివీల్ చేసేందుకు రెడీఅయ్యారు మేకర్స్.

ప్రభాస్ రామునిగా నటిస్తోన్న ఆదిపురుష్ సినిమాలో ఒక్కొక్కరుగా కాస్ట్ సెట్ అవుతున్నారు. ముందుగానే రావణుడిగా సైఫ్ అలీఖాన్ ను ప్రకటించిన డైరెక్టర్ ఓం రౌత్…ఈమధ్యే సీతగా కృతిసనన్, లక్ష్మణుడిగా సన్నీ సింగ్ నటిస్తున్నారని చెప్పారు. అంతేకాదు రాముని తల్లిగా కౌసల్య పాత్రలో హేమామాలిని కనిపిస్తారనే ప్రచారమూ జరుగుతుంది. ఇదిలాఉంటే ఇదే సినిమాలో బీటౌన్ సీనియర్ కాజోల్ ఓ ఇంపార్టెంట్ రోల్ చేస్తున్నారట. రావణుడి భార్య మండోదరిగా ఆమె కనిపించే ఛాన్స్ ఉన్నట్టు తెలుస్తోంది. సైఫ్ అలీఖాన్ పక్కన ఓ స్టార్ డం ఉన్న నటి మాత్రమే కావాలని సెర్చ్ చేసిన మేకర్స్..కాజోల్ అయితేనే వర్క్ అవుట్ అవుతుందని భావించారని టాక్. అందులో కాజోల్ తో తానాజీ సినిమా చేసిన అనుభవముంది డైరెక్టర్ ఓంరౌత్ కి. సో కాజోల్ మండోదరిగా కనిపించడం దాదాపు ఫిక్సయినట్టేనని తెలుస్తోంది.

ప్రభాస్ రాముడిగా నటిస్తోన్న ఆదిపురుష్ కి సంబంధించిన మరో క్రేజీ అప్డేట్ వచ్చేసింది. మొదటినుంచీ అనుకుంటున్న కృతి సనన్…సీతగా ఫిక్స్ అయింది. దాదాపు డైరెక్టర్ ఓం రౌత్ మూవీ అనౌన్స్ చేసినప్పటి నుంచి కృతి పేరే ప్రథమంగా వినిపించినా…మధ్యలో అనుష్క నుంచి కీర్తి సురేష్ వరకు సీతగా నటిస్తారని ప్రచారం జరిగింది. చివరికి కృతి నే..సీతగా చూపించబోతున్నాడు.

ఇక లక్షణుడుగా సన్నీ సింగ్ నటిస్తున్నాడు. సోను టిట్టు కె స్వీటీ సినిమాతో మంచి పేరు తెచ్చుకున్న సన్నీ…ఈ సినిమాలో ప్రభాస్ తమ్ముడుగా కనిపించబోతున్నాడు.

‘బాహుబలి’ తర్వాత ప్యాన్ ఇండియన్ స్టార్ గా మారిన ప్రభాస్ వరుసపెట్టి సినిమాలను అంగీకరించారు. అన్నీ బడా సినిమాలే. రాధేశ్యామ్ విడుదలకు సిద్ధమవుతుండగా…సలార్, ఆదిపురుష్ షూటింగ్ కూడా చేసుకుంటున్నాయి. నాగ్ అశ్విన్ కాంబినేషన్ మూవీ ఇంకా ప్రారంభంకావాల్సిఉంది. అయితే ఈ సినిమాల గురించి రోజుకో వార్త హల్చల్ చేస్తుంది. తాజాగా ఆదిపురుష్ అమ్మ కనిపించేందు ప్రముఖ బాలీవుడ్ నటి ఓకే చెప్పారన్నవార్త ట్రెండింగ్ గా మారింది.
ఓం రౌత్ డైరెక్షన్లో రామునిగా ప్రభాస్ కనిపించనుండగా…ఆయనకు తల్లిగా కౌసల్య పాత్రలో హేమామాలిని నటిస్తారని తెలుస్తోంది. ఇప్పటికే ఈ సీనియర్ బాలీవుడ్ హీరోయిన్ ను చిత్రయూనిట్ సంప్రదించగా…ఆమె గ్రీన్ సిగ్నల్ కూడా ఇచ్చారట. రామాయణ నేపథ్యంగా భారీ బడ్జెట్ ప్లస్ ప్యాన్ ఇండియన్ మూవీ కావడంతో హేమామాలిని వెంటనే ఓకే చెప్పారని అంటున్నారు. ఇదివరకు తెలుగు హీరో బాలకృష్ణకు తల్లిగా గౌతమీపుత్ర శాతకర్ణీలో నటించారామె. ఇప్పుడిలా ప్రభాస్ మాతృమూర్తిగా కనిపించబోతున్నారు. రావణుడిగా సైఫ్‌ అలీఖాన్‌ నటిస్తుండగా…సీతగా కృతీసనన్ పేరు వినిపిస్తోంది, అఫీషియల్ మాత్రం కాదు. ఏదేమైనా ఆదిపురుష్ ను మాత్రం 2022 ఆగస్ట్‌ 11న సినిమా హాళ్లకు తీసుకొచ్చేందుకు సన్నాహాలు చేస్తున్నారు మేకర్స్.

పాన్ ఇండియా 3డి మూవీగా ప్రభాస్ ఆదిపురుష్ ను తెరకెక్కించేందుకు రంగం సిద్ధం చేసారు. రీసెంట్ గా ఈ ప్రాజెక్ట్ కు సంబంధించి మోషన్ క్యాప్చర్ వర్క్ ప్రారంభించినట్టు డైరెక్టర్ ఓం రౌత్ ప్రకటించారు. మోషన్ క్యాప్చర్ షురూ అయింది. ఆదిపురుష్ లోకాన్ని సృష్టించబోతున్నాం అంటూ ఓ ఫోటోను షేర్ చేసారు. గ్రాఫిక్స్ టీంతో కలిసి దిగిన ఫోటోలను పోస్ట్ చేసారు. ఫిబ్రవరి 2న ఆదిపురుష్ సినిమా లాంచనంగా మొదలుకానుందని తెలియజేసారు.
తాజాగా సలార్ షూటింగ్ అఫీషియల్ గా ప్రారంభమైంది. రాధేశ్యామ్ క్లైమాక్స్ అయిపోగానే ప్రభాస్ సలార్ సెట్స్ లోకి జంప్ అవుతాడు. ఈలోపు గ్రాఫిక్స్ వర్క్ పూర్తిచేసుకుంటుంది ఆదిపురుష్ టీం. ఆపై దాదాపు ఒకే సెట్ లో షూటింగ్ జరిగే ఈ ప్రాజెక్ట్ లోకి ఎంట్రీ ఇస్తాడు ప్రభాస్. అక తానాజీ తర్వాత రామాయణంతో అలరించేందుకు సిద్ధమైన డైరెక్టర్ ఓం రౌత్ పై భారీ అంచనాలే ఉన్నాయి. సైఫ్ అలీఖాన్ రావణుడిగా కనిపించే ఈ క్రేజీ సినిమా 2022 ఆగస్టులో ప్రేక్షకుల ముందుకు రానుంది.

‘ఆదిపురుష్‌’ ప్రాజెక్ట్ ముహూర్తం షాట్ కి ముస్తాబవుతోంది. అతి త్వరలో రాధే శ్యామ్ అవతారాన్ని చాలించి రాముని మేకప్ వేసుకోనున్నారు ప్రభాస్‌. ఓం రౌత్‌ డైరెక్షన్లో రూపొందుతున్న ఈ చిత్రంలో శ్రీరాముడిగా ప్రభాస్‌… రావణుడిగా సైఫ్‌ అలీఖాన్… సీతగా కృతీ సనన్‌ కనిపించనున్నారు. అయితే ఈ మూవీ షూటింగ్ ఈ నెల 19 నుంచి నుంచి ప్రారంభం కానుంది. ముంబైలోని ఓ స్టూడియోలో చిత్రీకరణ మొదలవుతుంది. సినిమా మొత్తాన్ని కూడా ఇదే స్టూడియోలో షూట్‌ చేయబోతున్నారనే ప్రచారం జరుగుతుంది.
ప్రస్తుతం నటిస్తోన్న లవ్ స్టొరీ ‘రాధే శ్యామ్‌’ను కంప్లీట్ చేసి, ‘ఆదిపురుష్‌’ సెట్లో అడుగుపెడతారట ప్రభాస్‌. ఈ మూవీ కోసం తన శరీరాకృతిని కూడా మార్చేశారు ప్రభాస్. 2022 ఆగస్ట్‌లో ‘ఆదిపురుష్‌’ని రిలీజ్ చేస్తున్నట్టు ఆల్రెడీ ప్రకటించారు

2021 కొత్త సంవత్సరంలో కొత్త సినిమాలు రిలీజ్ కాబోతున్నాయని కొంతమంది, కొత్త ప్రాజెక్ట్స్ గురించి వెయిట్ చేస్తూ కొంతమంది తెగ వెయిట్ చేస్తున్నారు. కానీ కొంత మంది స్టార్లు మాత్రం అసలు సినిమాలు , రిలీజ్ లు పక్కన పెట్టి ఈ సంవత్సరం తమకు ప్రమోషన్ ఎప్పుడొస్తుందా అని టెన్షన్ పడుతూ ఎదురు చూస్తున్నారు.
కరోనా తెచ్చిన లాక్ డౌన్ లో సెలబ్రిటీలందరూ అసలు సినిమాలు, షూటింగ్స్ లేక ఖాళీ గా టైమ్ పాస్ చేశారు . అందరూ..కాదులెండి.. కొంతమంది మాత్రం పిల్లల్ని కనే పనిలో బిజీగా ఉన్నారు. 2020 లో రాసిన ఎగ్జామ్ కి రిజల్ట్ ని 2021 లో అందుకోబోతున్నారు ఈ స్టార్ పేరెంట్స్. బాలీవుడ్ స్టార్ హీరోయిన్ అనుష్క, ఇండియన్ క్రికెట్ కెప్టెన్ విరాట్ కోహ్లి తమ ఫస్ట్ చైల్డ్ కి ఈ నెలలోనే పేరెంట్స్ గా ప్రమోట్ అవ్వబోతున్నారు.


2021 లో బాలీవుడ్ స్టార్ కపుల్ సైఫ్ అలీఖాన్, కరీనా కపూర్ రెండో సారి పేరెంట్స్ అవుతున్నారు. బాలీవుడ్ ముద్దుగా పిలుచుకునే బెబో ..రోండో సారి తల్లవుతున్నానంటూ ఆగస్ట్ లో అనౌన్స్ చేసింది. ప్రెగ్నెన్సీ అనౌన్స్ మెంట్ తో టాక్ ఆఫ్ ది టౌన్ అయిన కరీనా కపూర్ అప్పటినుంచి సోషల్ మీడియాలో ఫోటోలతో, వీడియోలతో హడావిడి చేస్తోంది.


నువ్వునేను సినిమాతో హీరోయిన్ గా ఎంట్రీ ఇచ్చి ఇటు తెలుగు, అటు బాలీవుడ్ లో బిజీ అయిపోయిన అనిత హస్సానందిని, రోహిత్ రెడ్డి 2020 అక్టోబర్ లో తమ కమింగ్ బేబీ గురించి అనౌన్స్ చేశారు. అయితే ఈ సంవత్సరం ఫిబ్రవరి లోడెలివరీ తో తల్లితండ్రులు కాబోతున్నారు.
ఇండియన్ ఫాస్ట్ బౌలర్ జహీర్ ఖాన్ ,బాలీవుడ్ నటి సాగరికా ఘట్కే జంట .. కూడా ఈ సంవత్సరమే పేరెంట్స్ గా ప్రమోట్ కాబోతున్నారు. బాలీవుడ్ అప్ కమింగ్ యాక్టర్ నకుల్ మెహతా భార్య కూడా ఈ ఫిబ్రవరిలోనే బిడ్డ డెలివరీ కోసం వెయిట్ చేస్తోంది. ఇక 10 సంవత్సరాల క్రితం పెళ్లి చేసుకున్న అదితి షిర్వైకర్ , మోహిత్ మాలిక్ జంట కూడారీసెంట్ గానే తమ ప్రెగ్నెన్సీని అనౌన్స్ చేశారు. రాబోయే సమ్మర్ లో మా బిడ్డను చూస్కోబోతున్నాం అంటున్నారు. ఇలా స్టార్ కపుల్స్ ఎప్పుడెప్పుడు పుట్టబోయే పిల్లల్ని చూస్కుందామా అంటూ తెగ ఎక్సైటెడ్ గా వెయిట్ చేస్తున్నారు.