మొత్తానికి అన్న మాట నిలబెట్టుకుంటున్నాడు మోస్ట్ వాంటెడ్ భాయ్. సల్మాన్ ఖాన్ వాంటెడ్ మూవీ కి అనఫీషియల్ సీక్వెల్ గా తెరకెక్కిన రాధే మూవీ రిలీజ్ కు రెడీ అవుతోంది. ప్రతి రంజాన్ పండుగకి తన సినిమా రిలీజ్ చేసి జోష్ పెంచే సల్మాన్ ..లాస్ట్ ఇయర్ మిస్ అయినా ఈ సారి మాత్రం డబుల్ యాక్షన్ పవర్ ప్యాక్డ్ రోలర్ కోస్టర్ రైడ్ ని రెడీ చేస్తున్నారు.

దబాంగ్ 3 హిట్ తర్వాత ప్రభుదేవాతోనే రాధే సినిమా కమిట్ అయ్యారు సల్మాన్. దిశా పటానీ జంటగా చేసిన్న ఈ సినిమా హై ఓల్టేజ్ యాక్షన్ తో తెరకెక్కి ఆడియన్స్ లో ఎక్స్ పెక్టేషన్స్ పెంచేసింది. ప్రతి సంవత్సరం ఈద్ కి కంపల్సరీగా సినిమా రిలీజ్ చేసే సల్మాన్ లాస్ట్ ఇయర్ కోవిడ్ తో మిస్ అయ్యారు . అందుకే ఈ సంవత్సరం రాధే తో డబుల్ యాక్షన్ ఎంటర్ టైన్ మెంట్ ఇస్తానంటున్నారు సల్మాన్ ఖాన్ .

సల్మాన్ ఖాన్ హీరోగా సిజిలింగ్ బ్యూటీ దిశా పఠానీ హీరోయిన్ గా , రణదీప్ హుడా విలన్ గా తెరకెక్కిన ఈ యాక్షన్ ఎంటర్ టైనర్ ప్రభుదేవా డైరెక్షన్లో ఈ రంజాన్ మే 13 న రిలీజ్ కు రెడీ అవుతోంది. రాధే నిజానికి లాస్ట్ ఇయర్ రంజాన్ కే రిలీజ్ ప్లాన్ చేసినా లాక్ డౌన్ లో అది కుదరలేదు . అయితే ఈ సంవత్సరం కూడా కోవిడ్ సెకండ్ వేవ్ తో రిలీజ్ కష్టమనుకున్నారు కానీ సల్మాన్ మాత్రం సినిమాని మే 13నే అటు ధియేటర్లో, ఇటు పే పర్ వ్యూ పద్ధతిలో డిష్ టీవీ, టాటా స్కై, డి టు హెట్, జీ ప్లెక్స్, ఎయిర్ టెల్ డిజిటల్ వంటి వాటిలో రిలీజ్ కానుంది.

సల్మాన్ సినిమా ..ఆపై సౌత్ డైరెక్టర్ ప్రభుదేవా కాంబినేషన్ ..మరి ఈ క్రేజీ కాంబినేషన్ కి సౌత్ టచ్ లేకుండా ఎలా ఉ:టుంది. ఇప్పటికే రిలీజ్ అయిన ట్రైలర్ లో ప్రభుదేవా-సల్మాన్ కాంబినేషన్ లో ఫస్ట్ వచ్చిన వాంటెడ్ మూవీ క్రేజీ డైలాగ్ వాడేశారు . అంతే కాదు .. సల్మాన్ కి కూడా సౌత్ మీద ఇంట్రస్ట్ ఉండడంతో తెలుగులో సూపర్ హిట్ అయిన డిజె మూవీ లో బన్నీ సీటీమార్ సాంగ్ మీద మనసు పడ్డారు.

తెలుగులో సూపర్ హిట్ అయిన సీటీ మార్ సాంగ్ ని సల్మాన్ ఖాన్ తన రాదే సినిమాలో వాడేసుకున్నారు. బాలీవుడ్ వెళ్లినా, ఏ స్టార్ హీరోతో సినిమా చేసినా, సౌత్ టచ్ , ఫ్లేవర్ తోనే సినిమాలు కంటిన్యూ చేస్తున్న ప్రభుదేవా .. సీటీ మార్ సాంగ్ తో సల్మాన్ చేత స్టెప్పులేయించి ఇటు సౌత్ ఆడియన్స్ ని కూడా ఫిదా చేశారు. సల్మాన్ ఖాన్ ఫ్యాన్స్ కి ముందే ప్రామిస్ చేసినట్టు ..ఫుల్ పవర్ ప్యాక్డ్ యాక్షన్ ఎంటర్ టైనర్ ని ఈద్ కి థియేటర్లోకి తీసుకొస్తున్నారు.

బాలీవుడ్ కండ‌ల వీరుడు స‌ల్మాన్ ఖాన్ తాజా చిత్రం రాధే. యాక్ష‌న్ ఎంట‌ర్‌టైన్‌మెంట్‌ మూవీగా ఈ ప్రాజెక్ట్ ను కొరియోగ్రాఫర్ ప్లస్ డైరెక్టర్ ప్రభుదేవా తెర‌కెక్కిస్తున్నాడు. ‘వాంటెడ్’, ‘దబాంగ్ 3’ హిట్స్ తర్వాత వీళ్లిద్దరి కాంబోలో వస్తున్న చిత్రమిది. నిజానికి గతేడాదే రాధే షూటింగ్ పూర్తైంది. కానీ క‌రోనా కారణంగా రిలీజ్ వాయిదా ప‌డింది. తాజాగా మూవీ మేక‌ర్స్ రాధే మూవీ విడుదల తేదీని ప్ర‌క‌టించారు. ఈద్ పండుగ సందర్భంగా మే 13న రాధేను ప్రపంచవ్యాప్తంగా విడుద‌ల చేయ‌నున్న‌ట్టు ప్రకటించారు,
అయితే మే 13న చిరంజీవి, చరణ్ నటిస్తోన్న ఆచార్య రిలీజ్ డేట్ ఫిక్స్ చేసుకుంది. ‘రాధే’ కూడా అదే రోజున రాబోతుంది. ఆచార్య ఎలాగూ తెలుగు ప్రేక్షకుల మీదే దృష్టిసారించింది. చిరూకి ఎలాంటి నష్టం ఉండకపోవచ్చు. ఎటొచ్చి ఇక్కడ సల్మాన్ కి చుక్కెదురయ్యే ఛాన్స్ కనిపిస్తుంది. దిశాప‌టానీ హీరోయిన్ గా నటిస్తున్న రాధేలో ర‌ణ్ దీప్ హుడా, మేఘా ఆకాష్, జాకీ ష్రాఫ్ కీల‌క పాత్ర‌ల్లో కనిపించనున్నారు.

‘ఏక్‌ థా టైగర్, టైగర్‌ జిందా హై’ సినిమాల తర్వాత మరోసారి కండలవీరుడు సల్మాన్ ఖాన్ ఏజెంట్‌ టైగర్‌గా మేకప్ వేసుకోనున్న సంగతి తెలిసిందే. టైగర్‌ సిరీస్ లో వస్తోన్న మూడో సినిమా ‘టైగర్‌ 3’. డైరెక్టర్ మనీష్‌ శర్మ దర్శకత్వం వహించనున్న ఈ ప్రాజెక్ట్ లో కత్రినా కైఫ్‌ హీరోయిన్. అయితే తాజాగా ఈ సినిమాకి సంబంధించి మరో క్రేజీ అప్ డేట్ వచ్చింది.
సీరియల్ కిస్సర్ ఇమ్రాన్‌ హష్మీ టైగర్3లో విలన్‌గా నటింటబోతున్నారు. కండలవీరుడిని ఢీకొట్టే క్రూరమైన ప్రతినాయకుడిగా ఇమ్రాన్‌ రోల్ ఉంటుందట. వచ్చే మార్చి నెలలోనే ఈ ప్రాజెక్ట్ షూటింగ్ ప్రారంభానికి ముహూర్తం ఖరారు చేసారు. ముంబైలో ఫస్ట్ షెడ్యూల్‌ తర్వాత దుబాయ్‌ లో మిగిలిన భాగాన్ని చిత్రీకరించనున్నారు మేకర్స్. దాదాపు 350 కోట్ల రూపాయల భారీ బడ్జెట్‌తో టైగర్ 3ను నిర్మించనుంది యశ్ రాజ్ ఫిల్మ్స్.

పులి అంటే టైగర్…అవును ఏజెంట్ టైగర్ గా కనిపించేందుకు సిద్ధమవుతున్ను సల్మాన్ ఖాన్. గతంలో ఆయన నటించిన ఏక్ థా టైగర్, టైగర్ జిందా హై సినిమాలు సూపర్ హిట్స్ గా నిలిచాయి. కాగా తాజాగా మరోసారి టైగర్ అవతారం ఎత్తుతున్నారు. దుబాయ్ వేదికగా మార్చి నెలలో ప్రారంభంకానుందీ ప్రాజెక్ట్. డైరెక్టర్ మనీశ్ శర్మ డైరెక్ట్ చేస్తుండగా…యశ్ రాజ్ సంస్థ నిర్మించనుంది. పొడుగు కాళ్ల సుందరి కత్రినా కైఫ్ మరోసారి సల్మాన్ సరసన నటించబోతుంది. తొలి రెండు సినిమాల కంటే భారీ బడ్జెట్ తో ఈ కొత్త చిత్రాన్ని ప్లాన్ చేస్తున్నారు మేకర్స్. ప్రారంభ షూటింగ్ లోనే యాక్షన్ సన్నివేషాలని షూట్ చేయాలనుకుంటున్నారట. ఇక ఈ సినిమాను 2022 రంజాన్ కానుకగా ప్రేక్షకుల ముందుకు తీసుకురానున్నారు.