నేడు భారతీయ చలనచిత్ర అగ్రనిర్మాత డాక్టర్ శ్రీ రామానాయుడు గారి వర్ధంతి. టాలీవుడ్ పరిశ్రమలోకి నిర్మాతగా అడుగు వేసి… దేశవ్యాప్తంగా అనేక భాషలలో చిత్రాలు నిర్మించి తెలుగు సినిమా స్థాయిని పెంచిన ప్రొడ్యూసర్ రామానాయుడు గారు. ఫిబ్రవరి 18న రామానాయుడు గారి వర్ధంతి వేళ… ఫిల్మ్ నగర్ లో రామానాయుడు గారి విగ్రహానికి ఆయన కుమారుడు ప్రముఖ ప్రొడ్యూసర్ సురేష్ బాబు, ఫిల్మ్ నగర్ హౌసింగ్ సొసైటీ సెక్రటరీ కాజా సత్యనారాయణ, సంతోషం పత్రిక అధినేత ప్రొడ్యూసర్ సురేష్ కొండేటి ఘనంగా నివాళులు అందించారు.

నక్సలైట్ నాయకుడిగా రానా కదంతొక్కనున్న విరాటపర్వం ఏప్రిల్ 30వ తేదీని బుక్ చేసుకుంది. ఆమధ్య రిలీజైన ఈ మూవీ ఫస్ట్ గ్లింప్స్ తోనే ఆసక్తికరంగా మారింది. చిత్రం ప్రారంభమైన రోజు నుంచి హాట్ టాపిక్ గా మారినా…1990ల నాటి నక్సలిజం నేపథ్యాన్ని కనెక్ట్ చేసి ఇంట్రెస్టింగ్ గా మలచడంతో జనాల్లో ఉత్కంఠను రేపుతోంది. అడవుల్లో ఉంటూ మావోయిస్టులు జరిపిన పోరాటం, ఉద్యమస్ఫూర్తిని రగిలిస్తున్న రానా రూపం, సాయిపల్లవి క్యారెక్టరైజేషన్, నందితాదాస్, ప్రియమణి, నివేదా పేతురాజ్… ఇలా విరాటపర్వంలో ఎవరికి వారే ప్రత్యేకం.

ఇలాంటి అతి ప్రత్యేక చిత్రాలు ఆవిష్కరిస్తూ గుర్తింపుతెచ్చుకున్న డైరెక్టర్ వేణు ఉడుగుల ఈ ప్రాజెక్ట్ కోసం బాగా శ్రమిస్తున్నాడని టాక్. హీరోహీరోయిన్లను మునుపెన్నడూ చూడనట్టు ముస్తాబు చేయడంతో పాటూ ఈ మూవీ రిలీజ్ తర్వాత వేణు దర్శకత్వ ప్రతిభను చూసి జనం చప్పట్లు కొడతారనే గట్టినమ్మకాన్ని కనబరుస్తోంది చిత్రయూనిట్. ఇక డి సురేష్ బాబు ఈ చిత్రాన్ని సమర్పిస్తుండగా.. ఎస్.ఎల్.వి సినిమాస్ సుధాకర్ చెరుకూరి నిర్మిస్తున్నారు. సురేష్ బొబ్బిలి సంగీతం అందిస్తున్నారు. మరి మంచి నటులను ఎంపిక చేసుకొని విరాటపర్వాన్ని సృష్టిస్తున్న వేణు ఉడుగుల ఏప్రిల్ 30న ఎలాంటి సక్సెస్ అందుకుంటారో తెలుస్తుంది.

కొరియన్ మూవీ లక్ కీ ను రీమేక్ చేస్తున్నట్టుగా అధికార ప్రకటన చేసింది సురేష్ ప్రొడక్షన్స్. కీ ఆఫ్ లైఫ్ అనే జపనీస్ సినిమాకిది రీమేక్. హీరో సెంట్రిక్ గా సాగే ఈ కామెడీ థ్రిల్లర్ లో తెలుగు హీరోని, అగ్ర దర్శకుడిని కూడా ఫైనల్ చేసారు. అయితే వాళ్లిద్దరూ ఎవరన్నది ఇప్పుడు సస్పెన్స్ గా మారింది. అయితే రానా హీరోగా నందిని రెడ్డి ఈ మూవీని డైరెక్ట్ చేయబోతున్నారనే గుసగుసలు వినిపిస్తున్నాయి.

మిస్ గ్రానీని ఓ బేబీగా మార్చి సూపర్ హిట్ అందుకున్నారు నందినీరెడ్డి. ఇదే సురేష్ ప్రొడక్షన్స్ సంస్థ ఓ బేబీని నిర్మించింది. సమంతా ఓ రేంజ్ గుర్తింపును సంపాదించింది. ఇప్పుడిలానే హీరో బేస్డ్ మూవీ లక్ కీ ని నందినీరెడ్డి తెరకెక్కిస్తే బాగుంటుందని భావించారట సురేష్ బాబు. అందుకే ఆమెనే సంప్రదిచ్చినట్టు తెలుస్తోంది.

ఇక అన్నిరకాల ఎమోషన్స్ పలికించే ఛాన్స్ ఉంటుంది ఈ సినిమాలో హీరో పాత్రకి. రానాకి అయితే నటుడిగా మరో మెట్టు ఎక్కేందుకు తోడ్పడుతుందని అనుకుంటున్నారట. అందుకే రానాను హీరో పాత్ర కోసం ఫిక్స్ చేసినట్టు టాక్. ప్రస్తుతం లక్ కీకి సంబంధించి స్క్పిప్ట్ వర్క్ జరుగుతుంది. భారతీయ భాషలన్నింటిలోనూ ఈ ప్రాజెక్ట్ కు సంబంధించి రీమేక్ రైట్స్ ను దక్కించుకున్నారు సురేష్ బాబు. దీన్నో పాన్ ఇండియన్ మూవీగా మలిచేందుకు సన్నాహాలు జరుగుతున్నాయి.