కరోనా మరోసారి బుసలు కొడుతోంది. ఇండియాలో సెకండ్ వేవ్ కారణంగా ఇప్పటికే మహారాష్ట్ర వంటి ప్రాంతాల్లో నైట్ కర్ఫ్యూ, వీకెంట్ లాక్ డౌన్ వంటివి అమలవుతున్నాయి. కేసులు కూడా అంతకంతకూ పెరుగుతుండటంతో జనాలను కంట్రోల్ చేసే పనిలో పడ్డాయి ప్రభుత్వాలు. ఈ నేపథ్యంలో ఫిల్మ్ ఇండస్ట్రీకి మళ్లీ షాక్ తగిలింది. పెద్ద సినిమాలు రిలీజ్ చేయాలంటే మళ్లీ భయం మొదలైంది. దీంతో ఇప్పటికే రిలీజ్ డేట్స్ ప్రకటించిన మేకర్స్ పునరాలోచనలో పడుతున్నారు.

ఏప్రిల్ 16న రిలీజ్ కావాల్సిన లవ్ స్టోరీ వాయిదాపడింది. కరోనా తీవ్రత తగ్గాక ఎప్పుడు థియేటర్స్ కి వచ్చేది చెప్తామన్నారు నిర్మాతలు. వకీల్ సాబ్ దూసుకుపోతున్నా…రేపు ఎలా ఉంటుందో అన్న భయం దర్శకనిర్మాతలపై పడింది. అందుకే టక్ జగదీష్, విరాటపర్వం, ఆచార్య వంటి సినిమాల రిలీజ్ డేట్స్ కూడా మారే ఛాన్స్ ఉంది. ఇక అల్లు అర్జున్ పుష్ప సైతం ఆగస్టులో రావడం కష్టంగానే కనిపిస్తోంది. ఈ పరిస్థితుల్లో హడావుడీగా పనిచేయడం కంటే డిసెంబర్ లేదా జనవరిలో రిలీజ్ డేట్ పెట్టుకుంటే నెమ్మదిగా పనిచేస్తూ…ప్రమోషన్స్ కూడా హెవీగా చేసుకునే వీలుంటుందని భావిస్తున్నారట సుకుమార్. అందుకే బన్నీ బర్త్ డే సందర్భంగా రిలీజ్ చేసిన పుష్పరాజ్ టీజర్ లో రిలీజ్ డేట్ చూపించలేదు.

పాన్ ఇండియా సినిమాల పరిస్థితి ఆందోళనకరంగానే ఉంది. రాధేశ్యామ్, కేజీఎఫ్ 2, మేజర్ వంటి సినిమాలు పునరాలోచనలో ఉన్నాయి. ఎందుకంటే అక్షయ్ కుమార్ సూర్యవంశీ, సల్మాన్ ఖాన్ రాధే వంటి సినిమాలకే తిప్పలు తప్పట్లేదు. పైగా ఓవర్సీస్ బిజినెస్ కూడా ఆశాజనకంగా లేదు. మాస్టర్, జాతిరత్నాలు మాత్రమే ఓవర్సీస్ లో బిజినెస్ చేసాయి. ఉప్పెన యూఎస్ఏలో పర్వాలేదనిపించింది. ఇలాంటి పరిస్థితుల్లో అనుకున్న రోజే సినిమాను తీసుకురావాలంటే ఒకటికి రెండుసార్లు ఆలోచిస్తున్నారు దర్శకనిర్మాతలు.

ఇప్పుడు రొడ్డకొట్టుడు సినిమాలని జనం నిర్ధాక్షిణ్యంగా పక్కన పెట్టేస్తున్నారు. కొత్త పాయింట్, ఆకట్టుకునే కథనం ఉంటే తప్ప అంగీకరించట్లేదు. అయితే ప్రేక్షకులను అలరించడానికి ఏవో ట్విస్ట్ పాయింట్లను అటాచ్ చేస్తున్నారు దర్శకులు. కొత్త కొత్త పాయింట్లను తెరమీదికి తీసుకొస్తున్నారు. కొన్నింటికి ఆడియెన్స్ ఎస్ చెప్తుంటే…మరికొన్నింటికి నో అనేస్తున్నారు. ఇప్పుడలాగే ‘లవ్ స్టోరి’తో మన ముందుకు వస్తున్నారట శేఖర్ కమ్ముల.
తాజాగా బెంజ్ కార్ గిఫ్ట్ అందుకున్న బుచ్చిబాబు సానా ఓ డిఫరెంట్ పాయింట్ ను ‘ఉప్పెన’లో చూపించాడు. అయితే సినిమా రిలీజ్ కు ముందే ఈ ‘కటింగ్’ సీన్ గురించి జనాల్లో చర్చ మొదలైంది. హింట్ ఇచ్చి ప్రేక్షకులను ముందే ప్రిపేర్చేసారు. చివరికి జనాలు అంగీకరించారు కూడా.
రీసెంట్ గా రిలీజైన ‘చావు కబురు చల్లగా’ చిత్రంలో సైతం ఓ డిఫరెంట్ పాయింట్ ను టచ్ చేసాడు డైరెక్టర్. భర్త చనిపోయిన స్త్రీ వెంటపడటం నుంచి తల్లికొడుకులు కలిసి మందు తాగడం వరకు..అంతేకాదు హీరో తల్లికి వేరే వ్యక్తితో సంబంధం వంటి ఆడ్ ముచ్చట్లను తెరకెక్కించాడు. కానీ ప్రేక్షకులు ఆదరించలేకపోతున్నారు.

మరోవైపు త్వరలోనే రిలీజ్ కాబోతున్న నాగ చైతన్య-సాయిపల్లవి కాంబో మూవీ ‘లవ్ స్టోరీ’లో కూడా ఓ డిఫరెంట్ పాయింట్ ను టచ్ చేసారట శేఖర్ కమ్ముల. చాలాకాలంగా జనాల్లో నలుగుతున్న ఓ ఆడ్ పాయింట్ ని లవ్ స్టోరికి అటాచ్ చేసారట. మరి దీనిని ఎలా ప్రేక్షకులు రిసీవ్ చేసుకుంటారో చూడాలి.

యూట్యూబ్ లో రచ్చచేస్తోంది సాయి పల్లవి సారంగదరియా. రెండు వారాల కిందట రిలీజైన ఈ సాంగ్‌ యూట్యూబ్‌లో 50 మిలియన్ల వ్యూస్‌ క్రాస్‌ చేసి సరికొత్త రికార్డ్ క్రియేట్ చేసింది. నిన్నమొన్నటి వరకూ ఈ పాట మీద రేగిన కాంట్రవర్సీ కూడా దీనికి కొంత హెల్ప్ చేసింది. అది సద్దుమణిగినా సాయి పల్లవీ ఎక్స్ ప్రెషన్స్, డాన్స్ ..మంగ్లీ గానం ప్రేక్షకుల్ని ఆకట్టుకుంటున్నాయి. అందుకే సారంగ దరియా యూట్యూబ్ ట్రెండింగ్ గా సంచలనం సృష్టిస్తోంది.

టాలీవుడ్ ప్రముఖులు రాజశేఖర్, ఏఎం రత్నం, శేఖర్ కమ్ముల బర్త్ డే నేడు. ఈ సందర్భంగా వీరికి ఇండస్ట్రీ నుంచి శుభాకాంక్షలు వెల్లువెత్తుతున్నాయి. హీరో రాజశేఖర్ బర్త్ డే కానుకగా ఆయన నటిస్తోన్న శేఖర్ మూవీ ఫస్ట్ లుక్ రిలీజ్ చేసారు మేకర్స్. కొత్త దర్శకుడు లలిత్ ఈ సినిమాను తెరకెక్కిస్తున్నాడు.

ఇక ఏఎం రత్నం పుట్టినరోజున పవన్ కళ్యాణ్ స్పెషల్ విషెస్ తెలియజేసారు. ఖుషి వంటి బంపర్ హిట్ ఉంది వీళ్లద్దరి కాంబినేషన్లో. తాజాగా క్రిష్ దర్శకత్వంలో పవన్ కళ్యాణ్ నటిస్తోన్న సినిమాను ఏఎం రత్నం ప్రొడ్యూస్ చేస్తున్నారు. ప్రస్తుతం ఈ మూవీ సెట్స్ పై ఉంది. నిధి అగర్వాల్, జాక్వెలిన్ ఫెర్నాండెజ్ హీరోయిన్సు కాగా…చారిత్రక నేపథ్యంతో ఈ చిత్రాన్ని తెరకెక్కిస్తున్నారు క్రిష్.

సున్నిత భావోద్వేగాలను వెండితెరపై ఆవిష్కరించే శేఖర్ కమ్ముల ఏప్రిల్ 16న తన లవ్ స్టోరితో ప్రేక్షకుల ముందుకు రాబోతున్నారు. ఫిదా వంటి సూపర్ హిట్ తర్వాత శేఖర్ స్కూల్ నుంచి రాబోతున్న చిత్రం కావడంతో భారీ అంచనాలే ఉన్నాయి. అందులో సాయి పల్లవి, నాగచైతన్య కాంబినేషన్ కొత్తగా కనిపిస్తోంది. దీంతో బర్త్ డే బాయ్ శేఖర్ కమ్ములకి హిట్ రావడం ఖాయమంటోంది సినీఇండస్ట్రీ.

వేసవిలో విడుదలకు సిద్ధమైంది లవ్ స్టోరి. నాగచైతన్య, సాయిపల్లవి జోడిగా శేఖర్‌ కమ్ముల తెరకెక్కించిన ‘లవ్‌స్టోరీ’ మూవీ ‘ఏప్రిల్‌ 16’న రిలీజ్ చేస్తున్నట్టు ప్రకటించారు. ఈ సందర్భంగా ఈ మూవీకి సంబంధించిన సరికొత్త పోస్టర్‌ను రిలీజ్ చేసారు. శ్రీవెంకటేశ్వర సినిమాస్‌ ఎల్‌ ఎల్‌ పి, అమిగోస్‌ క్రియేషన్స్‌ పతాకాలపై పి.రామ్మోహన్‌ రావు, నారాయణ్‌దాస్‌ కె నారంగ్‌ ఈ సినిమాను నిర్మిస్తున్నారు. ఇక ఇప్పటికే రిలీజైన మూవీ ఫస్ట్‌లుక్‌ తో పాటూ ‘ఏయ్‌ పిల్లా..’ పాటకు విపరీతమైన క్రేజ్ దక్కింది.
నాగచైతన్య, సాయిపల్లవి జంటకు మంచి మార్కులే పడ్డాయి. టీజర్ లోని వీళ్లిద్దరి ఇంట్రడక్షన్ కి యూత్ బాగానే కనెక్టయింది. ప్రేమ, భావోద్వేగాలు, బంధాలు, గోల్…ఇలాంటి అంశాలతో కట్టిపడేసే శేఖర్ కమ్ముల లవ్ స్టోరీతోనూ ఆకట్టుకుంటారని అంటున్నారు. ఈశ్వరీ రావు, రాజీవ్‌ కనకాల, దేవయాని వంటి వారు ప్రధాన పాత్రల్లో నటిస్తున్న ఈ చిత్రానికి పవన్‌ సి హెచ్‌ సంగీతం అందిస్తున్నారు.


కమ్ముల స్కూల్ నుంచి రాబోతున్న ‘లవ్ స్టోరీ’ యూట్యూబ్ లో ట్రెండ్ సృష్టిస్తోంది. కేవలంలో తెలుగులో రిలీజ్ చేసిన ఈ మూవీ టీజర్ ఒక్క రోజులో 6మిలియన్ వ్యూస్ వైపు దూసుకెళ్తుంది. సున్నితమైన భావోద్వేగాలతో ప్రేక్షకుల నాడి పట్టుకోవడం శేఖర్ కమ్ములకి ప్రేమతో పెట్టిన విద్య. ఇప్పుడలాగే సాయిపల్లవి, నాగచైతన్యలతో మ్యాజిక్ క్రియేట్ చేసారు. రేవంత్, మౌనికలుగా వీళ్లిద్దరినీ అద్భుతంగా మలిచారు. ‘జీరోకెల్లి వచ్చిన సార్…చాన కష్టపడతా’ అనే డైలాగ్ తో చై పరిచయం కాగా, ‘జాబ్ గ్యారంటీగా వస్తుందనుకున్నానే’ అంటూ సాయిపల్లవి ఎంటరైంది.
టీజర్ చూస్తుంటే మధ్యతరగతి కష్టాలు, ప్రేమలను తెరపై ఆవిష్కరించబోతున్నంటు తెలుస్తోంది. రేవంత్ , మౌనిక స్నేహం, ప్రేమ ప్రయాణం, కష్టసుఖాలు, గోల్ రీచ్ కావడం కోసం చేసే కృషి ఇలా ఆద్యంతం లవ్ స్టోరీని అందంగా మలిచినట్టు అర్థమవుతుంది. హీరోహీరోయిన్లు ఊరు నుంచి పారిపోవడం, ‘ఏందిరా నన్ను వదిలేస్తావా’ అనే సన్నివేషాలతో ఉద్వేగానికీ గురిచేసారు. చూద్దాం..మరి త్వరలోనే రిలీజ్ డేట్ ఫిక్స్ చేసుకోబోతున్న ఈ మూవీ ఎలాంటి సెన్సేషన్ క్రియేట్ చేస్తుందో…

అపురూప ప్రేమ కథలకి…సున్నితమైన భావోద్వేగాలను జోడించి తనదైన శైలిలో తెరకెక్కించే డైరెక్టర్ శేఖర్ కమ్ముల. ఆయన నుంచి రాబోతున్న మరో మంచి సినిమా ”లవ్ స్టోరి”. ఈ బ్యూటిఫుల్ ప్రేమ కథలో నాగ చైతన్య, సాయి పల్లవి జంటగా నటిస్తున్న విషయం తెలిసిందే. ఫ్యాన్స్ తో పాటు సినీ ప్రేక్షకుల్లో ఈ సినిమాపై భారీ అంచనాలున్నాయి.‘‘ఫిదా’’ తర్వాత శేఖర్ కమ్ముల తీస్తున్న సినిమాకావడం. నాగ చైతన్యకి తోడు సాయి పల్లవి వంటి స్టార్ కాస్టింగ్ ఉండటం ఈ ఎక్స్ పెక్టేషన్స్ ఓ రేంజ్ లో పెంచేసింది. రాజీవ్ కనకాల, దేవయాని, ఈశ్వరీ రావు… ఇతర కీలక పాత్రల్లో నటిస్తున్నారు. ఆల్రెడీ రిలీజైన ఫస్ట్ లుక్ ,ఏయ్ పిల్లా లిరికల్ సాంగ్ కు సూపర్ రెస్పాన్స్ వచ్చింది..
షూటింగ్ మొత్తం కంప్లీట్ చేసుకున్న ఈ మూవీ ప్రస్తుతం పోస్ట్ ప్రొడక్షన్ పనుల్లో బిజీగా ఉంది.
ఇక ఎప్పుడెప్పుడా అని వెయిట్ చేస్తున్న టీజర్ అప్ డేట్ రానే వచ్చింది. జనవరి 10న ఉదయం 10:08 గం.లకు ‘‘లవ్ స్టోరీ’’ టీజర్ను విడుదల చేయనున్నారు. ఈ అనౌన్స్ మెంట్ తో పాటు ఓ లవ్ లీ పోస్టర్ ను వదిలింది మూవీ టీమ్. ఇందులో
నాగచైతన్య చెవిలో సాయి పల్లవి ఏదో చెబుతోంది. చూడ ముచ్చటగా ఉన్న ఈ పోస్టర్ ప్రెజెంట్ సోషల్ మీడియాలో వైరల్ గా మారింది.